أوتعت على صوته وهو يتكلم بالتلفون ومبين عليه كان معصب
راحت الحمام اخذت شور لبست بجامة كحلية ورمادي ورفعت شعرها حطت روج خفيف بنكي ورسمت عينها ..
جاسم يطالعها : اسمعي زين جهزي حالك اليوم طالعين على شاليه مع اهلي
شوق برفض : اسفة بس ماقدر اجي
جاسم ونظرة حقارة: مو على كيفك راح تجين يعني تجين
شوق التفت له : مو غصب مو كفاية متزوجتنك غصب وتبي تغصبني على اشياء انا مابيها
جاسم يشد على كلامه : شوفي انا انغصبت مثل مانتي انغصبتي ابوي وافق بدون ماياخذ راي
شوق : حتى انااا
جاسم بدون اهتمام :جهزي ملابسي وجهزي ملابسك بنقعد اسبوع كامل
شوق تتنهد قامت رتبت الملابس وتطالع في جاسم بحقارة
جاسم : خير لايكون مو عاجبك شي ست شوق ولا نسيتي مين انا
شوق ماعطته وجه ولبست عبايتها وطلعت
راحو الشاليه كان كبير وحلوو وفي 5 غرف
دخل جاسم الغرفة ورمى الاغراض : انا بنام اطلعي
شوق : وين اروح
جاسم بملل : اي مكان ذلفي
شوق حست بالاهانة وطلعت وباقي شي وتصيح
شافتها فاطمة : هلا مرت اخوي كيف الاحوال واخبار جاسم
شوق بتنهيدة : الحمدالله كيف حالك انتي ؟
فاطمة : تمام بخير .. تعالي نتمشى برا الجو مرة حلو
شوق بموافقة : يالله
وطلعوا يتمشون ويسولفون دخل أبو جاسم عليهم
شوق : هلا عمي .. وباست راسه
ابو جاسم : هلا مرت ولدي شلونك ان شاء الله بخير
شوق : الحمدالله انا تمام عمي أخبارك أنت ؟
أبو جاسم : طيب الحمدالله .. كيف جاسم
شوق : تمام
ابو جاسم : وينه ماشوفه معاك
شوق : تعبان وراح يريح شوي
ابو جاسم : زين اجل تعالو نقعد نتقهوى داخل
شوق : يالله
ودخلنا داخل المجلس كانت غرفة كبيرة وكانت مليانة كراسي
وفيه تلفزيون بلازما مرة كبير ..
وقعدت مع عمي وعمتي وفاطمة حبيتهم عكس جاسم
حبوبين وطيبين وسوالفهم توسع الصدر ينسون الهموم ..
على الساعة 5 وثلث دخل جاسم عليهم
أبو جاسم : صباح النور تعال اقعد معانا
جاسم طالعني بنظرة يالله قومي
شوق استحت : يالله اترخص تعبانة بريح شوي
فاطمة : ماتشوفين شر
ابو جاسم : مو تقاطعين
شوق ابتسمت ابتسامة باهتة : الشر مايجيك .. لا عمي بريح شوي وراجعة
قمت من مكاني والتقت عيوني بعيون جاسم حسيت روحي مختنقة بغيت اقوم اعطيه كف ..
ورحت الغرفة وبعدها بشوي الا داخل جاسم
جاسم : اشوفك طيحتي الميانة مع اهلي ايش تكلمتي معاهم اكيد تكلمتين عني صح
شوق بانذهال : وليش اتكلم عنك
جاسم : بسوء طبعا
شوق : ......
جاسم خزني بنظرة خفت منها انسدحت على الفراش ونمت ..
أم شوق : يالله خلنا نروح مو اهم اعزمونا لازم نروح
أبو شوق :مولازم انا مو ناوي أروح ابد ضايق خلقي
محمد ينط : يالله يبه تكفى خلنا نروح نستانس بدال مقابل هالطوف والله حامت كبدي من البيت
أبو شوق بأقتناع : طيب يالله جهزو روحكم
محمد فرحان : ان شاء الله يبه تسسلم والله
وراح جهز ثيابه واغراضه وعطوراته وغيره
أم شوق :لامايحتاج اكيد هم حاملين معاهم
أبو شوق : لابعدين نتوهق
أم شوق : لانتوهق ولا شي
أبو شوق : انزين يالله مشيناا
محمد : سوماا تعالي شيلي الاغراض
سوما : ان شاء الله باابا
جاسم رمى جواله وسحب الكرسي قعد قبال شوق يتأمل ملامحها البريئة .. خق على شكلها وهي نايمة وفي قلبه يقول ملاك حتى وهي نايمة .. مسح على شعرها وطلع ..
أبو جاسم : تغطو جاين في الطريق
فاطمة : مين
أبو جاسم :اهل شوق امها وابوها واخوها
فاطمة:افف يعني مابناخذ راحتنا
أبو جاسم : عيب ذا الكلام ..
فاطمة انقهرت وراحت الغرفة وانسدحت وبسسرعة غطت عينها ونامت ..
