انا .... انا يفضل علي وحده مثل هذي؟؟؟(كانت عبارة اميره اللي قالتها وهي رايحه جايه في غرفتها)
سوزان (صديقتها ومن نفس عمرها 23سنه وموظفه معاها) : يا أميره دام الولد قال ما ابيك خلاص اتركيه وش لك بالمشاكل .. ماراح تستفيدين شي غير التعب وحرق الأعصاب
أميره بعصبيه : انتي اسكتي ... ماراح اتركه يتهنى ... لا .. ليش هو ؟ انا ادمرها هي وأخليه يعيش بعذاب طول عمره ...
سوزان : طيب انتي اهدي ولكل حادث حديث بس نصيحتي لك .. اتركيهم في حالهم منتي قد الوليد .. وصدقيني لو حطك براسه ماراح يفكك منه أي أحد حتى امك وابوك ماراح ينفعونك
أميره وهي تناظر لسوزان وكل نظراتها حقد وكره : قلت لك اسكتي مابي اسمع نصايحك ... فاهمه؟
سوزان : اقوم اروح بيتي احسن لي ... باي
اميره ماردت عليها وأفكارها توديها وتجيبها
.........................
بعد أسبوع عايلة ابو تركي جالسين في الصاله كلهم ماعدا الجوهره
ابو تركي جالس وجنبه حنان وهو يمسح على شعرها : هاه يا بنتي ... متى تبينا نسوي العرس؟
حنان استحت وناظرت تحت شوي ورفعت عينها للوليد اللي كان يناظر لها وغمز لها ... انحرجت زياده ورفعت خصلاتها : اللي تشوفونه عمي
ام تركي : احنا نبي اللي يريحك حبيبتي .. وش اللي ودك فيه ؟
(الوليد حكى لأمه عن حالتها وانها عندها اكتئاب وبطريقتها علمت ابو تركي عشان كذا الكل يحاول ما يزعلها ماعدا الجوهره اللي مو عارفه شي ولا تبي تعرف)
حنان : براحتكم يمه ..
ابو تركي التفت للوليد : هاه يا الوليد .. ما اتفقت مع زوجتك على الزواج؟
الوليد وارتسمت ابتسامه تسحر على شفايفه خلت حنان تسرح وهي تناظر له : والله لو علي يبه بأقولك الحيييييييين ابي العرس
ام تركي : ولد ... عيب تقول هالكلام بحضور ابوك
ابو تركي : هههههههههههه خليه يا ام تركي توه يعرف ان الحلال غير عن .... (وسكت)
الوليد تضايق وناظر تحت
حنان التفتت لأبو تركي تذكرت أميره وكلامها وفهمت من ابو تركي ان الوليد له سوابق ...
ام تركي تغير الموضوع : الوليد وين اختك واخوك؟
الوليد وهو يرفع يده على شعره : تركي لبس وراح يقول يبي يشوف مندوب من شركة ابو راشد عشان يناقشه في شوية اوراق ,,, وجوجو ما ادري عنها ...
ابو تركي : حنان .. ما اشوفك تسولفين مع الجوهره ولا اشوفكم تجلسون مع بعض؟ عسى مافيه شي بس؟
ام تركي : أي والله ودي انكم تكونون اقرب لبعض ..
