| لاتعتب علي مو قصدي الفراك
ثق وداعتك مايوم عفتك
انت بروحي عايش بين الضلوع
شفت الموت صدك من ذكرتك
رادوني اعوفك واعمي العيون
... ... واني بكلبي زارعهه محبتك
صار سنين احبك واعشق موت
شتضن الروح تفرح لو هجرتك
قبل ماجنت اعرفك حتى احس بيك
وكم مره بالحلم يا حبي حضنتك
شفت بيك المحنه تحير عقول
محد يكدر يوصل محنتك
غيرك شاف كلبي وتيه البال
من كد ماعمر شايل محبتك
اعوف كلبي اذا رايدني انساك
واموت روحي صدك لو تركتك |