صديق الطفولة وش جرى لك مع الأيام
فقدنا ملامحنا مثل ساير الأنام
وقفنا جميع وبيننا حاجز الأعوام
وأنا اشوف في وجهك طريق غشاه عتام
وسدره.. هي أكرم من أهل بيتها اللوام
وعود ٍ كبير ودايم ٍ فالظلال ينام
وسور كتبنا فيه ذكرى عبث وأوهام
بثوب تبلّل بالمطر والتراب وشام
أنا وانت طفل وطفل دايم رضى وخصام
دعاني بوجهك ناده ٍ ينده الأحلام
أنا كيف أباصل والأمل خلف مو قدام

بيني و بينك عرفت الموت
تبي الصدق حبها منحوت
أفرشلها القلب بالياقوت
صدري قصور و مدن و بيوت
يا ويل ويلي عليها صوت
و سكوتها غير كل سكوت
قد شفت شمس زرعوها توت
يا حلوها و القلم مبهوت
هي دنيتي و الهوى و القوت
متغرب و غربتي تابوت
قولو لها لو يفوت الفوت
و قولو لها و الله إلا موت
ان حكت غار السكوت من الحكي
كنها والشمس خصم ومشتكي
الثرى يا مايسه مغروركي
والجمال امرايته في وجهكي
الحلا يا حلوتي شبّه بكي
والحروف اتهني احروف اسمكي
يا غريره ياغرورى مسلكي
في طريقي ضاعت الخطوه لكي
يابن الحلال ان طعتني خل الاسراف
الزين موبس في الملامح والاوصاف
مانيب من يهوى سريا وانصاف
بنت الخليج اللي تماري بالاعراف
مالي غرام بقول وخا وبالزاف
احب قولة ياهلا وعل وماخلاف
اللي تحلاها الظبي حلو الاطراف
واللي بها سحر مهو سحر عراف
عطف وحنان وذوق في لين الاعطاف
صعب على اللي بالردي شاف ماعاف
شمس الى من اشرقت والدجا طاف
السيف مايزهى سوى كف سياف
بس أنت دورلك على قدك لحاف

صباح الحب / صباح الورد / صباح أحلا من السكّر
صباح التوت والكادي صباح المبسم الأحمر
صباح الخوخ لاعانق عناقيد الكرز وأثمر
صباح (اللتغه) بلسانك صباح الناظر الأحور
صباح الهيل والدلّه صباح الروض لا خضّر
صباح الصبح بخدودك وشعرٍ ساكبٍ أشقر
صباح الطالب الشاطر يردّد ( ياعلم أخضر )
صباح الشعر والشاعر حروفه فيك تتبختر
هلا بك كثر ماجيتي ورحتي لا بعد أكثر
هلا بك ليش أكررها وهي في طلتك تصغر
أشوف الورد بحضورك تنفّس وإنتعش وأزهر
ثلاث شهور وعيوني تسامر طيفك وتسهر
أنا أدري الدرب يطويني وأنا أدري موتي مقدّر
تعالي لعنبو حيّك زمان الذل ما قصّر
تعالي لملمي شتاتي جبرني الوقت أتبعثر
دخيلك لا تخليني بعد هاليوم أتحسّر
أميرة حب وإخلاص وعلى وصفك أبد مقدر
وإذا جيت أوصفك مالي ياكود الفل والعنبر
يابنت العز ماقلت القصيد وغايتي أظهر ؟؟

صباح الحب / صباح الورد / صباح أحلا من السكّر
صباح التوت والكادي صباح المبسم الأحمر
صباح الخوخ لاعانق عناقيد الكرز وأثمر
صباح (اللتغه) بلسانك صباح الناظر الأحور
صباح الهيل والدلّه صباح الروض لا خضّر
صباح الصبح بخدودك وشعرٍ ساكبٍ أشقر
صباح الطالب الشاطر يردّد ( ياعلم أخضر )
صباح الشعر والشاعر حروفه فيك تتبختر
هلا بك كثر ماجيتي ورحتي لا بعد أكثر
هلا بك ليش أكررها وهي في طلتك تصغر
أشوف الورد بحضورك تنفّس وإنتعش وأزهر
ثلاث شهور وعيوني تسامر طيفك وتسهر
أنا أدري الدرب يطويني وأنا أدري موتي مقدّر
تعالي لعنبو حيّك زمان الذل ما قصّر
تعالي لملمي شتاتي جبرني الوقت أتبعثر
دخيلك لا تخليني بعد هاليوم أتحسّر
أميرة حب وإخلاص وعلى وصفك أبد مقدر
وإذا جيت أوصفك مالي ياكود الفل والعنبر
يابنت العز ماقلت القصيد وغايتي أظهر ؟؟

فمان الله يا لولو بحر ماجابه الغطّاس
فمان الله ما قلته وأنا صامد رفيع الراس
فمان الله في دنياً سعيده كلّها أوناس
نهاية دربنا باب(ن) تكاثر عنده الحرّاس
نهاية طيب/ في صفحة وفا/ وختامها نوماس
صحيح (أستأذنك) صعبه ولكن تتبعه (لاباس)
وأنا 00إخترت الفراق المر ورضيت معانق الهوجاس
عشانك يابعد عمري / عشانك يابعد هالناس
فديتك00 (زهرةٍ) فاحت وفا/ وإستنعش النسناس
فديت (الشفتين) اللي يحرسن لمعة الألماس
فديت الطول مع خصرٍ تمايل ضامرٍ ميّاس
فديت الشامه ورمشٍ طويل وناظرٍ نعاس
فديتك كلّك ولجلك حروفي تتعب القرطاس
أجل وشلون أترجم لك مشاعر ما لها مقياس
وأنا لامن عشقت أعشق على وضح النقا نبراس
ياليتك طيف فيبالي تلاشي بحضرة الجلاس
زمن قاسي00بشر أقسى00قلوبٍ مابها إحساس
زمن فيه الوفا كلمه تخط بأبيض الكرّاس
حياتي00دامها شادت بجوفي مملكه لليأس
خلاص (أستسمحك) برحل كما حرٍ كفخ قرناس
بقالك كلمتينٍ تحتهن خط وما بين أقواس