08-11-2013, 06:03 AM
|
| |
مرحبا بكمل الروايه بدل الكاتبه حتي لاتعصبوا عليها
روايــــــة / دمّــــــر كـل مـا فينـي
البـآرت الخآمـس
في السياره , أم تركي : نفسي اعرف ليش رافض انك توديها المستشفى ؟
الوليد (يسوق السياره وجنبه ابوه ) : يمه واللي يخليك يالغاليه شوفيها جنبك مافيها شي , لو انها ما صحت لنا كنت اول واحد يوديها المستشفى
ابو تركي انسان ملتزم يخاف ربه وكان يفكر بردة فعل حنان وخاف انه السبب باللي صار خاصة ان هالزواج ما سأل حنان عن رأيها قبل لا يتم
ام تركي وهي تناظر لحنان : الحمدلله بس ودي اتطمن الحين حنان حسبة بنتي الجوهره وانا ملزومه فيها
حنان كانت تناظر من الشباك ومغطيه وجهها بالطرحه يعني راميتها على وجهها , الوليد انتبه ان جزء من صدرها برا وسكت وقال بنفسه : وش يعني لو طلع اصلا هي ما تهمني وانا ماخذها تسليه ومتى ما بغيت اختار شريكة حياتي اطلقها
ام تركي : حنان ... حنان يمه انتي جوعانه؟
حنان : لا خالتي مشكوره
ابو تركي : الوليد نزلني في الشركه وخذ امك وزوجتك وروحوا تعشوا
الوليد ما اعجبه الكلام بس ما يقدر يخالف ابوه : تامر امر يبه
ام تركي : ايه خلني اشوف الجوهره عشان تتجهز وتجي معانا
واتصلت على الجوهره
الجوهره : هلا يمه
ام تركي : وراك تقولينها بدون نفس
الجوهره : يممااااااه ... وشفيك علي انا تعبانه شوي وتو قاعده من النوم
ام تركي : طيب احنا بنروح نتعشى تبين نمر ناخذك معانا؟
الجوهره بفرح : والله؟؟ منو معانا؟
ام تركي : انا والوليد وزوجته .... حنان
هنا الجوهره تغير صوتها ونبرتها باين عليها الضيقه : لا مابي بأطلب لي عشى روحوا انتم انا تعبانه ومالي خلق اطلع
ام تركي : جوجو ... تجهزي لازم تتعرفين على زوجة اخوك
الجوهره : يممماه انا تعبانه شفيك علي
ام تركي : اقووولك اجـ....
قاطعها الوليد : يمه اتركيها براحتها انا ابي اخذ راحتي مع زوجتي
حنان ناظرت في المرايه اللي قدام كان يناظر لها الوليد وغمز لها ... ارتبكت وناظرت برا وهي ساكته
ام تركي : طيب خلاص براحتك ... وسكرت
...........................
نجود : وانت وش مزعلك حياتي ؟ انت الكسبان هذا انت اخذت ارض  00,000 الف ريال بعد وافتكيت منها وزوجتها
محمد : انا غبي غبي ....
نجود خافت ان زوجها غير رأيه وندم لأنه باع بنته و حن لها
محمد : كان المفروض اطلب مبلغ اكبر خاصة ان زوجها غني بس يا حسافه
ارتاحت نجود وابتسمت : عااادي يا بعدهم خلنا نفكر الحين ... عندي لك شور يعجبك
محمد : هاتي اللي عندك
نجود : نبيع هالبيت وتاخذ فلوسه مع الـ 300,000 وتبيع الارض وتشتري بيت كبير
محمد : بس انا افكر استفيد من الأرض
نجود : لا ما يصير لأن الارض يبي لها تبني فيها اللي براسك وراح يكلفك اكثر من الفلوس اللي عندك لا تنسى انها كبيره حيل
بيعها وشوف لنا فيلا والباقي نشوف له مشروع صغير
محمد : والله فكره بس خليني افكر فيها
نجود : حبيبي انا ماعمري قلت شي وتندمت انت عليه وشمعنى هالمره بس بتفكر؟ انت ما تثق فيني يعني
محمد : لالا شدعوه ... ابشري بعزززك وما بيصير الا اللي تبينه
نجود تقول في نفسها : لأنك غبي راح تنفذ كل اللي ابيه غصب عنك
.............................
تركي يشتغل في الشركه ودخل عليه ابوه وكان واضح عليه انه متضايق
تركي : يبه ؟؟ عسى ما شر وشفيك متضايق ؟؟ الوليد زعلك بشي ؟
ابو تركي : لا يا ولدي ... بس احس اني اخذت ذنب هالبنت مع اني كنت ابي أربي اخوك واحرمه من زواج راقي بعد ما فشلني قدام الناس وغير كل هذا .. حنان زوجته ......
