| الساعة 12 بالليل نصهم بالغرف والنص الثاني يتمشون ويشون
كان تركي من ظمنهم قاعد يتمشى مع الشباب
وسارة تجمعت بغرفة مع سحر وعايشة ولمياء
.
.
مريم : شوفيه والله ينن
جودي : افف مللتيناا
وجدان : اقول انتو والله ماعندكم سالفة خاقين على واحد متزوج
رحاب : هاي المشكلة ههههه
مريم : انزين شوفي الي معاه بعد يخقق
رحاب : اقول جب واكلي تبن وخلينا نام
وجدان : دياية هالحزة ينامون
رحاب : اي دياية خل نام
.
.
الساعة 2 الصبح
رجع تركي للغرفة
تركي :السلام عليكم
سارة بهمس : وعليكم السلام
تركي : لحين مانمتي
سارة : ........ ( ماعطته ويه )
تركي : شفيج
سارة : مافيني شي قول روحك شفيك تقط كلام وبس
تركي : بالغلط مو قصدي زين
سارة : وهذا كلامك كل مرة مو قصدي ومو قصدي
تركي : الواحد مايغلط
سارة : تركي انت تقص على منو ترا انا عندي احساس مليت كل مرة اقول بتتغير بس لا
تركي : سوري زين
سارة وهي تلم اغراضهاا : اها
تركي: ليش تلمين اغراضج وين راحية بعد 6 ايام
سارة : اختي بتمرني الصبح
تركي : وليش ان شاء الله
سارة : مابي اقعد هني
تركي: انتي مكبرة المووضوع وايد
سارة : لا مو مكبرته ماعتقد وحدة بتتحملك وتقول لها تحبين غيري وطقها بتصبر عليك
تركي يحاوطها من خصرها : تزعلين مني اناا
سارة تدفه : هالحركات مو علي زين
تركي يسحبها ويخليها في حضنه : زعلانة مني يعني
سارة حاولت تفلت منه ماقدرت
تركي قرب منها وطبع بوسة في خدهاا
سارة اتقرفت مسحت مكان البوسة بقرف : اخر مرة لك
تركي استغرب من حركتهاا وبنفس الوقت تضايق
سارة انسدحت وعطته ظهرها وهو عطاها ظهره
أنبها ظميرها على الكلام الي قالته بس هو بعد يستاهل ماحبت تزعله
سارة تقربت منه وحضنته وبهمس : تركي
تركي مضايق : شنو
سارة بهمس : اسفه
.
.
الساعة 6 الصبح وسارة مانامت ولاتركي نام
قعدوا اثنينهم وراحت تغسل ويهاا وهو دش يغسل ويه
عايشة دشت : الحمدالله قاعدين يالله الريووق
تركي :زين ذلفي
سارة كانت مسخنة شوي وتعبانةلانها مانامت
وثنينهم ساكتين من أول ماقعدو ولاتكلمو ولا شي ولاحد صبح ع الثاني
.
.
عايشة : صباااااح الخير جميعا
الكل : صباح النور
ام تركي :و ين تركي وسارة
عايشة : قعدتهم
ام دانا : قعدتي البنات
عايشة : يب خالتي قعدت الكل
وبدوا يتجمعون البنات لحالهم والشباب لحالهم
سارة يبين عليها تعبانة مامدت يدهاا وكان تركي يراقبها
ام تركي : سارو شفيج اكلي مامديتي يدج
سارة : لاخالتي مابي مو مشتهية
ام تركي: ويهج مصفر أكلي
سارة تكح : لا خالتي مابي تعبانة شوي بروح ارتاح
لمياء : ماتشوفين شر
سارة تكح : الشر ماييج
وراحت الغرفة حطت راسهاا وحاولت تنام بس ماقدرت
فتحت التلفون وكلمت اختها
جواهر: متى تبيني امرج
سارة : اذا رجع تركي بخبره وبرد عليج اوكيه
جواهر : انزين
سارةتكح : مع السلامة
جواهر :باي
عقب نص ساعة دشت لمياء
لمياء : يودي هذا دوا حق الكحة
سارة : مشكورة
لمياء : العفو يالله تحملي بروحج
وصادها ألم في ظهرهاا وبطنهاا
سارة : اخ اكيد مال حمل وحزته الحين
تركي دش
تركي :ليش ماكليتي شي
سارة تمسك راسها : مابي
تركي :تعبانة
سارة : اي بخلي اختي تمرني بطلع
تركي : لالالالالا مافي طلعة
سارة : بتمرني بعد شوي
تركي : لا قوليلها لا
سارة : ليش عاد والله مليت
تركي : مليتي من شنوو ؟ مني
سارة : لا مو منك من معاملتك لي
تركي : وشلون تبيني اعاملج
سارة : بس خلاص تركي ماله داعي هالنقاش
وراحت على السرير حطت راسهاا تعبانة حيل وكل شوي تكح
.
.
