حبيت افتتح مواضيعي برواية من تأليفي اترككم معاها وان شاء الله تعجبكم وابغى ردود
الشخصيات:
عائلة(ابو عبدالعزيز)
الاب: احمد - العمر: 43- الوظيفة: صاحب اكبر ثلاث شركات بالرياض
الام: ايمان - العمر: 39 - الوظيفة: لا يوجد
عبدالعزيز- العمر: 21- طالب جامعي سنه2
شهد- العمر:20- طالبة جامعية سنه1(ما في مثلها)
دانه- العمر:19- طالبه في ثالث ثانوي
(دلوعة ابوها)
سعد- العمر: 18- طالب في ثاني ثانوي
مروان- العمر: 11- طالب في خامس ابتدائي
(اخر العنقود)
عائلة(ابو خالد)
الاب: وليد - العمر:41 - الوظيفة: صاحب افخم شركتان بالرياض
الام: خلود - العمر39 - الوظيفة: لا يوجد
خالد- العمر:21- طالب جامعي سنه2
(صديق عبدالعزيز من زمان ويحب شهد)
بدرية- العمر:20- طالبة جامعية سنه1
(صديقة شهد من زمان)
داليا- العمر:16- طالبة في ثالث متوسط
غالية- العمر:16- طالبة في ثالث متوسط
(داليا وغالية توأم بس داليا اكبر بـ5 دقايق)
سعود- العمر:11- طالب في خامس ابتدائي
(صديق مروان من زمان واخر العنقود)
عائلة(ابو عبدالرحمن)
الاب: صالح- العمر:47- الوظيفة: صاحب اكبر ثلاث مستشفيات بالرياض
الام: عبير- العمر:41- الوظيفة: لا يوجد
سارة- العمر:20- طالبة جامعية سنه1
(مع عبدالعزيز في الجامعة وهي تحبه وهو يحبها) منى- العمر:16- طالبة في ثالث متوسط
(صديقة داليا وغالية من زمان)
سعد- العمر:11- طالب في خامس ابتدائي (صديق مروان وسعود من زمان)
بندر- العمر:9- طالب في ثالث ابتدائي
(حافظ اسرار اخوانه والمدلل واخر العنقود)
عائلة(ابو فهد)
الاب: عبدالرحمن- العمر:40- الوظيفة: صاحب اشهر شركة بالرياض
الام: نادية- العمر: 37- الوظيفة: لا يوجد
فهد- العمر:21- طالب جامعي سنه2
(صديق خالد وعبدالعزيز من زمان ويحب دانة)
عمر- العمر: 18- طالب في ثاني ثانوي
(صديق سعد من زمان)
الجوهرة- العمر:16- طالبة في ثالث متوسط
(صديقة داليا وغالية و منى من زمان)
الجوري- العمر:14- طالبة اول متوسط
(دلوعة ابوها وامها)
صديقات بطلتنا شهد:
لمى- البندري- حصة- اماني- ريماس
اصدقاء بطلنا خالد:
احمد - صلاح - نادر
البارت الاول:
كان يوم الثلاثاء والساعه6:00 الصبح رن منبه شهد وصحت من النوم وكالعادة راحت الحمام وغسلت وجهها وفرشت اسنانها وبدلت ملابسها وراحت المطبخ علشان تفطر بس قبل المطبخ عندها مشوار اخوانها
-----------------------------------------------------------------
شهد وهي نازلة المطبخ مرت عند اخوانها علشان تصحيهم وعبدالعزيز في سابع نومه تصحيه ويرجع ينام تصحيه ويرجع ينام ولما زهقت منه شافت علبة مويه اخذتها وكبت شوي على وجهه وهو صحى و هو معصب وسحبها من شعرها وقال لها: ان عدتيها مره ثانيه بيجيك الكف اللي ينسيك اسمك.
