البارت ' 2 '
.
.
.
صباح يوم الأثنين ..'

كانو صاحين بدري إستعداداً للدوام
والخوف والإرتباك والقلق يداعب رنين ..
رنيم بعد كانت خايفة ع رنين .. راح تجلس عند عيال ماتدري ايش مصيرها معاهم .. راح تكمل معاهم إلى أن تسوي العملية أو لا .. الله أعلم
.
.
كانت تلبس ثوبها الجديد وسوت تسريحة شعرها بوي ولبست المشد وأخذت شنطتها ونزلت تحت عند أختها وأمها ..
رنين : يالله يالله تأخرنا
رنيم : وش فيك مستعجلة لبستي المشد ؟
رنين : ايوة
رنيم : خايفة عليك ي رنين خايفة عليك أخاف تضيعين
رنين : ايش بدريهم اني بنت .. وبعدين بعد كم اسبوع راح أكون ولد صدق فا تطمني ياعمري
رنيم : إنتبهي لنفسك
رنين : طيب بلا افلام هندية وخلينا نطلع تأخرنا
رنيم : يالله
وطلعو الأخوات بعد ما أفطرو .. وركبو السيارة
رنيم : جوالك معاك ؟
رنين : ايوة ايوة ..
رنيم : بتصل عليك عشان أتطمن عليك
رنين : طيب بس انتبهي تتصلين وقت حصص او فسحة عشان م يكفشوني واروح بخرايطها
لما وصلت المدرسة كانت خايفة حيل ..
جات بتنزل رنين ..
رنيم بأبتسامة حزينة : إنتبهي على نفسك ياأختي
رنين : وإنتي بعد ..
نزلت رنين لباب المدرسة كان مفتوح وماعنده حارس ..
كانت جاية متأخرة ..
نزلت وهي كلها خوف وخجل وارتباك دخلت المدرسة وراحت شافت مدرس ..
رنين : ممكن المدير
الأستاذ : ليش ان شالله جاي متأخر ؟
رنين : أنا طالب جديد وما أعرف وين فصلي وتأخرت شوي عشان ظروف
الأستاذ بصراخ : إذا ماجيت مبكر بكره ترى ياويلك راح تندم .. وسحب يدها بقوه
الأستاذ بنفسه ' يده ناعمه .. ليكون خكري بس '
وصلت عند مكتب المدير وكان باين انه عصبي حيل وشديد ..
الأستاذ : هذا هو الطالب الجديد .. جاي متأخر ولا بعد يبينا نعذره
رنين : الـ السلام عـ عليكم ..
المدير : وعليكم السلام .. ليش متأخر
رنين : آ آ آ .. ص صحيت مبكر
المدير يتمعن برنين وبنفسه ' ماشاء الله تجلط .. مُلاحظة : المدير يعرف انها بنت لأن ملفها الثاني عنده '
المدير : ايش اسمك ..
رنين بخوف وارتباك : فيصل
المدير : أستاذ بندر إخذه لفصله ..
الأستاذ : ان شالله طال عمرك .. وسحبها ووداها للفصل
دخلت بخطوات ثقيله وتحس انها خايفه ومرتبكه ومو مركزه
وجسمها كله عرق وخجل وأنظار العيال كله عليها ..
رنين : السـ .. ـلام علـ .. ـيكم
محد رد السلام غير المدرس : وعليكم السلام .. تفضل حياك
راحت رنين جلست ع طاولة جمب الدريشة وكان جمبها واحد مبين عليه داج وكسول ..
الأستاذ : ممكن تعرفنا عليك ؟
رنين : إسمي فيصل بن ** الـ **
الأستاذ : طيب نكمل شرح ..
وطلعت الكتاب وقعدت بحالها ..
الولد الي جمبها : هلا والله بـ فيصل
رنين : اهلين
الولد بنفسه ' وش فيه صوته كذا كنه بنت ' انا مشاري .. / عيونه عسليه وأسمر ونحيف بالحيل ونذل ومرجوج بس طيب '
رنين بصوت ولد : اي هلابك تشرفت
الولد وكأنه ناوي على نية بشعة .. وقعد يصفر
الأستاذ : مين فيكم صفر !
