البارت 1

بعد وفاة اهل جوان في الحادث بشهرين قرر خالها اللي بالرياض يشيلها معه لكن هي ماكانت تواطنه سوت سالفه واتجهت لوحدة تقرب لأمها بس من بعديين واسمها هدى

جوان (تكلم تلفون) : خالتي هدى روحة للرياض لاتحلمون فيها مابي اروح
الخالة هدى : يابنتي لكن هم أهل أمك مو غريبين عليك وبعدين انت صغيرة توك 15 سنه لازم احد يهتم فييك
جوان (عصبت) : انا مو صغيرة واقدر اهتم بروحي ومو رايحة الرياض لو تقطعوني
الخاله هدى : اه منك عنييييدة مثلك ابوك الله يرحمه وانت تدرين انا لو بيدي كنت اخذتك عندي
جوان : لالا خالتي ما ابي اضيق عليكم وبعدين وش بياكلني في البيت

الخالة هدى : لا ما تضيقين ولا شيء بس انت عارفه انا الحين بروح امريكا عشان منحة سماهر وابوها بيجي معنا ومستحيل اخليك مع العياال لحالك

جوان : يا خالتي يا حبيبتي لاتشيلين هم قتلك انا بخير في بيتنا

الخالة هدى : اسمعيني عدل انا بسجلك بمدرسه داخليه وش قلتي ؟ وبكون انا متطمنه عليك وانا بدفع كل شيء بس ما تجلسين لحالك في البيت

جوان : خالتي وربي عادي ما يتحاج لا مدرسه داخليه ولا غيره
الخالة هدى : قتلك لا يعني لا بكرى في الصبح بجي باخذك عشان اسجلك في المدرسه
جوان : اووووووف خلاص اللي تامرين فيه يلا خالتي انا بروح اكل وانااام تصبحين على خير
الخالة هدى : تصبحين على خير يا بعد قلبي اقول جوان
جوان : آمريني
الخالة هدى : قفلي الأبواب ولاتفتحين لأحد بالليل
جوان : لاتحاتين خالتي ان شاء الله
قفلت جوان الخط ورمت الجوال على السرير وراحت المطبخ .. جوان وحدة مصفوقه ما تعرف تسوي شيء
فتحت الثلاجه وما عرفت وش تسوي
جوان بتذمر : اووووف وش اكل . جلست على طاولة المطبخ تذكر امها

لمحة من الماضي

أم جوان : جوان وش تبين تاكليين ع العشاء ابوك واخوانك عندهم عزومة واختك بتطلع مع صديقتها بيتعشون برا
جوان : امممممممممممممممم مدري ابي اكل كثير
ام جوان : مالت عليك بتسيرين دبه
جوان : هههههههههههه كله فدوة للأكل
أم جوان : فديتك ضحكتك خلاص لعيونك بسوي وليمه كبيرة

عودة للحاضر

جوان (تبكي) : ااااااه ابي ماما عمري ما تخيلت اني اكمل حياتي بدون ام . ماما وربي احتاجك ريتك ترجعين
مستحت دموعها وراحت غرفتها من دون اكل رمت بجسمها على السرير ونااامت
في الصبااح
صحت جوان على صوت الجوال
جوان وهي نايمه : هلا نويصر
الخالة هدى (صرخت) : جوان منو نويصر هذا ؟
صحيت جوان عدل وصرخت : منو نويصر ؟
الخالة هدى : أنا ادري عنك ؟
جوان : ههههههههههههه لا بس تحلمت حلم
الخالة هدى : مالت عليك خرعتيني
جوان : اقول خالتي ليش متصله بهالوقت ؟
الخالة هدى : نعم !! مو امس قلنا بسجلك في المدرسه
جواان : وااااااااااااااااااااي نسيت خلاص الحين باخذ شور وبلبس دقايق بس واكون جاهزة

الخاله هدى : اي دقايق جوان سنه
جوان : هههههههههه يلا باي

راحت اخذت شور وطبعا سنه في الحماام
خرجت وفتحت الدولاب لبست تنورة قصيرة لونها اسود وبلوزة حمراء وجات بتطلع من البيت لكن وقفت شوي وصرخت
جوان : واااااااااااااي نسيت ارتب اغراضي والله خالتي هدوي بتذبحني
رجعت على الغرفه وخذت شنطه سفر وحطت اغراضها بدون ترتيب وقفلت الشطنه واتصلت على خالتها هدى
جوان : الو
الخالة هدى : هلا جوان قلتي لي دقايق بس
جوان : ههههههههههههههه لأني نسيت ارتب اغراضي من امس اممممممم خالتي انا جاهزة
الخالة هدى : خلاص مسافه الطريق وبكون عندك
جوان : طيب باي

جلست جوان تنتظر الخاله هدى المهم وصلت هدى وخذت جوان وركبوا السيارة

جوان : السلام عليكم
رعد (ولد هدى) : وعليكم السلام
الخاله هدى : يمى ابيك توديني مدرسه البناات الداخليه ادري بعيدة وبتتأخر ع الشغل بس شسوي اخوك فهيد راح من امس وباقي ما رجع البيت