حنان ما عرفت وش تقول هي تدري ان الجوهره ما تطيقها ولا تحبها وما تبي تقول هالشي لأحد
الوليد غير الموضوع لأنه عارف ان اخته ما تحب حنان : يمه وش رايك تاخذين حنان للمشغل؟ ابيهم يقصون شعرها
حنان : ليش ؟ شعري مو عاجبك ؟
الوليد : لالالا عاجبني ونص بس من باب التغيير
ام تركي : وشفيه شعرها يهبل ما شاء الله عليها ... لالا انا من رأيي ما تقصه
ابو تركي : ول ... خلوا البنت تختار ... يمكن هي تحب تغير؟
الوليد : خلاص خلاص خلاص ... خلوها زي ماهي ... اصلا حتى لو هي صلعه راح تعجبني ههههههههههه
حنان : صلعه بعينك
ام تركي وابو تركي : ههههههههههههه
الجوهره نازله من على الدرج ولابسه بيجامه ورديه مع رمادي وباين انها ما نامت : صباح الخير
الوليد وحنان : صباح النور
ام تركي : هلا ببنيتي
ابو تركي : اهليييييييييين بدلوعة ابوها وشفيك صحيتي متأخره؟
الجوهره وهي تخز حنان لأنها جالسه جنب ابوها : ابد .. جاني أرق وما قدرت انام بابي
قربت من حنان ووقفت قدامها : حنونه لو سمحتي قووومي ابي اجلس جنب بابي
حنان انحرجت وما عرفت وش تسوي
ام تركي : جوجو تعالي اجلسي جنبي
الجوهره : لا ... ابي جنب بااابي وحشني مررره
الوليد يخزها : اجلسي جنبه من الجهه الثانيه
الجوهره : ماااااااابي .. قوومي يلاااا
ابو تركي : جوجو حبيبتي تعالي هنا (الجهه الثانيه)
الجوهره بعناد ودلع : مااابي مااابي ابي اجلس هنااا يلااا قومي
حنان قامت : انا بأطلع فوق .. (مرت جنب الوليد ومسك يدها وسحبها الين جلست جنبه وحط يده وراها وهي ساكته)
حنان تهمس وعينها بالارض من الحياء : الوليد .. خلني اطلع فوق
الوليد وتعمد يرفع صوته : الجلسه ما تحلى الا بوجودك
الجوهره وهي متكيه في حضن ابوها ومقهوره من اخوها : يبه ابي اروح المول
ابو تركي : خلي السواق يوديك جوجو
ام تركي : لالالا انا احتاج السواق اليوم ابي اروح اجيب ملابس واغراض لحنان .. لحد يقول يبي السواق والسياره
ابو تركي يناظر للوليد : الوليد تودي اختك المول
الوليد : ابشر يبه ما طلبت شي
الجوهره تبوس خد ابوها : تسلم لي يا احلى ابو بهالدنيا كلها
ابو تركي : هههههههه
حنان تذكرت ابوها وقسوته ودمعت عينها وقامت مسك يدها الوليد : وين؟؟
حنان تحاول ما تناظر له : ابي اطلع ارتاح احس اني مصدعه
ام تركي : سلامتك يمه ما تشوفين شر
ابو تركي : نوديك المستشفى؟
حنان : لا عمي شويات ويروح الصداع ( وراحت غرفتها )
الوليد قام : عن اذنكم بأروح اشوف شفيها
الجوهره : العصر بأروح المول ومهاوي معاي بعد
الوليد يناظر لها : الساعه 4 تكونين جاهزه (وراح)
حنان جلست على السرير ومسحت دموعها .. وقفت عند المرايه وتقول في نفسها (الله لايسامحك يبه .. دمرتني .. ) وقعدت تبكي الين مسك كتفها الوليد
الوليد : حنان ... وشفيك؟
حنان بدون لا تلتفت له : تذكرت ابوي لما شفت عمي ومعاملته للجوهره
الوليد : حنان .. انا مو قلت لك انسي اللي راح
التفتت له : بس انا كنت احتاج له ... لولاه ماصار اللي صار ... وانت وش ذنبك تاخذ وحده مو بنت؟
حط يده على فمها : حنان ... مابي اسمع هالكلمه مره ثانيه .. ارجووك .. انا راضي فيك وابيك زي ما انتي.. وسلمان والله غير اخليه يعض اصابع الندم
حنان رفعت يدها ونزلت يده : مابيك تسوي شي .. انت ما تعرف سلمان ... اخاف يسوي لك شي
الوليد : يخسي ويعقب ... انت اجلسي واحكي لي كل شي ... من حقي اعرف كل شي
حنان بتردد : بسـ...