تركي : اسمها حنان ؟ شفيها؟
ابو تركي : يوم دخلت علينا بعد الملكه ... مدري وش قالت لتركي واغمي عليها وبعد ما جبنا مويه وحاولنا نصحيها قعدت بس اللي استغربه ان اخوك رفض نوديها المستشفى
تركي : طيب ما سألته وش قالت
ابو تركي : سألته قال ما سمعتها عدل
تركي : يبه .. البنت تتدلع ومافيها الا العافيه والوليد الحين زوجها يعني الكلمه بالأول والأخير له .. مانبي نحسس البنت ان ماله كلمه عليها لا تنسى بيئتها يبه واذا شافتنا نوقف ضده في خصوصياتهم يمكن تتمرد عليه ولا تسمع له شور ... اذا تبي رأيي يالغالي ... اترك الموضوع للوليد .. يكفي انه تزوج بهالطريقه ولا عارضك
ابو تركي يثق بقرارات تركي ودايما يحسسه انه هو ذراعه اليمين واوقات ياخذ شوره عشان كذا اقتنع بكلام تركي
اتصل تركي على السكرتير عشان يجيب عصير بارد لأبوه واخذ شوية اوراق عشان يناقشها مع ابوه
..................
طاحت الملعقه من يد حنان وارتبكت ونزلت تاخذها من تحت الطاوله , والوليد يناظر لها ساكت ومتقرف انها بتاكل فيها مره ثانيه بعد ما شالتها من الأرض
ام تركي : لالا يا بنيتي اتركيها وبأطلب لك غيرها
حنان مسحتها بمنديل وناظرت لأم تركي : خالتي لا تطلبين لي غيرها بآكل بهذي انا مسحتها خلاص
الوليد وهو يغرس شوكته في الأكل ويناظر لصحنه : خلاص يمه خليها براحتها باقي ماتعودت على حياة الرفاهيه
حنان حست بغصه ودمعت عيونها من كلامه حست انه يهينها ...
ام تركي ماكانت تدري بالمغزى من كلام الوليد : لا تقولين خالتي قولي لي يمه ( وابتسمت بحنان ورقه)
حنان وقفت : ابي اروح الحمام
الوليد وهو يناظر بحدّه : اسمها .. دورة المياه
حنان وهي تناظر له وبعناد : معليش ما تعودت على كلام اهل الرفاهيه يا ابن الرفاهيه
ام تركي انتبهت ان الموضوع فيه شي وكانت تناظر لهم
الوليد قام وبعصبيه مسك يدها : امشي لدورة المياه ... انا بأوديك
حنان سحبت يدها : وخر عني .. انا أدلها
الوليد يدف كتفها ويصرخ بزعل : بـنـــــــــــــــــــــــت ...
حنان وصوتها بدا يرتفع : وش تبي ؟ مابيك تروح معاي غصب هو؟
ام تركي وقفت : بس خلاص قصروا اصواتكم فضحتونا
الوليد : يمه ماتروح ولا مكان الا وانا معاها
حنان : يمه مابيه يروح معاي ..
الوليد : غصب عنك ولا تتحركين خطوه الا بعد ما تاخذين الاذن مني
حنان : تحلــــــــــــــــــــــم ... انا حرة نفسي
الوليد : في بيت ابوك مو عندي ... (ناظر لها من فوق لتحت) ولو ان شكلك ما يأهلك عشان نقول حرة نفسها ... اللي سمعته ان ابوك دايسك ومشغلك خدااااااااااامه لمرته
حنان حست انها تكرهه وتتمنى يموت وحقدت عليه (ماتنلام لأن ابوها كرهها بالرجال والوليد كمل الناقص)
ام تركي : الوليد ؟؟؟ وش هالكلام؟؟؟ هذي زوجتك المفروض ما تعايرها باهلها ...
الوليد حس ان امه بتوقف مع حنان : اسف يالغاليه ومسك يد حنان وباسها .. حقك علي حبيبتي .. بس من خوفي عليك قلت كذا
حنان مسكت نفسها : ابي انام ودوني البيت يمه الله يخليك
الوليد : ماتبين دورة المياه .. اقصد الحمام (وباين بعيونه انه يستهزئ)
حنان طنشته وسحبت يدها : يمه تكفيييييين
ام تركي : طيب طيب يله مشينا القصر
حنان : أي قصر؟ لا انا ابي اروح بيت خالي
الوليد : ابشششششششششري ... اوديك بيت خالك
ام تركي : اللي تبينه يا بنيتي
ومشوا وكانوا ينتظرون الوليد عند مدخل المجمع وكان فيه اثنين واقفين ورمى واحد الرقم على حنان وهي تناظر للرقم وتناظر له ساكته
جا الوليد وشافهم وقرب لأمه وحنان وحنان انتبهت انه شافهم وتوقعت انه بيسوي مشكله وخافت ولصقت بأم تركي اللي كانت تكلم ام مها ولا انتبهت للي يصير
جاهم الوليد : يله مشينا (ببرووود)
حنان كأن احد اعطاها كف انصدمت انه غير مبالي ولا اهتم وكانت متأكده انه شافهم وخافت انه ناوي يهاوشها بالسياره
واللي صدمها انه يسولف ويضحك ولا اهتم ابد وفجأه وقف عند القصر
ام تركي تناظر له : وليش مانزلت زوجتك اول
الوليد : يمه ابيها بكلمه اذا تسمحين
ام تركي : انزين بس لا اشوفها تشتكي منك...