رعد : عادي يمى اوصلك من على هالخشم وفهيد لي كلام ثاني معه
الخالة هدى : فدييتك
الطريق طوييل لأن المدرسه على نهايه المديينه بعيييدة حييل وجوااان نامت بالسياارة
بعد ساعتين وصلوا
الخالة هدى : قومي يا كسولة يلا وصلنا
جوان : اخيرا والله ما بغينا نوصل مو مدرسه هذا سفر
الخالة هدى : هههههههه قومي بسرعة يلا
نزلت جوان من السيارة ودخلت المدرسه مع خالتها وهي ماشية تطالع بالبناات يضحكون ومستانسين تحمست وابتسمت
وصلوا غرفه المديرة ودخلوا
المديرة : اهلا شلون اساعدك
الخاله هدى : هلا فيك انا ابيك تقبلين هالبنت بمدرستكم لأن ماعندها احد اهلها ماتوا بحادث قبل شهرين وكذى وتعرفين هي صغيرة ولازم تكمل دراستها وانا مستعدة ادفع اي مبلغ بس اهم شيء تدرس هنا
المديرة : ماعليك البنت في الحفظ والصون وعظم الله اجركم
الخالة هدى : جزاك الله خير ومشكورة ما تقصرين
المديرة : شنو اسمك
جوان : اسمي جوان محمد
المديرة : هلا فيك منورة يا جوان انا المديرة واسمي هيله واي شيء تحتاجينه تعالي غرفتي
جوان : مشكورة ابلى
المديرة : لحظة هذا مفتاح غرفه 207
جووان : شكرا
الخاله هدى : خلاص جوجو اوصلك غرفتك وامشي
طلعت جوان مع خالتها ووصلت عند باب الغرفه
دمعت عيون جوان وحضنتها خالتها
جوان (تبكي) : خالتي بشتاق لك
الخاله هدى : لاتبكين يا بنتي انا بتواصل معك واي شيء تحتاجينه اتصلي ما يردك الا لسانك
راحت الخاله هدى وجوان سارت تحس بغربه ووحدة فتحت الغرفه ولقتها فاضيه بس فيها 5 أسرة حطت أغراضها على سرير ورمت نفسها عليه وغطت وجهها في المخدة

شوي وباب الغرفه انفتح
العنود : ليان يا الدبه ايس كريمي واكلتيه وفلوسي خلستيها وش تبين بعد
ليان تتدلع : عادي ما يغلى علي شيء
خلود : لحظة في احد بالغرفه
العنوود: ياحلو انت
جوان عدلت جلستها ومستحت دموعها : هلا فيه شيء
العنود : هههههههههه هاي غرفتنا
هديل : يمكن طالبه جديدة
جوان (بصوتها بحه تبي تبكي) : يب طالبه جديدة
ليان : هلا فيك انا ليان (وتأشر ) هذي الدلخه عنود وهذي خلود وهذي هديل وانا ليان
جوان : تشرفت بمعرفتكم انا جوان
العنود : لينو كم مرة قلتي اسمك ؟
خلود : اصلا هذي محششه
جوان : امممممممم انا جوعانه
خلود : هههههههههههههههه اخيرا وحدة مثل ليان
هديل : بعد شوية بيكون وقت الغدااء تعالي تغدي معنا
جوان : بسألكم انتوا من متى مع بعض
العنود : من المتوسط
جوان : اها الله يخليكم لبعض
ليان : ويخليك لنا
جوان دمعت عيونها
العنود : اقول جوان انت وش اللي جابك هنا
جوان طاحت على الأرض وغطت وجهها بيدها وسارت تبكي وتشاهق
قربت منها ليان وحضنتها
هديل : انت معنا بنفس الغرفه يعني صديقتنا قولي كل اللي بقلبك
جوان في حاله ما تقدر ترد على احد
العنود : يوم تحسي انك تبي تتكلمي حنا جنبك يلا خل نروح ناكل وامسحي دموعك
جوان سمعت كلمه (ناكل) مستحت دموعها بسرعة ابتسمت وقالت :يلا بسرعة ابي اكل
خلود ضربتها على راسها وقالت لها : اي اضحكي
طلعت جوان مع هالشله وراحوا المطعم حق المدرسه وجلسوا على طاولة
هديل : وش تبون تاكلون ؟؟
العنود : ابي ابي ابي ابي اكل
خلود تضحك : هههههههههههههههههههههه حددي يا الدبه
الشله جالسين يسولفون وجوان حاطه يدها على خدها وسرحانه
عنود ضربتها على ظهرها : سرحانه في الحب ها ؟؟
جوان بخوف : لالالا انا ويين والحب وييين المهم انا ابي بطاطس وعصير برتقال وافضل يكون على حسابكم عشان انا جديدة
ليان : شوفي جوجتي حنا اسمنا شبنقح والكل يدري بهالشيء اممممممممم شنو رايك تكونين شبنقح مننا
جوان : فديييتك بعد قلبي اكييد بوافق صراحة باين عليكم تحبون بعض حيييل وربي غرت منكم
العنود : لبى اللي يغار
جوان ضحكتك
المهم جابت هديل الأكل واكلوا
جوان فرحت كثير لأنها لقت اللي يضمها يوم تبكي من بعد أهلها وخالتها هدى لقيت في شله شبنقح حناان ممكن يعوضها عن امها واهلها حست ان الحظ ممكن يبتسم لها وترجع ضحكتها بسبب ناس مخلصين وقلوبهم بيضااء

النهاية

__________________