04-27-2013, 10:23 PM
|
| |
هـآآآلوو ..
له له , فلوري انتي ع الكرسي ~~ الله يعينك ..!!
حرام ما رح عدبك باسالتي يا عزيزتي رح تكون بسيطة وسهله ..
ههههههههههههه لاتهتمي اصلاً هون بنفس عن اللي جواتي
بحس في حدا معي وعم يشاركني امور حياتي
ومتل ماقلت قبل انا كتاب مفتوح ماعندي مشكلة احكي بشي
الا الأمور الخاصة جداً طبعاً هع
1- شو اكثر شي تكرهيه ؟..
اممم من شو من العادات والا الطعام ولا شو ماحددتي
بس بما اني جيعانة هلا رح احكي عن الأكل
بكره السمك -_- وماما هاليومين دائماً سمك
لهيك عاملة اضراب عن الغدا
اما من الصفات بكره النفاق اكثر شي والكذب ووو اشيا كتيرة بس رح اذكر هدول
واما من الاشخاص بكره هداك الشخص اللي ببالي مالازم حدا يعرف -_-
2- شو الشيء الي ندمتي انك عملته ؟..
كتير اشيا .. منها اختياري السيء لرفقاتي بالمدرسة واللي كانو يصاحبوني مشان حاجتهم وبس .. وكمان سكوتي عن الغلط لما كنت مخطوبة سابقاً وتقبلي لوضعي المزري معه بس مشان مازعل اهلي ..واني قبلت فيه وماكنت مرتاحة نفسياً وندمانة على سذاجتي بالمدرسة واللي هضمتني كتير من حقوقي وكتير اشيا ندمت عليها بصراحة
لأني سابقاً كنت ساذجة مستسلمة انهزامية غبية جد جد
بس الصفة الحلوة الوحيدة فيني اني كنت مرحة وحبوبة وطيوبة ومابحمل على حدا بنوب ومابزعل لو شو ماصار واذا زعلت بخبي بقلبي هلا ماعدت اتحمل
كأني حكيت قصة حياتي -_- حدا يعطيني كف
3- ممكن تندمي ع شيء صح عملته ؟..
لا الصح حتى لو جبلي مشاكل مستحيل اندم عليه
4- لو خيروك بين سعادة طفل يتيم , او سعادة طفل معوق مين من الاثنين تختاري ؟..
اممم سؤال صعب كتير عدنا ببيتنا طفل معوق وطفل يتيم .. بس انا بحاول اسعد التنين .. واذا كان واحد بس رح اختار اليتيم بما ان المعوق رح يكون معه مين يمسك بيده ويدعمه اللي هم ابويه
5- مادا تعني لك هيدي الدموع : - دمعة ام فقدت ولدها
الم وحرمان وفجيعة لاتشابهها اخرى ..
ذكريات وحنين وأسى ... لايجلوها سوى الصبر والايمان القوي
بعرف كتير امهات انقتلوا اولادهم ببلدنا وماتوا بعدهم بفترة قصيرة
-دمعة طفل يتيم
الحرمان والوحدة والوحشة والذل .. ألم لايمكن ان يفهمه سوى من ذاقه
لايمكن لأي شخص ان يعوض مكان الأب أو الأم حتى وان اغرق اليتيم بالأموال والعاطفة .. لاشيء حقاً يمكنه تعويضه
- دمعة شعب
تجمع كل هي الدموع لكنها اقواها لأن هي الدمعة تتبعها صرخة
وعزيمة قوية .. الشخص وقتها ممكن مايفكر هو شو خسر
بيفكر شو رح يخسر وشو خسروا اللي حوله واللي معه اللي من لحمه ودمه اهل وطنه
ويصير يفكر ان لازم يكون اقوى واقوى لحتى يتغلب عالعدو
وكل هي الدموع بتحكي " اتقِ دعوة المظلوم .. فإنه ليس بينها وبين الله حجاب "
+
حكمة بحبها
اذا سرق السارق وهو شبعان تقط يده
واذا سرق وهو جائع تقطع رقبة الحاكم
فويل لهذا الحاكم الذي يغفو على كل تلك الدموع
وتلك الدعوات التي تنزل شهباً حارقة عليه تصهره في الدنيا قبل الآخرة
بعرف تفلسفت كتير
هيدي اسالتي ,, وموفقه بالكرسي ..
تسلمي حياتي عالاسئلة الحلوة
اعذريني للاطالة ^^!! تلك عادتي السيئة
نورتي ياحلوة
|
|