الوليد : افا يمه ابد بس ابي اراضيها ما تشوفينها زعلانه مني
ام تركي وافقت على كلامه ونزلت
حنان بغت تموت من الخوف وهو عدل المرايه وناظر لها : تعالي قدام
حنان : انا مرتاحه هنا
الوليد : ماراح اعيد اللي قلته .. دقيقه وحده وان ما جيتي قدام ماراح اوديك بيت خالك
حنان نزلت وجلست قدام ... حرك السياره وطلع برا وقعد يمشي بالسياره في طريق طويل .. اخذ مايقارب الساعه وهو يمشي بالسياره ولا تكلم ... (حنان تذكرت شي من ماضيها التعيس .. تذكرت ان هالموقف حصل لها من قبل .. بدت الأحداث تروح وتجي ...)
وقف سيارته في البر ونزل وفتح الباب من جهتها ونزلها وهي بتموت من الخوف وترجف
مسكها وثبتها على السياره وهو ماسك كتوفها وقريب منها حيل .. شال طرحتها ورماها ... هنا ... ماقدر يتحمل جمالها ... ولا قدر يحكم نفسه
الوليد يهمس : تدرين انك مووووووووت (وقرب منها)
حنان صرخت بصوت عاااالي : لااااااااااااااااااااااااااااااااااااااااااا (وقامت تدفه وتصرخ ) لا الله يخليك لااااا... لا تلمسني الله يوفقك .....
الوليد ما اهتم لصراخها وقعد يبوس فيها الين نطقت اسمه
حنان : سلماااااااااااان لااااااااااااااااااااااااااا الله يخلييييييييييك (وهي تبكي ومنهاره)
الوليد وقف ووخر عنها وهو مصدوم ولا هو مستوعب الاسم اللي قالته
الوليد بصدمه وهدوووء : وش قلتي؟؟
حنان تبكي وبخوف : ماقلت شي (انتبهت انها قالت اسم واحد ثاني... تمنت ان الأرض انشقت وبلعتها واندفن سرها معاها)
الوليد : طراااااااااااااااااااااااااااااااااااخ (ضربها كف بأقوى ماعنده) منوووووو سلمان ... تكلمي ياحقيره (كان يصارخ وماسك شعرها)
حنان وهي تصرخ : اتركني الله يوفقك .. والله ما ارخصت نفسي لمخلوق .. اتركني الولييييييييييد .. الله يوفقك اتركني
الوليد واعطاها كف ثاني بأقوى ما عنده الين طاحت على الأرض ومسك شعرها : ما ارخصتي نفسك يالكلبه .. وسلمان اللي ما قدرتي تمسكين نفسك وقلتي اسمه ؟؟ منوووو ؟ تكلمي يابنت الكلب ؟ والله لأنكد عيشتك وأوريك نار جهنم في الدنيا
حنان تحاول تفك يده وتبكي بحراره : ورب البيييييييت مظلومه .. وربي ما سلمته نفسي ... هو اعتدى علي ... نجود رتبت له كل شي واغتصبنيييي ... ورب البيت هذا اللي صار
الوليد وهو ماسك شعرها ويتكلم بقهر : وتبيني اصدقك يالحقيره .. تبيني اصدق كلامك .. شايفتني هندي عندك ..
حنان وبدت تدوخ : اذا منت مصدقني .. اذبحني هنا .. اذبحني وارميني هنا... انا مكتوب علي التعاسه والألم طول عمري .. اذبحني وريحني من هالعذاب
الوليد بكل قسوه : لااا .. ماراح اذبحك عشان ماترتاحين .. راح اعذبك وراح تطيعين كل كلمه اقولها لك .. ووالله العظيم لو اشوفك تخالفيني غير اعلم الكل بسواتك ياحقيره وأرميك عند أبوك واعلمه بكل شي
حنان بخوف يقطع القلب : لا .. ابوس يدك .. ابوس رجولك (وقعدت تحب يده ورجوله) ابوي ونجود لا .. الله يخليك .. اصير خدامتك ... مابي عرس ولا ابي أي شي.. بس ابوي لا .. الله يخليك
الوليد وناره ما طفت : راح تكونين خدامه عندي ولا راح المسك لأنك نجسه بنظري
حنان وبدت تنهار وبصوت مبحوح : اللي تبيه راح اسويه .. بس ابوي لا .. الله يوفقك .. ابوي لا
الوليد دفها ع الارض : قومي اركبي
وركب وهو يفكر مو مستوعب اللي يصير له ..
