عيون العرب - ملتقى العالم العربي - عرض مشاركة واحدة

**واثقه الخطوة** · #14 10-18-2012, 11:48 PM

السلام عليكم
كيفك موضوعك يعكس الكثير من معاناتنا بنات حواء ...
يماااااا قلتلها هذي الكلمة ... ولا زلت اقولها
واذا بديت ما انتهيت ...
بس هذا موضوع حوار فراح ابدأ استعدوا >>> برااااااااااا

امممم اولاً حلمي ان ازور وأسافر وما اقدر لان احتاج محرم
و اخواني عدهم شغل يعني مو متفرغين لي ... وابوي بعد.

اموت في شيء اسمه حصان وابي اركبة ... هههههههه بس اتصوري بنت راكبة حصان بالعباية
والله حالة .!

كنت اتمنى اروح واجي على المدرسة بالبايزكل
ولاني بنت ما اقدر.

السفرات و المبيت بالعراء هذا اعشقة بس ما اقدر

عزومة الصديقات هذي كمان مستحيل
ما اقدر اروح على اي صديقة الا اذا كان ما عدها اخوان
او اخوانها صغنونين يعني 5 سنين بالكثير >>> وهذي من وين اجيبها.!

من نطلع سفرة وفيها ماي هم عادي
يسبحون ويصارخون ويتونسون و يضحكون
ونحن لو شوي مشينا وحدنا يقول وين رايحين؟

ما نقدر نسوق سيارات الا بألف موت
و الولد لو بس اشتريتي سيارة راح وساقة حتى بلا رخصة.

احب الرايضة بالصبح و ابي اركض بالشارع >>> مهبولة هههه
بس ما اقدر.

وعندي اكثير احلام ما اقدر اوصل لها لاني بنت وبس.!
الله يهدية لمجتمعنا.

هم عادي يروحون وقت ما يبون ويرجعون وقت ما يبون
ونحن اذا رحنا مكان لازم ناخذ تواقيع حتى يرضون .!

ما اقصد اعتراض على مشيئة الله في الخلق بس في فرق بينا :

نحن نلبس الاشار و العباية بنص الحر وعز الصيف ونروح للدراسة
وهم طالعين بالشورت .!!>>> قهر والله.
لا ونحن ننجح وهم يرسبون هههههههههه >>> مو كلهم أكثرهم .

عدنا ولد يكلم بنت عادي وبالعكس يتفاخر
بس اذا بنت تكلم ولد ذبح بلا رحمة >>> مع العلم الاثنين عاملين نفس الغلط... بس واحد يتحاسب والثاني لا.

و اكثر شيء حرق قلبي كان قصة صارت عدنا
صار حادث خطة لبنت حلوة اكثير ربي يزيدها ويستر عليها
المهم انخطفت البنت بس لانها حلوة مو لذنب هي ارتكبة ... وطبعا المسكينة أذوها الخاطفين
المهم من رجعت على أهلها طردوها وقالوا انتي الحين مو بنتنا ... بس ابي اعرف شو ذنبها؟
هي تصير بالشارع والله اعلم بحاله ميتة ولا عيشة و لو كانت ولد كان فرحوا برجعته لأهلة.

ما احاجة اكثر ...
اتوقع هذا يكفي ولو انا ما خلصت ... >>> ناوية تنذبح .

بس بالنهاية احمد ربي واشكروا اني بنت
لاني اشوف البنت الطف من الولد >>> ما اقصد إهانة

و القهر ان الاهل اذا جاهم ولد فرحوا واذا بنت انقهروا >>> قلت خلصت ههههههه
ولو يدرون ان البنات اوفى للأهل بس سبحان الله ... هذا قدرنا
ولازم نصبر على بني أدم >>> حقد هههههههههه
امزح ...