اقتباس:
المشاركة الأصلية كتبت بواسطة kɑrɳvɑl ●
بسم الله الرحمن الرحيم
السلام عليكم ورحمة الله وبركاته
وعليكم السلام ورحمة الله وبركاته
تصدق اني رديت عليك وبعدين طارت الاجوبة
الظاهر مقلبي الغبي انعكس سلباً علي -_-
قرار طائش ندمتي عليه؟؟
احم احم كنت قررت قرار غبي بجد بيوم من الايام اني قص شعري -_-
شعري كان طوله لآخر ظهري ورحت للكوافير خبرتها تقصه بحركة حلوة وماحددت الشكل .. كان هاد في خطوبتي الاولى وماخبرت ماما اني رح قص شعري
والكوافيرة الشاطرة صارت تقص تقص وانا ماحاسة بشي
بس بشوف شعراتي الطويلة تطير هون وهونيك وانا مصعوقة شوي قالت لي خلصت !
طالعت بالمراية كان صار شعري لنص ظهري !!
حسيت اني رح انطرد من البيت
عطيتها محاضرة طبعاً بس شو الفايدة
ورحت بعدهاللبيت وبس شافتني ماما اوووه
صارت تصرخ علي وتعطيني محاضرة طويلة عريضة
وتحولت من ماما الهادئة لماما الوحش وانا صرت ابكي خايفة منها
واخي بسرعة طالعها من الغرفة وحاول يهدأها وغلق الغرفة علي وقالي انتي حسابك بعدين
وانا وقتها بكيت لحد مانمت
وبس صحيت كانت ماما ماتحاكيني لفترة -_-
بس للأمانة .. كان حلو القصير علي حبيته ههههههههههه
بس هلا طال مرة ثانية الحمد لله صحيح مو متل قبل بس المهم طال
أي أنواع الأناشيد تفضلين؟
كل شي تقريباً واكثر شي الاسلامية والثورية
شفت القصائد اللي بمدونتي
هي كلها اناشيدي المفصلة ولسا عندي قائمة كتير كبيرة
انا ميزتي اني الشي اللي بحبو بحفظو
مشان هيك اطفال البيت ينادوليتلفزيوننا ههههههه
بيلعبوا معي لعبة انو مثلاً وحدة تعمل حالها تقلب القنوات وتقلي حطيت عقناة سبيستون بدي اسمع اغنية الانمي كذا فبغنيها لهم اذا بدن اي انشودة يخبروني وبنشدها الهم ههههههههههههههههههه
بس طبعاً مو كل شي الميت فيه انما عندي قائمة شي مليون انشودة هيهيهي >> تتوقعها مبالغة ههههه :hehehe:
ما رأيك بعيون العرب من جميع النواحي؟؟
اممم بدك اخذ مخالفة مهيك :n3m:
بصراحة بصراحة .. اول مادخلت عيون العرب كنت بجن عليه .. وشوي شوي من بديت اطلع من مملكتي المفضلة فيه اللي هي قسم الانمي .. صرت شوف اشياء مابحبها .. المشكلة مانها بالمنتدى نفسه .. المشكلة ببعض الناس واللي بالنسبة لي رغم انهم اقلية الا انهم مجموعة الشر بالمنتدى .. شوهته وخربت سمعته بجد
قوانينها المزعجة .. حكيها اللي مالو طعمه .. رأيها الشخصي اللي تفرضه عالكل .. ومخططها بتدمير المنتدى تدريجياً .. جد اذا ظل تحت ايدينهم رح يتدمر المنتدى ..
خلص خليني ساكتة احسن مابدي كفي
بس بالنسبة للأقسام الفنية وقسم الانمي هدول الاروع على الاطلاق .. هدول التوب عندي
تحدثي عن نفسك مطولاً؟
امممم مابعرف كيف احكي عن حالي فيك انت تحكي عني ههههههه
لنشوف
انا انسانة متلي متل غيري .. ماني معصومة عن الخطأ
وكمان الي سلبياتي وايجابياتي
بحس حالي احياناً بملك ثلث شخصيات
شخصية متزمتة ملتزمة وهذا اثناء العمل
طفلة كبيرة وهاد لما بلعب او بحكي باريحية مع حدا
بنت واعية ورائع لما بواجه حدا مشكلة :a7eh: ياعيني عالغرور
لحظة طلعوا اربع شخصيات .. لأني لما بكون انا اللي بمشكلة .. بتحول مية تحويلة وبتقلب كتير مرة طفلة مرة وحش على حسب الوضع يعني هيهيهي
بحب جرب كل شي حتى لو كنت مابحبو عندي قاعدة التجربة خير برهان ..
بصراحة لست متحدثة جيدة اطلااااااااااقاً
ممكن هون احكي بطلاقة وسلاسة وعادي يعني
بس لما بواجهك مثلاً وبتطلع بعينيك وتحكي معي اكيد مارح احكي منيح رح اتوتر كالعادة ورح حاول كون طبيعية لكن رح يوضح من تصرفاتي وحكيي ان ماعندي شي احكيه واني عم جامل وبس واني ماني مرتاحة بالحكي هيك بيصير معي على ارض الواقع .. مشان هيك بنعزل كتير لحالي ..
انطوائية في الحقيقة -_- ممكن هون مايبدي علي لأني هون برجع لحقيقتي اللي كنت عليها بيوم من الأيام
أما بالحقيقة فيمكن الظروف اللي عايشتها خلتني اهرب من العالم الحقيقي وانفر منه ومن كل الناس
واتخبى هون في عالمي الخيالي او في منتداي الحبيب مع عيلتي ورفقاتي الحلوين
طولت مهيك رح وقف هون لكان
نصائح تقدمينها لي لأطور أسلوبي بالكتابة مع ذكر نقاط الضعف و القوة
حالياً ماعندي كتير ماشاء الله انت تطورت كتير
نقاط القوة عندك انك قادر على ايجاد احداث جديدة غير متوقعة وفيك تذهل العالم بافكارك
بتتلاعب بالمشاعر بطريقة ذكية
شخصياتك مميزة وغير تقليدية ابداً
اما مكامن الضعف بالنسبة الي بحسها تكمن ممكن في ضعف الوصف شوي عندك
يعني بحسك تواجه لسا صعوبة في الوصف
وسرعتك ومللك -_- بتذكرني ببطل هيوكا هلا امبارح شاهدته .. كتير بيجنن خورافي هههههههههههه
عنجد تخيلتك البطل انت بتمل تراجع البارت مرة ومرتين وتلات مشان تتأكد انو مافيه اخطاء بس لازمك تراجعهوتحاول تطلع من كسلك شوي هههههههههه
غير هاد .. بتوقع ان الك مستقبل كتير رائع ومبهر
كنت يتمنى أحط أسئلة يومية بس ظروفي ما سمحت
يلا بأمكاني أستجوبك في كل وقت هههههههه
دمت بحفظ الباري
ههههههههههههههه اكيد اكيد ملفي موجود امتى ماحبيت تستجوبني اسألتك خفيفة وسهلة
تسلم ابني المتميز اسعدني وجودك