البآرت السآبع ..


فارس بجديه :رغد أنا.. أحبكك
رغد فجأه تحرك شي بقلبها:هآه .. ؟
فارس:آيهه مثل ماسمعتي آنا احبكك
رغد بخووف:لاتقوولي بعد هذا مقلب ! مالي خلق لسوالفك البايخه
فارس يمسك يدها ويحطه بصدره:سمعي قلبي حسي فيه اللي يتعذب كل يوم
رغد بأرتباك مو عارفه وش تسوي:ففآأإرس ..
فارس:عيوونه قلبه ححياته !
رغد ذآبت اول مره احد يقولها هالكلام
رغد التفتت شافت فجر وفجر اول ماشافت رغد تطالعها راحت بسرعه
رغد:لاااا فججر لاتفهمين غلط (وراحت لها)
ظل فارس بحيرته وش يسوي ..
***************
مشعل اتصل على عزوز:الو ؟
عبدالعزيز:هلا والله بالغايب يا قليل الادب
مشعل:هلا فيك ابغاك تطمني احس انوا شي صاير ؟
عبد العزيز:لا كل شي الحمدلله
مشعل:طيب وين نوف هي معك ؟
عبد العزيز:لا نوف مو معي بالخيمه
مشعل بخوف:ميين معهه اججل ؟
عبدالعزيز:مع وليد
مشعل:طيب شرايك نقول له ؟ اخاف يكتشف ويزعل اني ماقلت له
عبد العزيز:لا لاتقوله خله هي مرره نسختك مااحد حس بشي اصلا
مشعل:الله يعديها على خير انا احاتيها مااستانست بهالطلعه اسمع اذا شفتها اتصل علي اكلمها اتطمن
عبدالعزيز:اووك
(وسكر)

*********
فجر:روووحي عني خلااص
رغد مسكتها:مجنونه انتي كيف عباالك يعني بخونك وانتي اقرب صديقه لي هذا واحد فاضي ماعنده سالفه ومثل ماانتي شايفه كنت بروح ومسك يدي
فجردمعت عيونها:آحبه وش اسوي ؟ ادري انه لعوب ويمكن اناني بس احبه كل يوم اتألم اقول يحبني ولا يلعب علي بس للاسف عرفت انه مايحبني
رغد :حياتي فجر انسيه حاولي تنسينه بإي طريقه شوفي وش سوى بحالتك
فجر:طيب شرايك نغير الموضوع..
بعد صمت

فجر: شراييك نروح للمخيم اللي فيه نوف وننام هناك الاربعاء والخميس والجمعه ؟
رغد:عجبتني فكرتك بس كيف بنروح لوحدنا انا وانتي ؟
فجر:عادي نروح لوحدنا ونخلي مشيعل يجي عندنا
رغد:لا لا صعبه اشوي انا اقول نروح لجدي تركي ونقول له
فجر:طييب يلاا
وراحوا عند جدهم ووافق واستناسوا مرره ..
...............
جأ يوم الثلاثاء يعني بكره راح يطلعون وراحوا جهزوا اغراضهم:
رغد:يووه تخيلي بلوزتي اللي لونها تيفاني نسيتها بالبيت
فجر:هههه انا مانسيت شي تعالي بتودين معك الجوتي الفوشي
رغد:ايه اكييد وانتي ؟
فجر:اي حتى انا بوديه معي
رغد:اوه نسيت نوييف قالت جيبوا لي معكم شويه من ملابسها وشويه من ملابس مشعل وقالت اشتروا اغراض كثير من السوبر ماركت
فجر:انا جهزت ملابسها
رغد:اجل خلينا نروح للسوبر
فجر:يلا
راحوا مع خالد وفارس وفيصل وكان قلب فجر يدق بسررعه كل ماتشوف فارس
رغد كانت تفكر باللي صار مع فارس ..كانو البنات يمشون قدام والشباب وراهم يتمشون وياخذون اللي يبونه من اكل ..
رغد:فجر انتي روحي جيبي الحلاويات اللي هناك وانا بجيب شيبسات
فجر:اوكي ...وتفرقوا كل وحده راحت جهه تشتري الاشيا ..
رغد راحت تدور الشباب وفجر لكنها ماشافتهم
وطلعت جوالها بتدق وهي تمشي فجأه تشوف فارس لحاله كانت في البدايه متردده تروح له ولا لا
رغد:ايه انا ماراح اسوي معه شي بس بسأله وينهم ..راحت له..
رغد:فارس وين خالد وفيصل ؟
فارس بس شافها تشقق من الوناسه وجر يدها:تعالي هما هناك
رغد وقفت:طيب طيب اعرف امشي اترك يدي
فارس:اوه اسف (ترك يدها)
شروا الاغراض ورجعوا للبيت رغد كانت تكلم روحها في نفسها:ياربي لايكون حبيته ؟لا وش اخربط انا مع وجهي اصلا هو يحب فجر بس يكابر
قطع تفكيرها صوت جوالها
رغد:آلو
...:هلا فيك يالدووبا
رغد:منوو
..:رغيدووه كلها شهر ونسيتيني ..؟
رغد:الععنود يافدييتك وش اخبارك قلبي
العنود:تمام ياروحي ترى انا جيت من ايطاليا انا وريما ماعلي منك لازم نتجمع اليوم او بكره
رغد:وربي اشتقنا لكم ماعندي مانع بس حبيبتي بكره بنخيم هناك مع الشباب تعالوا معنا
العنود:خلاص حبيبتي ولا يهمك اقول لريما وارد لك خبر
رغد:اووك
العنود:يلا باي
(العنود بنت خالة رغد .. ريما بنت خالة نوف)
وترى هم كلهم يقربون لبعض يعني أهل
*******
الساعه 8 المغرب
قاعدين بالارض والاستاذ يهذر على راسهم
نوف:كيوت
وليد:وش فيك
نوف:هآه ولاشي بس فله اليوم
وليد:مالت عليك

