وعرااق اليا وقت بالضيف تشعل نار...
وبهدومك تطب لو جاع خطارك..

امس جارك سكت.. بالجذب مامر بيك..
وانت تصب حزن من ينجرح جارك..

يظل ثارك كصب.. كل مانكصه يطول...
شوكت سيفك تغمده وينوخذ ثارك..

دك عل الخشب لادك عل الحيطان..
وعلى شيل الصور لاتعلي بسمارك..


ولاترد بدرب مابيه عذر واتيه..
وجيب وي النذر سجينه اعذارك..

عل المرمر غلط لاتخسر المنشار..
كص خاوي الخشب ينهاب منشارك..

واشمر يوسفك بس وراه تراب..
مو كل بير صدك يحفظ اسرارك..

امس كل العرب وكفو مع الجلاد ..
يمدونه حطب من تنخمد نارك...

انه هذا الوطن حالفله بالقرآن..
ماعوفك كلتله شما تشتعل نارك...

__________________

ماذا سيحصل لو تحولنا الى بلاد ؟
انت سوريا وانا بغداد ..💜
يميل رأسي على كتفك قليلا فتزهر فلسطين..💜
ويستقيم العالم ..!!