سوري على التأخير دخل جاسم الغرفة ولاعبر شوق اخذ كم بدلة وحطاهم في شنطة صغيرة عشان بروح البحرين .. شوق طالعته : وين بتروح جاسم طالعها من فوق لتحت وبدون اهتمام اخذ الشنطة وطلع وقفت بطريقة : اكلمك انا وين بتروح جاسم : اعتقد مو مهم أبو جاسم : جاسم جاسم : هلا يبه أبو جاسم : وين رايح ؟ جاسم : انا يبه بروح البحرين أبو جاسم منصدم : الحين وهالحزة وليش ؟ جاسم : يبه انا مواعد خوياي وبروح وسلم على امي أبو جاسم منذهل : الله يسلمك .. شوق طالعت عمها : عمي ليش بروح ؟ أبو جاسم : انا بكبري ابغي أعرف ليه
شوق راحت الغرفة تحس نفسها مقهورة معصبة سكرت الباب بقوة وقفلته انسدحت على السرير حست بغصة مسكت تلفونها وترددت تدق عليه
...........................................
مشعل : جاي من وقت قلت الساعة
جاسم قاطعه : وليه قاعد على كبدك انا
مشعل : لابس يعني
جاسم :لابس ولاشي
مشعل تنهد : جاسم ايش فيك انا اعرفك زين
جاسم :مافيني شي
مشعل : براحتك
جاسم : وين تركي وخالد تأخرو
مشعل : مايدرون انك هنا لانك قلت لهم يجون الساعة
جاسم يقاطعه : ايه صح
مشعل انقهر : وانا كل مابجي اتكلم تقاطعني
جاسم : طيب تكلم
مشعل يطالع تلفون جاسم المرمي : يرن تلفونك
جاسم يلتفت لتلفونه شاف رقم شوق فز وابتعد عم مشعل ورد : الو
شوق بهدوء : جاسم
جاسم بقلبه عيونه : هاه
شوق : انت من جد بتروح
جاسم : ايه
شوق حست بغصة : طيب الله معك
جاسم بهدوء مثلها : طيب باي
شوق قطعته ورمت التلفون ..
طلعت من الغرفة وراحت غرفة اخوها محمد شاافته نايم طلعت راحت غرفة فاطمة لقتها مشغولة بالابتوب قعدت جنبها
فاطمة تطالع شوق : ايش فيك؟ جاسم
شوق : ايش جاب موضوع جاسم اصلا
فاطمة : شوفي وجهك شوي وتبكين
شوق : بلا سخافة هاا ..
فاطمة : اجل ايش فيك
شوق : مدري والله
فاطمة : احلفي بس طيب تعالي نطالع فلم
شوق :فلم ثاني بعد انتي ايش قصتك مع الافلام
فاطمة : ادمان هذا فلم توايلايت الجزء الثاني
شوق : اف مليت من كثر ماطالعه
فاطمة : طيب توايلايت بركينق داون بارت 1
شوق : ههههههههه لا
فاطمة : اجل تعالي
وطالعوالفلم وهم ياكلون ..
.................................
في البحـرين
بعد ماوصلو راحو لصديقهم فيصل عمره 23 سنة
عنده فندق ..
جاسم يحضنه : هلا خال شلونك ييبه
فيصل : هلا بيك انا بخير وانت شلونك وين لك فجة
جاسم : ههههههههههه انا الحمدالله .. بعد ايش نسوي الظروف
فيصل : ظروف هاا يالله اتفضلو حياكم مجهز لكم شقة فوق
جاسم : تسلم يالغالي .. لاسبوع بكم
فيصل : عيب عليك جاسم خذ الوقت الي تبي يالله توكلو والحين بصعدون لكم الاغراض
جاسم : لايالحبيب تاخذ فلوسك هذا حقك فشلة ياخي كل مرة على حسابكك
فيصل : بتسكت ولاشلوون
جاسم اكتفى بأبتسامة وراحو جناحهم
عبارة عن شقة فيها غرفتين  حمامات وصالة ومطبخ صغير
جاسم يطالعهم : شوفو نامو بالغرفة وانا باخذ غرفة بروحي طيب
مشعل تكتف :ليش ان شاء الله
جاسم اكتفى بالسكوت وعطاه نظرة كيفي
حط اغراضه وفسخ ساعته وانسدح على السرير
تركي : جاسم
جاسم يلتفت : هلا
تركي : لاتقولي مافيك شي خبرني تراني صديقك عشرة عمر معاك لاتخبي عني شي
جاسم تنهد : والله مادري ايش اقولك بس
تركي : قوول ليش سكت
جاسم: مادري ايش اقولك انا تعبان
تركي : من ؟
جاسم تنهد وبهدوء : مادري .. انا الحين تعبان بنام اقولك نام على السرير الي جنبي
تركي : طيب
.......................................
شوق وهي تاكل : تسلم ايدك عمتي
ام جاسم:الله يسلمك الا وين جاسم ماشوفه معاك
شوق حست بغصة : ماقالك عمي ؟
ام جاسم: قالي أيش
شوق: عمتي جاسم راح البحرين
أم جاسم : راح ؟؟
سارة : ايه
ام جاسم : غريبة
شوق : انا شبعت الحمدالله
أم جاسم : لاقعدي اكلي ماكليتي شي
شوق : شوفي عمة اكلت كل الصحن انتي الي ماكليتي شي
أم جاسم اكتفت بأبتسامة
شوق راحت لمحمد : اتصل على جاسم شوف اخباره
محمد يضحك : وليه ماتتصلين له انتي
شوق : افف بتتصل ولا لاء
محمد : انزين صبري شويي
رن تلفون جاسم
جاسم بصوت نايم : هلا
محمد : صح النوم ..
جاسم : اوه هلا محمد
محمد : هلا بيك كيف الاحوال ؟
جاسم : الحمدالله وكيف الاحوال عندكم امي اخبارها
محمد : تمام وانت شلون تطلع بدون ماتخبرنا
جاسم ضحك : بعد ..
محمد : يالله اشوفك طيحت الميانة اتحمل بنفسك اوك يالله باي
جاسم : ان شاء الله .. باي
شوق : ايش قال ؟ سأل عني ؟؟
جاسم : ولاجاب طاريك تلايطي بس
شوق انقهرت
فتحت تلفونها سولفت مع صديقاتها لما نعست ..
فتحت الثلاجة لقت علبة فيها ورق عنب فتحتها وأكلت وشربت موية .. أذن المغرب والعشا صلت وطلعت من الغرفة راحت برا شافتهم يشون
شوق ابتسمت : الله مشااوي من زمان خاطري في كذاا
محمد : تعالي شيليهم
شوق :طيب
وبعدها صفوهم وكل واحد اخذ وحدة .. يسولفون وياكلون للساعة 1 بنص الليل .. الكل نعس وراح نام الا شوق كانت منسدحة على السرير وفاتحة التلفون وداخلة على محادثة جاسم تشوفه اون لاين وكل وبعد 10 دقايق طلع جاسم من الوتس اب بندت التلفون وحطت راسها ونـامت
التعديل الأخير تم بواسطة Bayan/m ; 07-29-2013 الساعة 09:56 AM |