09-17-2012, 12:51 PM
|
| |
part 35
ياخآين الود ليهـ
وش اللي قصرت فيه
مسكت سيلين بغرفتها ملفها وهي مبسووطه بتحقق حلمها وتكمل وتصير دكتوره......سيلين:معقووله فيصل للحين يحبني .....إلا اكيد يحبني والكلام اللي كتبه مومن قلبه اكيييد.....رفعت ملفها الا تطيح منه ورقه صغيره مسكتها وقرتها كان مكتوب فيها (قرب الوعد ...وصدقيني راح تندمين على كل اللي سويتيه ياللي قلبك ماعرف سوى الخيانه)المرسل (فيصل)
سيلين مصدوومه:معقوووله...يطلع منك هالكلام يافيصل ..؟ وشلون قلبك طاوعك تكتبه .. انا ماخنتك وربي شاهد علي انت اللي خنت الود ..الله يستر وش ناوي عليه
<<راح نعرف بعدين وش ناوي عليه
ادعي لكـ من كل قلبي
وطول وقتي اقول
الله يشفيك ويزيل همي
عند ابوخالد بالمستشفى
الدكتور:والله حالتها النفسيه صعبه....بس حبيت اسألك يابوخالد مين فيصل؟؟
ابوخالد:فيصل هذا ولد عمها ليه؟
الدكتور:انا اقول لوشافته ممكن تتعدل نفسيتها
ابو خالد:مافهمت قصدك ..وش معنى فيصل؟
الدكتور :لاني كم مره سمعتها تنادي هالاسم وعلى قولتك طلع ولد عمها فياليت اذا تقدر تخليه يتواجد الحين عشان حالتها النفسيه وهالشي راجع لك لانك ابوها
ابوخالد:ابشررر الحين اكلمه
دق على فيصل
ابوخالد من غير لا سلام ولاكلام:فيصل بسررعه تعال طيران عالمستشفى
فيصل مستغرب:خير ياعمي
ابوخالد:انت تعال المستشفى ضروري لاجيت قلتلك
فيصل:بس ياعمي انا بالدوام ومناوب مقدر.......
ابوخالد يقاطعه:بلا دوام بلاهم انا انتظرك والحين تعال<<وسكر
فيصل بعصبيه:يوووه مايفهمون اقوله دوام يقول تعال<<راااح فيصل وبالمووت طلع من المستشفى بعد مااستأذن وذل نفسه للي يسوى واللي مايسوى....وراح لعمه بالمستشفى
فيصل:وعع خلاص صارت حياتي كلهامستشفيات من مستشفى لمستشفى روتيني ممل اوووف
عجزتاضحكعلى نفسي
واقول اني تناسيتك
عجزت القى معغيرك
غرامٍعنكيلهيني
عجزت اشرح لك القصه
واقول اني تمنيتك..!!
\
/
\
[ أجيك في وعيي واروح فـ غيبي]
وبالفعل وصل للمستشفى
راح لعمه بالجناح:خير ياعمي
ابوخالد: جيت يافيصل و الله جابك ......ابيك تدخل على شمووخ بنتي
فيصل:وليه انا اللي ادخل عليها
ابوخالد:شموخ ماتكلمت من يومين والحين يوم تكلمت قالت فيصل واذا شافتك يقول الدكتور بتتحسن
فيصل حتى وهي تعبانه تبيني:طيب ياعمي انشاء الله
راح للدكتور ودخل عليها
لقاها نايمه بس كل دكتور مقر وموقن بأن أي مريض يكون موبوعيه ممكن شخص عزيز يكلمه وهوموبوعيه ويتأثر فيه
فيصل يتكلم:انا ادري ياشموخ الحين انك تسمعيني......شموخ انا جايلك بخبر وانشاء الله انك بيفرحك.....انا ياشموخ ناوي اخطبك اول ماتطلعين من المستشفى ويصير لنا بيت وعيال..وانشاء الله انك بتتشافين يارب وراح ادور الكون كله بس عشان اعالجك لواطلع لبرآ ..
