| سارة بضيق : راح تركي
جواهر : ايه راح قومي تغدي
سارة :لامابي
جواهر : تاكلين يعني تاكلين شوفي شلون صرتي ؟ انتي حامل
سارة : مابي الولد ابي اسقطه
جواهر بصدمة : لالا بذمتج ياسارة ان سقطتيه لاني اختج ولا شي احمدي ربج على النعمة
سارة تبجي: انا بطلق من تركي مابيه شسوي في الولد قوليلي
جواهر : جـب ولاابيج تتكلمين عن هالموضوع
.
.
تركي وعيونه تلمع من الدموع : أي يمه
ام تركي بصدمة : لاشنو تطلق ياوليدي هذي سارة الغالية
تركي ونيران في قلبه : يمه قلت لج خلاص انا بطلقها وورقتها بتوصلها
انتشر الخبر وصار عند الكل
بعـد يومين وصلت ورقة طلاق سـارة !!!!!!
جواهر تتمالك أنفاسهاا وتشهق : سا ا رة
سارة خافت : شنوو ؟
جواهر : تركي ط لق ج
سارة حست واحد صب عليها ماي بارد حست ان اجد طاعنها بخنجر حاولت تملك نفسهاا : جواهر طلعي براا
ونزلت دموع من عينهاا لمست بطنها وهي تبجي : ااااه بتظل بدون أبو لازم اسقطك
أنتشر خبر طلاقها واتصلو فيها واايد من صوب العيلة ولا ردت 3 ايام هذا حالها ماتاكل ماتشرب
أمـا تركي السقارة ماتفارق حلقه شغل مايروح نوم ماينام اكل ماياكل
عايشة والدموع بعينهاا : تركي لمتى على هالحال خلاص اطلع من الحالة الي انت فيها
تركي بصوب مبحوح : اطلعي برررررررررررع
.
.
أبو محمد دش وهومعصب : انتي هي شنوو تنزلينه
سارة تبجي : يبه من له ؟
ابو محمد : وانتي وين رحتي
سارة : يبه ماااااااااابيه تركي طلقني خلاصص
ابو محمد : عسااه مايربح
وطلع وهو معصب حسيت بالأهانة حسيت بالذل تمالكت نفسي وحطيت راسي ونمت
جواهر تتكلم بالتلفون على خفيف : شقولك ؟ وانت خليت فيها حال وفوق هذا تبي تنزل الولد
تركي بأندفااع : لا شنو تنزله وقسم بالله اكوفنها ان نزلته
جواهر : خلاص ياتركي ماهي بذمتك انت طلقتها
تركي سكت : .........
جواهر : المهم وأسمع ان صاد سارة شي ترى كل منك وانت ماقصرت فيهاا طق ومطاقق اانا مادري شالي خلاها تصبر وياك
تركي : صج والله انا ابيج عون صرتي فرعون الشره مب عليج علي انااا الى متصل عليج
تركت التلفون وتنهدت تنهيدة
بعـد 3 أسابيع
سارة دشت الأسبوع الثـاني
.
.
أحمـد : شنووووووو من صجج ؟
فاطمة : أي تطلقت الله يعينها
أحمد : انتي متأكدة
فاطمة : اي شفييك بس وعلي حامل
أحمد دش واخذ أخته معااااه
.
.
فاطمة : ساارة
سارة تلتفت لهاا : فاطمة ؟!
فاطمة : يمه ليش ويهج جذي أحمر من البجي صح وحضنتهاا
سارة تبجي : .......
فاطمة : خلاص مسحي ويهج والحين ضيف بيجي
سارة استغربت : من
فاطمة : دش
أحمد دخل وعيونه بعيون سارة فهم كل شي بعيونها
سارة انصدمت : نعم
فاطمة : اخوي متقدم لج
سارة والصدمة ماتفارقها وبصراخ : انت واحد قليل ادب واحد مامتستحي " ادخلت جواهر عشان تسحبها " احر ماعندي أبرد ماعندك انت ورا كل شي تبيها من الله اتطلق لاكن والله ماخذك لو اخر ريال بالعالمممم
جواهر تحط يدها على فمم سارة ومستغربة منهاا : بس سااااااااارة ودخلتها داخل
جواهر وايديها على راسها : سامحوني اهي من تطلقت وعلى هالحال لاتاخذونها جد
أحمد منصدم : فاطمة يالله خل نطلع
.
.
