| البارت السابع
فيصل وملاك راحوا عند أم ملاك
وفي الطريق لها
فيصل:على فكره ياهلاك
ملاك خلاص تعودت على هلاك وتستنا وش راح يقول
فيصل: أنا راح أبداء قبلك بعشرة أيام
ملاك وهي مستغربه: قبلي في ايش؟؟
فيصل لف وناظر فيها: قبلك في الجامعه يالخبله
ملاك: اهااا بس أنا مانيب خبله
فيصل ماأهتم: راح أخذك معي أول يوم عشان تشوفين الجامعه وتتعرفين عليها وعلى إلي فيها وأقسامها و وين مكانك ومحاضراتك والكوفي...
فيصل يتكلم ويأشر بيده ويشرح لها
وملاك صارت تطالع فيه وهو يتكلم كان شكله مره حلو
فيصل ناظر فيها: خلاص طيب
ملاك: إيه بس أنت قد رحت للجامعة قبل كذا؟؟
فيصل تنهد: أنا ماكنت بس أجي عشان ايفا و....(سكت شوي صار يفكر) كنت اخذ كورسات هنا (وابتسم لها)
ملاك مستغربه وبنبره حادة: مين إيفا؟؟؟؟؟
فيصل ابتسم ويبي يقهرها: إيفا...إيفا هذي طال عمرك أحلى وأجمل لالا مو أحلى و أجمل لان فيه إلي أحلى منها هذي أطيب إنسانه وأرق إنسانه و...
ملاك عصبت: عبود
وفكت يد فيصل وراحت لعبود
فيصل ضحك عليها لأنه عرف إنها زعلت وانقهرت بعد
ملاك سلمت على عبود: كيف حالك حبيبي!!
عبود: بخير دامك بخير
فيصل: وش أخبار القوي؟؟
عبود ناظر فيه بحقد وكره: بخير
وفيصل بادله بنفس النظرات
وملاك بينهم وتناظر فيهم
ملاك مسكت يد عبود وشدته: عبود يالله امش نشوف أمي
فيصل ابتسم
وعبود يطالع فيه مقهور منه
ملاك وهي ماسكه عبود: ماما حبيبتي أنا جيت!!!
أم ملاك: هلا والله وغلا بملاكي
وراحت ضمتها وملاك سلمت على يد أمها
فيصل: السلام عليكم
أم ملاك: هلا هلا والله بولدي فيصل
وراح فيصل سلم على راسها
عبود بابتسامة خبث: يمه ماكنت ادري انه ولدك ماعندك إلا ولد واحد وبس ولا نسيتي
فيصل بابتسامة خبث: أكيد مانست أنت محد ياخذ مكانك
ملاك تبي تنهي نقاشهم قبل مايبدى: ماماتي وش أخبارك؟؟ و وين سام؟؟
أم ملاك: أنا بخير وأختك فوق خامده كالعادة روحي ناديها
ملاك ماتبي تطلع وتخليهم لحالهم عشان مايتهاوشون
ملاك جلست على الكنب
ملاك: عبود أبوي أنا
عبود يناظر فيها
ملاك:عبود أنا تعبانه تكفى روح شوف الدبه وين وخلها تنزل؟؟
عبود مستغرب من كلام أخته
عبود: ملاك كيف تنزل وهذا فيه (يأشر على فيصل)
فيصل: لي اسم لوسمحت
عبود: والله نسيت
ملاك: عبود نادها لو سمحت وما عليك من فيصل
فيصل ناظر فيها (في نفسه): خير
فيصل كان بيتكلم بس ملاك مسكت يده وهو سكت بس صار يتحسس يدها
فيصل (في نفسه): يلعن أبو النعومة ياشيخ
ملاك ناظرت فيه ووخرت يدها
عبود ناظر فيها و ابتسم
ملاك: اووووووف
أم ملاك: وسعي صدرك وأنا أمك ..إلا وش أخباركم؟؟ وكيف جو بريطانيا معكم؟؟؟
فيصل: الحمد الله ياخاله عايشين
أم ملاك: الحمد الله .... إلا ملاك هاه مافيه احد جاي بالطريق!!!
ملاك ما فهمت
ملاك: لا يمه..مين؟؟
أم ملاك : لا أنا قصدي انتم ((وتأشر عليهم)) مانتوم ناوين تجيبون لي حفيد صغنون حلو
ملاك تورطت وفيصل حس فيها وانقهر في نفس الوقت وتضايق
أم ملاك: عاد أمه ملاك وأبوه فيصل
فيصل ابتسم: هه ياخاله تونا ماصار لنا 3 شهور .... بس مايكون خاطرك إلا طيب ((ولف يطالع ملاك وهو مبتسم))
ملاك ارتبكت وابتسمت وابتسامتها باين عليها إنها مرتبكه
ولفت تطالع فيه وضاعت بين عيونه ونظراته إلي هزة كيانها ولفت وصارت تناظر أمها وخذت كاس مويه وأشربت منه شوي
كان شكلها يضحك وباين إنها مرتبكه
أم ملاك ابتسمت
فيصل وقف : اجل أنا استأذن... عندي مشوار مره مهم......
