اقتباس:
المشاركة الأصلية كتبت بواسطة Amoon~SJ
السلااااااااااااااااااام عليكم..
>>ترا ماعندي وقت فبقول اللي عندي بسرعة^^"
أنا عنصر محايد ولست من فانز أي ثنائي:kesha:
الثنائيات اللي انتو حاطينها براسكم برأيي(وهذا رأيي الخاص)مارح تنجح..
يعني ما بعتقد ينتهي المسلسل بنجاح هذي الثنائيات(ناروهينا او ساسوساكو)
يعني برأيي الموضوع حيصير سخيف اذا انتهت الحرب وقلبها كيشي رومانسية
ناروتو الغاية منه مش قصص حب بل قصص عظيمة ومبادئ إنسانية هادفة كيشيموت حابب يوصلها لنا
حتى تصنيف هالانمي مش رومنسي..
أكيد أغلبكم بقول حتى لو التصنيف مو هيك ما بمنع يكون فيه قصة حب ناجحة بالمسلسل بس أنا بقوللكم
ملاحظة:هذا رأيي الخاص وانا حرة فيه
أصلا هذي العلاقات اللي انتو مفترضينها جميعها فاشلة لانها من طرف واحد كما قلت سابقا في رد قديم لي بالموضوع
وقاعدتي: الحب اللي من طرف واحد نهايته الزوال والفشل..
بس طيب..مو مشكلة خليني أمشي معاكم بنفس طريقة تفكيركم على أساس انه هاي العلاقات رح تتم على خير..
رح أبدأ أحلل..خلونا نشوف:
في (ناروهينا):
هيناتا تحب ناروتو لكن ناروتو لايبادلها نفس الشعور(مش يعني بكرهها بس ما بحبها بنفس الطريقة اللي هي بتحبه فيها يعني هي زميلة وصديقة غالية مش اكتر بالنسبة له)
(ساسوساكو):
ساكورا تحب ساسكي ولكن برضو ساسكي لا يبادلها نفس المشاعر حتى ولو بتعز عليه
(ناروساكو):
ناروتو يحب ساكرا لكنها لا تبادله نفس هذه المشاعر مع انها بتعزه وبتخاف عليه
إذا لحتى تنجح هالعلاقات لازم واحد من اللي باللون الاحمر يغير رأيه
لو نفكر بواحد واحد:
ناروتو:
مستحيل يغير رأيه ويترك ساكرا...هو مخلص جدا جدا لها ومن أول المسلسل بدوياها مو معقول على النهاية يقلب مرة وحدة لهيناتا صح والا؟
ناروتو انسان عنيد ومستحيل يغير اللي براسه..
وبعدين ناروتو بطل المسلسل لازم يحقق أحلامه زي ابوه اللي صار هوكاغي وتزوج باللي يحبها
like father like son^^
إذا ناروتو ما رح يتغير!
ساسكي:
بس عندي طلب.. تخيلو ساسكي رومنسي وطالع في موعد مع ساكرا!!!
بالله عليكم ساسكي بسوي هيك حركات؟؟
ساسكي انسان جدا غامض جدا هادئ جدا كتوم جدا جدي وقليلا متعجرف..
بتتخيلو شخصية بهالشكل ممكن تكون رومنسية؟سواء مع ساكرا او غيرها..
ساسكي كان على هالحال من الصغر وإلى الآن يعني ايش اللي بغيره بالله عليكم؟؟
حتى لو مخه اشتغل صح ورجع لكونوها ما أعتقد انه بكون بهالنوعية..
لو تلاحظو شخصيته بفيلم (road to ninja) الشخصية اللعوبة ولكن كيشي ماخلاه زيما هو هادئ وغامض +لعوب..
قلب شخصيته كلها وصار واحد مرح عشان تتناسب مع شخصية اللعوب..
إذا ساسكي ما رح يغير رأيه!
ساكرا:
ساكورا من البداية تحب ساسكي والى الآن على الرغم من أنه حاول قتلها!
مجرد انه حاول قتلها ولسه بتحبه مافي شي بيغيرها..
اذا ساساكي اللي هو حبيبها مو بس تركها او تخلى عنها أو تجاهلها بل حاول قتلها!!
وبرضو لسه بتحبه إذا ايش اللي بيغيرها؟
ولكن! يبقى ناروتو! اللي قدر يغير نص الاشرار اللي بالمسلسل يمكن وانا اقول يمكن يغيرها
يعني مثلا تشوفه يتعارك ضد مادارا واوبيتو من اجلها مثلا او يعترف بحبه لها أو يسوي شي فيها يحرك مشاعرها وتصير تحبه^^
....................
