| يا صاحبي
*اﻻياصاحبي طالت بك الغيبة عساك بخيـر*
*ترى قلبي من غيابك حزين وفاقد شعوره*
*،،*
*توسّــدت اﻷلم لمّـا بكـــاك الــحب والـتـقـديـر*
*ووجهي من شقى بُعدك تـجهّم وانطفى نوره*
*،،*
*أﻻ ليت اللقى يشرى وابيع العمر بالي يصير*
*واشوفك بس لو لحظة تردّ الروح مسروره*
*،،*
*أنا لي صاحب ٍ ما ارضى أبدّل خوّته بالغير*
*وفيُّ وقفته مثل الصبا واﻻرض ممــطورة*
*،،*
*تخاوينا على وضح النقى ياصاحبي والخير*
*على شرع الوفا نمشي ونوقف عند دستورة*
*،،*
*خذاه الوقت بــظـــروفه وبدلّ فرحته تعكير*
*عساه من السفر يرجع وهجره ينتهي جورة*
*،،*
*أﻻ ياصاحبي ردّ الخبر ﻻ تشغل الـتــفـكــيــر*
*بدونك عشت في غربة مَعَ ساعات مهدورة*
*،،*
*يموت القلب فغيابك من صروف الزمن تعزير*
*أذوق الموت وآمالي من اﻵهات مـبــتــــورة*
*،،*
*خذاني شوقي الجامح على اﻷوهام والتغرير*
*ما الوم العين ﻻهلّت دموع الشوق معذورة*
*،،*
*اشوف العذر فغيابك خـجول وﻻ لقى تبرير*
*يردد للقى (لحظة !) ويتلعثم من قصوره !*
*،،*
*تواعدني على اللقيا ومن الفرحه بغيت آطير*
*ولكن لﻸسف خــــابت ظنون ٍ فيك مغرورة*
*،،*
*تـمـنيني وتـتـركني رهين الــصـــبر و التأخير*
*يا ليت تشوف فالخاطر مشاعر حيل مكسورة*
*،،*
*أﻻ يا صاحبي يكفي! ترى هذا الزمان اقْصير*
*يموت الوقت فغيابك ويفنى الدهر وشهوره*
*،،*
*أناديلك وﻻ تــسمع ! وقرآنك شكى التقصير*
*بكتك ايامنا وحــنّت عليك آيـــات مهجورة*
*،،*
*ترى لو تقصد الــزلّــة معي أوخانك الـتـعـبـيـر*
*تــمـوت الروح ! ما أنسى زمان الودّ وزهوره*
*،،*
*اﻻ يا صاحبي طــــالت بك الغيبة عساك بخير*
*يموت الــودّ فغيابك وتبقى لﻸلم صـــــــورة*
*‘*
 |