شموخـ......<<قطع عليه كلامه حركة ايدها
فيصل بتعجب:سيلين انتي صاحيه
شموخ تحركت وبصوت متقطع:فففييييصصصللل صححح اني احبك ومازللللت احبك بس تررررى اللي تقوله مسسستحييل
فيصل يسكتها:اششش..وليه مستحيل اقولك اول ماتطلعين بخطب.......
شموخ تقاطعه:فيصل انا داريه ان بقلبك مافي الاوحده وبس
فيصل مصدوم:مين؟؟..... ان كان قصدك احد فهذا زمان الحين بقلبي مافي الاانتي
شموخ:لاتضحك على نفسك وعلي...فيصل الكل يدري بحبك لسيلين.... توك قبل دقآيق مناديني بأسمها وبعدين اذا كنت ناوي تآخذني عشان تقهرها ......تكون ظالم لان سيلين ماتستاهل الا كل خير...انا كنت اذكرك قدامها .....وهي ماتبي تآخذك بس عشان ماانقهر شفت شلون هالانسانه طيبه....وبعدين حتى لو اخذتني ماراح اكوون سعيده...لانييي.....لاني عقيم يافيصل ..وبصيااح :عقييييييييييييم
فيصل مسوي حاله مصدوم:انتي شقاعده تقولين متأكده
شموخ:ايه متأكده مثل ماني متأكده انك قدامي......فيصل انت شاب وسيم وطيب وفيك كل الصفات اللي تتمناها البنت..شوف حياتك ...اكيد انك تبي ووحده حلوه وتجيب عيال مومثلي<<وبدت تصيح
فيصل:لاتقولين كذا ياشموخ بس انا ابيك
شموخ:لايافيصل القلب مايحب الامره وانت حبيت سيلين ....خلاص انا ماابيك...اطلع يافيصل وقول لاخوي خالد اني ابي زوجته ساره وانساني
طلع فيصل متأثر ماوده يضغط عليها:حاضر
لحظة ندم
لحظة الم
جف فيها القلم
دخلت ساره لشموخ وشافها الدكتور
الدكتور:لوسمحتي المريضه ممنوعه من الزياره
شموخ:خلها يادكتور انا ابيها شوي
الدكتور:براحتك
ساره سلمت عليها:ناديتيني؟
شموخ:ايه...سااره
ساره:آمريني
شموخ:اول شي مبرووك عالحمل
ساره:الله يبارك فيك عقبالك<<انتبهت عالغلط اللي قالته
ساره:آسفه
شموخ:لاعادي بالعكس ياساره انا مااستاهل طيبتك....انا اللي كنت اسعى لتعاستك وانتي الحين تدعين لي بالخير...<<تبكي
شموخ:والله مااستاهل طيبتك.....بس ابي منك شي واحد...ابيك.....ابيك تسامحيني
ساره:شهالكلام ياشموخ...اصلا مين قالك انازعلانه منك ....انتي عمت ولدي ولانسيتي
شموخ تضحك من بين دموعها:هه ايه صح
ساره:ايوه كذا بنشوف البسمه على احلى شفاه
........................................
انآ آسف على حبكـ
لان مثل الحجرر قلبكـ
مر وقت طويل على بطلتنا سيلين بالمستشفى.
كان فيصل هالفتره هو المسؤول عن قروبهم وتقيماتهم ....كان يحملها فوق طاقتها بس هي متحمله وساكته....كان ينسب لها اخطاء مولها بس ماكانت تقول شي الله فووق موجوود والايام جايه
طبعا بهالفتره الوجيززه اثبتت وجودها لفتت انتباه الجميع باءحترامها وأدبها صار لها هيبه لدرجة انها تمشي بالممر والرجال عيونهم بالارض <<أي بنت عفيفه تفرض على الجنس الاخر انه يحترم نفسه غصب
<<بس عشان نثبت للي يقولون ان المستشفى مكان مختلط وفيها ناس مواوكيه ....بالعكس أي انسان محترم ببيته نظييف ...اكيد بيكون بالبيت والمستشفى نفس الشي مايفرق بس المشكله مشكلة عقليات هالناس لو بنكتب مية سنه ماراح يتغير تفكيرهم
ولكن الثقه بالنفس لازم تكون موجوده مهما قالوا الناس لايهمك الاامك وابوك
.............................
