| البارت السادس
في مدرسة ابطالنا
البنات يدخلون المدرسة ومشغلين الموسيقى اللي يحطونها للعصابات اذا جت بتتضارب بالافلام ويمشون المشيه المحد قدي
المعلمه معصبه: سكتو مسجلكم لجيتونا الله يلجكم حسبي الله عليكم من بنات
ايكو: انتي وش تبين بالضبط ليش تخربين الجو خلينا على راحتنا
المعلمه: لا ترفعين صوتك علي بعدين وش هالشكل اللي انتم فيه
انا: يا ربييه لهالدرجه غبيه ما تشوفين افلام العصابات اللي فيها بنات البنات يلبسون كذا
المعلمه: اوك هو صحيح ما عليه بس ذي وش تحس به
اوي: وش نسوي قلنا لها ما يحتاج قالت انتم وش عرفكم بستايل العصابات انا ابخص
كانت فيومي حاطه ماسكرا سوداء وكحل أسود واحمر شفاه احمر وصابغه شعرها اشقر ومشقره حواجبها وقاصه شعرها بوي ولابسه بدل القميص الابيض الرسمي بلوزه عليها جماجم وشيطانه عليها دم شكلها مدري وش يبي
فيومي: قلت لكم هذا الستايل الروعه شوفو الطلاب يناظروني منهبلين علي
هيساكو: الا قولي منهبلين منك الحين اي واحد من عصابه بالشارع يشوفك بهالمنظر بيحسبك راعيه مضارب وبيقوم عليك ضرب على اساس منتصر على احد العصابات الجانحه
فيومي: لا عادي مو مشكله محد بيطقني
ايكو: ليش؟
فيومي: لانكم بتحموني اكيد
اوي: ثقه زايده اقول خلونا نروح لميساكي ابي اقابل هالورعه
انا: معاك حق مشينا شباب
فيومي: اسمحي لي انا بنت
انا: مو مع هالستايل -_-
عند ميساكي
اوي: هذي الوجبه
ميساكي: يخرب بيتك جبتيها جد هذي اختي
ميون: هلا والله اذل انتي اللي تبيني
كانت ميون لابسه شورت اسود وبلوزه بدون اكمام رماديه وكاب اسود
اوي: صحيح لبسك غريب بالنسبه لعمرك بس الاغرب ليش تتكلمين زي البزران
ميون: عثاني قبل كم يوم قابلت زلايب ثغار وكانو يتكلمون كذا واعذبني كلامهم قلت خل اقلدهم
هيساكو: فجأه جا ببالي ميشي
ميون: من ميثي ذا
انا: لا ما عليك منه هذا ورع عندنا بالبيت
ميون بدأت تفرقع أصابعها<هع: اها طيب من تبوني ادعثه انا حاضره
ايكو: نبيك تدعسين لنا كم بنت غثه بس اصبري لوقت الاستراحه وراح نقابلهم تجين معنا للفصل؟
ميون: لا بروح للكافيتيريا بآكل
فيومي: ومن مثلاً بيعطيك اكل تاكلينه بوقت الحصص
ميون: لا تخافين بيعطوني اطعام ذائع اكيد بيعطوني
اوي: طيب طريقة كلامك ما تعجبني تكلمي زين
ميون: اوك
في الاستراحه البنات جالسين ياكلون ويسوون روحهم هادين وهم من الداخل يرقصون من الفرح
ثنتين من شلة ساكورا يروحون لعندهم
البنت1: تعالو نبيكم ورى المدرسه
البنت2: ولا تقولون لأحد
ايكو تبتسم وبهمس: جاكم الموت
انا: بجيب معي اختي الصغيره عادي
البنت1: مو مشكله بس وش هالشنطه السوداء الطويله اللي شايلتها اختك
ميون: عن اللقافه هذا جيتاري
البنت2: اها يلا تعالو ورانا
