| البارت الرابع
العصر الساعه 4:30
كاتسومي: انا من اليوم ورايح بصير رسام مانجا
ميشي: اخيرا عقل واحد فيكم اذل انا بثير معلمك
بعد خمس دقايق
كاتسومي: استاذ رسمت بطل القصه تعال شف
ميشي بعد ما شاف الرسمه: الحين بطل القثه اللي رسمته انثان؟؟
كاتسومي: ايه ليه؟
ميشي معصب: اللي راثمه يثـنف من المخلوقات الاثطوريه حتى ذثمه (جسمه) راثمه خط الله يثود وذهك اترك احلام اليقظه منتب ثاير رثام مانجا لو تموت وانا اللي حثبتك عقلت
كاتسومي مستغرب: وش فيه؟ رسمي جدا طبيعي
تشيكا تمر من عنده معها صينية شاهي لتاكاشي: مع وين طبيعي حتى الرئتين مالها مكان
كيجي يروح عند كاتسومي: لا يفوتك صديقي عطاني لعبة يصير لك فيها صديق افتراضي
كاتسومي اخذ الـ cd وشغله على الجهاز وسجل اسمه باللعبه
( احداث الثلاث سنين من الثانويه)
ريو: يبدو انك نسيت حقيبتك في المنزل يا كاتسومي لا تقلق سأذهب لأحضرها لك
...
ريو: كاتسومي سأساعدك في الهرب من المدرسه تعال معي
...
ريو: لقد قضيت معك وقتاً رائعاً في الثلاث سنين اللتي مضت يا كاتسومي اتمنى لك حياة هانئة
كاتسومي يصيح: ريو صديقي الوفي لا تروح
كيجي يصيح معه: ريو الطيب ضاع شبابه وهو يساعدك
كاتسومي: انا اكيد بكتب عنه قصه
كيجي: بنخليك سعيد يا ريو
جيرو يرمي عليهم الوسايد: انطم انت وياه رجعو لي جهازي لا اخليكم تكندسون على وجهكم بالدرج
كاتسومي وكيجي لفو عليه معصبين
كاتسومي: تذكر ذيك المره يوم صيحتك ياحيوان ما تدري اني صديق ريو
كيجي: قدها تضرب صديق ريو يالبلاطه
جيرو ينحاش: يمااه خلونا نتفاهم تكفون
كيجي: وين نتفاهم يالبلاطه بعد ما ضربت صديق ريو بدري عليك يا خايس
كاتسومي: صح لسانه الحين بدفنك تحت الأرض عشانك ضربتني تراي صديق ريو
انا اروح عند تاكاشي: عمي انت مسوي سباق جري ولا وش سالفتهم ذولا؟؟
تاكاشي: لا ما سويت مدري عنهم
تشيكا: لا بس جيرو ضرب كاتسومي وكيجي بالوسايد فقامو يلحقوه عشان يدفنونه تحت الارض
انا: ليش؟؟ حرام يدفنونه
تشيكا: يستاهل محد قال له يضرب صديق ريو
انا: اجل ادفنوه اللي ما يستحي بس لحد يدري ما عندنا فلوس عشان العزاء، الا من هو ريو؟
تشيكا: صديق كاتسومي اللي ضيع شبابه عشانه
انا وفيومي واوي نركض ورى جيرو
انا معصبه معي مطرقه: جيرو يا حيواان
فيومي ماسكه كعب: والله لا آطا رجلك بالكعب زي الافلام
اوي معها شبس تاكل وهي تركض: وقف يا من ضرب رفيق ريو ان طاح شبسي مني بقاضيك
هيساكو وكازوكي ومادوكا كانو يلعبون كوره يوم شافوهم لحقوهم
كازوكي: وش السالفه؟؟
انا: جيرو ضرب صديق ريو اللي ريو ضيع شبابه عشانه
هيساكو معصبه: انتظر ايها الوغد بسوي منك فرشة حمام(اكرمكم الله) عشانك ضربت صديق ريو
جيرو دخل غرفته وقفل الباب
انا ارفس الباب: افتح يا حيوان
جيرو: منب فاتح لكم يا زلايب
مادوكا: تراي اعرف للكونغ فو افتح يا سحليه
جيرو: نصاب ما تذكر يوم كنت تستعرض قدام البنات يقالك تعرف حركات كونغ فو وضربتك ضرب بنت اول ابتدائي
مادوكا: انطم عن الفضايح
اوي تضحك: ههههاي اما عاد بنت بأول ابتدائي ضربتك
كيجي: تراه بس بينسيكم انه ضرب صديق ريو
الكل قعد يرفس الباب وانواع الشتائم
كاتسومي شاف مزهريه على طاوله: بعدو انا بكسر الباب الحين وراح بياخذ المزهريه
تاكاشي: اترك مزهريتي بحالها يالظالم
كاتسومي: ما تهمني مزهريتك اهم شي اضرب اللي ضربني انا صديق ريو
كاد كاتسومي ان يضرب المزهريه بالباب
تاكاشي بنفسه: مابه الا هالحل
تاكاشي: ترى المزهريه هديه من اخت ريو
كاتسومي يرجعها مكانها ويعدلها: عيب عليكم تكسرون هدايا اخت ريو
تاكاشي: الحمدلله المزهريه سليمه بغيت اخسر 15 ريال
تشيكا: لا يكون شاريها من التخفيضات
تاكاشي: وش دراك؟
ميشي: ثي طبيعي تعرف عمي انت كل اثاثك واغراضك اللي بالبيت مثتعمله ولا تباع بالتخفيضات تذكرني بمثتر ثلطع
تاكاشي: تقصد اللي بسبونج بوب؟
ميشي: ايه هو
تشيكا بنفسها: بزر هو يشوف سبونج بوب!!
