مشكلني حبك يا روح الروح مشكلني
وأتعبني قلبك مع الحساد أتعبني
ياما نصحتك وقلتلك كانك تحبني
إبعد عن الشر يا عمري وغني له
إذا نصحتك ياليت تسمع وتراعي
لا تشتكيني لي لا تلوي ذراعي
هات الوفا والصراحة أساس أطباعي
وا ويل قلبي من أطباعك أيا ويله
إحذر كلام الوشاية لا يفرقنا
وإحذر حبيبي وخلنا في محبتنا
الناس ما همها إلا تبعدنا
والحب ما بيننا لازم نوفي له
هيهات أنا أنسى هواك ساكن في وجداني
يعزف على أوتار قلبي هيض أشجاني
حتى المشاعر حكت لك إنت شي ثاني
إنت المحب اللي ما يصح تبديله
طيفك يلاحق عيوني وين أروح ألقاه
الله عليه يا حبيبي يا سلام الله
أهواه وأهوى وجوده يالغلى أهواه
وإذا ابتعد يا هنا بالي شسوي له
البارت الرابع عشر
عبدالعزيز طلع يدور على الدكتور وهو ماشي يدور يدور وما لقاه استغرب وقال في نفسه: معقول فهد يقص علي لا لا فهود انا اعرفه ما يسويها بس اذا كان صادق اجل وين الدكتور؟ افف يا ربي (عصب وشد على يده ورص على اسنانه وقال من بين اسنانه) انا اوريه النذل. ومشى باتجاه الغرفة.
-----------------------------------------------------------------
ترك يدها وبعد عنها ورجع جلس مكانه على فتحت الباب خالد وهو شاك ان في شي في فهد: فهود ليش ما جلست عليها احسن. فهد خاف وهو يرقع قال: لا بس كنت ابي اشوف الشي الاسود اللي مر من هذيك الجهة. خالد ما صدق: اها طيب تعدل. فهد عدل جلسته وفجأة دخل عليهم وهو معصب ودمه يفور ويطلع من عيونه الشرار: فهيد وينك يا النذل تكذب علي ها.
-----------------------------------------------------------------في مكان ثاني خارج المستشفى في السيارة
شهد: اقول صادق(السواق) مر بقالة قبل ما نروح المستشفى. صادق بدون نفس: افف ماما انت ليس يهب روه مسوار واجد انت حرمه وحرمه ما في هق هيه الا بيت انت قبل سوي روه مهل ورد وبئدين مكتبه وبعدين بيت انت صديق والهين بقالة لا لا لا هدا كلام ما يسير بئدين ايس في قول ناس (ترجمة: افف ماما انتي ليش تحبين تروحين مشاوير واجد انتي حرمه والحرمة ما لها الا بيتها انتي قبل شوي رحتي محل ورد وبعدين مكتبه وبعدين بيت صديقتك والحين بقالة لا لا لا هذا الكلام ما يصير بعدين وش بيقولون الناس). شهد عصبت وفار دمها وبحده ومن بين اسنانها: صادق اشوف طلع لك لسان وبعدين انت وش عليك مني ( وبصراخ) سوق بسرعه. صادق خاف فقرر انه يسوق بدون ولا كلمه.
-----------------------------------------------------------------في البقالة نزلت شهد ودخلت وطلعت لستة الطلبات واللي كانت محتوياتها كالتالي:
3 ليز ماكس حار كبير.
2 ليز ماكس بالجبنة الفرنسية صغير.
4 غراش(قارورة) كولا وسط.
3 طراطيع.
3 فوشار نوع فرشلي.
وسلامتكم.
قعدت تدور على الاغراض وحصلتهم كلهم بس باقي تروح تجيب الكولا راحت وفتحت باب الثلاجة وطلعت ثلاث غراش(قوارير) وسكرت الثلاجة انحنت للسلة تبي تحط الكولا الا..........
-----------------------------------------------------------------كان ماشي ومو منتبه لأي شي وكان مركز مع البي بي الا صدم فيها وطاح البي بي من يده وانفتحت الشريحة وانشدخت الشاشة عصب والتفت على اللي صدمه: هاي انتي ما تشوفين. عصبت وبدون ما تناظره: اقول ما حد عمي غيرك مدخل راسك بالبي بي وتصدم بالناس تقول مدمن. وبعدين رفعت نظرها له وانصدمت لما شافته وهو بعد تشنج في مكانه شهد بهدوء: صلاح انا ا اا ا انا اسفه ما انتبهت. صلاح ذاب على صوتها وقرر يكابر وبنبرة استفزازيه: هذا انتي لا معليه حصل خير مع قبلت اعتذارك. شهد فار دمها بس عرفت انه قاصد فطنشت وحطت الكولا في السلة وشالتها وقبل ما تمشي قالت بصوت واطي ما سمعة: مستفز. صلاح ما سمع: ايش ايش قلتي؟. شهد بدلع: سلامتك قلت فرصة سعيدة. ابتسم ومد يده للسلام: وانا اسعد. انتبهت ليده وكانت بتسلم بس تبي ترد له حركته وكابرت طنشت ومشت متوجهة للكاشير حاسبت وطلعت وهو نفس الشي.
-----------------------------------------------------------------في المستشفى فهد قام وهو يرجف: انا ليه وش سويت. عبدالعزيز: لا مسوي نفسك بريء وطالع منها بس هين انا اوريك. فهد: وربي ما كذبت عليك انا شفته مر بس يمكن دخل غرفة أي مريض في هذا الممر >>>>>> الكذب عنده ببلاش. عبد العزيز اقتنع بكلام فهد اخذ نفس وقعد وفهد كمان قعد بس لا زال يرجف خالد تذكر غرفة البنت اللي تدخل عليها بالغلط وهي غرفتها قريبة والكلام اللي قاله فهد لعبدالعزيز خاف عليها فجأة قام: انا استأذن. وطلع برا.
-----------------------------------------------------------------وهو طالع شاف اخته واقفه ومتسنده على الباب وتصيح خاف ونغزه قلبه راح لها: بدورة حبيبتي وش فيك؟. بدرية التفتت له وارتمت بحضنه وزادت بكي.
-----------------------------------------------------------------انتهى البارت
توقعاتكم
1-وش بيصير مع شهد؟
2-دانه بتصحى ولا؟
3-وش فيها بدرية تصيح.
وارائكم لا تحرموني منها
وشكرا
مع تحياتي
اختكم: shahad al-abbad