صدفة غريبة واتصال ورساله *** تجبرني أجرح خافقي وانزف البيت
ماني مصدق من وصلني اتصاله*** غالي على شوفته يا ما تمنيت
يعني درى عن حزن قلبي وجاله *** ولا سمعني يوم بالجرح غنيت
ولا درى عن ضيق( .....) وحاله *** عايش حياته بين يمكن وياليت
أهديت لك قلبي و روحي حلاله *** وأقول فيه مقصر حيل وما أوفيت
هو كان لي نور العيون وخلاله *** أشوف نظرة حب صادق وحبيت
مرت ثلاث سنين وما أبي بداله *** أصلاً ثلاث سنين ماغيره أغليت
كنت أحسبه راجع و مرتاح باله *** وأثره رجع يضحك على طعنة الميت
لا عاد يومك يا عشيق النذالة *** على طعوني و المواجع تسليت
ماعاد في قلبك غرام و زماله *** محيتها وأقفيت عني و سجيت
حبيب قلبي عاف حبي و شاله *** وأكبر خطاي اني على الرقم دقيت
لاصار يرخص عزتي في و صاله *** مات الرجا ما بين يمكن ويا ليت