تركي : اتصل على الطبيب
سارة : لا مو لزوم
تركي : بلى شوفي ويهج شلون
سارة : تعب مال حمل اظن
تركي : هههه
سارة عطته نظره ولفت ويهاا
تركي تقرب منها : ههههه شحقه هالنظرات بعد
سارة : تركي تباعد
تركي تقرب منها اكثر
سارة من دفت تركي وطيحته على الارض وهو سحبها معاهاا وصارت على صدره
تركي يتأمل بوجهاا
سارة حمرت من الخجل وكانت بتقوم بس تركي ماسكهاا عاجبه الوضع
سارة بخجل : تركي
تركي : هههههههه مابهدج الى لما تنفذين طلبي
سارة بخجل : شنو
تركي يأشر على شفايفه
سارة حمرت من الخجل : لالا مستحيل
تركي : عيل ظلي جذي لليل
سارة استسلمت ونفذت طلبه تقربت منه وباسته
تركي تصنم مكانه
سارة قامت وجها احمر
تركي : هههههههههههه
.
.
=\
أحمد : فاطمة ماتقدرين تخلينها تمرج الحين
فاطمة : هي انت شفيك تراها متززوجة
احمد : جب
فاطمة :متزوجة وحتى شوف حاطة حرف ال t بصورتها والنك مالها يعني تحب زوجهاا شفيك انت
أحمد عصب :مالج خص يااه
فاطمة حطت يدها على قلبها : الله يعينه بس ..
.
.
الساعة 2 الظهر .
تجمعو البنات وقعدو يسولفون كانت سارة قاعدة معاهم بس ماتكلمت ولا كلمة
دانة : سارة
سارة : هلا
دانة : شفيج ساكتة
سارة : مافيني شي
دانة : اشك انزين احنا متفقين على طلعة وجذي البنات بتين معانا
سارة : ان شاء الله بجوف وبرد
دانة : اوكـيه
عايشة تنط صوبها : قولي شفيج
سارة تبتسم : مافيني شي
عايشة : تبين ادفنه لج
سارة : من بعد
عايشة : تركي
سارة : هههه لا مارضى عليه
عايشة : مالت عليج انتي ويااه
سارة تمللت وراحت الغرفة وشيكت على غرفة البنات لقتهم نايمين
راحت قعدت على الكنبة وتقرأ المجلة وبعدها فتحت الوتس أب وتكلم رفيجاتي الى من سنين عنهم
.
.
تركي : جاسم
جاسم برتباك : هاا
تركي : هاون اسمع بيك تروح تجيب الشيشة الى بغرفة حمد وفي ثنتين بعد ف الكبت زين
جاسم : هاا ان شاء الله
تركي يعطيه نظرة حقارة وراح
ناصر : بتشيشون ؟
تركي : اي
ناصر : خلاص انا معاكم
تركي : حياك يالأأخو وين فهد ماله حس
ناصر : ماياا أصلآ
تركي : امم
.
.
جاسم جاب الشيش
تركي أستلم وحدة وناصر ووحدة والباقي توزعوا
ام تركي : يوه تشيشون ياسودان الوجه
تركي : يمه شيشة مو مخدرات
ام تركي : وانت ياناصر اروح اناديلك عايشة
ناصر : لا خالتي تكفين اي اصلا عايشة ماتقول شي
ام تركي : وانت ياتركي اناديلك سارة
تركي : ههههههههه ماتسوي شي
ام تركي دشت لقت سارة مع عايشة يسولفون نادتهم
عايشة: ناااااااصر !! تشيش .. وراحت وهي معصبة
سارة انصدمت منه بس ماحبت تبين مشت بخطوات بطيئة وهادية ودشت الغرفة وقفلتهاا
.
.
ناصر : ههههههه
تركي ضايق صدره بس مابين : هههههه ليش يمه
ام تركي : تستاهلون وبكلم ابوك انت
تركي : يمه شدعوة ماسوينا شي
فيصل : تراها كل شيشية مرت عمو
ام تركي : مرت عمو تبط عيونك تشيشون هاا وانت ياتركي وناصر ولاعاد تكلموني
تركي قام يشرب والكل استغرب منه ماهد الشيشة حتى قام يكح وراسه عوره
ناصر يسحبها عنه : بسك ياخي خلاص شوف ويهك شلون صار
تركي يسحبهاا : ماعليك مني
رجع تركي الغرفة لقاها مقفلة طق الباب فتحته له ورجعت على الكنبة
سارة نزلت راسها عشان ماتشتم ريحة الشيشة
تركي قعد يمهاا وعلى طول تباعدت وقامت تكح
تركي : شفيج
سارة : قوم تسبح بدل ثيابك
تركي اخذ له دوش ولبس بانطلون جينز وتي شرت خضراء
سارة منقهرة حيل منه : هاخلصت تشيش
تركي : لا سحبوها مني
سارة : تشيش هاا ؟ يصير خير
تركي : ههههه لاتصيرين امي الثانية
سارة : الا بصير
وحطت راسهاا وتغطت كامل كلمت ختها بالوتس اب
جواهر :هلا
سارة:اهلين
جواهر : شصار معاجج
سارة : يشيش حضرته الله ياخذه وافتك منه
جواهر : ههههههههههه بلا هالكلام
سارة : شسوي بعد قهرني
تركي : تكلمين من
سارة : ...........
تركي : تكلمين من !!!!!!
سارة : ..
تركي سحبها من يدها وقعدها على السرير : تكلمين من هاتي التلفون
سارة : مالك خص اكلم من
تركي يسحب تلفونها ويقرأ المحادثة : الله ياخذني وتفتكين مني هاأ ؟
سارة : امزح
تركي عطاها نظرة احتقار وطلع برع
.
.
تركي : بنام معاك
فيصل : حيااك بدال بروحي
تركي زعل وبنفس الوقت مصدوم من الكلام الى قالته سارة حط راسه ونام
. |