نرجع للي ضرب صديق ريو
جيرو: ما يمدي نتفاهم؟
كازوكي: انا ما اعرف اتفاهم افتح يا كلوريكس
فيومي: وشو كلوريكس؟ ذي مواد تنظيف مو شتم
كازوكي: ادري بس قلت خل اجربها
جيرو: خلوني وبعرفكم على بنات من المدرسه
كاتسومي استانس: بنات؟
جيرو: ايه
كاتسومي لف عليهم: توي مكلم ريو يقول عادي سامحته وانا بعد سامحته
الكل تراجع وجلس بالصاله
جيرو يوم شاف الاحوال زينه طلع وجلس بالصاله بس بعيد عنهم
كاتسومي جلس جنبه: كم عدد البنات؟
جيرو: ست بنات
كيجي جلس قدامه: حلوات ولا بقر؟؟
جيرو: حلوات
كازوكي يركض للدور الثاني: بروح اتكشخ
باقي الشباب رقو معه: ينتكشخ معك
فيومي تلحقهم: انتظروني
ايكو: انتي وش دخلك؟
فيومي: بروح اكشخهم لا يفشلوني قدام البنات
انا: اجل خوذي قشك لغرفتهم لا تكشخينهم بغرفتنا
فيومي: اكيد من المجنون اللي بيكشخهم بغرفته
ميشي يروح للدور الثاني: بروح لهم
ايكو: وانت وش دخلك؟
ميشي: بقول له يعرفني على وحده
تشيكا تلف على تاكاشي: كله من عيالك اعدو ولدي
تاكاشي: حرام عليك من متى وهم متصلين معي بالدم أصلاً لو كانو عيالي كان تبريت منهم
هيساكو: حرام عليك يبه كلهم يهبلون
انا: وعع هالجحلط يهبلون؟؟ مع وين يا حبيبتي كل واحد اخس من الثاني
اوي: صادقه ولا مره عطونا قرش واحد او عزمونا على شي مالت على وجيههم
ايكو: ههههاي من جد
تاكاشي: اتفق معك اسامي
تشيكا: انا اول عنصر يتفق معها يا ابو العيال الجحلط
تاكاشي معصب: قلت لك ذولا موب عيالي
عند العيال
ميشي يدخل عليهم: جيرو عرفني على بنت اول ابتدائي اللي ضربت مادوكا
جيرو: ليش؟
ميشي: بتثير تابع قوي لي عثان تحرث كنوذي الثمينه من القراثنه
جيرو: تقصد عشراتك اللي تحرسها مننا
ميشي: ايه
جيرو: لا
ميشي: تكفى
جيرو: قلت لا
ميشي: ترى بقول لهم عن ذيك المره بالليل
جيرو بنفسه: لا يكون يقصد يوم اني اشوف توم وجيري وآكل شبس تسالي مع عصير سن توب
جيرو: احم اخجلتني باصرارك خلاص بعرفك عليها يوماً ما
ميشي: غثبن عنك
جيرو بنفسه: ودي الجنه واسوي منه جريش بس اخاف يسويها ويعلمهم التسلب
كازوكي: اي يحر شوي شوي
فيومي تكفخ راسه بالاستشوار: بتسكت ولا احرق لك لسانك
كازوكي: لا بسكت
الساعه 10:00 الكل متجمع يتعشى
اوي: تكلفتي على العشاء وش ذا؟؟
تشيكا: وش اسوي عاد طلع لي صرصور بالمطبخ وقعد يفحط بكل المطبخ وبخيته بمبيد حشري فتسمم كل الأكل
فيومي مستغربه: اجل ذا من وين؟
تشيكا: ارسلت ميشي للجيران يتشحذهم يعطوننا اكل عشان تاكاشي عيا اخذ من فلوسه
مادوكا يضحك: ههههههااي اجل رحت تتشحذ
ميشي ميت احراج: انطم انت يمه تثوفين خل تذي بث بنت اول ابتدائي بخليها تضربك
انا: وانت واثق انها بتصير صديقتك
ميشي: انا عندي خطه بتخليها تتمنى تثير ثديقتي هيهيهيهي
انا: تشيكا متأكده انك ما ولدتي شيطان؟؟
تشيكا: مدري والله بتأكد من اوراق المستشفى وسجل العائله يمكن يصير مو كائن بشري
انا: ايه واللي يعافيك
ميشي معصب: انطمي انتي بعد
بعد ما انتهو من العشاء نامو
انتهى البارت
.....
سوووري عشاني تأخرت بزياده عن اللزوم
الأسئلة
أعجبكم البارت؟
..
من أحسن شخصيه بالبارت؟
..
رايكم بطول البارت( طويل-مناسب-قصير)؟
|