04-03-2013, 02:26 PM
|
| |
ههاااي يب اعلنت الحرب
يالله هالمرة بسبب تأخيري الكبير رح سلملك الرد الأول
بس المرة القادمة المركز الاول الي وحدي وبس نياههاا
بتعرفي هاد مكاني الخاص
طيب مشان ماتأخر اكثر رح رد هلا بس راسي يدووور
يعني لاتتوقع رد عاقل رح تلاقي شوية جنون
فلا تركز على خزعبلاتي
رح ابدأ من النهاية بما انها أسوأ شي تباً لك
آه قبل هاد حاسة ان اسلوبك تطور كتير
بجد في شي غريب هالمرة حاسة انو احساسك اعمق واقوى
اضطريت راجع البارت مجدداً لأني نسيت الاحداث مابتذكر منها غير المقطع الاخير
المهم وين كنا
آه عند النهاية
انا توقعت انك شرير بس بصراحة ماتوقعتك لهالدرجة شرير
يعني انا كنت متوقعة الشخص الأكثر اهمية واللي رح يظل للنهاية بما انو شاهد عكل هالشي هو كايتو
بس اتوقع هلا من الدلائل والبراهين انو هو الضحية
خصوصاً بعد ماعاد لشخصيته الحقيقة وانهى لعبة تبادل الأدوار
فأنا حطيته بالمرتبة الاولى للضحية المنشودة
بالمرتبة الثانية خمنت تكون البنت اللي حكيت عنها انها رح تموت ولو اني توقعت انها ساندرا
بس بهالحالة ممكن تكون مايا مع انو احتمال ضعيف مابعرف عقلي غير قابل للتفكير
وحطيت احتمال يكون اما ميرك او مارك كمان
شرير وبتعملها
عالعموم هي احتمالات ضعيفة والاقوى كايتو تباً لك
اخ ضيعت كل النقاط اللي كانت براسي لاتلومني مهلوسة اليوم
لحظة برد عالواجب بالاول ممكن اتذكر شو كنت رح احكي
انتهى البارت
ماذا حدث في النهاية أترك المجال لخيالكم الخصب ليتوقع الأحداث؟؟
هاد حكيتو فوق
على فكرة هالمقطع خرافي
عقد مااتعب قلبي ودماغي بالتفكير عقد مادخل قلبي لروعته
إيساو وساي وجهان لعملة واحدة لكنه متذبذب بين طريقان فأيهما سيختار؟؟
سحقاً له والموت له الا يعقل !!!
بصراحة هاد صدمة حياتي بالرواية يعني كنت معجبة فيه
بالله شو بتفرق انت عن اللي بيساوا الانمي ؟
هدول اللي بيخلوك بالاول تتعلق بالشخصيات وبعدين يدمروك عالآخر
تباً لك وسام
عالعموم جوابي ان نهاية ساي رح تكون دمار
بعد كل هالضحايا .. مالو اي مبرر بأي شي ساواه
ونهايته الندم والموت والكراهية نهايته انه رح يحطم نفسه ويدمرها وكمان رح يدمر الكل معه ورح يختفي ويصير طي النسيان واخ خرفت بعرف كلماتي غير موزونة
خل اطلع من هالنقطة قبل ماوقع فيها وتضحكوا علي
انتقاداتكم على البارت؟؟
لا هاد البارت نثنج
أعلم أنه لم يحمل الكثير من الأحداث لقد تعمدت هذا فالقادم سيكون أشد وقعاً من هذا
أعلموا أني قد حبكت خطوط النهاية بعد أن تشابكت الأحداث في عقلي أثق تمام الثقة أن الأحداث القادمة لن تروق البعض لكن النهاية ستعجبكم جميعاً
ها ها ها
الله يستر لكان
+
على كل مارح علق رح انتظر وشوف ممكن اتقبل هع
+
موقف جان مع الجماعة وقعلي قلبي
بس كان رائع بجد كتير حبيته مسلي رغم التخويف اللي فيه
خفت يكون جان الضحية كمان
ومين بيعرف احتمال تعمل فيه شي
وطلع فالون وسايمون مشتركين بشي
بدي اعرف سر اهتمامهم بهالولد
يمكن انت قلته وانا نسيته -_-
مخي اليوم فاضي بجد
+
كمان المقطع بين مايا والكريه السخيف ساي كان حلو كتير
طيب اذا انت هيك وبتحس بأن اللي عم تساويه غلط ليش ماتتوب ياولد
اخ بس اخ
+
مقطع كايتو وماثير كثير مؤثر t_t
باختصار كل البارت كان رائع ومانو خالي من الاحداث متل ماانت قلت
بالعكس كان مبهر ومميز كتير عجبني
بكل التفاصيل والاحداث
حسيتو يخبي كتير والله يستر من اللي وراه
الله المعين
لهون وبس راسي خلص رح ينفجر
بانتظار البارت القادم وان شاء الله اكون منيحة وارد رد لائق فيك
سلااام ^^
تقبل تحياتي
|
 |