السلام عليكم ورحمة الله وبركاته

بنات العراق
عراقية والنعم منهه وسمـــهه



شالت هم الـوطن فوك همهه
بنات البلد لؤلؤ وعقد مرجان
احتار القلم شيكتــبلي عنهه



بت البصرة
بت البصرة حرة والف حرة
اصالتهه من النـخل كحيلة السمرة
ما تعرف زعل والروح خـــضرة
الچ مني السلام وارقى التحية



بت بغداد
بت بغداد محتـار بأمرها
انيقة والدلع مرافك عمرها
ضيك حيل مسودني خصرها
هي المشكلة وحل القضية



بت النجف
بت النجف رزنة وطـنون هيبة
نور وجنـاتهه التايه يجيبة
موسوعة علم ما تدفع ضـــريبة
تربات المراجــع والمرجعية



بت العمارة
شسولفلك علــى بت العمارة
العاشرهن يبخته طالت عمارة
الوفى دربة عليـهن والله ومسارة
كبرياء الهور وصفات الطير بيهه



بت كربلا

بت كربلا رقة وحـلاوة
ابتسامتهه خفيفة ومشيــتهه بهداوة
لاتعرف جفة لا تــعرف قساوة
وفى تربة الكاع معجونة بيهه



بت ذي قار
بت ذي قار لا تنــشدني عليهه
احتار الفكر منهه وعليــهه
كل صفـات الحسن مجموعة بيهه
تلميذة مضايف والكرم بيهه



بت الحلة
بت الحـــلة طيبة وطيب زايد
الوجنات الوردة والحواجب كلايد
نصبن الكل كلب بصري مصــايد
خد مربى وخد كيمر السدة



بت الموصل
بت الموصل مزيونة وشكرة
بشوفتهه من كل مرض تـبرة
قطعة من الفرح ضحكة ومـسرة
اربعتهن ربيع فصولهه هي




بت السماوة
هايم انه ابت السمـاوة
هي الغلا وهي الغـــلاوة
خفيفة دم ومعجونة بشقــاوة
شاخصة مثل نخلاتهه هي



بت تكريت
اسألت كالو الحــليوة من تكريت
بنات مدسترة ومنـورات البيت
الوجنة ضوة والـخدين جكليت
بنات العز والمرجلة هية



بت الشمال
بت الشمال مــجرش جسمهه
مثل الجــبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية




بت ديالى
بت ديالى الاصـل هي والاصالة
برتقالة بالشكل وبالعكل فالة
همك صـــبرهن اتكفل وشالة
بيهه اروع صفة واروع سجية

بنت الانبار
بنت الانبار استاذة بالكرم وتحسن الملكة
شعب طبي وعلاجك يمهــه تلكة
تجر الروح وتملي الكلب حركة
يعونة النزل عدهم وشرب مي منديهه
--------------------------------------------------------------------------------

وقولي منو انتي
انا

بت البصرة
بت البصرة حرة والف حرة
اصالتهه من النـخل كحيلة السمرة
ما تعرف زعل والروح خـــضرة
الچ مني السلام وارقى التحية