تعالي نمطر احساس وأماني
تعالي نزرع الدنيا تهاني
تعالي عطري روحي بشوفك
دعيتك حب واحساسك دعاني
تعالي نور لعيون تشوفك
أعيش العمر في قربك ثواني
تعالي بسمة فوق الشفايف
وأغلى حرف ينطق به لساني
تعالي نكتب الفرحة قصيدة
تعالي وأعزفي شوقي أغاني
تعالي يا حياتي في حياتي
أماني علقت فيك الأماني
تعالي نرفض سنين التباعد
نعيش بحب واخلاص وتفاني
تعالي درب ما يعرف نهاية
تعالي شط وأمواج ومواني
غروب الشمس مشتاق لشروقه
يقول أموت لو باكر نساني
تعالي غيري لون الليالي
مثل ما غيّر احساسك كياني
غرامك حلم نوّر لي وجودي
غرامك كل شي في زماني
غرامك دم يسري في عروقي
وباسمك ينبض الخافق معاني
أنا اللي كثر حبي لك أحبك
أنا اللي