حنان ركبت وهي بتموت من الخوف وفمها فيه دم وجبهتها فيها خدش لانها طاحت على التراب وانجرحت لما طقها بقسوه وكانت لازقه بباب السياره تمنت لو انها تموت وترتاح
حرك الوليد بسرعه للقصر ولا نطق بأي كلمه
.................................
الجوهره تكلم بالجوال : لا قلبووووو .. بكره مايمديني
احمد (معلم – 25 سنه - تعرفت عليه من النت) : يوووه يا روحي وانا الين متى اصبر؟ لازم اشوفك
الجوهره : وش اسوي بكره عندي محاضرات ومهاوي بتكون معاي ماراح اقدر اروح واجي ..
احمد : جد زعلت منك
الجوهره : يؤ ؟ لا قلبوووو ... خلا ص اوعدك اشوف اقرب وقت واشوفك فيه
(سمعت حركه برا غرفتها)
الجوهره : حمودي بيبي اكلمك بعدين ... باي
احمد : اوكي .. باي
قامت بسرعه وفتحت الباب وشافت الوليد وهو رايح غرفته وحنان تمشي وراه ولا شالت طرحتها عن وجهها وعباتها كلها تراب
الجوهره : وععععععععععع وش ذي
حنان سكتت مافيه شي راح يألمها اكثر من قسوة الوليد عليها وكلامه لها
الوليد ناظر لحنان وعباتها وناظر للجوهره وبصرامه : هذي اخر مره اسمح لك فيها تتكلمين عن زوجتي كذا .. فهمتي؟
حنان مو مستوعبه .. وش اللي يصير ؟؟ هذا الوليد اللي قبل شوي كان بيدفنها تحت الأرض
الجوهره باستغراب : مسرع لحست مخك اعرفك محد يدخل مزاجك
الوليد بشده : الجوهــــــــــــــــــــره .....
ام تركي طلعت على الصراخ وناظرت لحنان وعلى وجهها علامات استفهام : وش السالفه ؟؟؟؟؟ ليش ما وديت حنان ؟؟ وليش عباتها كذا ؟؟؟
الجوهره : مامي كل انسان مايستغني عن بيئته
الوليد قرب من الجوهره بيضربها وشردت غرفتها وسكرت الباب
ام تركي : الوليد وش السالفه
الوليد : محد فتح لها الباب ... شكل خالها مو بالبيت وهي بتنزل طاحت وتوسخت عباتها .. هذي كل السالفه
ام تركي مو مقتنعه وناظرت لحنان
حنان تهز راسها بالايجاب : ايه يمه هذا اللي صار
الوليد حس براحه رغم ضيقته : يمه معليش شوفي لها غرفه ترتاح فيها انا بأروح انام
ام تركي : لا توصي حريص هذي الساعه المباركه انها تبقى عندنا .. غرفتها بتكون جنب غرفتك
واخذت حنان لغرفه جنب غرفة الوليد وتعمدت تخليها جنبه لأنها ماتبي جوجو تضايقها
دخلت حنان وشالت عباتها وام تركي تناظر لوجه حنان وشكت ان ولدها مسوي بالبنت شي بس ما حبت تتدخل وجابت قميص نوم اسود حرير وقصير الين نص الفخوذ واعطته لحنان
الغرفه كبيره حيل ومفروشه بأروع الاثاث الايطالي والوانها مابين الابيض والموف الغامق
طلعت وتركت حنان تاخذ راحتها
حنان ارتمت على السرير تبكي بحرقه ... في اللحظه اللي انكتب لها تبعد عن ابوها ارتبطت بانسان ناذر على نفسه يعذبها .. تذكرت امها وجلست تبكي وتبكي ... قامت بعدها واخذت شاور ولبست القميص وطلعت وهي ماسكه على فمها وحاسه بصداع ... ارتمت على السرير ونامت
........................
الصباح ... العايله كلها تفطر عدا الوليد وحنان ...