الوليد : أرجووووك ... هذا من أبسط حقوقي
حنان جلست على طرف السرير وجلس جنبها الوليد : الوليد .. اوعدني ما تروح له
الوليد : اووووعدك ما اروح له ... يله احكي لي كل شي
حنان وهي تمسح دموعها : قبل 5 سنوات تقريبا كان عندنا مناسبه .. مسويها ابوي لزوجته لانها سوت عملية الزائده الدوديه وطلعت بالسلامه .. البيت كان كله ضيوف .. نجود كانت تعرف واحد وكانت تكلمه ويجي البيت لما ابوي يكون برا .. لما اتكلم تكويني بالنار وتهددني انها راح تفتن علي عند ابوي وتقول لسلمان اذا كبر الموضوع انه يقول اني اعرفه وكان يجي عشاني انا وابوي اعرفه راح يصدقها .. كنت اخاف و اطنشها وادخل غرفتي وما اكلمها ابد .. وبليلة العزيمه .. ابوي جاب اغراض كثيره للعزيمه .. زوجته جات وانا اشتغل بالمطبخ وقالت لي روحي نزلي الاغراض .. السياره كانت عند مدخل البيت والمكان ظلمه حيل .. نزلتها من السياره للارض عشان ادخلها .. و .. و... (وشهقت وهي تبكي وغطت وجهها بيدها)
الوليد يناظر لها ويحاول يمسك نفسه لأنه حس ان فيه شي داخله يقول له انها صادقه بكل اللي تقوله
نزلت يدها وصار تحت عيونها لون وردي فاتح من كثر البكااا : وما حسيت الا وواحد غطى فمي و .. وسحبني لبرا .. كنت احاول افك يده واصيح بس يده ماخلت مجال لان احد يسمعني .. كنت بالسياره ورى وكان معاي واحد ماسكني وانا اصرخ وسلمان يسوق السياره
اللي جنبي قعد يضربني كف ورى كف ووقف بالبر ونزلني سلمان وقطع ملابسي و.....(وسكتت)
التفتت للوليد : تكفى مابي اكمل
الوليد :.............
حنان : انا اتقطع الف قطعه بسببهم .. مابي اتذكر شي ... تكفـ (ضمها الوليد)
الوليد ماقدر يتكلم لأنه حس بنار اشتعلت داخله من اللي سمعه ولام نفسه لأنه كان قاسي معاها
الوليد بصوت هادي : نذرٍ علي .. اخذ حقك منهم واحد واحد ..
حنان وخرت عنه وناظرت بخوف : لا ... ارجوك لا تسوي شي .. اخاف يصير لك شي .. انا مابقى لي الا انت (وقعدت تبكي)
حط يدينه على خدودها : حنان .. انتي ما عرفتيني .. وراح تشوفين بنفسك وش بيصير ... بس مابيك تبكين بعد كذا ابد .. اوكي؟
حنان : لاا.. انت وعدتني ؟؟
الوليد : حنان ... انتي ماتعرفيني .. والأيام تثبت لك انه محد يوقف بوجهي أو يقدر علي
حنان : أنـ...
الوليد : خلااااص ... قومي اغسلي وجهك عشان ننزل تحت تأخرنا عليهم
حنان : انا أبي اجلس هنا شوي
الوليد : اوكي ... انا بانزل تحت
حنان : طيب
(كان تركي برا وسمع كل شي ... راح غرفته وهو مصدوم و يفكر بكل اللي سمعه)
.................
