يوم الأربعاء الساعة 5 الصبح
قعدت شوق من نومها راحت الحمام اكرمكم الله غسلت وجها وتوضت وصلت وقعدت على السرير وحطت أيدها على وجهها تفكر اليوم شبصير وبنفس الوقت خايفة يعني لو تكملها تصيح
شافت تلفونها المحادثات بالوتس اب بس ماحبت تدخل ..
دخلت ام شوق عليهم : شوق الي قاعدة من وقت
شوق :ماقدرت أنام عدل
أم شوق : ليش .. المفروض تنامين زين اليوم ناسية
شوق تكدرت: انزين يمه
هند تقعد : شوووق قوومي بسرعة نوديك المشغل
شوق : ايش مشغل مابروح بقول لصاحبتي نورة
هند : طيب على راحتك وترا شرينا الطقم شوفيه
شوق : مو الحين تعبانة مالي خلق
ام شوق : طيب قوموا تفطروا مسويتلكم خوش فطور وعشان شوق سويت بان كيك يالله قوموا
هند سحبت يد شوق : يالله لازم تاكلين عدل
أتفطرو وراحت شوق اخذت شور وبعد ماخلصت
أخذت هند شور ولبست من ثياب شوق
جاسم للحين نايم يتقلب في نومه قعده رنة التلفون فتح التلفون شاف الساعة 5 ونص رد على التلفون
تركي : الوو
جاسم صوته نايم : هلا
تركي : صباح الخير
جاسم : صباح النور
تركي : للحين نايم ! قووم يالله
جاسم : وين تو الناس
تركي : الحلاق خل يضبطك
جاسم : مجنون انت شوف الساعة كم العصر بروح
تركي : هااااااااااا .. قووم يالله الحين امرك انا والشباب نضبطك
جاسم : لا مو اللحين تعباان حيل ومالي خلق الحين
تركي : الساعة 1 أمرك طيب
جاسم : طيب يالله مع السلامة
راح الحمام اكرمكم الله اخذ شور وطلع لبس بنطلون جينز أسود وتي شرت بلاك وراح غرفة اخته قعدها ونزلو تحت
جاسم : تصدقين مالي خلق اليوم تعبان ابغي انام
فاطمة تفرك عيونها : ليه اليوم خطوبتك اي وابغيك تودينا المشغل انا وامي الساعة 2
جاسم : لا انا وحدة بمرون علي الشباب قولو للسواق
فاطمة : اففففف لاتكفى
جاسم : قومي طسي .. انا ماشي
فاطمة : وين بتروح
جاسم معصب : موشغلك
وطلع برا البيت وركب سيارته وحرك بسرعة معصب منقهر
راح بيت تركي
تركي : ججاسم !!
جاسم : هااه
تركي : مو قلت 1
جاسم : يعني ماتبيني امشي
تركي :لا تعال اقلط حياك
جاسم سحب قوطي السقارة وولع له وحدة وشرب
تركي : جاسم ! اليوم خطبتك تششرب موزين يالله قطها
جاسم ماعطاه وجه وقام يشرب
تركي سحب السقاره من فمه : ياكلب لاتشرب
جاسم أنسدح على الكرسي
الساعة 2 الظهر
فاطمة وأم جاسم في المشغل مع خالاتها وبنات خالاتها وعماتها وبنات عماتها والخخ العائلة الكريمة كلهم في المشغل
شوق لسة منسدحة
هند : زفتة انتي قووومي الكل مجهز تصدقين بنات خالاتك وبنات عماتك وعماتك وخالاتك و و كلهم رايحين مشغل وانتي العروس موب رايحة
شوق تنهدت :اففف ويعني ؟
شوق : قعديني الساعة 4 طيب
واتصلت على صديقتها نورة خلتها تجي 4 ونص
ونامت ..
الكل في المشغل والكل يتجهز حق الخطوبة مر الوقت بسرعة صارت الساعة 4 وربع
هند قووومي الحين بتجي صاحبتك يالله قومي غسلي وجهك
راحت غسلت وجهها ونتظرت صاحبتها وبعد ربع ساعة وصلت صديقتها ..
صلحت شعرها تسريحة ناعمة وحطت لها فينوكة بلاك فيها من للون الفستان تركواز
وصلحت الميك اب ناعم وسمبل شدو اسود و تركواز وفيه شوية ابيض طالع مرا نعوم مع عيونها الرمادية وروجها بنكي درجة فاتحة وبلشر بنكي خفيف وكثفت رموشها بالماسكرا
دخلت أم شوق : الله يابنيتي طالعة قمممر يالله مابقى شي البسي فستانك
دخلت شوق ولبست الفستان كان يوصلها لتحت الركبة بشوي لونة تركواز مفتوح شوي من عند الصدر والظهر طالع من صوب الظهر فصوص وعند الظهر دانتيل شفاف ولبست صندل تركواز وفضي طالع مرا كيوت شككلهااا
طلعت من غرفة التبديل
هند انبهرت : الله ماااااااشاءلله عليك طالعةة قممممر
نورة : خقق طالعةة يالله البسي عباتك يالله بنوصلك
جاسم لبس بدلته الرسمية جينز اسود وقميص أبيض وكرفته حمراء وجوتي تومس أسود رجالي وعطر جفنشي وسوه شعره مثل قصة ديفيد فيا وظبطت حاله وطلع
^(^