تبيني آعتذر...آســـف
ولكن وشـ هي الزلـــه..؟
تبيني أجرحك
حاضـر
.
.
أنا همكـ وغربالكـ ...
مادام اني سبب دمعن حزين ناظرك هله....!
عسى يابعد عيني أجل ماطري على بالكـ...
ولكن قبل ما تنساني وتنسى مامضى كله .:~.:..
.
[ أمـــانــه]
بس علمني وش اللي غير أحوالكـ...؟
اليوم كانت سيلين محتاجه انها تطلع للسوق وتستأذن ومضطره تكلم الدكتور فيصل ...قالت لابحكم ان الدكتور فيصل نفسه شينه بكلم الدكتور نواف
دكتور نواف(32سنه انسان خلوق حقاني ....بهالفتره اغرم باخلاق سيلين بس هي ماتدري عن شي)
سيلين:السلام عليكم
د.نواف باءعجاب:هلا وغلا تو مانور المكتب
سيلين:اظن يادكتور اني قلت السلام عليكم
د.نواف:وعليكم السلام<<محد طاح وجهه
خير وش بغيتي؟
سيلين:انا محتاجه استأذن اليوم ياليت تكتب لي ورقة استئذان
الدكتور نواف:بس كذا ماطلبتي شي
<<كتبلها بالفعل ورقة استئذان لكن لسوء الحظ دخل د.فيصل اللي كان محتاج اوراق من مكتب د.نواف
د.نواف:هلاوالله دكتور فيصل
هنا سيلين كانت مغمضه عيونها وبقلبها(وجعلنا من بين ايديهم سدا ومن خلفهم سدا فأغشيناهم فهم لايبصرون)
د.فيصل:هلااا<<لف فيصل لقى سيلين عرفها لو تتغطى لو وش تكون أعرفها من عيونها حافظ كل شي فيها
فيصل بحده:تطبيق هنا وش تسوون؟
سيلين بارتباك:آخذ ورقه من الدكتور بستأذن
فيصل معصب:تستأذنين والشغل مليان للحين ماخلصتو الملفاات وبعد بتستأذنون...عموما انا المسؤول عنكم مودكتور نواف ...تصرفك تصرف غير لائق ,,,,,,الحقيني عالمكتب
قبل لاتروح
خذ احساسك
خذ انفاسك
وبالمكتب
فيصل:وش هالتصرف آنسه سيلين هااا؟؟
سيلين:فيصل انا رحت له اطلب ورقة استئذان لاني محتاجه انزل للسوق
فيصل باءنفعال:لاياشيخه احلفي
سيلين بعناد :والله
فيصل بحده :قبل لااكمل كلامي غطي عيونك
سيلين :هي عيوني ولاعيونك
هنا فيصل عصب وقام من مكانه ..ورص على كتفها:قلتلك غطي عيونك
سيلين اول مره تشوف الشر بعيونه غطت عيونها من دون ماتنطق بولا حرف
فيصل : اول شي لك مخالفه على هالتصرف ...تتركين المرضى ورايحتلي لدكتور نواف وش تسوين عنده .؟؟ماتقولين لي وش تسوين؟؟
سيلين بصراخ:فيـــصل الى هنا وبس انا رحت بس عشان آخذ منه ورقه وانتهينا
فيصل:فيصل هذي تقولينها لبزر عندك مولي انا هنا دكتوور فيصل فااهمه...وانا مالي شغل بطلعاتك وروحاتك للسوق عندك الليل ياطووله
سيلين:حرام عليك يااخي مابقى شي على ملكتي وماجهزت فستاني
فيصل بقلبه وبعد تقولي عن ملكتها..ويمثل عدم الاهتمام:اموور خارج الشغل انا مالي دخل فيها تتزوجين تملكين موشغلي....وهذي آخر مره اشوفك طالعه من دون اذني
سيلين قامت بتروح من القهر اللي فيها
فيصل بصراخ:انتي هيييه.....ذووقا قبل لاتروحين تستأذنين ممكن يادكتور اطلع
سيلين ودموعها تجمعت بعيونها:دكتور ممكن اطلع