المهم يا إخواننا اللي بدي أوصلله انو هاي الافتراضات اللي بتحطوها شكلها ما رح تنجح
وبرأيي أعتقد النهاية المناسبة للانمي اللي ما أتمنى انها تصير..
انو واحد من هالاربعة يموت (ناروتو-ساسكي-ساكرا-هيناتا)
لو جينا نفكر فيها موت أي واحد منهم رح يحل مشاكل كثيرة..
يعني مو معقولة هالحرب الكبيرة ما يكون فيها ضحايا من الابطال والا؟؟
(بس لاتفكرو اني وحدة ارهابية احب القتل وسفك الدماء)
لو فكرنا بالموضوع..
1-هيناتا لو تموت بكون أحسن مع اني رح ازعل عليها لانها وبصراحة ولا تزعلو مني..لانها تقف عقبة في طريق ناروتو
يعني اذا ناروتو راح لساكرا رح يتحطم قلبها..
وناروتو ما بدوياها يزعل بالتأكيد..
بعدين الكل بعرف انو كيشي ما بتخلى عن شخصياته الرئيسية بسهولة بس هيناتا مو شخصية رئيسية بقدر ناروتو وساسكي وسكرا
عشان هيك ممكن يتخلى عنها كيشي صح؟
وبعدين أحس الشخصيات الخجولة المسكينة الطيوبة زي هيناتا دائما تموت..
2-لو يموت ساسكي حيكون الحل الجذري للقصة لانه هالافندي يعني مش عارفة..
لو اقنعه ناروتو بالعودة بأي وجه رح يقابل اهل القرية بعد البلاوي اللي سواها؟
وكمان كيلر بي وأخوه ما اعتقد سامحوه..
وبتخيل لو ساسكي يصير طيب ويساعد ناروتو في قتل مادارا واوبيتو ويموت وهو يحمي ناروتو من ضربة أحدهم مثلا..
حتكون نهاية مأساوية لكن مناسبة جدا..ويقول كلماته الاخيرة المؤثرة ..مثلا هذا ما يستحقه خائن مثلي خخخ
او يقول سألحق بأخي...أو يعتذر من ناروتو بطريقة مقطعة للقلب ويموت يقوم ناروتو يبكي ويبكي ويعصب ويقتل اوبيتو ومادارا انتقاما لصديقه بس بتخيل ساسكي هو اللي يقتل مادارا يعني اوتشيها ضد اوتشيها^^
وبعدها لما يموت ساسكي ناروتو بيتفضى لساكورا وساكورا مافي قدامها احد غير ناروتو ^^
بس اذا مات ساسكي انا بيتقطع قلبي ><
3- لو ماتت ساكرا ..
بيكون حلو مع اني بحبها بس لو تموت وهي تضحي بحالها عشان تنقذ ناروتو او ساسكي .. وعادة بأي انمي البنت هي اللي بتموت بحس بيكون هيك أحلى
وهيك بتنحل مشاكل فانز ناروساكو وساسوساكو يعني ولا واحد بوخد ساكرا^^
ممكن ناروتو بعدها يشوف هيناتا مثلا..
4-لو مات ناروتو
لاااااااااااااااااا انا بموت وراه!!
بس برضو بتكون النهاية حلوة اذا مات بطل المسلسل أحس اي انمي يموت فيه البطل حتى لو تتقطع قلوبنا حتى لو النهاية تراجيدية مأساوية حزينة لكنها ناجحة^^
بتتذكرو كرتون عهد الاصدقاء اللي كان ييجي على سبيستون؟
هو مش انمي بس حبيت اجيبه كمثال لكرتون يموت فيه البطل وبرضو نهاية سعيدة..
يعني تخيلوا لو يموت بعد مايقتل مادارا واوبيتو ويجيب السلام لعالم النينجا..بتخيله رح يموت وهو مبتسم^^

بعدين أحب القصص اللي يموت فيها أحد الابطال سواء بطل رئيسي او لا
حتى انني موتت عدد من الابطال في قصتي:
شينوبي من نوع آخر(قصة ناروتو بالفلسطيني!!)
ياريت تقروها تراها حلوة واعجبت الكثيرين روحو دوروها بمواضيعي^^
>>احس إني قاعدة اسوي دعايات^^"
المهم..
انا كسرت يدي وكتبت كثيييييييييييييييييييييييير وبتمنى ما اكون طفشتكم بس بتمنى حدا يكون متفق معي وياريت تعطوني آراءكم باللي قلته
سلام

أخوي أذا مو عاجبك كلامنا ليش تتدخل و حاشر نفس أنتو هل الأيم تحبون القافة الزايدة أستغفر الله