| كيف تصبح ارهابي .. لريما الجريش
..........................
.....................
................
........
...
.
.
.
.
.
.
خل ابوك يخطب امك
وشرط تقبل
شهر شهرين
يمكن ثلاثه ويتزوجون
وكلها تسعة شهور
وتشرف معانا
يعني تنولد
وتصيح واآآآآآآآآآآآآآآآآآآآآء واء
تصرخ بصوت عالي
ترفض ( ب وااءٍ ) كنها لاآآآآآآآآآآآآآآآآآء
ويفاجئك كفٍ على فمك
يطالبك بالصمت
ويدٍ تطبطب عليك
اسكت اسكت خلاص
وعين تتفحصك وتراقبك
ولسان يقول اسكت اسكت
ووجه يضحك لك ويمكن عليك
........
كفٍ
ويد
وعين
ولسان
ووجه
خمسه ترافقك
يمكن تختلف جهاتها
ويمكن عددها يزيد
حترافقك
حترافقك
غصبٍ عليك
في مولدك تطالبك صمت
واذا بلغت الخامسه
تأمرك آمر
اسكت خلاص اسكت
طول العمر
امك تسميك راضي
وابوك اقسم وطلق
إلا يسميك صابر
صابر ولد ساكت
امك سكوت
وحارتك إسمها ساكته
مدينتك صامته
ودولتك صارخه
وانت صابر
وخليك صابر
...........
والكف واليد والعين واللسان والوجه
حترافقك حترافقك
الكف = يلطمك
على وجهك
على قفاك
إنت صابر
واليد = تسجنك
تنهبك تهدم بيتوك
تاخذ ارضك
تسحب جوازك
كون صابر
انت صابر
والعين = تراقبك
ومعها عيون تلاحقك
في كل غرفة تناظرك
وفي كل شارع
تصورك هاذي العيون
وين رحت
وايش قلت وليه
وكم قلم عندك
وكم عندك دفاتر
وانت صابر ولد ساكت
امك سكوت
واللسان يأمرك كل يوم
ماتسمع الا كلامه
لازم تطيعه
وتتغنى بغرامه
كل يوم
يكذب عليك في كل شئ
ويعلمك تكذب عليه
ويصدقك
يدرسك كذبه في كتاب
وتصير كاذب
بس صابر
والوجه يضحك عليك
ومنك يضحك
ويضحّك عليك
كل البشر كل الامم
وانت صابر
وصابر
صابر عليه
وخليك صابر
.............
كفٍ ويد وعين ولسان ووجه
حترافقك حترافقك
وتمر الشهور وكم سنه
وانت صابر
وفي البطاقة سجلوك
ابن ساكت
تبغى تتزوج ياصابر
مثل ابوك قلت تخطب
وشرطك الا وحده وحده
إسمها ماهو سكوت
مثل امك
تبغى وحده وحده
مثل ريما
ومالقيت
وقلت لاء مرة وحده
واسجنوك
كون صابر
كلها عشرين عام
تلقى حزام إلبسه
وانفجر
..........................
محمد الزهراني
من .. بحور الصمت
...................
|