فيصل:ايه الحين ممكن تطلعين...اووف جايبين لنا بزارين مايعرفون حتى الذوق
سيلين راحت لمكتبها تبكي وحالتها حاله والكل يحسب ان د.نواف هو اللي مزعلها<<ياحرااام
اما عند احمد بالقسم الثاني
سمر <<صديقة سيلين:دكتور احمد
احمد:نعم
سمر:كني سمعتك مره تقول ان سيلين بنت عمك صج؟
احمد:احنا الحين بشغل برآ الشغل ايه وبعدين انتي شكو؟؟
سمر تفشلت:لابس سيلين شفتها تصيح لان دكتور نواف مهاوشها قلت خلني اقولك
احمد قلبه طيب:طيب ناديها
<<راحت نادتها
سيلين:نعم دكتور احمد
احمد:ههههههه حلووه ....دبه انتي بنت عمي يعني بيني وبينك احمد حاف
سيلين:طيب احمد بغيتني بشي؟
احمد:لأ بس سامع انك تصيحين وان دكتور نواف مهاوشك ....وش السبب
سيلين بقلبها ياليت اللي مهاوشني دكتور نواف كان اهون علي مليون مره:لابالعكس لاهاوشني ولاشي ...بس حسيت بشوية تعب والحين صرت احسن بكثير
<<من بعيد لمح فيصل سيلين واحمد وتوجه لهم
احمد:يعني الحين احسن؟
سيلين:ايه الحمدلله
احمد:أي خدمه شي انا جاهز
سيلين:ماتقصر
شوي الاطاب عليهم فيصل
فيصل:انا كم مره قايلك لااشوفك بالممرات هاا انتي ماتفهمين؟
احمد:فيـــصل!!
فيصل:بلافيصل بلابطيخ....هنا شغل والدلع انسيه فاهمه أي حركة ثانيه بطالب بفصلك ودوريلك مستشفى ثانيه هذا اذا قبلتك مستشفى
تحركت سيلين من دون أي كلمه
فيصل بصراخ:هييه انتي ماتفهمين ولاماعندك مخ ....لازم يعني اقولك قبل لاتروحين تستأذنين وش هالغباء
احمد بحده:خلاص يافيصل
سيلين وعينها بالارض:طيب دكتور احمد دكتور فيصل انا رايحه لشغلي
احمد:الله معك
فيصل:وربي بزر لازم الواحد يهاوشها..تخيل اليوم معلمها قبل لاتروح تستأذن ..كأنها تعاندني
احمد:بس تراااك زودتهااا..خف عليها حرام عليك يااخي
يكفي ياحبيـــــــــــــــبي
جروووووووووووووح
ولاحظ للحين اقول حبيبي
دخلت لمكتبها وكملت شغلها وماكان ينسمع الا انينها وشهقاتها اللي تحاول تخفيها ماتوقعت بيوم ان حبيبها بيذلها
اما عند تركي كان يرسل لها مسجات ...بدت سيلين تلمس الفرق بينهم تركي كان محسسها بالامان حست ان تركي يحبها اكثر من فيصل لانه سوّا المستحيل بس عشان يآصل لها ووصل....بدت تميل لهيبته لرجولته لكلامه العذب وحتى لنبرة صوته المميزه
سيلين:بحاول احبك ياتركي .....بس شلون انسااك يافيصل آآآآخ
(اقبل ياقلبي ماجاك من نصيب)
(غصب خله هالانسان لك حبيب)
(مجبوره وكلامه سهام موجعه تصيب)
(قلبــــــي المحتـــاج لحنانه الرهيب)
(صح اني ياما قلت عنه حيل غريب)
(بس ادعي ربي يوفقني وحده المجيب)
(وينطفي نار قلبي وحرّه واللهيــــب)
(يمكن ينسيني غرامي وحب الحبيب)
انتهى البــــــــــــارت
هل تتوقعون ان سيلين قلبها بيحن على تركي وبتحبه؟؟
هل تؤمنون بمقولة مابعد عداوه الامحبه؟؟وهل ممكن تنطبقعالبارتات الجايه؟؟
|