وهي قالت له: انادي لك ابوي. وهو خاف وتركها وبعدين قالت له: لا بعيدها اكثر من مره والمرة الجايه احسب حسابك بشاهي. فقال لها: اقول اذلفي عن وجهي. وهي بعدين طلعت
عند سعد راحت له وفتحت الباب ولقته جاهز وقاعد على الاب توب وقالت له: سعودي انزل الفطور جاهز. ورد عليها:
بعدين موب الحين وبعدين انا كم مره قلت لك لا تناديني سعودي انا اسمي سعد سسعععد فهمتي ولا افهمك زياده؟. قالت له : بسم الله ايش فيك شايش من صباح الله خير انزين فهمت بس انزل بسرعه امي وابوي ينتظرونا. قال: طيب بس فكينا وامشي. وطلعت من الغرفة
-----------------------------------------------------------------
راحت عند دانه وقبل ما تفتح الباب الا دانه طالعة وتقول لها: صباح الخير شهوده. فباستها على خدها ومسكت خدودها وقالت: واي فديت اللي يستوعبون وما يتعبون اختهم الكبيرة فديتهم اموت فيهم انا. وباستها مره ثانيه وهي ماشيه قالت لها صباح النور
------------------------------------------------------
راحت عند مروان وفتحت الغرفة الا تلاقي مزبلة الدنيا في الغرفة وهو نايم على الارض فصرخت وقالت: مرواااااان وش هذي العفسه؟. وهو للحين نايم فصرخت مره ثانيه وقام ومن الخوف قام يخربط بالكلام وبعدين شافها وقال: اووو هذا انتي على بالي امي او ابوي. ورجع انسدح جت شهد وضربته على راسه وقام وقال لها: كنت سهران امس روحي
قولي لأمي وابوي اني تعبان وما راح اروح المدرسة. هي قالت له: سهران على ايش؟. قال لها: بعطيك مية ريال بس قولي لهم كذا. وهي اقتنعت ومشت الخطة
-----------------------------------------------------------------شهد وهي رايحة المطبخ دق جرس الباب راحت تفتح الا خالد وقالت له: هذا انت ايش تبي. فقال لها: صباح الخير شهد اسف انا بس كنت ابي عبدالعزيز احنى متفقين اني انا اللي امره اليوم لان سيارته بالو. قطعت كلامه وقالت له: طيب لا تقول قصة حياتك اهو يبدل شوي وينزل لك. رد عليها: طيب خليه يأخذ راحته الا شلونك شهد؟. قالت له: كنت بخير. قال هو: طيب اتفضل. قالت له: لا خليك بسيارتك احسن لك. وسكرت الباب في وجهه
-----------------------------------------------------------------راحت شهد المطبخ وسلمت على امها وابوها وباست روسهم وقعدت معاهم وسألها ابوها: شهوده حبيبتي وين اخوانك؟. ردت عليه: نازلين يبه بس ترى مروان تعبان ما راح يروح. قال الاب: اها طيب وهو قص عليك وانتي صدقتيه بس معليه. وبعدها بشوي نزلت دانه ووراها سعد وعبد العزيز بعد التصبيح والسلام سعد: شهيدان مين اللي دق الجرس؟. شهد: احترم نفسك انا اختك الكبيرة واللي دق الجرس اهو خويلد صديق عزوز. عبدالعزيز شاف الساعة وقام ياكل بشراهة وقال: اوه انا تأخرت على الولد الحين يا فشيلتي منه وانتي شهود احترمي نفسك الولد ما سووى لك شي. وقام بسرعه وطلع وراح عند خالد بعد السلام والسؤال ركبوا السيارة ومشو الجامعة
نرجع للمطبخ سعد: يبه زيد مصروفي وخله يتحول من 10 ريال الى15 ريال. الاب: احمد ربك ان مصروفك10 ريال اصلا ريالين ويخب عليك. سعد تفشل وقال: يلا انا بروح المدرسة. قالت شهد: سعد انتظرني عند الباب بغسل يدي وابي اقول لك شي. سعد: ان شاء الله يلا دانه قومي الا وين مروان؟
الام: اخوك تعبان وما هو برايح انت روح مع اختك ترى السواق ينتظركم برا من زمان. سعد: طبعا دلوع امه الحين لو انا اللي تعبان كان خليتيني اروح المدرسة غصبن عني حتى لو كانت حرارتي 40 الراحة له والشقا والتعب لنا. الام: استح على وجهك هذا بدال ما تدعي الله يشافيه تنقهر منه انا ابي اعرف انت طالع على مين اقول روح بس لا تتأخر الحين. رد سعد: يما ما له داعي الفشيلة خلاص فهمت الا شهود ايش بغيتي مني قبل ما اروح. قالت شهد: يلا هذا انا جايه. واخذت كتبها وطلعت وسحبت سعد وقالت له: سعد انا بعطيك خمسة ريال فوق المصروف اللي يعطيك اياه ابوي واذا تبي خليهم 10 بس ابي منك طلب. سعد: وشو هو هذا الطلب ان شاء الله. شهد: ابيك كل يوم لما تصير الساعة 2بالليل تروح تسكر المنبهات اللي في كل البيت بدون ما احد يحس فيك. سعد: اوكيه بس ايش معنى اخترتيني انا ليه ما اخترتي عبدالعزيز او مروان؟. شهد: يا المخدي لسببين الاول لأنك تسهر كل يوم والثاني لأنك ما تعلم احد فهمت؟. سعد: أي فهمت وموافق واذا تبين نبتدي من اليوم نبتدي ويييييييييييييييييييييي. شهد: الحمدلله والشكر ايش فيك قاعد تويوي. سعد المصروف نسيته يبااااا. قالت شهد: يلا انا بروح مع السلامة. الكل: مع السلامة. وركبت سيارتها ومشت وراح سعد عند ابوه وقال له: قرقش يا يبه قرقش. رد عليه ابوه: هذا انت ما تجوز تموت على الفلوس طالع على عمك ابو خالد. وعطاه الفلوس وركب السيارة ومشى
-----------------------------------------------------------------في السيارة السواق: بابا سيارة ما في بنزين لازم عبي علشان ما في اخرب. سعد: يعني الحين السيارة اذا ما فيها بنزين تخرب اللي انا اعرفه انها توقف ما تخرب. السواق: ايوا بابا انت صح بس انا ما يعرف ايس في انت معلوم كويس علشان روح مدرسة وصير سواق سيم سيم انا. سعد: انا سواق اقول سوق احسن لك وقول لأبوي ان السيارة ما فيها بنزين لما ترجع ويلا وصل دانه اول.
ابي ردود