| في الشاليه
وقت الي بيشون
راح تركي معاهم وسارة مع البنات
وبدأو يسولفون
سحر : سارة امشي ابيج بموضوع
سارة بهمس : خير ؟
سحر : مشكورة وايد انتي وتركي ماتقصرون
سارة :العفو ولوو بس هاا ماوصيج لاتقربين من احد وخلاص اهو بيتزوجج
سحر : الله يعيني ويستر علي وتسلمين وايد
سارة :الله يسلمج
سحر: اعطيني رقمج بضيفج بقروبنا
سارة : 3....557..
سحر : اوكيه يالله نرجع لايشكون
.
.
جاسم منعزل ويفكر ومرتبك ومتوتر
تركي بحتقار :تعال ياجاسم
جاسم خاف : لا بقعد هني
تركي بهمس :بالطقاق وعنك ماييت
محمد : الا اقول تركي
تركي :هلا
محمد : مو ناوي تسافر كلنا بنروح دبي
تركي:يصير خير
محمد : الكل بيروح حلو كلناا نروح ضروري تيي
تركي : يصير خير ياولد الحلال
محمد : .........
.
.
الساعة 8 بالليل
تركي : سارة
سارة التفت له : نعم
تركي بضيق وباين عليه الحزن ودموعه متجمعة : أناا
سارة : شنو شفيك تركي ؟
تركي : اناا اسف
سارة : على شنو
تركي : على كل شي
سارة : بس انت ماسويت شي
تتركي مسكها من يدهاا وراحو الغرفة : انتي تكرهيني صح
سارة : لامن قال
تركي : بلى تكرهيني
سارة : شهالكلام ؟
تركي بحدة :اي انتي تكرهيني ماتبيني صح طالعيني حطي عينج بعيني
سارة تناظره وتلمس جبينه : انت مسخن ؟ تركي من لاعب بعقلك شهالكلام
تركي يضغط على جتفها : صح كلامي ولالاء صح لاه انتي تكرهيني انتي تحبين غيري
سارة منصدمة : تركي
تركي : ......
سارة : تركي ولا راح تعتدل صدقني وبعدين شهالكلام وشنو احب غيرك اذا مو واثق فيني لاتكلمني
وانت قلت مابعيدها بس عمرك ماراح تتغير تركي وانا عارفة هالشي لاكن الشره مو عليك علي انا
الي صدقتك
تركي عصب وطلع برع
سارة بقلبهاا هذا شفيه قلب علي شهالكلام الي يقوله و شلون يتجرأ يتهمني اففف ياربني شيفكني اسبوع بنظل
الله يصبرني عليه ونزلت دمعة من عينهاا
.
.
عايشة : ناصر
ناصر : هلا
عايشة : ماشفت تركي ؟
ناصر : لا
عايشة : مادري طلع معصب ومادري وين راح
ناصر : مافيه شي بيرجع
عايشة : انا اعرف اخوي كان معصب حيل
ناصر : يمكن صاير بينه وبين سارة شي
عايشة : بشوفها اكيد الحين تبجي
وراحت لها الغرفة لقتها على حافة السرير ودموع على خدها
عايشة تمسح دموعها : شفيج سارة
سارة : مافيني شي
عايشة : شسوى لج تركي ؟
سارة : ماسوى شي ..
.
.
أحمد : مو معقولة يمكن مسافرين
فاطمة : مادري انا بكلمهاا بشوف
ترسل مسج حق سارة
أحمد بقلبه ان شاء الله خير
.
.
تركي طلع من الشاليه راح بيته راح انسدح على السرير مايدري ليش قال هالكلام لسارة
مسك راسه وضغط عليه : يالله شقاعد يصير فيني اناا شلون اقولها جذي
الحين مستحيل تسامحني الى اسوي فيها مو شوي
رن تلفونه
عايشة : الو
تركي : هلا عايشة
عايشة : شصااير شفيك ؟ شمسوي بسارة
تركي قام : شفيها سارة
عايشة : كالعادة ياطاقها او قايلها كلام يغث صح ؟ ولمتى بتيوز انت وبعدين قول ماتبيني انا مالومها اذا قالت ماتبيك
والكل يسأل عنك
تركي : خلاص برد بعد شوي ذلفي
عايشة : بـاي
.
.
سارة تفتح تلفونها وتلقى محادثة من فاطمة
" هلا سارة وينج "
سارة : هلا فاطمة انا بشاليه
فاطمة : اهااا حبيت اطمن عليج وجذي
سارة : انزين ماقلتيلي شصار عن موضوع اختج سمية
فاطمة : الحمدالله حالتها تتحسن
سارة : ان شاء الله خير والله يقومها بالسلامة
فاطمة : ان شاء الله يالله اخليج بنطلع انا واحمدو
سارة قلبها يدق : منو احمد
فاطمة : أخوي اكو غيره يالله اخليج
سارة : الله معاج
ام تركي تدش عليهاا : هلا بنيتي شفيج قاعدة بروححج قومي الكل يسال عليج
سارة تبتسم : لاخالتي بقعد بروحي تعبانة شوي
ام تركي : ماتشوفين شر ان شاء الله الا وين تركي
سارة : مادري خالتي بيرد بعد شوي
جـاء تركي والكل حط عينه عليه من البنات وماهتم لهم كمل طريقه
ام تركي : الله جابك توني اسال عليك
تركي : صاير شي ؟
ام تركي : ولا شي يمه يالله تعال معاناا الشباب يسألون عنك
تركي : ان شاء الله يمه برتاح شوي وبجي
.
.
تركي يدخل الغرفة
سارة كانت قاعدة على الكنبة وتطقطق في تلفونها
دش اخذ له دووش ولبس بانطلون أسود وتي شرت بيضاء فيهاا كتابات بالاخضر وحط جل في شعره وداه على ورا
فـي الوتس آب
جواهر :هلاساروو شلون تركي وياج
سارة : اففففففف انا مادري شلون طاوعته
جواهر : الله يهديه انا قايلة لج هذا زفت ولاراح يعتدل
سارة : الله يهديه بس انزين ماتقدرين تمريني ماتحمل اقعد ويااه
جواهر : الحين ماقدر بقعد مع ابوي مريض شوي
سارة : مايشوف شر باجر مري علي الصبح
جواهر :يصير خير
..
تركي راح قعد على السرير يقرأ بالجريدة الرياضية
هـدوء ولانطقو بكلمة .. ملت سارة وقامت بتطلع
تركي : على وين
سارة : بطلع بشتم هوا هني خنقة
تركي: بعد شوي قعدي
سارة : شتبي مني
تركي : قلت لج قعدي
سارة تنهدت تنهيدة وقعدت تذكرت امهاا لو انها عايشة ماصار لها الي صار
ونزلت دمعة من عينهاا لاحظ تركي وجه سارة متغير
تركي بقلبه شحقه قلت هالكلام ؟ ماسوت شي لي اففففف
عايشة تدش : هاااا طاح الحطب
تركي :جب وذلفي
عايشة : تعالي معاي سارة
سارة قامت وتبي الفكة : .......
تركي : خليهاا
عايشة : مو على كيفك .. وسحبت سارة
..
يتبع
|