ملاك على بالها بيروح المستشفى
فيصل يكمل : شوي وراح أجي أخذك نتعشى برى ..اوكي
ملاك وقفت: اوكي
راح عند خالته وباس راسها
وهو رايح لف طالع ملاك من فوق لتحت وهز راسه كأنه يتوعد لها
ملاك تنكدت وتضايقت
إلا
دف ددددددف طج
هذي سام تنزل من الدرج بسرعه وهي تقول
سام: ملاااك .. أختي حبيبتي
وتنط تضمها
سام: وش أخبارك؟؟؟
ملاك: الحمد الله ..أنتي ألي وش أخبارك؟؟؟؟
سام بهمس: أكيد انك بخير حبيب القلب كان هنا
ملاك ضربتها : بس بلا كلام فاضي
سام: سبحان نغير الأحوال من حال إلى حال
مادرت سام عنهم وعن الجفا إلي بين قلوبهم ... فيصل رومانسي مره... وعشره لا
سام: بنت امشي نتمشى
ملاك: لا مافيني حيل
سام وهي تقومها : يالللللللله .. قوووووومي
ملاك : طيب يالله
عبود: على وين ؟؟؟؟؟
سام: بنروح لـ..
ملاك قاطعتها: مالك دخل!!
وراحت وسحبت سام معها
سام: ملاااك .. وش فيك؟؟؟
ملاك: مافيني شي
سام فكت يدها ووقفت
ملاك وقفت تطالع فيها
سام: عورتيني ... ووش فيك؟؟؟
ملاك: اووووف قلت لك مافيني شي .. وبتجين ولا شلون؟؟؟
سام : بجي بس ليش زعلانه؟؟
ملاك هدت: لا زعلانه ولا شي بس مضايقه شوي
وراحوا يمشون على البحر
سام: من ايش؟؟
ملاك: من عبود
سام: وليش؟؟
ملاك: تضارب هو وفيصل
سام وقفت ومفجوعه: وشوووووو؟؟
ملاك: بسم الله.... امشي
سام مشت
سام متحمسه: وش السالفه؟؟ وليه؟؟ ومن تكفخ؟؟ فيصل ولا عبود؟؟؟
ملاك: محد تكفخ...تضاربوا بالكلام وبس
سام: اهاااا... على بالي مثل أول
سام بس قالت ذا ألكلمه ملاك صارت تسترجع الأحداث إلي صارت ويوم ضربت فيصل بالمول أول مره شافته وهاوشته وهو معصب منها وكل شي كل شي ويوم في الهوتيل ويوم طاحت وساعدها ويوم بالسيارة وصار يغني وصوته الحلو ويوم بالبحر كل شي كل شي
وقطعت سام أفكارها وذكرياتها بضربه على راسها
ملاك وهي تمسك راسها:أي.. خير ... عورتيني يالدبه
وضربتها
سام فاتحه فمها وتأشر لجهة من الجهات
سام: شو...شو...شوفي
ملاك لفت تناظر للمكان إلي أشرة عليه سام
ملاك صارت تناظر وماهي مصدقه
سام: لالالالا...مو هو يشبه له صح
ولفت تطالع ملاك
سام بصياح: فيصل ولا لا
ملاك : في طريقه وحده لنعرف
راحت لعند الولد إلي يشبه فيصل والي معه بنت وضامها بقوه البنت معطيتهم ظهرها بس الولد لا
ملاك قربت تبي تتأكد فيصل ولا..لا؟؟؟؟؟
وطلع
^
^
^
^
^
فـــــــــــــــــــــــــــيـــــــــــــــــــصـ ـــــــــــــل
ملاك عرفته من إلي في خشته
فيصل انتبه لها
فيصل وهو مبسوط وفرحان ويأشر لها : ملاك..ملاك...تعالي
ملاك انصدمت"وفي نفسها": له وجه يناديني ...ليه يبي يعرفني عليها هو ووجهه.... و....و
ألخبله صارت دموعها تنزل غصب عنها وهي مصدومه
مجنونه بحبك
فيصل عقد حواجبه وهو يشوف دموعها
فيصل: اوووف لا فهمت الموضوع غلط
ملاك راحت تركض << غبية لو أنها فهمت الموضوع >>
فيصل : ملااااك لحظه
وراح لحقها
ملاك تركض من قلبها والمسكين يلحقها
فيصل: بنت استني ... أنا مافيني حيل اركض
ملاك: ياحيواااان
فيصل تعب شوي ووقف عشان ياخذ نفس <<لبى وجهه تعب
سام: ملاااك
وراحت عند فيصل
سام: ياغبي
ملا ك تركض ولا تدري وين تروح
المهم
عبود طلع برى عشان يكلم وشاف ذا الموقف
عبود للمتصل: عزوز ... بعدين أكلمك اوكي..باي
وسكر
عبود: ملاك
وراح مسكها
ملاك تصيح : وخر عني وخر
عبود فكها
إلا يجي ذاك الصوت إلي هز الدنيا :
ملااااااااااااااااااااااااااااااااااااااااااك
ملاك وقفت يوم سمعت صوته كان صوت فيصل
ليش وقفت ماتدري
سام وقفت والكل صار يناظر
وعبود الغبي بعد واقف ولا يدري وش السالفه
فيصل صار يمشي بهدوء لين وصل عندها
ملاك دموعها مغرقه وجهها وخصلات من شعرها طايحه على وجهها
ومعطيه فيصل ظهرها
فيصل وهو يلهث: تعبتيني...وتعبتي نفسك
خذا فيصل نفس
وقرب من ملاك ولفها جهته ووخر شعرها إلي على وجهها ومسح دموعها
فيصل وهو يبتسم: يالدلوعه..أنتي خبله!!
