انا معاكي انو مو حلو التشابه في القصص لكن يظل هناك تشابه في قصص بعض الشخصيات في ناروتو ممكن تختلف المواقف لكن بشكل عام متشابه فالفريق السابع نفس تقريبا فريق ميناتو من حيث مثلث الحب ولآ ؟
ناروتو--->ساكورا--->ساسكي--->مشاعر مخفيه أوبيتو--->رين--->كاكاشي--->مشاعر مخفيه بودي أناقش بعض النقاط معاكم وأتمنى إنكم تعطوني رأيكم فيهاطبعا قبل كل شي شكرا لصاحبة الموضوع على الموضوع قبل ما اتكلم ترى انا لست مع اي ثنائي ضايعه تايهه وأبغا أحد يقنعني بالثنائي المناسب :kesha:))))انقلعي بس راح أتكلم على الي انا مقتنعه فيه حاليا كيشي جعل ناروتو يمثل الخير و ساسكي يمثل الشر جعل أوبيتو يمثل الخير و كاكاشي يمثل الشر و في أحد لقائته سُئل:
اقتباس:
اقتباس: القصد من هذا الكلام انه الخير هو الي راح يفوز في النهايه وهذا الشي الكل ياكده أكيد طيب راح تقولولي ايش دخل هذا في هذا يا خبله 
الي أبغا أوصله هو الشي الطبيعي والمعتقد والمعتاد أنو الشخصيه الرئيسيه (ناروتو) في أي أنمي أو مانجا تكون صلحت جميع الأخطاء التي مر بها الانمي أو المانجا سواء كان قتل عدو أو جمع شي معين أو التخلص من شيء معين او زواج بمن يحب بمعنى اخر (الوصول للهدف المطلوب) طبعا انا اتكلم عن المانجا أو الانمي الطويل وليس أبو 23 حلقة 
8 شابتر لأنو هذا احيانا تكون النهايه مخالفه يا بموت البطل أو خسارته وهذا نادرا يا بفوزه ومن الواضح ان كيشي ينهي قصته بالخير وبفوز البطل كيشي قبل مايجعل شخصيه ناروتو هي الشخصيه الرئيسيه جعل قبله أخطاء كثير تصير زي الفشل في تحقيق السلام الفشل في علاقات الحب وأخيرا الفشل في موت البطل (الي هو ميناتو أبو ناروتو جعله بطل لفتره وجيزه وبعدها مات بعد ما حمى القريه)لاحضوا بطل مات جعل قبل شخصيه ناروتو هاشيراما ومادارا يتقاتلون وهزم هاشيراما مادارا لكن مادارا ما مات وهذا يعني انه البطل هاشيراما هو الي انهزم الي ابغا أوصوله من كلامي انه: كانه كيشي يقولنا اخيرا جاكم البطل الي ماراح تشوفوا في عصره أي خساره راح يفوز وماراح يموت زي الي قبله طبعا كيشي جعل أصدقاء ناروتو يساعدوه في تصليح أخطاء الي قبلهم حتي في علاقته في حبه ماراح يخسر زي ما جيرايا خسر تسونادي زي ما كونان خسرت ياهيكو زي ما أوبيتو خسر رين ماراح يخلي ناروتو يخسر ساكورا ماراح أطرح ادله لناروساكو لأنو في كثير يقولوا في أدله وفي كثير يقولوا مافي أدله وطفشنا من كثر الأدله وصرنا عارفين كل الأدله بين كل الثنائيات سواء ناروتو و ساكورا او ساسكي و ساكور اوناروتو وهيناتا أوساسكي وكارين أو حتى ان شاء الله أوريتشيمارو وتن تن :haa
))كف نبغا المنطق راح أتطرق بدليل واحد فقط لكل واحد من الي حقولهم من الثنائيات عشان البعض لا يقول كيف منطق من دون ادله.. راح أذكر الادله بعدين. بس ألحين أي احد ما يعرف ناروتو ولا اتفرج عليه راح يقول المنطق هو: ناروتو راح يغير قلب ساكورا الي تعشق ساسكي ويخليها تحبه وراح يغير قلب ساسكي المتحجر ويخليه يرجع لأنه هذا هو المتوقع من البطل
