04-27-2013, 02:24 PM
|
| |
مرحبا كيف حالكن اوني-ساما
كيف حالك فلوريدا-ساما
مرحبااا فيكي والله اليوم مصدعة دعواتك
وكيف حالك نسيم-تشان
فلوريدا-ساما انا طيبة جدا بحث أني رأيت الموضوع
قب أن يسأل احد لكني لم ارد ان أسئل خوفا من ان ازعجك لأنك ربما مشغوله
في الحقيقة ليست لدي أسئلة صعبه لكنها لطيفة وأنا اتمنى ذلك
وايضا هي من موقع معين وليست من رأسي فكما تعلمين ليست لدي أسئلة واتمنى ان تكون أسئلتي لطيفة وسهلة عليك
وأرجوك إذا كانت أسئلتي مزعجة فأنا اطلب السماح منك والا تردي منها
ههههه يالكِ من لطيفة عادي ولوووو انا مابنزعج لو شو ماصار
س1-اذا تم تعيينك ملكا لجميع البلاد العربيه فما اول قرار ستتخذه ؟
اول قرار اول قرار
بتوقع ان اول قرار رح امحي كل اصحاب الفتن بالعالم
اللي بيعملوا حالهم دعاة باسم الاسلام وهم بالاساس بدن الفتنة
بالنسبة الي هدول اكبر خطر اخطر حتى من الكفار
لأنهم يحملوا اسم الاسلام لكن بالواقع يشوهوه ويقيموا الفتن فيه ويخلوا الكفار ينظروا للاسلام نظرة دونية
المهم طولت حكي هيههي
س2-اي الدول تتمنى ان تزورها ؟
اوووه كتير
اليابان وباريس وبريطانيا وروما
هدول اكثر شي هيهيهي
س3-اذا اردت ان تبكي الان , فعلى من تبكي؟
ومن ستختار ليمسح دموعك ؟
آآه سؤال بالصميم
والله في كتير لابكي عليه بس اكثر شي على بابا الله يرحمه
كان في كتير بدي احكيه اله .. راح وانا كنت عم خبي عنه كل مشاعري بحكم اني كنت اهابه كتير
ويادوب ارفع راسي لحتى طالع فيه
وبختار ليمسح دموعي ... أتوقع ... احم احم ... احم احم ... خطيبي ^///^
بما انو اقرب شخص الي خارج المنتدى واللي ممكن يكون معي وقتها
س4-هل تعترف بشيء اسمه الصداقه بين الرجل والمرأة ؟
امممم انا ماكنت بعترف فيها
ولهلا مابعترف فيها الا اذا كانت مشروطة بحدود
يعني مثلاً في فارق سن
لان مستحيل تصادق البنت ولد اكبر منها ومايطمع حدا منهم بالتاني
ولو بمرة بيلعب فيها الشيطان .. هي ضروري تحصل حتى ولو بدون ارادتهم
بس مو دائماً يعني لكل قاعدة شواذ ويعتمد على قوة ايمان المرأ
بس في كتير نماذج منيحة من صداقات البنات والاولاد
بيعتمد كمان عالمجتمع اللي عايش فيه الشخص
اذا كان متعود على الطرف الثاني بحياته فبيكون جداً عادي وبيصير صداقات قوية اخوية
بس لما مابيكون متعود عوجود الطرف التاني باريحية بحياته تصير كتير مشاكل
س5-حكمة تؤمن بها جدا؟؟
" وكم لله من لطفٍ خفي يدق خفاه عن فهم الذكي .. وكم يسرٍ أتى من بعد عسرٍ وتأتيك المسرة بالعشي "
وشكرا لك نسيم-تشان على هذا الموضوع وايضا شكرا لك فلوريدا-ساما على التقبل به
وفي الختام اقول
إن هذه الأسئلة ليست مني إنما نقلتها من منتدى لديه اكثر من اسئلة
واقول في أمان الله ودمتم بخير
إيروكا
العفو ياعمري تسلمي عالاسئلة الحلوة الخفيفة ^^
استمتعت معك كتير
|
|