ملاك رفعت راسها وصارت تطالع فيه
فيصل: تدرين شكلك حلو وأنتي تبكين....واصلا ليش ركضتي؟؟ وبكيتي؟؟
ملاك وخرت وجهها عنه
فيصل بصوت واطي: أنتي عارفه إني مااتحمل اركض كثير
ملاك: اجل ليش لحقتني؟؟؟
فيصل: لأني خفت عليك!!
ملاك صارت تطالع فيه وراحت فيها خقت ماتت من نظراته
إلا قطع صمتهم ونظراتهم سام
سام: من هذي البنت إلي كنت معها يافيصل؟؟ هاه من من؟؟؟
فيصل لف يطالعها صار يطالع فيها من فوق لتحت
سام استحت وخافت
عبود: هيه أنت نسيت عمرك؟؟.. وأنتي اذلفي داخل
سام راحت
عبود: وعن أي بنت تتكلم ابتسام ياملاك؟؟؟
ملاك سكتت ونزلت عيونها بالأرض
فيصل : هي ...
سام: بنت كان فيصل يضمها هنااااك
عبود: ياحيوانه ادخلي
سام خافت ودخلت
عبود لف يطالع فيصل ومعصب معصب إلا واصل حده نيران تطلع من عيونه
جى عند فيصل ومسكه مع بلوزته
عبود: تخون أختي وقدامي أنت وجهك
فيصل بهدوء: عبد الله وخر أيدك!!
عبود: ماراح اوخر.... وإذا كان عندك شي قله
فيصل : ماعندي شي بس وخر .... وخلني أتنفس
ملاك: عبد الله وخر عنه
عبود لف يطالعها وهو معصب : أنتي إلي وخري
ملاك: ماراح اوخر فكه
فيصل صار يكح ويبي يوخر بس مو هو قادر
ملاك بصياح: وخر عناااااااااه
عبود خاف عليها وفك فيصل
فيصل أول مافكه دف عبود بقوه << فيه شر حتى وهو تعبان
عبود عصب وراح دف فيصل بكل قوته مع صدره
طاح فيصل على الأرض
فيصل كيف أوصف لكم حالته ووجهه ازرق على احمر على اصفر
أنفاسه انقطعت
البنت إلي كانت معه كانت تبي تجي من أول بس مستحيه م عبود بس يوم طاح فيصل جات ركض
: فيصل .. فيصل.. وش فيك؟؟؟
ملاك صارت تناظر فيها بصدمه: جود
عبود مستغرب: جود
جود بصياح: ملاك فيصل
فيصل بهمس: ملاك
سام: يمه
ام ملاك : عبود
عبود: يمه
ام ملاك: الاسعاف
(ههههههههههههه حالتهم حاله)
((بسم الله عليك يافيصل))
(((ياجعله في عبود ولا في كريس)))
المهم نرجع لقصتنا
ملاك راحت عند فيصل
ملاك: فيصل ..اصصصص لا تكلم خذ نفس ..لا تكلم الله يخليك
وصارت دموعها تنزل على وجه فيصل
فيصل خذى نفس بصعوبه وابتسم بصعوبه بعد ناظر في ملاك
فيصل: تحبيني
ملاك انصدمت ولا درت وش تقول ولا وش تسوي
فيصل قالها وكأنها اخر طاقه كانت في جسمه لانه غمض عيونه بعدها
ملاك: فيصل..فيصل..قوووم
جات الاسعاف وخذته وكلهم راحوا معه
********************
في ذا الوقت
ابو جود: ام جود الا وين جود تاخر الوقت لا يكون فيها شي؟؟؟
ام جود: لا بسم الله عليها.. هي قالت لي انها راح تتعشى مع فيصل ومرته
