انا جدا سعيييدة بتفاعلكم مع روايتي المتواضعة وبشكركم كلكم لتشجيعي
ملكة الزهور اوجه لك شكر خااص واقلك اني سعدت بطلباتك وان شاء الله اقدر البيها كلها
بخصووص اللهجة انا ما اقدر اخليها عربية فصحى لكن بوضح معناها .
صور الشخصيات برفقها في اخر القصة
البارت الرابع
ومتابعه شيقه :glb:
مابي أداوم اليوم ، مالي خلق حق الدراسه (مزاجي ليس جيد للدراسه) ، كلمات نسمعها كل صبااح مدرسي
وبالأخص يوم تكون اول حصه دراسيه (دسمه) مثل الفيزيااء ..
جوان (تلبس الجوارب ) : اووووووف مابي اداوم
خلود : والله حتى انا ودي اهرب
العنود : اقول اخلسوا ترى اول حصه فيزياء وانتوا تعرفون ابلى غادة ودها تمسك غلط علينا عشان احنا دوم نتأخر
هديل (بدأت سماجة) ومعنى كلمه سماجة غباء او استهبال :نتاخر ولا نتقدم
ليان : اقول هديلا بلييييز عن الاستهبال على الصباااح
الشبنقح يسولفون وجوان سااكته
العنود : صغيرتي وين وصلتي ؟
جوان : انتوا ماودكم تحضرون الحصة ؟
الشبنقح : أي
جوان : طيب انا بخلصكم من هالحصه بس بعدها تعزموني
خلود : انت امرينا بس اهم شيء ما نحضر
جوان : هههههههههههه طيب يلا بنروح قبل لا نتأخر
ليان : جوان وين نروح
جوان : ثقوا بي وبس
طلعوا من الغرفه وراحوا الصف وكالعادة متأخرين
أبلى غادة : شبنقح لمتى يعني لمتى اختباركم بعد بكرى وانتوا ولا عليييكم
شبنقح في حاله من الصمت وفي داخل كل وحدة فيهم عدة أسأله وش قصدها وجوان من هالحركة ؟ ليش سوت فينا كذى
هم يفكرون ويسألون نفسهم وصوت الأبلى مرتفع بأنواع التهزيئ
لحظات وانقطع صوت المعلمة وانتشر في الصف صوت سقوط شيء
تعالت أصوات الشبنقح : جواااااااااااااااان
بين دموع ليان وهديل وقلق خلود والعنود وهلع بنات الصف والأبلى
جوان بين أيدي خلود والعنود. وهديل تضرب خدها برقه تحاول تصحيها وليان تشاهق وتبكي (الشهقة هي الصوت المصاحب للبكاء)
الأبلى : خلود خذوها عند الدكتورة هنادي
~~~~~
وقفه صغيرة
بما أن الشبنقح في مدرسه داخليه بيعيشوا فمن اللازم وجود عيادة ودكتورة في هالمدرسه
~~~~~~
هديل : ابلى كلنا بنروح
الأبلى : وحدة بس تروح
العنود : أبلى بليييز
ليان وعيونها كلها دموع : ابلى انا بروح تكفين
خلود (ضامه ليان) : بس لينو خلاص ان شاء الله مافيها شيء ،، ابلى بلييز كلنا بنروح
الأبلى بعناد : لا يعني لا
العنود (شالت جوان) : شبنقح كلنا رايحييين
طلعوا الشبنقح من الصف وجوان بين ايدي العنود وكانوا نازلين في الدرج ويوم بعدوا عن الفصل
انلطقت ضحكة مشاكسه بريئة ، وشقية
العنود : جواان
جوان(تضحك ببراءة ومن اعماق قلبها) : ههههههههههههههههههههههههه اسفه سامحوني وربي كنت ابي اطلعكم باي طريقه من الفصل
العنود (نزلت جوان وهي معصبه)
هديل بعصبية : انت مجنووونة جوان وش اللي سويتي فينا
العنود اكتفت بإعطاء جوا بكف ودموع طاحت من عيونها
ليان منهارة وتضم جوان وتبكي: انت مافيك شيء هذي اهم حاجة . بس بس ليش سويتي فينا كذى وربي خوفتيني
خلود: جوان ترى حركتك مرة سخيفه انت ما تدرين شكثر خوفتينا
جوان دمعت عيونها : وربي ماكان قصدي . بس كنت ابي نطلع من الصف
خلود : جوان لاتبكي
جوان انفجرت بالبكاء: ادري اني غلطاانه انا مدري شلون طلعت هالفكرة براسي سامحوني شبنقح
هديل : اه منك وربي انك شيطانه . المهم ما علينا خلاص امسحي دموعك وخلينا نستانس دام اننا طلعنا من الصف
ليان : أي خلينا نستانس وبعدين ترى ماشاء الله علييك تعرفي تمثلي
جوان : اسفه مرة ثانيه
العنود (بعصبيه مسكت جوان من بلوزتها) : اسمعيني عدل احنا كنا نبي نسحب على الحصة (بمعنى نهرب منها)
لكن مو بهذي الطريقه تدرين وش سويتي بقلبي وربي طيحتيه ترى كلنا بغينا نموت من الخووف .اتبتسمت وكملت : ياحيوانه ترى نخاف عليك من كل شيء