الاستاذ:طبعا الحين راح تنسحب الجوالات منكم وماراح تستلمونها الا في البريك و راح اقولكم وش جدولكم اليومي تجلسون من النوم الساعه خمس
علشان الصلاه والساعه ست تمشون لحد الساعه سته ونص وبعدها تفطرون لحد الساعه سبع ومن الساعه سبع راح تاخذون محاضرات الى
الساعه عشر ومن الساعه 10 الى الساعه 11 ونص ورشة عمل وبعد صلاة الظهر يروحون مجموعه من الطلاب يجيبون الغداء
وبعد الغداء راح تاخذون راحتكم والعشا الساعه تسعه وطبعا استاذ حمد الساعه 11 ونص راح يمر على كل الخيمات ولازم تكونون نايمين ..

نوف:وناسه جدولنا
وليد:وجهك اللي قلب قناة وناسه
نوف:وش فيك يامجنون
وليد بجديه:مشعل وش سالفتك ؟
نوف:شنو ؟
وليد:مشعل انت متغير ما لاحظت على نفسك؟
نوف بخوف:كيف متغير يعني مافهمتك
وليد:مادري بس فيك شي متغير مااعرف وش هو يمكن نحفت
نوف بخوف:اييه ايه يمكن
عبدالعزيز:نوف
نوف دقت عزوز على كتفه:مين نوف
عبدالعزيز:اووه صدق اني مفهي اقصد مشعل
نوف:نعم ؟
عبدالعزيز:مشعل بغيت اسألك محتاج شي ؟
نوف:تو الناس هالسؤال جأ
عبدالعزيز:بسرعه تبي شي ولا ؟
نوف:مشكور اصلا بكره الشباب والبنات راح يجون وراح يجيبون لي ملابسي واغراضي
*********
رن جوال رغد:هلا
العنود:اهلين فيك ترى خلاص قررنا راح نجي معاكم
رغد:وناسه اصلا نوف راح تفرح كثير لما تشوفكم
العنود:ياحياتي وانا كماان فرححانه كثير احس انه شلتنا افترقت
رغد:لاتقولين كذا بس لانك انتي وريما سافرتوا اما احنا الثلاثه ماتغيرنا
العنود:طيب خبريني متى راح تروحوا للمخيم ؟
رغد:ان شاء الله عالساعه ثمانيه الصباح
العنود:خلاص احنا جايين لكم الساعه سبعه ونص في الفيلا حقتكم
رغد:لا لا حنا مو في الفيلا
العنود:وينكم اجل؟
رغد:حنا في مزرعتنا الجديده
العنود:خلاص اجل انتوا اذا بتروحون مرونا ريما راح تكون في بيتنا
رغد:اوك حيياتي
**********
خالد:فيصل ههههه شووف شووف
فيصل بحماس:وشوو ؟
خالد:يالخبل شوف فارس
فارس كان سرحان وشكله يفكر
فيصل:خويلد بقولك سر بس لاتعلم احد
خالد:وشو قوول
فيصل: فريس يحب وحده لكن مو راضي يخبرني من هي
خالد:ههههههه لالا تلقاه بس يفكر شلون يلعب على بنت ماتعرفه ؟
فيصل:صراحه بريطانيا اثرت عليه تذكره أول ؟
خالد:ايه كان حتى يستحي يحط عينه بعين وحده من البنات ومستحيل انساه تذكر لما الحرمه اللي في المول تهاوشت معاه تقوله طالع بعيني قالها جب وراح
