رجعتيلي رجوع النّدى المشتاق للأزهار
ومرج الربيـــع البَرِي غنّـــت عصافيـــــــــرو
مهما الربيــع الحلو فرافيـــر حلـوة اختار
إنــت بحيــاتي أنا ، أجمل فرافيـــــــــــــرو
وحتى ازرار الورد مهمــا يصيــروا قمـــار
متلك بذات الحــــــلا مش ممكن يصيـــرو
والنبع...والنبـع غنّى إلك تاترجعي بنوّّار
وحتى جـــوري حماه غنّــّت نواعيــــــــرو
ولمّا رجعتيلي ومن وصلتـك ع الــــــدّار
طلوعك ع راس الدرج حاولــت تصويـــــرو
من خوف قلبي بحـــلاكِ يطلّــع الأطيار
وينقدوك بنظـــر جوعــان ويطيـــــــــــــروا
وفرحــت فيك فــرح شاطي بلقا بحّــار
وأفــراح جندي وطـن بنهــــار تحريــــــرو
والشوق بعد القلق عندك سريـرو صار
الله لا يحرم طفــل من هـزّة سريـــــــرو