ام تركي حكت لأبو تركي اللي صار وان حنان عندهم ... جوجو كانت متضايقه وساكته ... تركي ما تفرق معاه
ام تركي : ابو تركي نبي نجهز للعرس شرايك؟
ابو تركي : ماعندي مانع بس اصبري اكلم خالها وابوها
ام تركي : لا ليش ابوها ؟ انت نسيت وش مسوي؟
ابو تركي وانتبه ان جوجو بدت تناظر وتهتم للسالفه : اوكي اللي تشوفينه ... وقام للشغل
تركي : سلام .... ولحق ابوه
الجوهره وهي تقلب قطعة خبز : مامي ؟ وش سالفة ابو حنان؟
ام تركي : مافي شي .... يله اخلصي عشان اروح معاك تنزلين الجامعه وانا بأروح لأم مها
الجوهره : وش تبين فيها ؟
ام تركي باستغراب : جوجو ؟؟ مو كنك ملقوووفه بزياده ؟
الجوهره : مااامي خلاص انا بس احب اعرف اللي يصير حولي مو اضل ضايعه وما اعرف وش السالفه
ام تركي : طيب اخلصي عشان ما تتأخرين .. وقامت تلبس عباتها
الجوهره : اوكي
الوليد ولأول مره يقوم بدري يتذكر كل شي صار وراسه بينفجر .. ماقدر ينام ولاهو مستوعب شي ... صحى وأخذ شاور ولبس شورت وتي شيرت اسود وطلع وناظر للغرفه اللي جنبه ... جاه فضول رغم انه ما نسى اللي صار... فتح باب الغرفه بهدوء
كانت حنان متمدده على السرير مثل الأطفال وضامه المخده ... قرب الوليد منها وشاف الخدش اللي براسها والجرح اللي بشفايفها ... تذكر اللي صار وقعد يفكر كيف يخلص من هالبنت ...
فتحت عيونها ولما شافته فزت وخافت وقامت ورجعت لآخر السرير ... وكانت تنزل قميصها على رجولها وهو يناظر لها وساكت ....
قام وطلع وتركها
قامت تناظر للغرفه وسكرت الباب ولقت ملابس اكبر من مقاسها شوي
اخذت بيجامه ورديه مرسوم عليها دبدوب لونه بيج اكمامها طويله ...
نزلت وكانت مره جوعانه ... شافته جالس ويشرب شاي وكان يناظر لها
جات بتطلع فوق
الوليد : تعالي
حنان التفتت له وماعرفت وش تقول له كانت خايفه
الوليد : لما اقول شي ما احب اعيده
نزلت وكانت واقفه ورا كرسي مقابله له
الوليد : اجلسي وافطري
حنان وهي ترفع خصلاتها عن وجهها : مابي اكل
الوليد : براحتك
وقام وطلع برا
حنان تأكدت انه راح وجلست تاكل لوحدها
.............................
راح الوليد لأصحابه مالقى احد يفضفض له غيرهم بس ما قال لهم انها مو بنت ماقدر يقول هالشي لهم
مشعل : والله ياهو ابوك عرف لك....
حامد وهو يضرب كتف مشعل : وش هالكلام ... ياتقول شي يفيد والا اسكت
مشعل : ياخوي انا ما اقصد شي بس اعرف الوليد محد يقدر عليه
الوليد : انا مادري وش السواة ... امس طقيتها وذبحتها طق ... ما اقدر اتخيل انها زوجتي ..
حامد : والله اني حاس فيك يا الوليد ... وتركي ورا ما تقوله؟ يمكن يساعدك
الوليد : تركي ماراح يسوي شي تفكيره نفس تفكير ابوي
مشعل : طلقها
الوليد يناظر له ساكت
حامد : وش تقول انت ؟؟؟ وش يطلقها ؟؟؟
مشعل : وانا صادق .. يطلقها ويتركها عند خالها
الوليد : لا ... ما راح اطلقها انا ابي اذلها
حامد ومشعل يناظرون في بعض وفي الوليد باستغراب
الوليد انتبه انه قال شي المفروض مايقوله
حامد : الوليد .. البنت مهما كان كرهك لها .. تراها بذمتك وراح تتحاسب عليها قدام رب العالمين ... خاف ربك لا يبلاك في اغلى ناسك بسبب هالبنت
مشعل : ان كنت ما تبيها طلقها بس لا تظلمها معاك
الوليد : خلاص خلاص غيروا السالفه...
مشعل : شرايك نروح الاستراحه؟
حامد : ايه نروح يومين نغير جو
الوليد : الصدق محتاج اني ابقى بعيد بس بابلغ الوالده عشان ما تنشغل علي
اتصل على امه لقى جوالها مغلق
واتصل على البيت ردت حنان : الوو؟
سكت الوليد
حنان : الو؟؟؟
الوليد : منو سمح لك تردين؟
حنان ماعرفت صوته : منو انت ؟؟؟
الوليد باستهزاء : صرتي من شيوخ البيت؟
حنان : كل .. تراااااااااااااااااااب ...
وسكرت بوجهه الخط
الوليد : شباب بعد ساعه القاكم بالاستراحه
ومشى وترك علامات استفهام على وجيههم
كان ماشي بسرعه ومتضايق لأنها سبته وفي الواقع هو يبي عليها الزله او الخطا
حنان كانت جالسه مع ام تركي وهي تقيس عليها الملابس اللي اشترتها لها.... دخل الوليد وهو معصب
مسكها من يدها : انت منو سمح لك تردين ع التليفون؟ هااااه ؟؟؟ وانا ... انا اكل تراب يا حقيـــــــــــــره ... واعطاها كف
حنان ارتمت على الكنبه وهي تبكي : والله ... ما كنت ... اعرف ...