جوان : عنود هديل وليان وخلود انا اسفه
ليان : اهم شيء اننا طلعنا وانت مافيك شيء
خلود : أي وجربي تعيديها وربي لأفصل راسك عن جسمك
جوان : والله ماراح اعيدها
العنود :يالك من صغيرة مشاكسه
جوان : عنود بس
العنود : كيفي حرة
خلود : لاتتهاوشون (بمعنى لا تتشاجروا) وخلينا نروح ننبسط
وهم يسولفون سمعوا صوت من وراهم :ان شاء الله تنبسطون عند المديرة
التفتوا للخلف واذا بأبلى غادة اللي طلعوا من حصتها
أبلى غادة : يلا قدامي يا انسه جوان انت المصايب كلها تطلع من تحت راسك وكلكم الى مكتب المديرة
الشبنقح منزلين رؤوسهم وفيهم ضحكات شغب
دخلوا عند المديرة
أبلى غادة : ابلى هيله شبنقح يهربون من حصتي بكذبه تمثلها الطالبه جوان
المديرة : شبنقح مرة اخرى . انتوا ماتملون من هالوقفة العنود قولي لي كم مرة وقفتوا عندي كذى
جوان : أبلى انا اللي دبرت المقلب وربي ولا وحدة فيهم تدري والله يا ابلى هم مايدرون وخافوا على بالهم ان اغمى علي منجد
المديرة : جوان تعترفين انك انت اللي سويتي المشكلة ؟
جوان : أي انا
المديرة : وتتحملي كل العقوبات
جوان : اتحملها بس الله يخليك ما تدخلي الشبنقح باي شيء
ليان : جوان وحنا من متى نتصرف بهالسياسه ؟
جوان : ليان قفلي فمك / ابلى وش قلتي بتطلعينهم من المشكلة ؟
العنود : ابلى حنا راح ناخذ العقوبه كلنا
هديل : كلنا ولا نصفنا
الشبنقح : هههههههههههههههههههه
المديرة : لا وبعد خفه دم
هديل : اسفه بس ابيك تعاقبيني مع جوان لأن حنا بالهوى سوا
المديرة كان ودها تضحك من حركة هديل بس وعشان تحافظ على هيبتها أمام الطالبات ماسمحت لضحكتها بالانطلاق
خلود : ابلى جوان غبية وكلامها مثل وجهها ماتاخذي فيه ترى كنا ندري بسواتها بس نبي نطلع من الصف
ليان : أي وبعد انا اللي قلت لها سوي روحك مريضة
العنود : وانا شفتهم ووافقتهم وشجعتهم
المديرة : كملوا
جوان : أبلى والله كنت ...
قاطعها صوت خلود : ابلى والله راح تكون اخر مرة
المديرة : بس انتوا دوم تقولوا هالكلمه
العنود : خلاص كلنا مع بعض
المديرة : اه منكم انتوا الدفعه الوحيدة اللي شيبتوا شعر راسي والله ما غيركم خلاني مجنونة بس تصدقون ما ابيكم تتخرجون من مدرستي احبكم حتى بحركاتكم المجنونة واكثر شيء احبه فيكم انكم تقسموا كل شيء بينكم حتى لو وحدة ماكان لها ذنب او ما تدري عن السالفه احب صداقتكم واول مرة تمر علي صداقه قوية مثل هذي
جوان وليان ببراءة : يعني سامحتينا
المديرة : قلت احبكم مو سامحتكم اقوول انتوا راح تغسلوا حمامات المدرسه لمدة 3 أيام وراح تنحرموا من الحصص في هذي المدة واشوف وحدة فيكم تتخاذل وتتهرب وربي يا شبنقح اقسم بالله العلي العظيم راح تنفصلون واحط كل وحدة بغرفه وكل وحدة بفصل مفهوم ؟
العنود : وع وع ابلى تكفيين مو حمامات
المديرة : ما ابي أي اعتراض
جوان : عادي تحرمينا من الحصص بس ماتبي نغسل حمامات
المديرة : لا والله غلطانه وتحدد عقابها اقول شبنقح بتسون اللي قتلكم عليه
ليان : خلاص طيب ابلى ما يسير خاطرك الا طيب
المديرة : يلا ع الفصل وما ابي اسمع أي شكوى ولاتنسون ترى أبلى غادة مدينه لكم باعتذاار
هديل : مدينه ولا جزيرة ؟
المديرة : ههههههههههههههههههه يلا روحوا اعتذروا للأبلى وانتبهوا لدراستكم الله يهديكم ويصلحكم
كان يوم مشوق بالنسبه لجوان مدللة الشله من خطط اجرامية الى تمثيل وبطريقه احترافيه الى كف اخذته من العنود وشافت اشكال صديقاتها وهم بيموتون من الخوف عليها حبتهم اكثر كان وقفتها معهم قدام المديرة موقف بريء مشاكس وراح تبقى ذكرى في قلوب الشبنقح وصغيرتهم جوان ...
نهايه البارت
:glb: