الساعة 2وربع بالليل
كانت قاعدة تحوس في الايفون وتكلم اختهاا
جواهر : هلا
سارة :اهلين شخبارج
جواهر : تمام الحمدالله
سارة:وحشتيني والله
جواهر : وانتي اكثر انا بمر عليج اليوم قعدي من الساعة 6 ل 12
سارة :اووب ههه اذا رضى تركيو
جواهر:مب كيفه انزين انا الحين بنقلب انام مانمت
سارة : أوكيه شكلي انا بنام بعد
وبالفعل سكرت التلفون وناامت
.
.
نجلاء بملل : سند
سند : .....
نجلاء تقوم عشان تشوف : ناام اف
قامت المطبخ سوت لها سندويشة جبن واكلتهاا
وضاق صدرها وايد على معاملة سند الجافة معاهاا
نجلاء " حديث نفس " انا لازم اتصرف بروح مني
انا بعامله مثل مايعاملني وبنشوف
.
.
السـآعة 5:26
عايشة : مهرة خلاص لاتدقين علي مشاكلج بين اخوج مايدخلني بااي
مهرة : لحظة لحظة انتي ليش معصبة انتي الى سويتي المشكلة انتي ال تطلعينه منها
عايشة :انا ماسويت شي انزين يالله بااي
وتجمعت بعينها دموع
عايشة حديث نفس شي الي قاعد يصير مو معقولة هذا ناصر تغير
ياربي الحين شسوي وبتظل هالنشبة تتصل لي
وتسمعني كلام يغثني انا لازم اكلم فهد
.
.
قعدت من نومها بصعوبة وودها ماتقوم
رنـاد : سمــآء
سماء نايمة:ها
رناد :اقول خلج نايمة
نزلت تحت لقت الليتلات كلها مولعة مع انها متاكدة انها طفتها
ولقت التلفزيون يشتغل خاافت قالت اكيد سماءو
لاكنها تفاجات ان في احد بالبيت وهني انزهقت
شيماء :ههههههههههههه شفيج
رناد تحط ايدها على قلبها : انتي شيابج هني خرعتيني
شيماء : اقولج هربت من البيت جيت عندج
رناد: اهاا هالمرة اتصلي خبريني مو تزهقيني هاللون
شيماء : قومي نطلع والله ملل
رناد : اقول شوفي الساعة وبعدين رفيجتي نايمة
شيماء :منو ذي
رناد : سمااء اقول امشي قعدي بسوي الفطور
شيماء : يالله ترا يوعانة
سوت الفطور وكملت
شيماء : افف ماتتصورين يارناد شصار
رناد : شنوو قولي
شيماء : تهاوشت مع نايف
رناد : على شنوو
شيماء : مادري متحجج وصار الضرب وقمت وهجيت من البيت
رناد : حسبي يالله عليج انزين اكلي .. تبين عصير
شيماء : صبي شورانااا
.
.
اليـوم كـآن الخميس وكل خميسية يتيمعون بيت أبو تركـي ..
من السـآعة8الصـبح
تركي قعد من نومه وكان حيل تعبباان كان مسخن وباين عليه تعبان
اخذ دوش ولبس قميص أزرق مخطط أبيض واخضر ولبس بانطلونه أسود وضبط شعره بالجل ورش
رشة عطر وكمل لف على سارة وكان صوته تعبان
تركي : سارة
سارة: ...
تركي يحركها : سارة قومي عشان نروح
سارة قعدت وبسسرعة اخذت دوش ولبست لها تنورة قصيرة وتيشرت طقم
ماتكلم تركي شالت شنطتها واغراضهاا ونزلت
وفـي السيارة
تركي كان تعباان وايد وواضح عليه التعب
وصل ونزلت ونزل معااهاا
وقعدوا
عايشة وفيها النوم : يوووووووه انتو هني
لولوة : تركيوو شفيك مريض ولا شنوو
تركي بتعب : مافيني شي
لولوة : واااااضح اقول سارة شفيه
سارة تلتفت له وتتأمل فيه : مافيه شي
تركي : عايشة غرفتج مبطلة
عايشة : ايوا
تركي : بروح انسدح فيها اوكيه واذا ياا خالد قوليلي
عايشة : اوكيه
لولوة : مابتقومين ويااه
تركي يلتفت له لولوة وياشر : لامايحتاج تجي معااي
سارة تنااظره وواضح عليها القهرر
.