ابو جود: فيصل ... ذا الولد مايستحي
ام جود: هاو ليش؟؟؟
ابو جود: موب المفروض يجي هو وامرته ويسلمون علينا بعدين بكيفه يروح وين مايروح
ام جود:ايه وانت الصادق بس يمكن مرته هي الي لحست عقله
ابو جود يناظر فيها: ان كيدهن عظيم
(((ياحرام ظلموا ملاك ملاك اصلا ماتدري انهم فيه!!!.....وفيصل لو انه مو بالمستشفى كان اكيد جاهم ..... بس هم مايدرون عن شي)))
************************
في المستشفى
ملاك معصبه: وقسم بالله ياعبد الله لو صار لفيصل شي لتندم
عبود مايدري وش يقول ساكت ومنزل راسه
جود: خلاص ياملاك الغلط مو غلط عبد الله
عبود صار يطالع فيها
جود كان مو باين منها الا شفايفها وصوتها لان ابوها المحترم يعرف ناس كثير هنا فقال لها تلبس الي تبيه بس
شعرها مايطلع فلبست كاب
وعيونها فلبست نظاره شمسيه طبعا اكبر من وجهها
ولبست بالطوا
المهم ابوها معقد وبس حشى
جود وجهها حمر يوم حست بنظرات عبود لها
ملاك: لا تطلعين له اعذار...لانك تحبينه
عبود صار يطالع ملاك الي فاقده اعصابها وتتكلم ووتتكلم ولا تدري وش تقول وتلف في ذا المستشفى
جود انقهرت من كلام ملاك ووجهها حمرررررر
عبود: جود
جود يوم سمعت صوته قلبها عورها وماتبي تطالع فيه
عبود: ماعليك من ملاك لانها معصبه اللحين وتقول كلام ماتدري عنه لا تشلين بخاطرك ...اوكي
جود كانت تبي ترد تبي تقول شي أي شي
بس الدكتور طلع
ملاك على طول راحت عنده
ملاك (بالاي):دكتور هو بخير...فيه شي..قولي..صار له شي؟؟؟
الدكتور يهديها: لا تخافين كل شي تمام لحقتوا عليه هو اصلا له ملف مس...
ملاك ماتبيه يقول شي ولا تبي احد يدري لان فيصل مايبي احد يدري
ملاك(بالاي):دكتور طيب ..نقدر نطلعه الليله؟؟؟
سام: ملاك خلينا نسمع وش بيقول!!
ملاك ناظرت فيها نظرات خلتها تبلع لسانها
ملاك(بالاي): هاه دكتور..يطلع ولا لا؟؟؟؟
الدكتور: اكيد لا...اليوم راح يكون تحت الملاحظه ونشوف بكره اذا راح يطلع ولا لا؟؟؟؟؟
ملاك وهي زعلانه(بالاي): اوكي شكرا
الدكتور: العفو
ملاك لفت على اخوانها لان جود كانت بعيده عنهم: اسمعوني زين مابي ام فيصل ولا ابوه يدرون فاهمين ..وخلاص يالله على البيت كلكم
عبود: وانتي
ملاك وهي معصبه: انت مالك دعوى فيني..وخذ جود معك وصلها بطريقك
عبود هز راسه
ملاك راحت عند جود
وضمتها
ملاك: جود اسفه
جود:على وشو ياقلبي؟؟
ملاك: على كل شي..بس الله يخليك اهلك لايدرون بشي
جود: ولا يهمك ..اصلا انا قايله لهم اننا نتعشى مع بعض!!