ام تركي وقفت بوجهه : الوليييييييييييييييييييييييييد .... اطلع برااااا
الوليد يحاول يمسك حنان وامه تمنعه : اناااااا ... اناااااا ينقال لي كل تراب يالحقيره ...
ام تركي : الوليييييييد وخر عن البنت .....
الوليد : ماتنلامين ... تربية بيئه ... وفلتانه من يوم يومك
حنان وقفت وهي تبكي : اذا انا بيئه وفلتانه انت شنوووو؟؟
الوليد : لك عيييين تتكلمين وانا ساتر عليك وساكت .....
ام تركي وقفت فجأه : وش قصدك ؟؟؟؟؟؟؟؟؟؟
حنان خافت وناظرت للوليد تترجاه ما يقول لخالتها يكفي انه هو يحتقرها
الوليد وبدا يهدا : يمه ... اقصد اني فكيتها من ابوها ....
هيييييين ... اوريييييييك ... وطلع غرفته
ام تركي تضم حنان : معليش يابنيتي ... والله انه مو كذا بس تغير بعد ما تزوج ... تراه طيب حيل يا بنيتي ... تحمليه ...
حنان وهي تمسح دموعها : يمه هو زوجي لازم اتحمله ...
ام تركي بابتسامه : الله يرضى عليك ... تراه يجي بالكلمه الطيبه ... روحي راضيه يابنيتي ...
حنان متردده : ابشري يمه...
وطلعت لغرفتها وطنشت غرفته ولما جات بتسكر الباب فتحه ودخل وسكر
التفتت له وهي خايفه ورجعت لـ ورا ...
حنان : وش ... تبي
الوليد وهو يقرب منها : ابي اذبحك
حنان بصوت مبحوح : تكفى ... وربي تعبت
الوليد : تدرين اني مجبور عليك .. تدرين اني ما ابيك ... تدرين اني اكرهــــــــــــك ... اكرهك من كل قلبي
حنان بصوت عالي : خلااااااااااااااااااااااااااااااااص اسكت ... اسكت مابي اسمع شي اسكت
الوليد : انتي .... حقييييييييييييييييييييييره
ركضت لدورة المياه سكرت الباب بس دفه بقوه ... راحت اخذت شفره وحطتها قرب معصمها : وخر عني ... وخر عني الوليد
الوليد خاف ووقف مكانه : حنان ... هاتي الشفره
حنان بصراخ : قلت لك وخر عني
الوليد : حنان ... بلا جنون ... هاتيها
حنان : الله لا يبيحك ولا يحللك .. لا انت ... ولا ابوي
وشقت يدها
الوليد : حناااااااااااااااااااااااااااااان .........
رمى الشفره ومسك يدها كانت تنزف دم وطاحت على الأرض
شالها وهو بيموت خوف عليها ... نزل ركض وامه شافتهم بغت تنهبل : الوليييييييييييييييييييييييييييد ؟؟؟؟؟؟؟ يا ويل قلبي شفيهاااااااا؟؟؟؟
ما رد عليها وركب السياره وكان حاطها جنبه وتحرك للمستشفى
ام تركي قعدت تتصل على الوليد بس ما رد عليها وما قدرت تلحقهم لأنها مو عارفه أي مستشفى بيروح له
........................
في المستشفى
الوليد واقف وحاط راسه على الجدار (الله لا يبيحك ولا يحللك .. لا انت .. ولا ابوي) كلماتها ما فارقته .. حس بتأنيب الضمير وانها ضحيته هو وابوها.. جواله يدق وما رد على احد .. طلع الدكتور
الدكتور : انت قريبها
الوليد : ايه يا دكتور طمنني عساها بخير
الدكتور : الحمدلله لحقنا عليها في اخر لحظه .. لكن راح تواجه مشكله اصعب
الوليد بخوف : وش هي يادكتور؟
الدكتور : البنت عندها اكتئاب .. مرض نفسي بسبب الحرمان والرفض ... وهالمرض هو السبب في محاولتها الانتحار
الوليد مصدوم :............
الدكتور : هالمره كنت موجود واسعفتها بس المرات الجايه ممكن تكون لوحدها وتخسرها للأبد ..
