عيون العرب - ملتقى العالم العربي - عرض مشاركة واحدة -

**هتون** · #**437** 07-04-2013, 12:14 PM

أنا الوحيدة شكلي اللي ادري إن اليوم خميس

!
أغلب الشعب صاروا يلخبطوا في الأيام خلاص

..
الزبدة أمس كنا نتفرج فلم في المعهد

, مدري ايش اسمه ما قالت لنا الأستاذة

..
المهم جبنا أكل و كذا

.. و شغلنا البروجكت وغطينا ع نور الشباك بعباياتنا xDD'
صار الجو حماسي

, طلعنا كراسينا و جلسنا ع الأرض و حطينا الأكل قدامنا و جلسنا نصور و نزبط الوضع

و شغلنا الفلم *.*
طبعاً بدون ترجمة لأن ممنوع نشوف بترجمة عشان لازم نفهم انقلش و كذا -_-
بداية الفلم كانت مملة بس بعدين ضحكنا كثييير وكانت النهاية سعيدة و كذا , هذا كان من 9 وربع لمن 11

طبعاً التجهيز كان من 8 و نص اول ماجينا يعني

جات لقطة انو البطل يحضن حبيبته بس حضن عادي مافي شي ثاني

, أصلاً مقصقصين أم الفلم

الزبدة صرخوا و كذا و وحدة بنت كانت مشغولة ما انتبهت
قعدت تقول للمس عيييييدي عييدي مالي صلاح والله ما تفوتني هههههههههههههههههههههههههههههههههههههههههههههه xD'
المهم يخلص دوامنا 12 وباقي قدامنا ساعة كاملة فَ قلنا للمس تحط لنا فلم مترجم و حلو و شغلت لنا واحد اسمه The call اعتقد *.*
اتحمممممممممسنا بششششششششششكل !
هوا عن قصة اختطاف و كذا فَ مرة جميل و يحمس و كل شوية نصرخ و تقوم علينا و نضحك عليها و نكمل xD'
وحدة بنت قعدت ترتجف عشان الصوت عالي والفلم أكشن و كذا اصلاً تحس الأصوات تدخل فالقلب من قوتها ._.
الزبدة طلعناها و كملنا الفلم ^ انذال أدري اهم شي نتفرج

جوا حقون الكلاسات الثانية عندنا مساكين حاولوا يشغلوا 3 افلام و كلها ما اشتغلت

و قعدوا يتفرجوا فلم لَ أحمد حلمي xDDD'
طقطقنا و ضحكنا عليهم و قلنا لهم اطلعوا و صكوا الباب وهما فيساتهم كذا

هههههههههههههههههه

..
اكتشفت صراحة الأفلام أحلى شي تتفرج و معاك ناس كثير و أهم شي تكون الشاشة كبييييرة والصوت عالي و معاكِ ليز و بيبسي *.*
الزبدة احنا ماكملنا الفلم عشان خلص الدوام و كذا فَ قلت ابغا ادور عليه و اتفرجه ع النت

ما حيكون نفس الجو اللي حسيناه مع البنات لكن اهم شي اشوفه *.*

وشكلي رح أكون أول وحدة فيكم تجرب دوام الخميس xD' .. حنبداً من الأسبوع الجاي دوام من الأحد للخميس

..
واثقة أنو حيكون نظام جميل إن شاء الله يعني بإذن الله ^ تواسي نفسها =P