مها : واللــــــــــــه؟؟؟ بس انا قلت لك ابي ترووكي يودينا
الجوهره : يووووه مهاوي يلااا عاد ماصدقت الاقي احد يودينا لاتعقدينها
مها : ممممممم طيب بس مرة اخوك وليدوه بتروح معنا؟
الجوهره بنرفزه : وجججع .. يعني لازم تنكدين علي؟ لا موب رايحه معنا وش نبي فيها
مها : يعني ... قلت يمكن الوليد اشترط عليك انها تروح معنا
الجوهره : هذا اللي ناقص بعد ... لا ما اشترط علي الله لايقوله والله يضيق صدري لاشفتها ... هففففففف
مها : طيب جوجو تروكي موجود؟ ودي يطلع معانا تكفيييييييين اقنعيه
الجوهره : ههههههههههههههههه
مها : وجججع وش يضحكك
الجوهره :الحين مالقيتي الا انا اقنع تركي عشان يطلع معانا؟ انسي مهاوي والله اعرفه ها ماعرف بحياته الا الدراسه والبيت والشركه
مها : تكفييييين جوجووووو
الجوهره : وليش ماتقولي له انتي؟
مها : لا لو اقول له يعرف اني ميته على ما اشوفه
الجوهره : لا والله؟ اللي يسمعك يقول جبتي شي جديد.. الكل عارف اني رايحه فيها مع اخوي ههههههههه
مها : يوووووووه جوجو وبعدين معاك تبين تكلمينه والا لا؟
الجوهره : طيب راح احاول
مها : يابعد عممممممممممري انتي احبك
الجوهره : ههههه يلا روحي اجهزي
مها : اوكي باي
الجوهره : باي
................
الوليد واقف عند السرير ينتظر حنان تخلص الشاور وطاحت عينه على جوالها جاه فضول يقلبه وياخذ رقم نجود بس انصدم لأنه لقى ارقام شباب في جوالها واغلبها مكالمات بعد الساعه 2 واخر اتصال كان من شهر يعني ليلة ملكتها ... انجن وقلب الرسايل مالقى أي مسج الا رساله مرسلتها لأمها قبل لاتموت وكتبت لها (يمه انا بخير واسوي زي ماقلتي لي ..لاتخافين على بنتك تراها ذيبه)
قال بنفسه : معقوله انا انخدعت؟؟؟ معقوله حنان ضحكت علينا؟؟؟ ليش؟؟؟ وش هدفها؟؟؟؟
جا بباله انها ضحكت عليه عشان فلوسه بس وحس ان النار بدت تشتعل داخله
معقوله هالبراءه والألم كله تمثيل؟؟ وانا كنت بأضحي بحياتي عشانها ونويت اذبح سلمان اللي طلع بالأساس واحد من ضمن مجموعه؟؟ مستحيل؟؟؟ مســ (قطع كل هذا صوت حنان اللي ارتبكت لما شافته وبيده جوالها)
حنان ونظراتها خوف : وش فيه؟
الوليد بنبرة مخذول وهو مو مصدق وباين من نظراته انه يبي يذبحها : وش فيني؟ تعالي
حنان هزت راسها بالرفض
الوليد بصوووت عااااالي ويهز اللي حوله : تعااااااااااااااااالي
حنان وبدت ترجف قربت بتردد وكلها رعب وخوف ولما قربت منه مسك شعرها بقوه وحط الجوال عند وجهها وهو يعض اسنانه من القهر: وش هذا ؟
حنان وهي تحس ان شعرها بيتقطع في يده وبدت تدمع عيونها : و...و..والله موب لي.. الوليد..ا..انـ
الوليد وهو يهز شعرها بكل قوته : والله هاه..تبيني اصدقك يالكلبه..ضحكتي علي وعلى اهلي ياللي ماتربيتي انتي حدك الشارع يالحقيره لأن تربيتها مستحيل ترقى فوق
حنان وهي تبكي وتتألم وتمسك يده بيدها : اسـ.. اسمعني طيب .. اااي فك شعري عورتني (اااااااااااااااااااااااااااااااه)
الوليد ضربها بالجوال على شفايفها الين نزفت دم ورماها على الأرض وقفل الغرفه وشال العقال وهي تمسح فمها وتصيح : وربي ظلمتني الجوال مو لي اااااااااااااااااااه (قعد يرفسها برجله ويضربها بالعقال بكل قوته)