ونفس الشي في الفرق الثانيه من أصدقائه: شيكامرو راح يغير قلب اينو الي تحب ساسكي كيبا راح يغير قلب هيناتا الي تحب ناروتو تن تن راح تغير قلب لي الي يحب ساكورا لو لاحضتوا كل الفرق الثانيه تحب شخص من الفريق السابع يقطع عمرك يا كيشي حابك ابو ام القصه :kesha: راح اتكلم عن الجيل الجديد بعدين أرجع ورا لفريق ميناتو خليكم معايا وركزوا أبغاكم تكونوا أذكياء :kesha))ارحمينا يا كيشيموته:coolcool: راح أقولكم مره ثانيه والله انا مو مع أي ثنائي والي يجي من كيشي راح اتقبله بس راح أقول الي مقتنعه فيه والي واضح بديهيا امام الكل يعني لاحد يزعل ويقول اني متحيزه على ثنائي معين طيب راح تقولون يعني ايش الثنائيات الي بنتهي فيها كيشي راح أقولكم ناروتو+ساكورا شيكامرو+اينو كيبا+هيناتا لي+تن تن العنصر الثالث في الفريق يا انه راح يظهر قواه كيشي في الشابترات الجايه ويموته(زي نيجي) وعندي احساس نيجي راح يرجع في شابتر ما, يا انه راح يظهر قواه ويوضح انه له محرك قوي في المانجا(أتوقع هذا بيكون شينو لأنه أبدا لم يكن له اثر في المانجا لدرجه انه حتى ماله معجبين المسكين والله مو قاطع قلبي ألا هو ياخي زوجوه تشيزوني وريحونا :baaad: لا أظن بياخذ أخت كيبا
) وفي احتمال كيشي يقتله ,العنصر الثالث وهو (تشوجي)أتوقع كيشي ماراح يخلي يقع في علاقه حب مع احد وممكن يخليه ما ندري بس على الأغلب انه كيشي راح يخليه يهتم بأصدقائه اكثر من اهتمامه بالحب لأنو من يوم ما طلع في المانجا وهو يتكلم عن الأصدقاء وحتى معنى جزء من اسمه الصداقه واما بالنسبه (لساي) فأنا اظن موقفه راح يكون مثل تشوجي مهتم بصداقة اكثر من الحب مع انه كان يقرا ويفصل عن الحب لكن ما اظن انه يحب فتاه أما عن (ساسكي) فموته مستحيل لكن الأرجح أنه راح يصبح طيب ويحس بالغلط الي سواه انو ترك القريه ويحس بالذنب لفتره وبعده اأظن أن كارين راح يكون لها يد في الموضوع . فأظن هذا مصير العنصر الثالث في الفريق. طيب الحين بعطيكم فقط دليل واحد على كل الشخصيات الي قلتها وماراح أزيد نبدأ: ناروتو ساكورا عندما هيناتا دعمت ناروتو يوم مات نيجي كانت ماسكته ووتقوله أشياء تدعمه شوفوا هذي الصورة: 
أكيد عرفتوا ايش بقول طالعوا أخر الصوره راح تشوفوا ساكورا متفاجاه من كلام هيناتا لناروتو طيب ليش كيشي تعب يده وضيع وقته عشان يرسم ساكورا نهاية الصفحه عشان بس يقولنا ترى ساكورا في المعركه لا تنسوا لا ما أظن أظن أنه كيشي يوضح انه ساكورا هنا مهتمه بناروتو وعارفه في داخلها انو هيناتا تحبه وأكيد كيشي راح يخليها تقوله يا ناروتو أنا منجد احبك وناروتو ياخذها ياانه راح يخليها تسكت عشان ناروتو هو يختار يا انه حتفضل هيناتا على نفسها واحد من هذولي الخيارات راح يصير. أما دليل حب ناروتو لساكورا فأظن الكل عارف وواضح انه ناروتو يحب ساكورا حب واضح لكن البعض يقول ناروتو تغير بسبب هيناتا وصار يميل لهيناتا طيب أنا راح أجبلكم دليل من فم كيشي على أنه ناروتو لم يتغيرولن يتراجع عن أي كلمه قالها ومازال يحب ساكورا لأنه هذا هو طريقة في النينجا :coolcool:)))ايش دخل .
طُرحت على كيشي بعض الأسئله من المعجبين وسو معاه مقابله وانسأل هذا السؤال
قاله لو كنت ستطلب مواعده واحده من البنات في ناروتو مين حتختار قال الصراحه صعبه الاجابة على السؤال ودار ولف لين قال أخرج مع هيناتا.