ملاك بابتسامة سخريه: أي عشى ياحظي
سام: يالله جود بنروح عبود يستنانا
جود: اوكي..باي ملاك
ملاك: باي
وراحوا وخلو ملاك لحالها
راحت ملاك للممرضه عشان تدخل لغرفة فيصل فالبدايه ماوافقت بس هذي ملاك خلتها توافق غصبن عنها
دخلت ملاك وشافت فيصل وباين في وجهه التعب والارهاق
ملاك(في نفسها): ياويلي عليك يافيصل هذا لانك ركضت وراي وانا الغبيه مافهمت شي ..بس الغلط على عبد الله الي دفك ومع صدرك بعد
ملاك حطت يدها على صدر فيصل وصار يتردد في راسها كلمة فيصل الاخيره
تحبيني....تحبيني...تحبيني
ملاك وخرت عنه
ملاك: اسفه يافيصل مااقدر احبك وانا عارفه اني ماراح اكمل حياتي معك وان كملتها راح يكون بيننا احترام وموده لكن حب لا..مااظن ..اسفه يافيصل
وجلست تتامله وتتامل شكله وقد ايش هو تعبان ومرهق
ونامت ملاك على الكرسي
***************************
في ذا الوقت
ام ملاك: لا حول ولا قوة الا بالله
عبود: خلاص يمه الي صار صار
سام: عبود انت بعد ليش دفيته بقوه.....الولد طاااح طاااح
عبود: اووووف حتى هو دفني ياربي
ام ملاك: خلاص خلاص
**********************
جود: انا جيييييييييت
ام جود: هلا والله وين اخوك
جود تورطت: اخوي ..اي اخو؟؟؟
ام جود: هاو.... فيصل اخوك هو فيه غيره
جود: ايييييييه ...فيصل ايه فيصل
ام جود: جود وين اخوك
جود: مع ملاك
ام جود: ملاك ليش ماجى معك؟؟
جود: يمه انتي تعرفين يمه ولدك هذا فيصل ..ملاك قالت له خلنا نروح وماقال لها لا
ام جود: يعني عشان ملاك قالت له ماجى
جود تبي تفتك وهي طالعه فوق: ايه ايه
ام جود : صدق ماتستحي وهو بعد يسمع كلامها غريبه فيصل مايسمع كلامي عشان يسمع كلامها
ابو جود(بصوت عالي): شيخه ..... ياشيخه
ام جود: جايه جايه
**************************
في المستشفى
اليوم الثاني
في الصبح
دخلت الممرضه وحست فيها ملاك
وقامت بس لقت فيصل للحين نايم
ملاك(بالاي): ليش لسى نايم؟؟
الممرضه: مدري
ملاك: عنبوس ماتدرين
الممرضه تناظر فيها وطلعت وهي ناقده عليها
ملاك: الحمد الله والشكر
قامت راحت غسلت وجهها ورجعت جلسة مره ثانيه
الا شوي يندق الباب
ملاك: تفضل
عبود: السلام عليكم
ملاك: هلا والله عبود ..وعليكم السلام
عبود راح عندها وباس راسها وضمها
عبود: اسف ماكنت ادري انك تموتين فيصل انا على بالي انك مغصوبه عليه او او أي شي ثاني بس طلعت غلطان انتي تموتين فيه
ملاك ابتسمت: لا عادي
الا شوي الباب انفتح
ملاك: بسم الله وراك يابنت الحلال
منيره وهي رايحه عند فيصل: بسم الله على فيصل جعله في عدوينك يارب
ملاك: الناس يسلمون بالاول
منيره: لا سلام لاكلام دام فيصل تعبان
الا نوره تدخل بكل هدوء
نوره: السلام عليكم
عبود لفته الصوت ولف يطالع من راعية ذا الصوت
ملاك: هلا نواره وعليكم السلام
نوره: هلا فيك ملاك وش اخبار فيصل اللحين؟؟
ملاك: الحمد الله على كل حال
منيره: ملاك من هذا الي جنبك انتي كل مره تجيبين واحد مزيون
عبود يناظر فيها ومستغرب من جراءتها
نوره: منيره بس اكيد انه يفهم
عبود ابتسم
منيره: هاه شوفي ابتسامته اعرفي منها انه مايدري عن شي
ملاك تبيها تسكت: منيره هذا..
عبود: لا ابشرك افهم كل شي .. وابتسامتي دليل سعادتي
نوره: شفتي
منيره: ههههههههههه انا...
فيصل تحرك
ملاك: منيره بس اصص لا تطلعين صوت يالمزعجه
منيره: اسفه وتشرفنا يالمزيون
عبود: اسمي عبدالله
منيره: اتشرفنا عبود
عبود: اصغر عيالك وانا مدري
منير: لا بس اصغر مني وانا ادري
ملاك: برى برى اطلعوا تهاوشوا برى
عبود ببراءه: هي الي بدت....وانا اصلا جاي اخذك
ملاك مستغربه: ليه ..ووين؟؟
عبود: بسم اله عليك..امشي عشان ترتاحين لك شوي
ملاك: لا شكرا انا كذا مرتاحه
نوره: ملاك روح معه ..خذي لك شاور وروحي كلي لك شي بعدين تعالي..طيب
عبود يطالع في نوره وهي تتكلم
ملاك: لالا انا..
