06-18-2013, 02:27 PM
|
| |
___تجيني فترة لمن أجلس اتأمل تصرفات الناس , كلامهم , طريقة تفكيرهم ..
اقول يا ربي ايش هذا المجتمع الملغوص :/ ؟ * مِلَغْوَص = مخبّص , ملخبَط ..الخ
لما تتعمق فِ أسباب تصرفات بعض الناس احياناً تنصدم و تقوم الحمدلله ع نعمة العقل , والحمدلله انو لسه في ناس ضميرهم حيّ !
يعني من جد ماعرف كيف عندهم قدرة و قلب و ضمير يعملوا اشياء زي كذا , ممكن يكون فعله حرام أو عيب أو مقزز حتى !
يعني بعض التصرفات تكون مُخجلة , غبية , تافهة و سخيفة لأبعد حدّ , لكن يسووها لمجرد انها تسلّي أو ممكن كمان تضر غيره , ليش طيب !!
و بعضهم ما صاروا يفكروا إذا الشي اللي يسويه صح ولالا , أهم شيّ مصلحتو والشي للي يبغاه يصير بغض النظر عن انه ممكن يأثر ع غيرو!
ماعرف ايش اباقول بالزبط لكن هذا الشي يسبب لي ضيقة أحياناً اجلس افكر كثير .. يعني معقول ممكن أكون ف يوم من الأيام كذا ؟
واحاول أطرد هالأفكار من مخي و أتعوذ من ابليس على طول ..
ياخي مشكلة اللي ماعندو شغلة ولا مشغله احس عندو قابلية يجي له اكتئاب من كثر التفكير , زي حالتي يعني :/
ما عندي الا إني اجلس اتأمل في كل حاجة كل شي ممكن يخطر ع البال , هذا الشي يتعبني , ودي انشغل بشي يمنعني من التفكير :/
لكن الكسل اللي فيا مخرب عليا كل حاجة ..
*تشبك السماعات و ترفع الصوت * ^ دي الطريقة بالنسبة لي اسهل حاجة عشان افضي مخي من الأفكار اللي مالها داعي ._.
و أدري هرجي كثير و ممكن تحسوا انو ماله معنى أو ماله هذف معيّن ..
بس تراها مدونتي وبكيفي ._.
+ و على فكرة أول مرة أكتب بالأورنج مع أني ما أطيقو بس قلت أجرب :|
|
 |