أبو محمد : نعم
تركي : هلا عمي
أبو محمد : انا ابو محمد وبس
تركي : عمي طلبتك شلون سارة الحين
أبو محمد : شتبي انت مو طلقتهاا بس خلاص وانساها بعد " يلعب على أعصابه " ومتقدمين لهاا وهي وافقت
تركي بصراخ : وقسم بالله ان اخذت واحد غيري لاكوفنهم ثنينهم
ابو محمد : انت مالك خص ياولدي ماهيب بذمتك ويالله اعتذر
تركي يصارخ : ماعليه
حمل مفاتيحه والشرار يطلع من عينه
رفس الباب بصرخة خلت الموجودين بالبيت يلتفتون
تركي يصارخ : والله ماتاخذ غيري وينهااا
جواهر : خير شتبي منها بس خلاص تركي ماعاد تفهم انت ؟ انت ماقصرت في سارة " ابوها عطها نظرة عشان تلعب على أعصابة " وتوقف في نصيبها الحمدالله وافقت وبكره الملجة
تركي والدموع ممتلئ بعينها : احرر ماعندي أبرد ماعندكم ماصدقتوا اني طلقتها خلاص انا متاكد انكم غاصبينهااا
سارة دشت عليهم وتلاقت عينها بعيونه وركضت داخل لان ماعليها شي يغطيهاا
تركي مد يده : سااااااارة
ابو محمد : اطلع بره ياوليدي خلاص ماهي بذمتك
تركي : تحلمون اطلع
ابو محمد تنهد تنهيدة وقعده على الكرآسي : تركي شفيك مو انت طلقتهاا
تركي : لاماطلقتهاا
ابو محمد : والورقة انزين اسمع هي متقدمين لهااااااااا ولاتوقف بنصيبها رجاءاا خل تعيش حياتها يعني تنتظرك تردها بذمتك
تركي والدموع بعينه : انا بردها بذمتي بس ماتصير حق غيري
اابو محمد يلعب على اعصابه : لا تأسف مني انا عطيتهم كلمة وهي موافقة ومستانسة
تركي : مستانسة ؟؟ احر ماعندي أبرد ماعندهااا
ابو محمد:خلاص وليش تهم روحها عشان واحد غريب
تركي يبتسم ابتسامة كلها حزن وضيق : صرت غريب هاا
.
.
بعـد شهـر كامل
أبو محمد : من انت
... : تفضل خوي
أبو محمد ياخذ الورقة : مشكور
وسكر الباب
جواهر : شنو يبه
ابو محمد : اقري
جواهر : هذي حق سارة من تركي مولازم اقراه خل هي تقراها بنفسهاا.. سااااااارة
سارة بخوف : نعم
جواهر رمت عليها الورقة : من تركي
سارة بدأت تقراها واطرفها متجمدة وصلت السطر ال 4 وهي تبجي لما كملت شققت الورقة كلهاا
.
.
لمياء : ماترد علي مادري شفيها
عايشة : ااااااااااااه الله يعينهاا
لمياء : ليش ماتركي يردها مدام يحبها
عايشة : يقولج هو راح وطلب يردهاا بس تقدموا لهاا وهي موافقة
لمياء : لاشلون سارة توافق انا عرفهاا
عايشة تنهدت : هذا الي سمعته
لمياء تلتفت: تركي تعالي
تركي وجه اصفر : نعم
عايشة : ردها ياا تركي شوف ويهك شلون وحالتك
تركي بلع غصته : خلاص بتنخطب
عايشة : جذابة وربي سارة هي تحبك هم يجذبون عليك انا متاكدة سارة ماتسويهااا
تركي التفت لها وعلامات الاستغراب في ويه : متاكدة
عايشة : اي وانا اليوم بقنعهااا
.
.
جواهر : يالله قومي بنطلع ملينا من قعدة البيت
سارة كح : الشهر الثالث ظهر منكسر انزين قوميني
جواهر : مايبين مافيج بطن ههههههه
سارة : ههه زين قوميني
جواهر تمد يدها : يالله مشيناا
وتوهم بيطلعون الى سارة تصدم بصدره
سارة رفعت عينها : وعمى .. وميزت الشخص الى هو تركي
تركـي أيه تـركي الي اول مرة اشوفه يبكي بهالطريقة
حاولت تفلت منه لاكنه مسك يدها : انت لي بس وانا رديتج بذمتي
سارة سحبت يدهاودشت السيارة وهو قاعدي كلمها من الدريشة
سارة : حركيييي
لحقهم بالسيـارة راحو مطعم عشان يتعشون ولحقهم داخل وقعد يم سارة
سارة شافته بس ماتكلمت حاولت تجاهله لاكن دموعها ماقدرت تجاهله وقامت تبكي رمت الي بيدها
تركي مسح دموعها : بس لاتبجين
سارة باعدت يده عن يدها بقرف : لاتلمسني
تركي عصب : جواهرقومي انا اليوم رادها البيت يعني رادهااا
يتبع |