طبعا مشجيعين ناروهينا أخذوا هذا في صفهم لكن انا أقول انه هذا أكبر دليل ضدهم . قالوا كيشي اكيد راح يخلي ناروتو وهيناتا سوا لأنو كيشي من البدايه قال انا أشعر شخصيتي زي ناروتو في كثير من الأشياء ..يعني لو قلنا كيشي وضع نفسه في موقف ناروتو و اختار هيناتا
ليش قال هيناتا؟
تخيل نفسك مكان الكاتب هل كنت راح تفصح بلسانك على أسرار قصتك ..
ما أظن .. اظن الكل لو كان مكان كيشي لقال هيناتا عشان يزيد الحماس للمتابعين ويعطيهم مجال يقولوا كيشي بيختار هيناتا ويخلي المفاجأه في النهايه هيا ساكورا.(ويمكن العكس الله اعلم)
لكن الصراحه لو كنت مكانه كان قلت زي ماقال كيشي بالضبط.
شيكامرو واينو : طبعا أول ما نقول شيكامروا تجي تيماري في بال الكل راح نحط تيماري في عين الأعتبار لا تخافوا لكن خلونا نشوف بطل الفريق العاشر لمين يميل أكثر طبعا راح أذكرلكم موقف ذكر في الانمي والمانجا وأكيد الكل يعرفه عندما كانت اينو معجبه بساسكي وكانت مغتاظة من ساكورا انها بنفس الفريق معاه نظر إليها شيكماروا وقال لماذا كل الفتيات معجبات فيه(لاحظو نفس الكلمه الي يقولها ناروتو على ساكورا لما تنظر لساسكي بإعجاب) وحتى في اختبار التشونين تشوجي كانه لاحظ انه شيكامروا يحب اينوا فقال اني أشفق عليك ياشيكامروا لأنه أينوا ما كانت تشجعه وكانت تشجع بس ساسكي. بطريقة ما كيشي راح يخلي شكامروا يغير حب اينوا لساسكي ويخليها تحبه اما تيماري فإظنها معجبه بشيكامروا لكن أظن شيكامروا يفضل نوع اينوا والنوع الاقرب اليهفي الفريق وليس من قريه اخرى . كيباو هيناتا: هيناتا اكيد ماعندها مشاعر لكيبا لكن بطل الفريق الثامن يحب الفتاه الي بفريقة راح اجيب دليل واحد من المانج امع انه هناك تلميحات كثيره انه يحبها لكن راح اجيب أخر موقفأظهر اعجابه بها : 
فيما معناه.. كيبا قال لا تسوي بطل قدام هيناتا عشان تعجب بك لو كان مو مهتم بهيناتا لما كان الكاتب جعله يقول كدا لكن أراد كيشي أن يظهر بعض الميول من كيبا لهيناتا في الحرب. لي تن تن: تن تن هيا الي تحب لي ولكن لي يحب ساكورا وهنا التعقيد في هذه النقطة لان بطل الفريق يحب فتاه خارج فريقة ما أدري ايش راح يصير في هذا الموقف او ايش كيشي راح يسوي لكن حب تن تن لـ لي واضح فهي دائما تنظر اليه وتعجب فيه سواء في المانجا او الانمي وخاصه لما كانوا صغار كيشي الى الان لم يظهر تن تن بشكل أفضل فهل سيظهرها بشكل قوي لتحمي لي او شيء مثل هذا القبيل وبعدها لي يحبها ؟ما ندري او انه لي راح يموت او تن تن تموت بدفاعها عنه لو تلاحظوا نقطة مهمه كيشي جعل الحب في ناروتو : بنات يحبوا اولاد معينين اولاد يحبوا بنات معينين جانبين مختلفين هل سيفوز حب البنات للاولاد الي يحبونهم أم ان حب الاولاد هو الذي سوف يفوز
أم راح يكون اختلاط بين الاثين
كيشي راح يجاوبنا على هذا السؤال يوما ما فمن بداية ناروتو حتى الان ولا علاقة حب نجحت سواء من طرف الفتاه أو الفتى. ألا كوشينا وميناتو وهما البطلان الي ماتوا وتركوا البطل الذي راح يجعل للحب طريق. لحد يجبلي سيرة تسونادي ودان :n3m: حبهم نجح لكن كان في حب داخل وسطهم ألا وهو الملقوف جيرايا :kesha: لكن ميناتو وكوشينا كان حبهم صافي نقي ما فيه أي تدخل .
حب كوريناي وأسوما كان كذالك أيضا .
والله مو خايفة ألا من كيشي يسحب على أبونا كلنا وما يخلي في ثنائيات في الأخير
سأناقش كمان موضوع فريق ميناتو لأنو له علاقة بالفريق السابع في الرد التالي )))))اهب ما تتعب :kesha: