والله ذبحتونا مجاملات يا أعضاء بسم الله الرحمن الرحيم
قوه اشلونكم
كيف الحال
راح اتكلم عن بعض الاعضاء عندنا وبكثره المجاملات يا جماعه والله في مجاملات في منتدانا شي غير طبيعي تشوف وحده كاتبه موضوع بايخ وماله اي اهميه او معنى وتشوف الغير يجاملها يعني مثلا مشكوره على الموضوع الروعه او خوش موضوع ويمكن الشخص نفسه ما قرأ الموضوع يعني ذاك اليوم كتبت موضوع عن الصور الرمزيه الغير اخلاقيه وكان جدا مؤثر وكان من ضمن اللي ردوا علي في الموضوع وحده تقولي مشكور ويعطيك العافية موضوع جدا جميل القهر ان صورتها الرمزيه هي اللي نتكلم عليهم قمت وما كثرت خبر طرشت لها رساله اقولها على شنو مشكور والموضوع عليج وعلى اشكالج تقولين صدقت وانتي حاطه صورة وحده شبه عاريه ردت اوووووووه والله ما لاحظت الموضوع يعني من غير ما قرأت اكتبت الرد علشان تجاملني وهذا اللي يقهر وشي ثاني وحده كاتبه موضوع تدعوا للرذيله تقول مافيها شي الحب قبل الزواج ومش حرام الحب ومافي احد ما يحب بنت الان اقول ترا مو غريبه لما وحده تكتب جذي لا في اخس منها في اللي تقول مافيها شي ان البنت تنام مع صديقها مع علم اهلها القهر مو منهم القهر منكم انتوا من اللي يردون على هالاشكال ويقولون لهم احنا نحترم رأيج ويعطيج العافية وموضوع قيم شنو هالخرابيط يا اخوان تركوا عنكم المجاملات والا دش منتدى الفن واللي يفترض ان يسمى العفن دش وشوف تشوف وحده حاطه صور نانسي عجرم شبه مفصخة القهر وبنك القهر ان اللي يردون عليها يعطيج العافية ومشكورة حبيبتي ويزاج الله خير على الصور والله مصيبه الحين اللي ينشر الرذيله مثل صور الغذرة نانسي الله راح يجزيه خير زين ياخوي علمنه من رواه الحديث مسلم او بخاري عن اللي ينشر الشر ان الله يجزيه يعني حتى على حساب الدين مجامله أستغفر الله على شنو عاد او شنو راح تحصل من هذا العضوة او ذيج العضوه تراكم ذبحتونا في المجاملات يعني انا عن نفسي اتم على الموضوع تقريبا نص ساعة اكتب فيه وبعدين يجي شخص يقول مشكور وهو ما قرأ الموضوع تعال يا بوك خذ كلمة مشكور تراها ماراح تغنيني والله لو انك تقرأ موضوعي وتستفيد منه وماترد علي احسن وأبرك من انك تجاملني والمجاملات الحين دشت حتى على حساب الدين قاموا الاعضاء يحللون ويحرمون على كيفهم بس على علشان يرضون صاحب الموضوع او يرضون نفسهم وانا اعلنها بصراحة اللي راح يكتبلي رد من غير ما يقرأ موضوعي يوفر على نفسه الوقت ويأخذ رده معاه يمكن هذا الموضوع ومواضيع غيرها بعض الاعضاء يزعل علي لاني اتكلم بصراحة وفي الصميم وهذي ما يعجب كثير منكم مع احترامي لهم ترا مو هذي همي انا همي اني شهر شهرين او سنه سنيتن واطلع من المنتدى بس اهم شي اني قلت كلمة الحق واني اترك بصمة خير في المنتدى ولا احد يزعل من كلمة الحق ويعطيكم العافية ومع السلامة .