هلا والله كيف الحال وش اخباركم ياااااااااااامعلم واحد شاي بلله وش تشرب ؟ لالا حلفت عليك .. مافي والله تشرب لو الشاي يطلع من خشمك المهم تشرب خلاص مانردك هات شاي ولاتنسى المعسل ايه وش صار على الواسطات اشتغلت ولالا ؟ والله ياخوي قاعدين نحاول والباقي على الله ان شاء الله .. اي ياخي ترى طول الموضوع مانبي نتعطل تخبر الحين الزمن يمشي بسرعه ! ^ ^ ( المشهد الأول)
.................................................. ............
وحينما يعود احد هؤلاء لوحده الى المنزل ويجلس لوحده : اف ! طفش ! ملل ! زهق ! طفشان ! زهقان ! مليت ! وش هالعيشه !
^
^
^
^
^
لالالالالالالالالالالالالا
لحظه لحظه لحظه لحظه !!
طفش وملل وزهق وماني عارف ايش ؟
طيب وبعدين !؟
توك جاي من المقهى وش زينك مروق وشاي ومعسل ورايق!
ولما تجي في بيتك تقول هالكلام ؟!
وش يعني طفش زهق ملل ؟؟
معناتها عندك وقت فاضي كثير صح ولالا ؟؟ الفراغ ذابحك ؟
طيب تعال ابيك شوي ..!!
.................................................. .
والان ( يبدأ المشهد الثاني ):.
الام : يابنتي قومي ساعديني في المطبخ شوي . البنت : يا يمه انا تعبانه وابي انااااااااام .. الام : وش اللي متعبك سلاماتك ياقلبي البنت : يمه ابي انام وبس الام : طيب قومي صلي الظهر بعدين نامي البنت : طيب طيب يا يمه خلاص روحي ! الام : يابنت انتي بس قاعده مقابله هالجهاز ولا منه فايده قومي تعلمي طبخه من طبخات امك 
البنت : يايمه ( وقته والله ) الام : اجل ( متى وقته ) ؟ البنت : (Zzzzzzzzzzzz ) تغط في سبات عميق !!
^
^
( انتهى المشهد )
.................................................. .........
نقول طفش وزهق وملل .. ولما يطلب منا شي قلنا مو فاضين !
نقول طفش وزهق وملل .. وما عندنا وقت للصلاه !
نقول طفش وزهق وملل .. و نبي نأمن مستقبلنا بضياع الوقت دون فائده تذكر ونقول ماعندنا وقت!
نقول طفش وزهق وملل .. وعند بر الوالدين ماعندنا وقت !!
لحظه !!
ماخلصنا !!
ابي اسألك سؤال يا من تقول انك طفشان .. انت جالس على ايش الحين ؟
سرير ؟ مكتب ؟ كنب ؟
وش تاكل الحين ؟
كبسه ؟ راح تاخذ من هارديز ؟
من اي ماركة لابس الحين ؟
طيب
كيف تقول زهق وملل وطفش وناس تشتغل ليل نهار ويالله تلقى لقمه تاكلها !
كيف تقول زهق وملل وطفش وناس ماهي عارفه وين تنام اليوم !
اذا انت تقول طفشان وزهقان ومهموم
اجل الفقراء والمساكين المشردين وش يقولون ؟!!
.................................................. .....................
عزيزي العضو ..:
في حياتنا نسمع كثيرا ( اف طفش وملل ) وما اتعجب به هو المبالغه والتفنن بهذا الشعور وتضخيمه اكبر من حجمه !!
الا بذكر الله تطمئن القلوب .؟!
هل ستتعبك تلاوة اية من القرآن الكريم ؟
هل ستفوت عليك فرصة بر الوالدين بدل من التحجج بانك مشغول ؟!!
لنقل من الان فصاعدا : وداعا للملل .. واهلا بالعمل !
:glb::glb::glb::glb::glb::glb::glb::rose: