|
Part 34
بيت ابوخالد
عند شموخ:آآآآآه بطني بموووت يوجعني بطنننننننني آآآآه<<<طااااحت بالارض
دق الباب
تالا:شمووخ يللا الغدا
ديالا:شموووخ شفيها هذي وينها ليه ماترد
تالا بعربجه :هيه وخري اهوو ... ماينفع معها الذرابه<<دزت الباب وشافوها طايحه بالسرير
ديالا تهزها:شموووخ...شموووخ
تالا:بسررررعه نادي ابوي واخواني
<<راحت نادتهم واخذوها عالمستشفى
قبل لاتروح
خذ احساسك
خذ انفاسك
بيت ابوفيصل
ابوفيصل قام من الغدا:الحمدلله
ام فيصل:على وين ياابوفارس مااكلت
ابوفيصل:الحمدلله كلت ...سفره دايمه
ام فيصل:بوجودك
شوي الا قام فيصل
ام فيصل:يمه فيصل شفيك كذا صاير ماتآكل يعني عاجبك شكلك ؟ لونك اصفر وحالتك حاله؟
فيصل:لاتخافين علي يما انا بخير
طبعا امه تدري فيه محد يحس ويدري بالولد الا الام تقرى عيالها بمجرد نظره:يما فيصل ابيك بخدمه
فيصل:آمريني يما
ام فيصل:ابيك تودي اوراق بنت عمك سيلين لان هالسنه تطبيق ولامستشفى قبلوها
فيصل الا هذي بعد انا اوديلها اوراقها:وليه هي ماعندها اهل يودون لها اوراقها؟
ام فيصل:موكذا ياوليدي بس انت هناك الحين صار لك كلمه ...عشاني يما الله يرضالي عليك
فيصل مايحب يرد امه:انشاء الله يما ترى بس عشانك
ام فيصل:رح يافيصل الله يسعدك ويسخر لك بنت الحلال اللي تسعدك......وانت يما سعيد روح بيت عمك واطلب منهم الملف
سعيد:انشاء الله اصلا كذا ولاكذا انا رايح لندور
منال:يما ماتلاحظين سيلين صارت نحفانه وشكلها متغير وحالتها صعبه<<طبعا تدري اللي فيها ياما شافت نظرات بعينها حب لفيصل بس ماكانت تقول
ام فيصل:ايه ..الله يعينها يارب
منال بضيق:يما تمنيتها لفصوول
ام فيصل:موكثري يابنيتي ...بس وش نسوي هذا النصيب
ليت المرض فيني ولافيك
يابنتي خذي الجاي من عمري
لان ابوك بحياته كلها راضي يفديك
............................
مكتب الدكتور
ابوخالد:ها يادكتور بشّر شلونها بنتي انشاء الله بخير؟
الدكتور يتنهد:طبعا كلنا نعرف ان كل شي بهالدنيا قضاء وقدر وانت انشاء الله يابوخالد رجل مؤمن بقضاء الله وقدره
ابوخالد:خير يادكتور وش صاير لها خوفتني
الدكتور:يأسفني اقولك ان بنتك تعاني من سرطان بالرحم<<الله يبعده عننا وعنكم قولو آمين
ابوخالد مصدوووم:وشوو سرطاان مره وحده .....دكتور سوي أي شي تكفى ...انا مستعد أسفرها لبرآ واعالجها بس اهم شي تطيب
الدكتور:ياابوخالد بنتك ماتتحمل السفر لبرآ.....وبعدين لازم نسويلها العمليه بااقرب وقت لان المرض اذا تأجل راح ينتشر ببقية جسمها.....طبعا انت عارف اذا استأصلنا من الرحم بنتك بعدها راح تكون عقيم.......والسبب أبر كانت تآخذها ولكن على حسب الفحوصات انها أخذتها على غير درايه بهالشي..اتمنى انك توافق وتعطينا القرار بدري اذا خايف على صحة بنتك
ابوخالد:لاحول ولاقوة الا بالله .....من جرف لدحديره ياقلبي لاتحزن....تعبت والله يادكتور من هالمصايب
الدكتور:اصبر وماصبرك الا بالله
ابوخالد:والنعم بالله
طلع ابوخالد من عند الدكتور
احمد:خير يايبا شقال الدكتور؟
ابوخالد بأسى:اختك يااحمد تعاني من سرطان بالرحم وبيستأصلون جزء من الرحم
احمد متأثر:لاحول ولاقوة الا بالله
ديالا وتالا وميرهان كانو بدوامه من البكى على اختهم ...صحيح انها كانت متجبره ومتكبره وماتحبهم بس تظل اختهم والظفر مايطلع من لحم
ميرهان تصيح:يبا قولهم انا اعطيها اللي تبيه روحي وحياتي اللي تبي بس تعيش يبا هذي اختي تعرفون وش معنى اختي...حراام ماشافت يوم حلو بحياتها
ديالا تصيح وتهديهم:خلاص ميرهان ادعوا لها
تالا تصيح بحضن ديلا:تذكرين يوم اهزها كانت ماسكه بطنها كانت تتألم...ياليته فيني ولافيهااا
ديالا:خلااص تالا ادعي لها
دق فيصل على احمد
فيصل:الووو حموود
احمد بصوت مخنوق:هلا فيصل
فيصل:شفيك يااحمد صوتك مخنوق؟
احمد:وش اقولك ياافيصل اختي شموخ بالمستشفى
فيصل:افااا وش فيها؟
احمد:اختي يافيصل عندها سرطاان بالرحم وبيستأصلونه لها
فيصل انصدم وكانت صدمه كبيره عليه:لاحول ولاقوة الا بالله
احمد:الحين انا بسكر يافيصل بروح اوقف مع ابوي
فيصل:زين يااحمد أي شي تحتاجه دق علي
احمد:مانستغني عنك ...فمان الله
...................................
