كون يمك .......كون يمك ....... كون يمك

كون يمك....الف هنياله الكعد بس لحظة يمك

كون يمك ...كون احضنك كون ابوسك كون اشمك

كون احط راسي اعله صدرك كون اضمك

الله لا ينطيه كلمن راد يحرمك كون يمك

كون يمك ...اني احبك واني احب كل حرف بسمك

واني احس يجرن سوى دمي اويه دمك

اني التمنيت ابوسك واني التمنيت اشمك

واني التمنيت احط خدى اعله خدك

بلكي خدي ايزيج همك

كون يمك

اليوم كلبي البابكم باليل اخذني واسمع اهلك كلها ملتمين يمك

ابطارف الساني ولا أكدر اصيحك واهلك ابراحتهم ايصيحون بسمك

بيني ما بينك مسافة اشكد زغيره وجسمي بالشارع حبيبي وروحي يمك

من يكلك ...من يعلمك

والله لو تعرف بحالي كلبك اعله الباب يركض كبل جدمك

كون .....يمك

أذكر ايام اسالتني منو ايحب محبوبه اكثر

ومن اكلك اني اكثر تنقهر ويفور دمك

وأذكر ايام اعله بابي جيتني امحمل هموم

ومن شفتني اتبسمت وانزاح همك

وهسه جيتك ...هسه جيتك من همومي ادخيل يمك

اليوم روحي اتعاندت وياي وتريدك حبيبي

ابياطريق اوصل الك وشلون افهمك

واليمته يالغالي تظل من ايدي تتطشر والمك

كون يمك .......كون يمك ....... كون يمك

الف هنياله الكعد هاليله يمك