✿

طبعا كانت طيارتنا الساعة 9 بليل ^^"

تجهزنا و رحنا المطار ووصلنا الساعة 7 و نص نحن مع عمووة

جانا واحد يقول انتو عائلة 42 شخص قلنا هييه قال ويينكم تأخرتو

بسرعة قلنا بعدهم ما وصلوا قال ما يصير لازم تروحون و تخلصوون

بس الحمدلله على طوول يوو قوم اعمامي و عماتي خخ

رحنا قال الحريم لازم يدخلون الغرفة و يفتشونهم

انا و و بنت عمي و بنت عمووه شردناا دخلنا البوابلة و ما تفتشنا ههههه

رحنا عسب كل واحد ياخد جوازة و تذكرته و رحنا دخلنا الطياارة و كنا اول نااس

قلناا ويين قايلين نحن آخر ناس و الطيارة خلاص بطيير يلسنا ليين ما جو كل الركاب

و طارت الطيارة انا كنت مدخلة الكانون وياي و يلسنا نتصور و نستهبل و ازعااج

و وصلنا حدود السعودية و كان برد و مطبات هوائية وااايد انا دوخت واايد و رااسي عورني

ووصلنا كاااان برررررد وااااااايد و رااسي و بطني يعورني و ركبنا السيارة و وصلنا الفندق

كلناا في الدور السادس و اخذنا البطاقة و دخلنا الغرفة و كانت الساعة 1 و شي

دخلنا المكسف كان حاااار وااااااايد عاد تعبانين نااممينا

قمنا عسب نصلي الفجر ماما قالت خلتني مع اخواني اليهال و مارحت وياهم

و صار الصبح و المكيف حاااار بابا راح الاستقبال و رمس معاهم قال رح نجييب المهندس

قلنا اوكي صار فليل و مايا قال بابا ينكن نسو بروح لهم راح قالو اليوم كان مشغول بنييبة باجر

قلنا اووكي توكلنا على الله انزيين و يا الصبح و صلح المكيف و الحمدلله الغرفة صاارت باردة

انا ارجع الغرفة الفجر بس لاني انام مع مرت عمي خخخ ما احب انام في مكيف حار

انا و بنت عمي بسرير و مرت عمي و بنتها الصغيرة بسرير و سرير لأمون لانها ترافس و هي تنام خخخ

عاد خلاص تعودنا طالع نازل و النت كان ضعيف كنا نجلس عند المصاعد و نسوي ازعاج كان 8 مصاعد في الوسط

للفندق كامل نحن دووم نوقهم و نسوي ازعااج و في يووم تخبلو اليهاال خلاص يوقفون المصاعد و يغصصون بالي داخلها

ففي ولد ما طاعو يتركونة و نحن البنات يالسات بعييد نرمس في بي بي ..> امهاتنا سوو لنا خدمة لاننا خلصنا رصيدنا بس في يوم خخخ و قالو منسوي لكم خدمة بس بشرط تنتبهوون لليهال و سويناها انا قلت ماما غرييبة وافقت خخخ

انزيين الولد وحليلة يقول لهم خلوني بروح فوق و هم مش راضيين رحت انا و بنت عمووه نهزبهم جان يقول لنا ساااعدوووني بصوت عااالي الكل فطس ضحك و هو انحرج ما يدري اننا موجودين و يطلع بسرعة و يروح للدرج

الصراااحة المديينة كانت رووووووووعة بس الاكل ابد ماشي ملح حتى في مكة ><"
كنا نطلع بعد صلاه العشا نروح المولات و المجمعات كل يوووم خخخ

هيييي في بنت سعودية في المديينة يتني قالت ابي اتعرف علييج انا فاتحة عيوني مستغربة

بنات عمي يضحكوون قالت انتي من الإمارات صح قلت هييه قالت انا رهف قلت انا آمنة

و عطتني رقمها قالت دزي لي مسج قلت اووكي بس فوني في الغرفة مفضي لما يشحن بدز لج مسج

قالت اوكي و بنات عمي يسحبووني ركيييييييض يخبروون شو صار هههه حليلها لحد الحين ما دزيت لها مسج شوو استحي ما اعرفها و يتني فجأه


سويينا مقاالب واايد و صارت مواقف وايد بس تعبت ><"

رح اكتبها بعديين خخخ

__________________