منيره: ملاك روحي
وتكمل بهدوء: روحي ارتاحي .. وانا ونوره راح نكون جنبه لين ماتجين
نوره: اها ووعد ما نعتب الباب
عبود يناظر فيهم
عبود: شفتي وش قالت نوره واختها ..يالله تعالي
ملاك وهي متردده: طيب بس لا تطلعون من الغرفه
منيره : طيب
ونوره اكتفت بابتسامه
راحت ملاك
عبود وهو بيطلع مع الباب غمز لهم: ثانكس
نوره وهي مستحيه: العفو
وراح
الا ملاك دخلت
منيره: وشو بعد؟؟
ملاك: اول مايقوم علموني
منيره: ابشري..واللحين انقلعي
ملاك طلعت لسانها وراحت
نوره: خايفه عليه
منيره: اهاا ... الا وش يطلع ذا العبود
نوره: فشلتينا مالت عليك
منيره: ياربي ..اللحين تفشلتي
نوره : ايه كلامك يابنت الحلال
نوره: بسم الله على اختي
وراحت عندها تمسح على راسها
نوره تدفها
نوره: وش فيني ؟؟عشان تسمين علي؟؟
ميره: خقيتي يوم شفتي عبود تعالي اسمي عليك
نوره: وخري عني
منيره: بكيفك
************************
ملاك راحت للفلا وتروشت وكلت وجلست تشوف التي في شوي
وخذت لها غفوه وراحت تحوس باغراض فيصل
لين طفشت وتبي تروح له
ودقت على عبود
عبود: الو
ملاك: اهلين عبود
عبود: هلا
ملاك: عبود .... لو سمحت تعال ودني لفيصل
عبود: يووه ياملاك... تاخر الوقت وانا بعيد
ملاك: عبود لا الله يخليك تعال
عبود: ملاك انا لازم اسكر ..باي
ملاك: عبود.. عبود
وسكر
**************************
وفي المستشفى
نوره: منيره ماعندنا رقم ملاك
منيره: عادي اصلا هو ماراح يقوم
نوره: بسم الله عليه
منيره: لا .. مو قصدي كذا انه ملاك راح تجي قبل مايقوم
نوره: ايه قولي كذا ..بس الوقت تاخر
منيره: قلتيها .. الوقت تاخر وانا جوعانه روحي جيبي لي شي اكله
نوره: منيره مابي
منيره: قومي اشوف بسرعه
نوره وهي طالعه: يالدبه
منيره: الله العالم من الدب يالمربربه
وطلعت نوره وهي زعلانه
منيره: معقوله للحين نايم
فيصل: اكيد لا
منيره: ومن متى عيونك الحلو مفتحه
فيصل: من يوم تهاوشتي انتي وختك .. الا وين ملاك
منيره: ميب فيه
فيصل: انا عارف بس معقوله ماجاتني
منيره: الا من امس وهي عندك وجى عبود واخذها
فيصل: عبووود اهااا طيب
وقام
منيره: على وين
فيصل: بروح للبيت بس بعد ماغسل خشتي
ودخل الحمام
وهو في الحمام
فيصل: منو
منيره: هلا
فيصل: وش قصدك ذاك اليوم
منيره: أي يوم؟؟
فيصل: الي قلتي فيه ملاك ملاك في كل شي الا الحب
منيره: اهااا .. ليش تبي تعرف؟؟
فيصل وهو طالع من الحمام
فيصل: وش ذا السوال؟؟
منيره لفت وجهها يعنني تستحي
لان فيصل فاك تي شيرته
فيصل: هه توني ادري انك تستحين
منيره: لا بس ابي انام بالليل
فيصل: طيب قولي؟؟
منيره: ليش تبي تعرف؟؟
فيصل: وليش تسالين؟؟
منيره: لا تجاوب بسُأل ثاني... هذا معناه انك تتهرب
فيصل: فضول
منيره عدلت جلستها ولفت تطالع فيه وهو يلبس تي شيرته: طيب...شوف يافيصل انت اذا تبي ملاك تحبك ماراح تحبك من كلمه ولا كلمتين ولا بوسه وضمه لا ملاك تحس ان محد يستاهل حبها لانها يمكن تسوي أي شي عشان الي تحبه ...الي حبيت اقول انك راح تتعب كثير لين ماتخليها تحبك
فيصل: وليش تقولين كذا؟؟
منيره: لانها ماراح تستسلم لك بسهوله
فيصل: بتشوفين
وكان بيطلع
منيره: باي
فيصل لف يطالعها وابتسم: باي منو
وراح
الا شوي
دخلت نوره
نوره: هذا أي لق..... وين فيصل
منيره: راح
نوره: لوين
منيره: لملاك ..يالله امشي نروح
*********************
فيصل وصل للفلا وقبل مايدخلها راح جهت البحر وقف يطالعه
