| بغداد...ابوس اعيونك الحلوه
يايمه يتاج الراس يابغداد
يحبيبه لكل الناس يابغداد
ابوس اعيونك الحلوه واغنيلك الف غنوه
واكلّك يمه اشلونك وامسح دمعة اعيونك
يم الدنيا يابغداد
يم اشريعة النواب يادجله
يحبابه يريحة عنبر الدهله
يليله اربعطعش واحلى
يديرم عاشك الشفه يهلهولة عرس ترفه
اروحلك الف فدوه يابغداد ياحلوه
واكلّك يمه اشلونك وامسح دمعة اعيونك
يم الدنيا يابغداد
يفانوس الولايه الماخمد نوره
ياكهوة حمد والحان ناعوره
يدْلال المضيف وخبز تنوره
بيادر خير والكمره يكحله بعين كل سمره
اروحلك الف فدوه ياحبابه ياحلوه
واكلّك يمه اشلونك وامسح دمعة اعيونك
يم الدنيا يابغداد
يادار السلام وغنوة الاجداد
باوتار الكلب يحبيبه الك ميعاد
ينبض شوك ماينساكِ يابغداد
يمحبوبة بني العباس احبنك واحب الناس
بمشاعر صادقه واحساس
انسى الدنيا ماانساك يازوراء مااحلاك
محله العيد والاولاد ومابين النخل مرجوحة الاعياد
يااحلى مقام حبيبه يابغداد |