مشاري : هذا إستاذ الطالب الجديد
رنين بصدمة : لا والله مو انا قسم بالله
الأستاذ يهاوش : هذا وانت جديد وتسوي كذا أجل الأيام الباقية وش بتسوي .. مستحيل احد من عيال الفصل
يصفر كلهم اعرفهم مؤدبين .. انت الي راح تخربهم
رنين سكتت وتنهدت
ومشاري يضحك ضحكة خبث
الي قدام رنين ومشاري ولد يسمع كل الي يصير بس ساكت ..
خلصت الحصة ع خير وبدأ التعارف ..
مشاري : اقول ماودك تجي اعرفك ع الشلة
رنين بأرتباك : اوك
مشاري : علي صوتك ولا ضربتك
رنين خافت : لالالا خلاص
مشاري يضحك ومسكها مع ايدها ووداها عند باقي الشلة
وبدت السوالف ..
مشاري : ها فصول تبيني اعرفك ..
رنين بصوت واضح : ايوة
مشاري : هذا ' وليد .. / شعره أسود ناعم دايم يخليه سبايكي هاديء مره وغامض أولى عمره 17 سنة كان ساقط سنة وعادها عيونه عسليه خشمه صغير وشفايفه صغيره وجسمه عريض رياضي وطويل ماكن عمره 17 '
وليد يعطيها غمزه
رنين استحت بس مابينت
مشاري : وذا ' محمد .. /عيونه سوداء شعره أسود ناعم يخليه ع ورى وملقوف وشكاك بس طيوب وحبوب '
مشاري : وهذا ' عبدالعزيز .. / عيونه سوداء شعره بني ناعم يستهبل ورجه ومهايطي درجة اولى '
مشاري : هذا ' خالد .. / شعره كدش وسمين يمكن تقولون وزنه 65 كذا .. ودايم عصبي ويكره رنين الي هي فيصل لأنه حس إنها ماخذة جُزء كبير من حب الشلة '
مشاري : وذا ' تركي .. / يحب يغازل عيونه كبار وشعره اسود وفلاوي يكره الخيانة ويكره علاقات الحب صح انه يغازل بس مايحب كله عنده إستهبال '
مشاري : أخيرا هذا ' سليمان / عيونه ناعسة بنية وخفيف دم وحبوب وطيب '

رنين : ماشاء الله تبارك الرحمن وش كثركم
خالد : قل ماشاء الله ياخي
رنين : ماتسمع وش قلت قلت ماشاء الله
خالد : اقول انت لاتهايط لاجي وأرفسك
مشاري : هههه وشفيكم انتم عالولد كذا ترى ماقال شيء
خالد : خله يهجد اول
وليد : أقول عيال الحين بتبدأ الحصة الثالثة
تركي : أحلف انها الثالثة
وليد : شرايك يعني
وبدت الحصة كلها أستهبالات ولا يخلو من هواش العيال << مايمشون بدونه ..
وفي وقت الفسحة ..
نزلو الشلة كلها إلا رنين نزلت لحالها برا ..
رنين : يووووووه وين فلوسي .. ايه صح وين جوالي ! نسيت جوالي وفلوسي ياربيه اكيد رنيم
بتتصل علي يوه يوه ي ويلي اخ بس ..
وصل لعندها واحد طويل وعنده عضلات ..
سعود : انت الطالب الجديد
رنين بخوف : ايوة
سعود : ايه ماشاء الله مو باين انك فثالث متوسط
مُلاحظة : سعود فالثانوي , وقسم الثانوي والمتوسط مع بعض
رنين بنفسها ' ي ويلي ي ويلي الثانوي والمتوسط مع بعض وش اسوي الحين عسى مايضربني بس '
سعود : ياهيه انت تتعمد تسفهني صح .. تتهزأ فيني واضح عليك ماترد علي وسافهني كني جدار قدامك
انا أعلمك
رنين حطت رجلها وانحاشت وصارو يلاحقونها سعود , شلته تعبو بس سعود انقهر ومن قهره راح ومسكها فمكان
ظلمه كله ..