ههههههههههههههههههههههه مستحيل انسى هالموقف
فيصل:ههههههههه ايه وانت صادق بس ترا هو مايسوي شي في السعوديه مسوي فيها مؤدب بس في بريطانيا تلقاه ماخلى بنت لحالها
خالد:هههههه ايه اكيد لو يسوي شي في السعوديه انا اول واحد اتصل على الهيئه ياخذونه
فارس اللي كان يسمع كلامهم :بايخه
خالد:بل عليك كيف سمعت
فارس:وش عبالك.. وانت يالخروف فصيل الحين انا اعلمك بسر وعلى طول تقوله حق الناس كلهم
خالد:لا والله ..تقوله سر وانا وشو بالنسبه لك عبالك انا فضيحه مثل هالخروف
فيصل:اقول ترى مااسمح لكم تغلطون علي
خالد:أقلب وجهك بس يلا انقلع
فيصل: اييه ياحمار تسحب الكلام مني بعدين تسبني
*************
فجر:فيني نوم خلينا ننام
رغد:قلقانه على نوف واشتقت لها كثير بدق عليها قبل ..دقت وحطت سبيكر
...
نوف تلعب مع الاولاد اونو ومستانسه ع الاخر وكانت تحاول تتصرف مثل مشعل
نوف:يالغبي دوري دوري
رن جوالها..
نوف:انا قلت اللي مايحط جواله صامت بذبحه منو جواله اللي يرن (واكتشفت انه جوالها) ههههه شفيكم تطالعوني
الكل رمى اوراقه في وجهها
نوف بعصبيه:يالاغبيااااااء (وردت) الووو
رغد وفجر:الوووو
نوف قامت فرحانه:وربي اشتقت لكم
فجر:حتى احنا
نوف صارت تسولف معاهم وكانت تتمشى برى وشافها استاذ
نوف:الووو بنات استاذ يلا باي بيجي لي مادري شنو يبي باي (وسكرت)
الاستاذ:مشعل
نوف:نعم
الاستاذ:مو احنا منعنا الجولات وخذناهم وكررنا منو عنده جوال ليش ماقلت لنا انو عندك جوال يلا هاته
نوف:لا خلاص مااطلعه بس احطه داخل
الاستاذ:لا ممنوع يلا هاته
نوف عطته وجاتها الصيحه ماتقدر تنام بدونه
الاستاذ:يلا رح
نوف راحت لخيمتها منزله راسها وتدمع عيونها وصدمت في وليد
وليد بخوف:عسى ماشر وش فيك مشعل صاير معك شي ؟
نوف فجاه صارت تبكي وتشاهق:اهئ اهئ اهئ
وليد بلا شعور حظنها وصار يمسح على شعرها:خلاص لاتبكي مشعل صاير لااهلك شي اول مره تبكي كذا
نوف تبكي:وليييد اهئ اهئ ولييد
وليد اللي كانت نوف في حظنه لحد الحين: .............

______________________________________________

توقععـَآتكـُم :
رغد آيش رآح تسوي وهل فعلاً حبت فارس ولا مجرد اعججاب ؟

فارس رآح يقول لخالد أنه يحب أخته ؟

ووليد رآح يشك بشي ولا لا ونوف وش رآح تقوله بعد ما حظنها ..؟