الوليد : انا تضحكين علي يالـ.... والله مايفكك مني الا الموت (وقعد يضربها على ضهرها ورجولها وبطنها بالعقال وهي تتلوى على الأرض وتصيح وفمها وحلقها وصدرها كله دم)
برا الغرفه كانت الجوهره وخايفه ومرعوبه من اللي تسمعه (صراخ حنان والوليد) راحت ركض تدور ابوها وامها ومالقت احد اثنينهم طلعوا رحت ركض لغرفة تركي مالقته واتصلت عليه : الووو ... تركي وينك ...بسرعه تعال الوليد بيروح فيها بسرعه
تركي كان في الدور السفلي في المكتبه وبمجرد ماسكرت اخته طلع لها ركض ويوم قرب منها اشرت له على غرفة حنان
قعد يطق الباب بقوه : الوليييد افتح الباب؟؟
ومارد عليه ولا سمع الا صياح حنان وهواش الوليد
حاول يكسر الباب ماقدر نادى الشغاله وجابت له نسخة مفتاح الغرفه وفتح الباب بسرعه ودخل .. انجن من اللي يشوفه مو مستوعب ان الوليد اللي من كم يوم بيطير من الفرح لأنه بيتزوج هالبنت والحين يضربها كنها عدو له .. دخل بينهم و دف الوليد وصاح بوجهه : مجنــــــون انت؟؟؟؟
الوليد يرد بنفس النبره : اييييه مجنوووون ... انتم ظلمتوني وزوجتوني بهالحقيره اللي ضحكت علي وعليكم ... شوف جوالها كم رجال مخزن فيه ... شوف رسالتها للزباله امها اللي كانت تروح وتجي لأمي ومسويه حالها ملتزمه ...
حنان بصوتها المبحوح : احتـــــــــرم نفسك ولا تجيب طاري امي على لسانك الوسخ
الوليد جا بيمسك شعرها و رده تركي : وش تبي بعد؟؟؟
الوليد : لها عين ترد الحقيره
حنان : انــــــت الحقيييييير ... ولعلمك هذا جوال نجود وانا اخذته عشان اعلم ابوي بكل بلاويها .. جوالي بالدرج افتحه وفتشه وان لقيت رقم احد من اللي قلت عنهم حاسبني ..
الوليد سكت وناظر للارض مايبي ينصدم بانه ظلمها
وقفت حنان وهي ورى تركي وتشهق وتبكي : انا ما ابيك .. انت اتهمتني ظلم .. طلقني
الوليد :........
حنان بعصبيه : طلقنــــــــــــــــــــي
تركي : اهدي حنان .. الطلاق مو حل
حنان : الا حل .. مو كفايه اللي شفته من اهلي .. وعدني اخوك انه يوقف معاي والحين يتهمني ابشع اتهام ولا اعطاني فرصه ادافع عن نفسي .. ابي يطلقني (قالتها بحرقه ومن داخلها تتمنى انها ما قالتها)
الوليد طلع وما رد
تركي يناظر للباب ومو عارف وش يسوي مايبي امه وابوه يعرفون اللي صار خاف عليهم وعلى اخوه : حنان .. انا مثل اخوك .. عشان خاطر امي وابوي .. شيليها من راسك والوليد انا اخليه يجيك ويعتذر منك
حنان : انا .. ( وجلست تبكي على السرير)
تركي رحمها : لو مايحبك ما سوى كل هذا .. تعالي معاي بأخلي الجوهره تعالج جروحك
حنان : لا مابي
تركي : لازم تتعالجين حنان اتركي العناد ..
حنان :........
طلع ومالقى الجوهره (لما سمعته يقول انها بتعالجها ركضت لغرفتها وقفلت الباب)
راح تركي نادى الشغاله وخلاها تضمد جروح حنان ونزل واتصل على امه : يمه ... وينك؟
ام تركي وهي مبسووطه : والله ياتركي يا اني لقيت ملابس تجنن لحنان وبتطلع فيها قمر بعين اخوك
تركي وحس انه بيزعل امه بس لازم يعلمها : يمه .. تعالي ابيك ضروري
ام تركي وحست انه فيه شي : تركي ؟؟ وش فيه؟
تركي : لاجيتي اعلمك
ام تركي : جايه الحين (سكرت وخلت السواق يرجعها)
.................