سعود : وين بتروح مني ياحلو
رنين انصدمت من كلامه : !!!
سعود : أقول يا حلوه ليش مسويه ولد
رنين كل مالها وتنصدم صدمه اقوى من الي قبلها
سعود مسكها وعطاها بُقس مع بطنها خلاها يغمى عليها ..
وراح وهو يضحك
شلته : هاا لقيته
سعود بضحكه هاديه : ايه لقيته وعلمته ان الله حق
وراحو وهم يضحكون
.
.
.
تركي : ماشفتو فيصل
محمد : لا والله ماشفته
سليمان : اقول خلونا ندوره عالأقل يصير عضو معنا بالشلة مسكين احسه خجول
مشاري : ههههه وانا احس انه خكري ابو خككر انت شايفه بس كنه بنت بويه
وليد ساكت معروف عنه هادي وغامض بس لا عصب عصب ..
خالد : انتو الحين ليش مهتمين منه خلوه فبليس طيره عاد من زينه
عبدالعزيز : لالا لازم نلقاه عشان نسولف معه ونطلع معه ونروح ونجي ونشوف وش سالفته
تركي : انا حاس عنده شيء
خالد يبلع الأكل بشراهه : ليش كل هالأهتمام الزايد خلاص خلوه
وليد : عن اذنكم شباب رايح اتمشى شوي فالساحة ..
مشى وليد يدور على رنين بس ماقال عشان ما يلحقونه الشباب
راح لمكانه المخصص ورى المبنى وشاف ' جٌثثه مرميَّه ع الأرض وممتليه تراب '
وليد بخوف : فيصل .. !!
ومشى لعندها بسرعه وصار يضرب خدها : فيصل , فيصل .. قوم انا وليد قوم
ماصحت وراح يركض ينادي الباقي ..
محمد : قل قسم وانت وين شفته
وليد طنش محمد وركضو الشباب لعندها واخذوها عند المدير ..
المدير : مين بيروح معه
وليد : أنا ..
محمد : وأنا ..
المدير : خلاص وليد ومحمد يروحون

كل واحد انقهر يبون يروحون ..
أخذو رنين وركبوها سيارة وليد وانطلقو ع المستشفى ..
.
.
دخلو المستشفى وسدحوها ع السرير لما وصلو للغرفة ودخلوها وشافو حالتها الدكاترة ...

الممرضة امريكية طلعت على وليد ومحمد ... : Are you Escorts girl ( هل أنتم مرافقون الفتاة )
وليد ومحمد بصدمة : Girl !!! ( فتاة !!! )
الممرضة : Yes girl is not a serious condition that he only just unconscious, but possible to come down the menstrual cycle and I think it's because of a blow to the abdomen ( نعم الفتاة ليست بحالة خطيرة انها فقط فاقدة للوعي فقط، ولكن من الممكن تنزل الدورة الشهرية واعتقد انه بسبب ضربة على البطن )
محمد ووليد حمرت وجيههم ..
محمد : وش رايك باللي تقوله الدكتورة
وليد : لا تعليق
محمد : Can I access it ? ( هل أستطيع الدخول عليها )
الممرضة : You can, but without the hassle ( تستطيع ولكن بدون إزعاج )
ودخلو محمد ووليد عليها
وليد : محمد
محمد : هلا
وليد : تتوقع فيصل ممكن يكون بنت ؟
محمد : ما أدري .. انا مثلك منصدم بنت وتدخل مدرستنا وش الهدف يعني ؟
وليد : ما أدري والله اني محتار زيك .. إنتبه تعلم أحد يبقى سر بيني وبينك فاهم
محمد : طيب أقولها ؟
وليد : لاتقولها شيء ..
وجلسو عالكرسي يناظرونها
صحت رنين ..
رنين : وليد , محمد .. انتم شتسوون هنا ؟
وليد بإبتسامة : جبناك هنا للمستشفى عشان نتطمن عليك
محمد : لاتخاف بس اغماء بسيط , الا قولي وش صار ؟
رنين تحك راسها : واللهي .... ماذكر اصبر خلني أتذكر .....