وتركه وراح
الوليد مصدوم من كلام الدكتور ولا فاق الا على صوت بنت وراه : الوليد؟؟
التفت وفتح عيونه : انتي؟؟
اميره : ايه انا ... وش عندك هنا ؟
الوليد بعصبيه : وانتي شكو؟
اميره : ههههههه اعصابك بيبي ... انا اشتغل هنا ممرضه والا نسيت
الوليد انصدم والتفت لها ... لو عرفت ان حنان هنا ممكن تأذيها
طلعت النيرس من غرفة حنان وجابت اوراق للوليد : ممكن توقع هالأوراق؟
اميره تناظر للاسم .. حنان احمد الـ....
الوليد وقعها ومشت النيرس
اميره : سلامات ... اعرف ان عندك الجوهره وامك .. منو هالبنت اللي جوا ؟
الوليد : مو شغلك اميره واتركيني في حالي
اميره : صيده جديده يعني ... ههههههه ...
الوليد طنشها
اميره : حبيبي والله اني مابي ازعلك بس انت قهرتني في المووول ... الوليد انت تعرف شكثر احبك واضحي بكل شي لجلك
الوليد بجديه : اميييييييره ... اللي جوا زوجتي ... انا مابيك ... والدليل اني مابيك اني تزوجت
اميره انصدمت وحست بالنار تشتعل داخلها : اها .. حنان هي زوجتك ..
الوليد : ايه وانا احبها واموت فيها ومستحيل ارضى بغيرها ... عن اذنك بأروح اتطمن عليها وياليت تنسين الوليد
اميره سكتت الين راح : والله ما اتركك تتهنى معاها .. وغير تندم على اللي سويته ...
الوليد دخل واتصل على امه واعطاها اسم المستشفى وقال لها ما تعلم احد وتجي لوحدها وفعلا اخذت السياره وجابها السواق
كان الوليد جالس على حافة السرير ويمسح على راس حنان وهي نايمه
دخلت امه وبهدوء : وش السالفه الوليد .. قلبي بغى يوقف ... وش فيها حنان ؟
الوليد بهدوء : كانت بتنتحر
ام تركي تفاجأت : اييييييش؟؟؟
الوليد : يمه ارجوك انا تعبان خلي هالموضوع نتكلم فيه بعدين
ام تركي : اقص يدي ان ما كنت السبب .. خلنا نتطمن على البنت وعقبها يصير خير
الوليد : يمه انا بأبقى معاها الين تطلع
ام تركي : لااا ... انا باجلس معاها وانت روح مابي اشوفك الين تقوم البنت وترجع البيت
الوليد : يمه ارجووووك .. حنان زوجتي وابي اجلس معاها
ام تركي بعصبيه : الحين بس تذكرت انها زوجتك
حنان بصوت متقطع : يـ .. مه
الوليد ناظر لها وكانت نظراته كلها خوف عليها
ام تركي : عيون امك
حنان : يمه خـ..ليه ... يجـ..لس .. معـ..ااي
ام تركي : بس يا بنيتي
حنان : تـ..كفين
ام تركي : طيب طيب لا تجهدين روحك حبيبتي
الوليد خنقته العبره حس ان وده انه مات ولا صار اللي صار
ام تركي جلست شوي وراحت القصر
الوليد بهمس وصوته كله طيبه وهو ماسك يد حنان ويلعب بشعرها بيده الثانيه : ليش سويتي كذا
حنان وهي تبعد عيونها عنه : انت .. تكرهني .. ومحد يحبني ..
الوليد : منو قال اني اكرهك
حنان حطت عينها بعينه : انت قلتها لي
الوليد : انا غبي .. حمار .. ثور
حنان : لا تقول عن نفسك كذا
الوليد : عسى اللي فيك فيني يا روحي
حمرت خدود حنان اول مره يتغزل فيها الوليد : لا لاتدعي على نفسك
الوليد : تخافين علي؟
حنان : خلاص .. انا استحي
الوليد : ههههههههههههههههههه
حنان تقول في نفسها : (ياربي .. كل مافيه يهبل حتى قسوته وضحكته)
الوليد شافها سرحت وقرب وطبع بوسه على جبهتها
حنان بتردد : انت .. انت مجبور على الزواج مني
الوليد : ومبسوط اني انجبرت
حنان : تضحك علي؟
الوليد : حنان انا اول مره ماكنت راضي بس لما شفتك انجذبت لك .. والحين ...(وسكت)
حنان : ايش؟
الوليد : اعطيني بوسه واعلمك
حنان : لا مابي
الوليد : ههههههههههه وحده بس مو انتي زوجتي وحلالي
حنان : قول واعطيك اللي تبيه
الوليد : اللي ابيه؟
حنان : ايه .. اللي تبيه
الوليد : الحين أحبك
حنان انحرجت حيل وما عرفت وش تقول
الوليد : تراك وعدتيني
حنان : ايش؟
الوليد : مسررع نسيتي .. اللي ابيه
حنان : ايه .. غيرت رأيي ... ورفعت حواجبها
الوليد : ههههههه لأنك مريضه ماراح اسوي شي بس تطلعين بالسلامه وراح اخذ اللي ابيه منك
حنان : الوليد
الوليد حس انها تبي تقول شي : عيوووونه وروووحه وقلبه
حنان ونزلت دمعه على خدها : انا مالي غيرك .. الموت أهون من انك تعذبني بذنب مااقترفته برضاي
حط الوليد يده على شفايفها : شششششش ... حنان .. انسي كل اللي راح .. انا ابوك واخوك وزوجك وكل شي وصدقيني راح اغير حياتك للاحسن حبيبتي
حنان ابتسمت وضمته مو مصدقه ان هذا الوليد اللي كان ما يطيق حتى شوفتها
: احم احم سوري قطعت اللحظات الرومنسيه
الوليد التفت وتغيرت ملامحه لما شاف اميره وحنان تناظر لها بهدوء
اميره معاها ادويه وابره : يله حبيبتي هالابره باحطها بالمحلول والأدويه تاخذينـ...
