مرحبا يامحبوب العالم كل يوم بتوقيع غرت انا ماحدا يهديني توقيع شوفوا انا فقيرة توقيع من زمان ماعندي اهي اهي >> شحاتة تايم
المهم هاد البارت الي ياسلااام كم انا محظوظة " تقريباً "
مالقيت تهديني غير بارت دموي -_-
انت قلت تقريباً النهاية جاية يعني القادم مو البارت النهائي مهيك هههههه هيك احسن بس بخاف يجرك هالشي لقتل المزيد
هالمرة وبما اني فجرت مشاعر الحزن والكئابة عندك بالخاص واجيت لما هديت رح رد رد محترم
اكتبها بالتاريخ هي وسجل هالرد بقاموس العشرة ردود الأوائل الحائزين على جائزة نوبل >> جد معجزة رد بلا تهديد وبلا اكرهك هههههه
المهم بداية رح ابدي بالانتقادات لاحبطك شوي شو ساوي مو هيك انت بدك
ليك رح دور عالثغرات دورت ودورت ولقيت بس ان كسلك لسا ماراح ومارجعت شيكت عالاخطاء الاملائية
في خطئين بس حرف الذال حولته للزاي >> شماتة تايم الله يعيني بس ماتعمل هالشي فيني ههههههه
بس اتوقع مافي غيرهم للاسف
المهم نجي للجد المقدمة اسرتني كتير على فكرة وحسيت انو وراها بلاوي مطنطنة هههههههه
اكثر مقطع كرهته من كل قلبي وكان ودي اقتلك مع كل حرف اللي كان تعذيب ساندرا حرام عليك ليش تساوي هيك
المتلي قلبي كتير بهاد الموقف حسيت انو انا اللي عم اتعذب
واحلى مقطع كان البداية رغم ان هالشخصيت مجهولين بس كتير حبيت المقطع مابعرف تخيلت انو حدا منهم هو لويس والثاني اكاي او ماثيو مابعرف الشخص الثاني بس الاول بحسه لويس اما اني رح اتفشل بعدين 
لحظة اعدت قراءة المقطع مرة ثانية شو اسمو هداك الطفل اللي كان الكل تقريباً يحميه ؟ نسيت اه جان صح
ليكون هاد هو ووين اختفى ؟؟ ياه ذاكرتي معطوبة كام مرة نبهتك تكتب تذكير ؟؟؟
المهم خمنت هلا انه هو وفالون يمكن مابعرف انا فاشلة بالتكهن والتخمين بدي كم كف :hah: لماذا كذبت .. تركتني ورحلت
.gif "Icons(7)")
هي الجملة ماعرفت معناها والمغزى منها غير بنهاية البارت
كان لازم تنهي اكاي بهالشكل يعني
بالنسبة الي لو مات هديك المرة اهون من هي المرة
لان بهي المرة كان في موقف مؤثر قبل وتلاعبت بمشاعرنا مشان تجلطنا كالعادة
غير انو تعذبنا من فكرة موته سابقاً وهلا مات مرة ثانية يعني بجد شي بيعذب
اكاي ماكنت بهتم فيه كتير بس هلا حاسة ان رحيله معاناة ومؤلم جداَ
المقطع الثاني اللي حبيته كثير كثير
لما صحي كايتو مابتعرف قد ايش فرحت حسيت المقطع كان حياااااة وسط المعاناة
ومكانه كان بيرفكت خليتنا شوي نطلع من التعب النفسي تبع ساندرا والحقير نيكولاس
نيكولاس بنوب ماحبيته ولا اشفقت عليه ابداً
كريييييييييييييييييييييييييييييييييييييييييييييييييييييييييييييييييييييييييه
اذا ماانتقمتلي وقتلته وعذبته منيح مارح كون فرحانة سحقاً له كم هو متوحش بلا ضمير او قلب او انسانية
بصراحة كسرت قلبي جوليا بس مو كتير المهم انها انقذت حبيبتي ساندرا هي المفضلة عندي تقريباً لولا سذاجتها احب مايا اكثر بيكفي ان اسمها مثل حبيبتي مايووتي اختك ههههههههههههه
ماثيو الحمد لله رجعتله الحياة هو ولارا كنت كثير قلقانة عليه مسكين لعب لويس باعصابه ههههههههههههههههههههههههههههه كم احب ماثيو وكايتو هدول الثنائي مميز مابعرف ليش دائماً بلاقي صورتك بكايتو بحسك كانك هو
ايساو ماتوقعته يصارح دونالد وهيلين بهالشي جد صدمة 0_0
