02-24-2013, 11:08 PM
|
| |
السلام عليكم ورحمة الله وبركاته
كيف الحال ياخنفوشاري
طبعاً أنا جد محبطة منكي يارين
ليش لحتى تسرقي مكاني المميز
بس العتب مو عليكي على وسام
يعني تعرفني بحب كون الاولى عندك بتعرف شو المطلوب مشان تحجزلي مكاني ههههههههه
بس طالما رين اللي اخذت الرد الاول مارح عاتبها
لأن ردود هالبنت حلوة وبتشجعني فكر انا كمان مع انو ماعندي هي القدرة على التحليل والاستنتاج ههههههههههههههه
يووووكيييي لو كنت بعرف انك رح تطيري ومابتردي بكير ماكنت سمحتلك بسرقة مكاني المميز ><
طلعنا عن اطار الموضوع نرجع الو
.........................
مابعرف ليش حاسة مع تقدم البارتات انها صارت كتير حزينة
خايفة من ساي
تعلقت فيه وحبيت شخصيته
بس ..................
انه مجرم ..
+
اللي استنتجته انه واحد من الموجودين المهمين اقصد الشخصيات المهمة
تلبكت شوي وصرت بحاجة اراجع البارتات كلها من الاول للأخير
مشان احلل اكثر ورح اعمل هيك بس افضى باذن الله
شكيت بايساو وشكيت بماثيو وشكيت بكتير ناس
بس اللي مابقدر اشك فيه كايتو ولويس
يعني هدول استبعدهم
وكمان مارك وميرك
اوكي والباقي رح فكر فيهم كمان
رح حاول حلل وافكر اكثر وارجعلك بالحل نياهههاااا اشتعلت روح التحدي من يعرف الحقيقة اولاً هع
البارت كان ...
مابعرف كيف اوصفه
مخيف شوي موتر مربك
انت دخلتني لأجواء الرواية بحيث صرت بحس معهم
بيتوجعوا بحس بالوجع بيفرحوا بفرح وبيزعلوا بزعل
وهلا بهالوقت حتى لو كانت الاوضاع حلوة او مفرحة شوي او عم يضحكوا ويمزحوا
بحس انو الابتسامة صعبة والاجواء ثقيلة
مجرم هارب وعم يتسلى وكل يوم روح الا ارواح بتطير
والجرائم مانها جرائم عادية
الوضع صعب والمهمة اللي استلموها مانها سهلة ابداً
والأصعب تفككهم بهالطريقة
خايفة عليهم ومابدي اخسر حدا بحس اني عشت الاجواء كأنها حقيقة
بليز لاتموت احبائي اهي اهي
لا لا قررت مااتدخل اعمل اللي بدك ياه بروايتك
بس كمان لاتقتلنا بأحداثك المخيفة ومفاجئاتك القاتلة
بانتظار البارت القادم بفارغ الصبر ><
الله يعين
آه قبل لاانسى
الواجب
من هو القاتل المجهول؟؟
احم احم هون لازم شغل دماغي المتحجر
القاتل المجهول ظنيته نيكولاس لأنو قال انو رح يقتل وهيكا
بس طالما انو انت قلتلهم مافي ولاخيار من اللي قالوه صح
فأتوقع شخص مافكرنا فيه
طيب الرأس المدبر هو نيكولاس
بس اتوقع اللي كان ينفذ جوليا
واتوقعها هي اللي انقتلت مهيك ؟
واللي قتلها ساي
بخاف تتطردني وتقلي غلط :hmmm:
طيب هاد تخمين
التخمين الغبي التاني تبعي
انو ايساو هو اللي قتل بما انو بالمشفى
وكمان مابعرف ليش حاسسته غريب
ممكن جد انو ايساو هو ساي
وخصوصاً كلامه مع مايا بيدل عهالشي
لحظة لحظة هلا اجاني الهام انك ماكنت بتقصد القاتل المجهول تبع الجرائم هديك مهيك ؟
لأنو انت قلت انها خطة نيكولاس
فاذا كنت تقصد اللي قتل البنت
فأنا بخمن انو يكون لويس او ساي
انتهى التخمين راسي انفجر
أنتقاداتكم وأقتراحتكم؟؟
احم احم اليوم في شوية ملاحظات
لاتنسى علامات الترقيم لأنها تنظم النص لبكتني شوي اليوم
صرت تمزج الحكي بالقائل وهيكا
وكمان الشي كنت ولازلت اقوله الك
اعمل تذكير بالاحداث والشخصيات ياويلك تنسى
وكان في خفايف املائية بس مابتضر ولابتخرب جمالو للبارت
حبيته كتير
بيشغل الدماغ وبيأثر على مشاعرنا
لكنه تعيس لسبب ما
مايا بطلة أحداث اليوم
كم أحبكِ مايا :wardah:
ذهبت مايا فهل ستكون مهمتها سهلة؟؟
اكيد لا
خايفة كتير عليها وخايفة اكتر انو يغدر فيها ايساو
بس عندي حدس انو راح ينقذها لو تعرض للخطر
بتوقع من استراتيجتك انك تخلينا نشك بأشخاص وتدخلنا بمتاهاتهم
والحقيقة انو المجرم شخص تبعده عن انظارنا تماماً بشخصيته المسالمة
مابتوقع انك تختار شخصية متهورة او كاشفة حالها
لاتعتب بعرف عم احكي طلاسم
بس مو عارفة اوضحلك الفكرة
انسى
بالتوفيق الك وبانتظار القادم بفارغ الصبر
لك خالص تحياتي وودي
|
 |