الوقت كان لليل والقمر كامل والجو بارد ولامواج هايجه
فيصل حس بالبرد ودخل يده بجيبه وحس بشي وطلعه
لقاها صورت ملاك يوم هي صغيره وتبكي وخشمها احمر
فيصل:هههههه ياكثر ماتبكي ذاالدوعه مايمر يوم الا ودموعها نازله
وراح دخل للفلا
ملاك كانت بالدور الثاني وحست باحد والمسكينه خافت وراحت تخبت في الدولاب
فيصل دورها ودورها مالقها
فيصل: يمكن عند اهلها
وراح لدولابه عشان يغير
وملاك على اعصابها
وفتح الدولاب
ملاك: ااااااااااااااا يمه وخر
فيصل حط يده باذنه ورجع ورى
فيصل: اصصصصصصصصصص
ملاك: فيصل
فيصل: وجع
ملاك: يوجعك
فيصل جلس على السرير
وطلعت ملاك
فيصل: بسم الله عليك خفتي
ملاك: لا بس قلبي طاح
فيصل: هههههههه ... زين دام عندك قلب
ملاك: ايه عندي وهو ملكي
فيصل(في نفسه): راح يكون ملكي
ملاك: الحمد الله على السلامه
فيصل: الله يسلمك
راحت ملاك وضمته
فيصل ابتسم
فيصل في نفسه: معقوله ماتحبني
ملاك: خفت عليك والله
فيصل: وليش
ملاك وخرت عنه
ملاك: لانك ..لانك...لانك ماي فرند وانا اخاف عليك
فيصل بخبث: اهاا متاكده عشان كذا
ملاك بكل براءه: ايه عشان كذا
فيصل: اخوك ذا يبيله تكفيخ
ملاك: وليش ان شاء الله
فيصل: بغيت اموووت والسبه هو
ملاك حطت يدها على صدره
فيصل صار يطالع فيها
ملاك: عورك
فيصل يسوي نفسه زعلان وتعبان وهز راسه بايه
ملاك: احسن
فيصل عقد حواجبه: مالت عليك
ووخر يدها وقام
ملاك: على وين
فيصل: عند ايفا
ملاك تبي تصرف: ايه..ليه ماقلت لي ان هذيك البنت هي جود؟؟
فيصل: هو انتي خليتي لي فرصه
ملاك: تذكر كيف طحت
فيصل: ايه..اذكركل شي
وصاروا يتذكرون
ووقفوا عند ((تحبيني))
وفي نفس الوقت
ملاك: فيصل
فيصل: ملاك
ملاك: ات قول
فيصل: لا انتي
ملاك: لالا خلاص انت قول
فيصل قرب منها حيل
وصار يطالع فيها
ملاك خقت تبنجت صارتطالع فيه
فيصل تنهد ووخر عنها
فيصل: ماعندي شي اقوله
وراح تروش
ويوم طلع
لقى ملاك في السرير وتناظر فيه وهي مبتسمه
فيصل راح ودخل السرير
ملاك انسدحت وعطته ظهرها
ملاك: تصبح على خير
ملاك تستنى تسمع صوت من فيصل بس انه ساكت
ملاك في نفسها: يمكنه زعلان..بكيفه
فيصل راح مد يده وحطها على خصر ملاك وقربها منه
ملاك ساكته وماتدري وش تقول ولا وش تسوي
فيصل قرب منها
لدرجة ان ملاك تحس بانفاسه عند رقبتها
همس فيصل باذنها: وانتي بالف خير
ملاك ساكته
فيصل باسها
ملاك خافت وعلى طول لفت وصارت تناظر فيه
واول مالفت ناظر ت عيونه الي تضيعها وابتسامته الي تذوبها
كانوا قريبين من بعض
فيصل يناظر فيها وفي عيونها الخايفه وشفايفها المضطربه
وكان نور القمرهو سيد الموقف والي يعكس جمالها
فيصل خق عند شكلها وعض على شايفه
ملاك تناظر في عيونه ورايحه فيها
فيصل غمض عيونه وقرب منها وباسها
ملاك ماقاومته و لاشي
استسلمت له
استسلمت لفيصل
******************************************
اليوم الثاني
ملاك قامت على اصوات ازعاج احد يفتح الدرج ويسكره ويفتح الثاني
ملاك وهي تفتح عيونها بصعوبه
الا
مخده طايره جات بخشتها
ملاك:يوووه منك يالدب
فيصل: قومي
ملاك: ليش مقومني ..وقايم من صباح الله خير؟؟؟
فيصل جا عندها وهي منسدحه على السرير
فيصل قرب منها
فيصل: ماتبين تروحين للجامعه
ملاك بحماس : الا
فيصل: اجل وش تستنين
ولف يدور ويحوس
ملاك مستحيه: فيصل
فيصل لف يطالع فيها: وش فيك؟؟
ملاك: اطلع برى لو سمحت
فيصل: هههههههههههههههههههههههههه
ملاك : فيصل لا تضحك اطلع برى
فيصل يهز راسه لا
