راكان حطيت يدي على شفتها وبهمس:لاتكملين..وبعدين انا موزعلان من هالقمر بيه حد يزعل من هالزين كله..انابس ألي قاهرني انك ماتردين علي وخلتيني انتظرك على الفاضي..مو علشان انك قصيتي وصبغتي شعرك..
جيهان ببرائه:بس انا وربي مكنت اقصد انا رحت اتمكيج واسرح شعري وولا انتبهت حتى لجوالي لانه ما كان جنبي اساسا..
راكان دفنتها بصدري حيل:وربي مكنت ادري انك زعوله كذا حيل..يعني مايصلح اعطيك درس..هااه..
جيهان بنفس البرائه:بس مو كذا..حتى انك كدرت خاطري..
راكان بست يدها:خلاص ياقلبي انا آسف..ما اقدر على زعلك وعلى دموعك انا..وربي اعزك واغليك..
جيهان تغيرت ملامح وجهي من قال هالكلمه..ماكنت ابايقول هالكلمه توقعت انه بيقول يحبني بس ماهقيت هالشيء..
بس انا متأكده انه ماعاد يحب اروى ابد..وقلبه فاضي..وش معنى اروى حبها وانا لا..آآآآه بس..
راكان استغربت من صمتها المفاجئ وبست خدها:وش تفكرين بيه؟؟
جيهان ناظرته: لا ولاشيء..
راكان:أي صح جيهان..راح اداوم انا بكره لزوم تقوميني طيب..
جيهان:من جد..؟؟ ليه ماقولت لي من قبل..
راكان:كيف اقول لك وانا كنت متضايق من تجاهلك لأتصالاتي..
جيهان:تيب تيب..
راكان انسدحت على صدرها الدافئ وغمضت عيني..ادمنت ريحتها قبل نومتي..آآآآه بس..
.
.
.
عند الساعه 8 صباحا..
دخلت الغرفه نفس امس والكل نايم وألي بدوامه دخلت معه وصار ألي صار..
وكان هالشيء يتكرر لمده اسبوعين بستثناء العطل الاسبوعيه..ولا حد حس باهالشيء..
.
بدريه راحت لبيت اهلها وحرقت جوالها وهي تدق عليه وهو ماعاد يرد عليها وان رد عشان تقول وش لوازم البيبي من حفاظات ومن ادويه وفيتامينات ألي قالها الدكتور..
وبالغرفه..
جيهان با ابتسامه:لزوم تقول لي من هي البنت؟؟
فهد بنكران: أي بنت انتي بعد..
جيهان بنفس ابتسامتي:يعني مصر انك ماتقول لي..ترى السالفه مفضوحه..وش اسمها وكم عمرها ووين تعرفت عليها؟؟
فهد يمكن هاللحظه المناسبه لاني اقول لهم:وربي ياجيهان هي مره طيبه ولاتفكرين انها بنت من بنات الهوى..اسمها هاجر وهي اكبر مني بسنتين..
وانا احبها ياجيهان وربي احبها..
جيهان بهدوء نسبي:وش ألي حببك فيها..؟؟
فهد بحب:احبها فيها كل شيء..خوفها علي وحرصها الشديد علي..تغدا زين..اهتم بنفسك..كيف كان يومك..راضيت امك اليوم..تسأل اسأله بريئه مره..حتى لما رحت معها السوق..كلا غالي وغالي..انا احبها والله..
جيهان:...........ز
فهد بحب كبير:ماتقول لي إلا ابيه..شافته غالي صدت عنه حتى لو خاطرها فيه..عكس بدريه تماما..بدريه تخليني اتسلف وازيد ديوني عشان تشتري ألي تبيه..حتى لو كان تافهه..(ومسك يدي) انا انسى نفسي لما اكون معها..احس اني مو فهد..واحد ثاني..
جيهان انصدمت من كلامه:وبا أي احقيه تروح معها السوق..منت بولي عنها..ناسي ان الله فوق..
فهد با اندفاع:لا..لا..لاتظنين بالشينه ياخيه..هي زوجتي..انا متزوجها مسيار ياجيهان..
جيهان تنهدت براحه:الحمدلله.. (وبعد اقتناع)متأكد أن مسيار؟؟
فهد سكت لأنها كلامها صح:..........
ام فهد فتحت الباب ولولشت:كللللللوووووووووششش..
جيهان با ابتسامه:طبعا امي جالسه تتسمع من مساع تنتظرك تتكلم..
ام فهد:قلت يمكن ولدي يستحي يتكلم معي باهالامور..
فهد كان مبسوط ونفس الوقت كان منصدم لانه كان خايف انهم مايتقبلون هاجر حبيبه قلبه..
جيهان:تيب تيب..متى ناوي تعرفنا فيها..تحمست اشوف البنت ألي اسرت قلب اخوي..
فهد با اندفاع:لو تبون اجيبها لكم من احين ..ولا تدرون شلون..قوموا اوريكم اياها..
ام فهد بضحكه:اركد ياولدي..على الاقل عطها خبر عشان تضبط امورها..
جيهان بضحكه:امي معها حق ياخوي..
فهد با ابتسامه:احين اعطيها خبر..
امي ناظرتني وضحكت معها على فرحته..
على الساعه 8:17 بالليل..
كان الحي فقير نوعا ما..وكان به ممرات ضيقه مره والبيت كنه مهجور ومتعب مره ضربنا الباب..
وفتحت لنا وحده متوسطه الطول نسبيا وشعرها طويل ماشاء الله وهذا ألي انتبهت له كان لفوق ركبتها وكثيف مره اللهم صلي على النبي ولونه اسود..وحنطيه البشره وملامحها ناعمه وصوتها عذب..
جلسنا بالمجلس..
وقدمت لنا الحلا والقهوه..
هاجر بنعومه طبيعيه:هلا والله توا منور البيت..السموحه منكم البيت مو قد مقامكم..
ام فهد:اعوذ بالله..وش هالكلام يابنتي..مابه لزوم هالكلام انتي مرت ولدي..وهالكلام ما ابا اسمعه منك ابد..
ام هاجر وهاجر انبسطوا من كلام امي مره..
هاجر بنفس نعومتها:خفت كثير انكم ماتقبلون باهالشيء..والحمدلله..
جيهان با ابتسامه:وليه مانقبلك.؟؟
هاجر:يمكن لان احنا مو من مستواكم الاجتماعي..
يتبــــــــــــــــــــــع...