وليد : ها تذكرت ؟
رنين : ايوة !!
محمد : ايش ؟؟
رنين : الي اذكره .. الي اذكره ..
وليد بدت تتلف اعصابه وده يعرف من الي سوابها كذا لانه ماراح يخليه : ايه وش الي تتذكره
رنين : مادري والله ماذكر
وليد انقهر
محمد : فصول حبيبي قول عشان ..
رنين : ايه ذكرت
وليد ومحمد فزو : ايه وشو
رنين بحقد : كنت عند المقصف أبغى اشتري بس مالقيت معاي فلوس وبعدها .... بعدها ....
وليد : وبعدها ايش
رنين : جاء واحد معاه شلته ومعضل وكان يخوف وناوي ع شيء
وانا خفت وجلست افكر شوي .. وظل يكلمني بس ماسمعته وقال : انت تسفهني ها تسفهني
ويظن ظن سوء وانا خفت وانحشت وظل يلحقني لما تعبت ومسكني وصرنا لحالنا فمكان مظلم
وقال ....
محمد : ايش قال .. بسرعه قول ترى من جد تلفت اعصابي
وليد : فصولي قول ايش قال
رنين : ماقدر اقول ماقدر
وليد : هددك ؟ قالك شيء ؟
رنين : لا ماهددني .. بس عرف عني شيء انا مخبيته
وليد ومحمد انصدمو ...
رنين : اسفه ماقدر اقول
وليد : اسفه !!!!
رنين : لالالا قصدي اسف !
محمد : احنا عارفين انك بـ .....
وليد حط يده ع فم محمد : احنا عارفين من اهوا بس لازم نتأكد
رنين شكت : لو قلتلكم اكيد راح تعرفوه
وليد : بليز قول
محمد : وليد .. خلاص يكفي لازم احنا بعد نقول ,, وليد يطالعه لاتقول , محمد يكمل .. احنا عارفين انك بنت !!
وليد يطالعه بنظرات قهر .. بس محمد طنشه
رنين انصدمت : كيف عرفتوا !! ' وبترجي ' الله يخليكم استرو علي ترى انا اصلا ولد ومافيني رحم وبعد ككم اسبوع بسوي العملية بليز استرو علي الى هذاك اليوم الله يوفقكم الله يستر عليكم وعلى اهلكم بالدنيا والآخره
محمد ووليد كسرت خاطرهم بس بنفس الوقت انصدمو من كلامها كيف هي ولد والممرضة تقول بنت ؟؟
وليد : لاتخافين راح نستر عليك
محمد : مالك الا طيبة الخاطر .. راح نساعدك واعتبرينا اخوانك
وابتسمو
رنين ارتاحت وقالتلهم : تبون الصراحة .. حتى هذا الولد قعد يتغزل فيني ع اني بنت وبعدها انصدمت وعطاني
بُقس خلاني فاقدة الوعي ..
وليد : تذكرت شيء .. تقول المريضة انه من اثر الضربة ممكن .. وبخجل ' يجيك هذاك الشيء الي يجي للبنات كل شهر يعني إنتبهي او غيبي عن المدرسة '
رنين انحرجت وحمر وجهها من الحياء
دخلت عليهم الممرضة : Sorry time finish for the visit ( آسفة إنتهى وقت الزيارة )
محمد : Can able to take him out of the hospital ? ( هل نستطيع إخراجها من المستشفى )
الممرضة : Oh Yeah, Well I'll write him out ( أوه أجل, حسناً سأكتب لها خروج )
وطلعو وليد ومحمد من الغرفة وجلسو ع الكراسي
وليد : بصراحة حيرتني هذي البنت .. الممرضة تقول انها بنت .. والبنت تقول انها مافيها رحم !!
محمد : إي والله بصراحة لغز ..
وليد : خلينا ناخذها يلا ...
وراحو عند الطبيبة وكتبتلها خروج وأخذو رنين وطلعو من المستشفى
.

__________________
{الـــــ نّْ ـــاس أجـــ نَ ــــاس}