.
خالد يربط الجوتي : يالله حسبي يالله عليج أخرتيني
فطوم : لالالا اصبر لحظة كاني ييت يالله
حرك السياارة ورااح لبيت خالتهـ ..
دخل البيت بدون لاجرس ولا شي
فطوم : عواشووه شخبارج
عايشة :هلالا دشي
خالد : وين تركي
عايشة : تعبان راح انسدح مو تقعده خله نايم
خالد : انزين فهد ريلج هني
لولوة : اي في مجلس الرجال مع أبوي وعمي
خالد : اوكيه يالله
.
.
تـركي كان تعبان ويتقلب مو عارف ينام وجسمه ساخن حيل
عايشة : سارة قومي روحي له
سارة : سمعتينه قال مايحتاج
عايشة : بلى قومي روحي له يالله عاد
سارة بضيق :اوكيه
وراحت له لقت يتقلب وموعارف ينام ويتنفس بصعوبة
سارة تقرب منه : تركي
تركي : .......
سارة تحط ايدها على جبينه : مسسخن فيك شي
تركي :لامافيني شي بس بناام
سارة تناظره : تركي قولي شفيك
تركي :مافيني شي سارة
سارة : مني انا ؟
تركي : ...
سارة : تركي لاتقهرني اتكلم حرام عليك
تركي :سارة انا تعبان وخلاص بنام بريح
سارة :اوكيه نام انا بقعد هني
تركي ينقلب الجهة الثانية ويتنفس بصعوبة وجسمه صار اسخن قام يكح
سارة فزت : تركي فيك شي اتصل على الدكتورر
تركي يكح :لامافيني شي والله
سارة :لآتحلف لاتحلف تركي قوم معااي خالد بيوصلك عشان نروح المستشفى
تركي :مولزووم والله
سارة ضاق صدرها : انت تغيرت علي انا مرتك ومن حقي اخاف عليك
تركي بسخررية : تخافين علي هاا
سارة سكتت عنه وواضح عليها القهرر وانسدحت على الجهة الثانية
تركي قام بيطلع وكان يعرج مو قادر يمشي وفجأة طااح
سارة فزت من مكانها : ترككي تركككككي
وقامت تصرخ والي تحت سمعوهاا
عايشة تركض : سسسارة
سارة تبجي : تركي تركيي
لولوة : فهدددد
خالد بخوف : شفييج ؟
لولوة : تركي طااح
خالد يناظره : فهد شيله بنوديه
وشاالوه وخلوه في السيارة
سارة : ابي اجي معااكم
خالد :لالا شتجين يالله اقعدي بعدين بنجي لج
سارة والدموع بعينهاا : تكفى خالد
خالد بعناد لالا : ومشى عنهاا
.
.
خالد : شفيه دكتور
دكتور : مافيه شي بس تعبان عطيناه مغذذي وان شاءلله يطلع بكرة
فهد : نجيب سارة ولا شلون
خالد : خل نروح نشوف
دكتور :ا يه تفضلو مافي مانع
تركي كان تعبان حيل وصار تحت عيونه اسود وفي يده مغذي وعليه اكسجين
خالد : هاا شخبارك
تركي مو قادر يتكلم بس هز راسه بانه اوكيه
فهد : يه شفيك مرة وحدة قلبت
خالد : تركي
تركي : .....
فهد يهز تركي : تركي هوو
تركي بصعوبة : خير
.
.
عايشة : بس سارة بتقلتين نفسج خلاص
سارة تمسح دموعها : ابي اروح له
عايشة : الحين بيدقون بطمنونج
يتــبع