اما عند العرسان
طلع فارس من الحمام راح لريم اللي مازالت نايمه:ريم ريومتي
طبع قبله على خدها<<يمديكم عالتعبير
وبعدها فتحت عيونها ...أهداها ورده حمره تعبر عن حبه الشديد المميت القاتل<<حسيت اني مجرمه بالتعبير
ريم باءبتسامه:مشكور ياحياتي
فارس:هااا وشوو عيدي تكفين عيدي
ريم مستحيه:مشكور حياتي
فارس:يالبييييييييه خفي علي شوي لايصير فيني شي.....تعرفين ريومتي اني ندمان على كل لحظه فاتت بعمري ماكنتي فيها
ريم بحيا: موكثري.... اممم تدري يافارس انك يوم كنت تجيب سيلين من المدرسه كنت معجبه فيك وبحبك لاختك قلت ياحظها اللي تاخذه
فارس:والله ياحظي انا فيك.......تدرين ان اول مره شفتك فيها يوم كنتي تكلمين امك برآ بملكة سارا ومن هذيك اللحظه مارحتي عن بالي....حسيت بذيك اللحظه ان امي داعيتلي ههههههه
ريم:هههههه
فارس قرب منها ورفع خصل شعرها وبهمس :والله احبك ....وطالعها من فوقها لتحت:وتعجبيني كذا كلك على بعضك و
.................................................. .................................................. .................................................. .................................................. .................................
سبحان من خلآك عادي بعيني
بعد ماكنت نظرهآ
ارسل فيصل لسيلين رساله
(لاتفهمين اللي سويته لك شي ثاني ....اصلا انا ماتعبت ولاسويت الاعشان امي طلبتني ولاانتي ماتعنيلي شي(دكتور فيصل)
........................
اما بالمستشفى
عرف خالد بموضوع اخته طبعا اول ماعرف حزن وكسرت خاطره مهما سوت فيني نظل اخوان ....ومثل ماقلنا الظرف مايطلع من لحم....رغم اللي سوته شموخ بسارا ورغم وقفها بطريقها الا انها كانت مصممه ومصره انها تجي تزورها
اما عملية شموخ كانت صعبه وتخوف والكل على اعصابه يدعي لها تقوم بالسلامه
خالد:هاا يبا شصار على شموخ
ابوخالد بألم:إإإيه ياولدي وش اقولك ...اختك معها سرطان بالرحم وبتصير عقيم
خالد:لاحول ولاقوة الا بالله<<تذكر خالد كلمة شموخ يوم قالت عن ساره:هذي عقيم مستحيل تجيب عياال<<عشان كذا ترى الدنيا دواره وبهالزمن الابتلاء كاثر الله يكفينا شر انفسنا بس
خالد:والحين هي شلونها
ابوخالد:ادعي لها ياخالد ادعي لها
خالد:الله يقومها بالسلامه ويشافيها
ابوخالد:خالد اسمع ياولدي روح انت الحين ودي خواتك البيت تعبوا من الوقفه لان اليوم مافي زياره وطمن جدتك بعد تلقاها المسكينه للحين مانامت ولاهدى لها بال
خالد:انشاء الله يبا
عند فيصل بالمستشفى
تم قبول سيلين بمستشفى...............
اللي يشتغل فيها فيصل بالتالي هو راح يكون مشرف على طلاب التطبيق
وهو مايعرف بالطبيب المقيم
فيصل:هذي اول خطوه للانتقام عشان تعرفين ان مانخلقت اللي تغدر وتخون فيصل
دق على نادر
فيصل:الوووو
نادر:كح كح غباااااار لحظه عطيني فرصه انظف الجوال من الغبررره.....ويييينك يارجال زمان عنك
فيصل:موجود بس تعرف مستشفى وقرف
نادر:الله يعينك
فيصل:ويعين الجميع .....اسمع نادر اختك انقبلت بالمستشفى ....والحين ابيك تطلع تآخذ ملفها
نادر:مشكوور يارجال عساك سالم يارب....خلاص الحين طالع لك
<<طلع له واخذ الملف وراح بشر امه اللي استانست لبنتها اللي هي اول دكتوره راح تصير بالعائله
مسكت سيلين بغرفتها ملفها وهي مبسووطه بتحقق حلمها وتكمل وتصير دكتوره......سيلين:معقووله فيصل للحين يحبني .....إلا اكيد يحبني والكلام اللي كتبه مومن قلبه اكيييد.....رفعت ملفها الا تطيح منه ورقه صغيره مسكتها وقرتها و.............................
خلــــــــــــص الباارت
ياترى وش ممكن يكون مكتوب بالورقه ؟؟
شموخ هل راح تتحسن حالتها اوتسوء؟؟
هل فيصل بعد ماادرى انها مريضه ..راح يصر ياخذها اوراح يصرف نظره عنها؟؟
|