شوق قعدت على الساعة 7 شافت امها بالغرفة فزت : يممه
ام شوق حضنت بنتها: هلايمةة
شوق تبكي : يما وحشتيني لاتبعدين عني ابغي ارجع البيت تكفين يما
أم شوق : انتي بعد وحشتيني يابنيتي لاتبكين تخليني ابكي معاك
ليش ماتجين تنامين عندنا كم يوم وتردين
شوق تمسح دموعها : طلعتنا من الشاليه بجي
أم شوق : طيب يالله نروح نقعد معاهم نسولف وذا
شوق : اسبقيني بعد شوي جاية
ام شوق : طيب
وطلعت .. ظلت شوق تفكر سرحت شوي
قطع افكارها جاسم : هي انتي
شوق : ها
جاسم : هنياله الي ماخذ تفكيرك
شوق ماعطته وجه : ...
جاسم مسكها من شعرها : شووفي يازفتة اذا كلمتك ردي علي كم مرة تحقرين ..
شوق تجمعت العيون بعينها بس ماتبي تبين له انها ضعيفة : ف فكني
جاسم سحب أيده : قلت لك اذا تكلمت ردي .. انا ماكلمت الطوفة كلمتك انتيي وعطاها نظرة حقارة وانسدح على السرير
شوق قامت من على السرير و دموعها تطيح غسلت وجهها وطلعت معاهم برا ..
فاطمة سحبت يد شوق : تعالي معاي
ورحنا للغرفة المسبح
شوق تناظر المسبح بانذهال : حححلو اخخ ودي اطب بس
فاطمة تدز شوق في المسبح : هههههههههه ودك هاا
شوق انصدمت : زفتة ليه سويتي كذا لاكن انا اوريك
فاطمة قعدت على الكرسي
شوق وهي تسبح بشويش طلعت وفاطمة ماحست لانها كانت لاهية بشعرها ..
راحت من وراها ودفتها وطاحت هي والكرسي بالمسبح
فاطمة تصرخ : ياحيوانة ليييييييه كذاا
شوق :موقلت لك اوريك
شوق طلعت واخذت منشفة ونشفت نفسها : زين لك كذا خربتي ملابسي
فاطمة طلعت : انتي قلتي ودك
شوق : وودي بس مو تدفين
فاطمة : ههههههههههه
وتنشفو وقعدو على الكرسي يسولفون
فاطمة : طيب كيف جاسم معاك تعاملة ؟
شوق تتنهد وتتذكر الي صار من شوي : زين
فاطمة :لاتكذبين باين من وجهك وبعدين انا اعرف جاسم زين
شوق : مادري ايش اسوي
فاطمة : حاولي تكسبينه
شوق تطالعها باستهزاء : اخوك اقشر يافاطمة
فاطمة : هههههههههه انا اعرف هالشي
شوق : زفت ماينفع معاه شي
فاطمة : اممم تبيني اكلمه
شوق : لالا ايش تكلمينه خليه على راحته ..
فاطمة : طيب يالله نروح مع الجماعة لايقولون في شي
فاطمة : يالله
وطلعلوو ..
راحت شوق الغرفة عشان تبدل ملابسها المبللة شافت جاسم للحين نايم طلعت لها ثياب واخذت شور مرة
لبست تي شرت تركوازية وجينز آسود سكيني رفعت شعرهاا رسمت عينها وحطت روج بنكي خفيف وحطت شدو بنفس لون التي شيرت .. وتوها بتطلع الا صوت جاسم موقفنها
جاسم : شووق
شوق تلفت له:نعم
جاسم خق على شكلها : وين رايحة
شوق : بروح اقعد مع امي
جاسم :لامافي قعدة معاها
شوق فتحت عينها : ليش ان شاء الله ؟
جاسم :اقعدي هنا
شوق : ليش بتحبسني هنا بالله
جاسم عصب : لاتراددين قلت لك اقعدي هنا خلاص اكلي هوا واقعدي .. انا طالع
شوق : خخير وانا اقعد هنا بين 4 جدران
جاسم : ايه عشان اذا مليتي تصقعي بواحد من الجدران
شوق تجمعت بعيونها دموع : الله يخليكك مابي اقعد بروحي ابي اممي
جاسم تنح على شكلها بس يكابر:اكلي هوا واقعدي هنا
شوق بحقارة : ززفت
جاسم التفت لها : ها خير ؟ ايش قلتي
شوق : قلت ابي امي
جاسم بنبرة خوفت شوق :لامن شوي قلتي زز
شوق خايفة : انا ماق
جاسم قاطعها بكف وطلع
شوق حست بحرارة الدنيا كلها بخدها حسته احترق من قوة الكف
رجولها ارتجفت ماقدرت توقف فطاحت على الارض وجسمها كل يرجف حطت يدها مكان الكف حار حست انه لهيب دخل وجهها
سحبت روحها وانسدحت على السرير ونزلت من عينها دمعة بس مسحتها ..