اوي تهمس لميون: وش هذا
ميون: هذا مضرب بيسبول بس حديدي بفقع عيونهم ومرارتهم
اوي: كفو
في مكان ما بين الشوارع والممرات< امزح
كان مع شلة ساكورا ثلاث شباب ويبتسمون بمكر
ساكورا: هاي يا فاشلات
فيومي: اهليين يا ام حلقين
ساكورا: يلا مثل ما اتفقنا ابيكم تنتفون خشومهم
الشباب: ولا يهمك
انا: من جد خرفان لهالدرجه الفلوس تخليكم تسوون كل شي
ايكو تهمس لها: اسامي لا تنسين انك فقعتي كفرات احد الناس عشان عشرين ريال
انا: غطي علي بس
الشاب1: حنا خرفان؟
انا: وبقر بعد
الشاب1 معصب وبيعطيها كف: يا حقيره
ما درى الا مفلوق مع راسه وطاح مغمى عليه
ميون تتخصر: يلا انت وياه تقدمو شكلي انا اللي بنتف خشمكم
الاثنين الباقين يركضون لها: ما تخوفنا صغيره
ميون ضربتهم بالمضرب وطاحو مغشياً عليهم
ميون: صغيره بعينك اليوم صار عمري 8 سنوات
البنات انحاشو
ايكو ماسكه كاميرا وتصفق: براافو المضارب صورته تصدقين شكلك كان حلو خصوصاً وانت تنقزين وتضربينهم طالعه كأنك طرزان بس ناقصك تتفصخين
ميون حمر وجهها: وجع انطمي
البنات ضحكو
في المنزل
الشباب والبنات دخلو
انا اروح ابوس تشيكا واضمها: فزنا عليهم فزنا عليهم
تشيكا تحمست معها: من هم من هم
انا: شلة ام حلقين
تشيكا: انا كنت عارفه من اول ما جيت انكم ترفعون الراس
انا: نصابه
تشيكا: ادري
تاكاشي: شبااب اجلسو
الكل جلس
ايكو: وش عندك نورنا
تاكاشي: بعد تفكير عميق دام لمدة عشر ثواني قررت اعزمكم على طلعه
كازوكي استانس: من جد؟
تاكاشي: ايه
جيرو: وين وين
تاكاشي: مدري اكتبو اللي تبون بورقه ووروني
بعد دقيقتين
اللي كتب لندن واللي كتب باريس واللي كتب نيويورك
تاكاشي فتح فمه: وش هذا
ميشي: يعني وثو برايك اكيد المكان اللي نبي نطلع له
تاكاشي: انتم بتجلطوني
كيجي: وش فيك
تاكاشي: لا اختارو اما الملاهي ولا البر
كاتسومي: طير يا عمي قال بر قال
فيومي: عمو لا ابي باريس يقولون فيه ملابس هناك رهييبه
تاكاشي: مااافيه اختارو الملاهي البر ولا البيت
الكل: الملاهي
بعد العشاء
مادوكا يشتغل على اللاب
هيساكو تربعت جنبه: وش تسوي؟
مادوكا: اتدرب على الكتابه السريعه بدون ما اشوف الكيبورد
هيساكو: يا مسكين تدري اني اعرف اكتب سريع بالانجليزي بعد
مادوكا: اما عاد يلا وريني
هيساكو: بس قبل ما ابدأ
مادوكا: وشو
هيساكو: وشو هالحرف
مادوكا معصب شوي ويقوم عليها: يالكذابه طلعتي درج
هيساكو انحاشت: سوووري
نام الجميع ما عدا شخص واحد ارهقه التفكير
فيومي: وش البس لروحتنا للملاهي يا ربي
وعند حلول الفجر لم يعد يحتمل هذا الشخص التعب فنام
حركتاات انا صح اعرف عربي فصيح سوري على قصر البارت بس افكار مافيه مره
الاسئلة:-
اعجبكم البارت؟
..
المقطع اللي اعجبكم؟
..
اخطاء املائية؟
|