الوليد بجديه : لا تقربين منها اقطعك الف قطعه .. فاهمه؟
حنان تناظر الوليد ومستغربه
اميره حقدت : هذي اوامر الدكتور
الوليد : الدكتور يجي بنفسه يشرف على حالتها .. غيره لا
اميره : براحتك بس لو ماتت انت بتكون السبب
حنان فتحت عيونها بقوه
الوليد : فالك ما قبلناه ... تفضلي برا لا يصير شي ما يسرك
اميره : تطردني يا الوليد ؟ بسيطه انا اعلم زوجتك بكل شي
الوليد قام : اقولك براااااااا
حنان مسكت يد الوليد وابتسمت له وناظرت لأميره : نعم حبيبتي .. وش تبين تقولين لي عنه
الوليد خاف : حنان .... هذي تبـ...
حنان : الوليد ارجوك ... ابي اسمعها
اميره بأسلوب وحده مستانسه: زوجك نام في حضني طول السنتين اللي راحت ... علاقتنا كانت ما تنوصف ... لدرجة انه نام معاي كذا مره ..
الوليد جا بيتكلم ومسكت يده حنان
حنان : كملي
اميره : ووعدني بالزواج لما يطلقك
الوليد : كذااااابه .. حنان لا تصـ...
حنان : وغيره ..
اميره : وبس حياتي ... تراه جايبك هنا عشان يكون قريب مني
الوليد وبدا يفقد صبره : يالكذابه يالـ....
حنان : شوفي حبيبتي .. انتي قلتيها .. كان ومن سنتين .. اللي صار قبل زواجي ماراح اعتبره شي اساسا ... وانا اثق في زوجي ولا راح اصدق مييييييييين ما كان فيه ... ممكن تتفضلين برا والا تحبين اطلب لك الأمن
الوليد مصدوووم وماتوقع ان حنان بهالجرأه والبرود استانس وكان بيضحك من ردة فعلها
اميره تسمرت وناظرت للوليد نظرة حقد وطلعت
الوليد ناظر لحنان ومسك يدها وباس خدها : يافديييييييييييييييييييييتها والله
حنان ناظرت له بطرف عين : نمت معاها هاه
الوليد : حياااااتي .. تغارين من هالاشكال
حنان بحياء : اغار عليك
الوليد : الله لا يحرمني منك يابعدهم
حنان : ولا .. ولا منك يا ..
الوليد : قوليها
حنان بغنج : مااااااااااابي
خق عليها الوليد : ذبحتيني يا بنت .. حبيت ابوي زود لأنه اختارك لي
حنان : ههههههههههههههه
الوليد : تبين نروح البيت؟
حنان : ايه ... ما احب المستشفيات
الوليد : ولا انا (وقام يتصل على الدكتور عشان يخلص اجراءات الخروج خاصة انه مو مرتاح لوجودها بمكان فيه اميره)
...........................................
الأمور تحسنت بين الوليد وحنان ... لكن الجوهره ومها وش اللي يخططون عليه وتركي وش موقفه من تدخل مها ... وأميره اللي عرفت ان الوليد حبيبها السابق صار لوحده غيرها وش بتسوي... حنان اللي بدت ابواب السعاده تنفتح لها وش بتكون ردة فعلها ... سلمان ونجود ومحمد اللي حطهم الوليد براسه وش ناوي لهم ...
انتظروا البارت السادس اللي يحمل مفاجآت جديده
اتمنى اني وفقت في سرد الأفضل ولكم أجمل الأمنياااات
تحياتــــــــــــي
__________________ إذا ضاقت عليك الأرض بما رحبت، وضاقت عليك نفسك بما حملت فاهتف ... يا الله
إذا بارت الحيل، وضاقت السبل، وانتهت الآمال، وتقطعت الحبال، نادي ... يا الله
لا اله الا الله رب السموات السبع ورب العرش العظيم 
|