فيصل يبي يقهرها: نو نننننننننو نو واي
ملاك: يووه
وقامت وهي لافه حوليها المفرش
وفيصل فاطس ضحك
فيصل: بس انا شفتك ولا نسيتي امس
ملاك حمر وجهها
ودخلت الحمام
وتسبحت وطلعت بالروب
ملاك: يالله عاد برى
فيصل: مابي
ملاك دفته : فيصل
فيصل: طيب بس دقيقه وحده وبعدها بدخل
ملاك: انت اطلع اللحين
وطلعته
فيصل وهو يضحك من ورى الباب ويمسح دموعه من الضحك
فيصل:هاه خلصتي
ملاك: لا
فيصل: بسرعه
ملاك: لحظه
فيصل: ترىبدخل
ملاك: ياويلك
فيصل فتح الباب : دخلت
ملاك وبابتسامه عريضه وساحره: خلصت
فيصل ضرب الباب: قهر ..بس حلو شكلك
ملاك وهي طالعه من الباب
ملاك: عارفه ..وصدق انك ماتستحي
فيصل وهو يلحقها
فيصل: ياحرام عليك ...مو هذا حقي الشرعي
ملاك: مالت عليك
فيصل يكمل: 3 شهور يالظالمه حارمتني...بس الحمد الله طحتي بيدي
ملاك لفت تطالعه
وفيصل يرفع حواجبه
ملاك وهي تناظره بنظرات تحدي: غلطه وماراح تتكرر
فيصل بابتسامته الساحره ونظرات تحدي: تحدين
ملاك: اها
فيصل دفها على الجدار ومسكها بقوه
فيصل يناظر فيها: تحدين
ملاك خافت: لالالالا بس وخر
فيصل وخر عنها ومشى خطوتين
ملاك: فكه
لف فيصل وباسها
وراح
ملاك: يالدب
وصارت تمسح وجهها
فيصل وهو طالع من الباب: لا تحدين
ملاك: اشوى اني حاطه مرطب
فيصل: بالفروله
ملاك: حلو صح
فيصل صار يضحك عليها
****************************
وفي السياره
فيصل يدندن
ملاك: ازعجتني
فيصل بنبره جاده: ملاك
ملاك استغربت وطالعت فيه
فيصل: اسمعيني زين...انا مابي أي احد يعرف انك زوجتي ولا احد فاهمه ولا احد
ملاك: فيصل خوفتني ..ليش؟؟
فيصل: من غير ليش....المهم محد يدري وبس
ملاك خافت : طيب
فيصل: وشي ثاني بعد
ملاك: وشو
فيصل: لحد يشوفنا مع بعض
ملاك: ليش ان شاء الله
فيصل كمل كلامه: انا مشترك بلجنة الترحيب بالطلاب والطالبات الجدد
ولف ناظرها
فيصل: كذا راح اكون معك وراح اعرفك بالجامعه
ملاك: ومن متى انت مشترك؟؟
فيصل: من زمااااااااااااااان
ملاك: اهااا
فيصل: ايه اهااا..انا راح ارحب فيك واوريك الجامعه وراح تتعرفين على جونثن
ملاك: وش يطلع ذا؟؟
فيصل سكت يبي يقهرها ويحسربها
ووقف في مكان بعيد عن الجامعه بشارعين تقريبا
فيصل: يالله
ملاك: وصلنا
فيصل: لا ..انزلي
ونزلوا
فيصل: امشي وراي ..اوكي
ملاك ساكته
فيصل: هاه ..اوكي
ملاك: ايه اوكي
وراحوا
فيصل : لحظه
وراح رجع للسياره وخذى البالطو حقه وعطاه ملاك
فيصل: البسيه
ملاك معقده حواجبها
فيصل: مااحب احد يشوفك كذا
ملاك استحت ولبسته بس هو باين انه رجالي
وطالع عليها شي ثاني يجنن وهي كانت لابسه سماعات تسمع اغاني عشان ماتحس بالي حوليها
فيصل: يوووه...صرتي احلى
ملاك: المهم الستر
فيصل: يالله
وراحوا
فيصل قدام ملاك وبينهم ناس
وفيصل شايل همها
ووقف عند بوابة الجامعه والكل طبعا يطالع فيه
تنهد فيصل ولف طالع ملاك لقاها مبتسمه
ابتسامت وحده خايفه ابتسم لها
ولف
فيصل (في نفسه): بسم الله
ملاك(في نفسها): بسم الله
^
^
ودخـــــــــــــــــــــــلــــــــــــــــــــواا اااا
الجـــــــــــــــــــــــــــــــــــامــــــــــ ــــــعــــــــــــــــه
وش راح يصير فيها ؟؟؟
ومين جونثن؟؟؟
صديق فيصل ولا عدوه ولا استاذه ولا وشو؟؟؟؟؟
ووش راح يصير بالجامعه؟؟؟؟
فيصل ليش يقول كذا لملاك؟؟؟
وليش يقول لحد يدري انها زوجته؟؟؟
خايف عليها؟؟؟
ولا عشان بنت؟؟؟
ولا شي ثاني؟؟؟
عبود ياترى صار يميل لنوره؟؟؟
ولا جود؟؟؟
ولا منو؟؟؟^_^
|