اربكه الرجال المسكين بس بجد الموقف صدمة
ومع هاد مااشفقت على ايساو ماله حق يقتل هالناس اللي مالهم ذنب
يعني اكاي شو عمل لاله هاااااا
وكان معهم كمان يعني سمع شو حكت لاله مايا مارق قلبه ولاشوي
انسان مثل هاد مارح يرق قلبي لاله كمان ><
فالون ماعم شوفه منيح اشتقتله :hehehe:
ماري ومصيرها المجهول بخاف تكون الضحية الثانية
رح تكون ضحيتي وقتها قلتلك وحذرتك البنات لاتقرب ناحهم ومع هاد عذبت ساندرا
ماشي ماشي العقاب لسا بالطريق
هلا رجعت هيهيههي
نجي للواجب بالاول لانو تشتت افكاري اذا تذكرت شي رح ضيفه
_ من هما الشخصيتان اللتان استفتحت بهما فصلي الحالي؟؟
اممم حيكت بالاول ماني شاطرة بالتخمينات بس اما انو الصغير مع فالون او لويس مع اكاي بس اكاي مات يمكن ايساو ماثيو رح اذكر الشعب العربي كلو .png "Icons(25)")
_ جوليا ساعدت ساندرا لسبب ما فما هو السبب برأيكم ؟؟
متل ماقالت مشان ايساو بس مابدها لما تموت الساكورا تبعوا انو يجن وبعدها مايعود فيه يسيطر على حاله ويصير شرير اكثر ولانه بيحب ساندرا ممكن او تعنيله شي كبير بحياته فهي تظن ان هيك يمكن تكسبه او عالاقل مشان ماينتصر نيكولاس عليه
_ أحقاً أن ساي هو من قتل ماري؟؟
مابتوقع كذب كذبة وبظن الثانية كذبة كمان اما انو مخبيها يحميها او انه قتلها جد ووقتها مستحيييييييييييييييييييل احبه اصلاً من هلا ماعم حبو لهالشخص المجرم
_ مواقف كثيرة حصلت فأيها شد أنتباهكم ؟
كتبت فوق وهلا بعيد استيقاظ كايتو كان الاحلى والمقطع الغامض الاول وكمان مقطع لما كان ماثيو يحس حاله ماعم يعرف شو بده يساوي لصديقه ياااه كم اشعر بشعوره في احيانٍ كثيرة
البارت كلو رائع وخيالي باستثناء مقطع تعذيب ساندرا اللي كرهته :n3m:
_ قتل أكاي فمن هو الفاعل ولإي الأسباب؟؟
ساي ومابتوقعه عمل هيك بس لان مايا مارح تسمي ابنها باسمه هههههههههه
يمكن لانو بدو ينتصر على نيكولاس فلازم يمشي عالخطة ومن ناحيتي مابلاقيله اي تبرير انو يقتل اكاي .. على فكرة تذكرت هلا اول مرة قرأت فيها عن اكاي لما طلع اول مرة بالرواية يعني .. مابعرف ليش لكن احساسي قلي هالانسان رح يموت جد من البداية قلت لو بيموت حدا رح يكون هاد بس مع الاحداث مافكرت انو رح يموت وهلا مات للأسف
خلصت الاسئلة بسرعة ظنيت في كمان
كان على بالي شي بدي احكيه بس نسيته
نادوني مجدداً رايحة الهم ولو تذكرته رجعت احكيه
سلام يابطل
البارت كان نقطة تحول انت عم تتطور بشكل ملحوظ ورائع بجد وماعم جامل
بالذات هاد البارت بان تعبك فيه ومجهودك
كان خارق بمعنى الكلمة الكلمات اللي انتقيتها والاحداث والتسلسل وترتيب الفقرات
الشخصيات اللي حافظت عليها يعني مو مثل بعض الروايات بتكون الشخصية شكل وبالاخير بتتحول تمااااما وهاد اللي بكرهه مثلاً تكون كتير غبية وبالاخر تصير ذكية كتير
اسلوبك كمان صاير خطير في احاسيس ومشاعر قوية وحلوة
حبيت هالبارت رغم ان بعض المقاطع سائتني بتعرفني رقيقة
بس كان اخف من السابق ههههههههه
تسلم دياتك مبدعي الصغير وبانتظار القادم بفارغ الصبر
دخلت اليوم بس مشان رد على روايتك الخارقة
بالتوفيييييييييق دائماً وابداً
تحياتي
ماما فلوري
ياسلام البارت اهداء الي كم انا سعيدة ههههههههههههههههههههههههه
|
التعديل الأخير تم بواسطة آدِيت~EDITH ; 06-15-2013 الساعة 07:58 PM |