ام تركي بالغرفه مع حنان : انا بيجنني هالولد ؟؟ مو كفايه حركاته اول؟؟ يبي يموتني يعني؟؟ حسبي الله علـ
حنان : لا يمه .. لاتدعين عليه
تركي يناظر ويرفع حواجبه ويبي يضحك
ام تركي : استغفر الله العظيم ... المفروض اعلم ابوتركي لجل يكسر راسه .. والله ما بيجيب لي الهم الا هو
تركي : يمه هدي الله يخليك لي ... انا ما ابي منك الا شي واحد .. ابيك تحرمينه منها
ام تركي تناظر له : شلون يعني ما فهمت؟
تركي راح وسكر باب الغرفه كان عارف ان اخته تتنصت عليهم : يمه انتي تعرفين ان الوليد يبي حنان وتعرفين بعد ان غيرته تسبب له مشاكل لدرجة انه ينسى نفسه اذا سوى شي ...
ام تركي : تركي .. وش اللي براسك
تركي : الحين اقولك وش اللي براسي بس خليه بيننا احنا الثلاثه حتى ابوي لا يعرف
ام تركي وبدت تهتم : ماشي.. هات اللي عندك
.........................
حامد : غلط غلط غلط اللي سويته يا الوليد .. افرض ان البنت ماتت وش تستفيد؟
مشعل : مو انت تقول ان البنت قالت انه مو جوالها؟
الوليد : ايه بس ..
حامد : بس وشو يا الوليد؟ انت ماكنت كذا وش الليغيرك ياخوي؟
الوليد مسك على راسه وقعد يبكي كأن عنده مصيبه
مشعل وحامد انصدموا اول مره يشوفون الوليد يضعف قدامهم عشان بنت
مشعل يمسك كتفه : لا ياخوي .. ماكنت كذا؟؟ وش مضيق صدرك؟
حامد : تبي الصحيح؟ روح وراضيها
الوليد يناظر له : شلون بتسامحني بعد كل هذا؟ انا خايف تسوي بنفسها شي بسببي ... انا احبها موت بس الغيره تذبحني مو قادر استوعب اللي سويته فيها.... ماراح تسامحني ابد
حامد : انت غلطت يا الوليد ولازم تصحح غلطتك وتتحمل النتيجه
مشعل : اشتري لها حلاو و دبدوب (وقعد يضحك)
حامد : وقتك انت ووجهك تنكت
مشعل : ول عليكم .. انا احاول ألطف الجو
الوليد يتنهد : والله ماني عارف وش السواة
حامد : اشتري لها هديه وراضيها
مشعل : حلاو ودبدوب ههههههههههههه
الوليد ضحك : الله يرجك يا مشعل
حامد : ايه هذا خوينا الوليد ... والعصبيه والغيره شوف لها حل يالحبيب
الوليد : غصب عني والله
مشعل : والله وجابت راسك هههههه هي حلوه لهالدرجه
الوليد يخزه
حامد : اقول ورا ما تنثبر
مشعل : خلاص ياخوي وراك معصب ابسكت
الوليد يفكر : بأشتري لها خاتم الماس او سلسال ذهب
حامد : فكره حلوه
مشعل : واكتب عليها صارحيني منهو انا بدنيتك منهو انـ... (طراااخ ... ضربه حامد على راسه)
الوليد : اااااااه بس والله انها خذت عقلي
مشعل : ياعيني ياعيني واخيرا لقينا اللي تهجدك ههههههه
حامد : انا من رأيي تجيب لها الهديه مع بوكيه ورد اخر الليل تكون هدت البنت وراقت ولو انه على كلامك شكلها ماراح تروق لك أبد
الوليد : حااامد؟؟ وش هالكلام؟ هذا بدال ما توقف معي؟
حامد : امزح امزح لا تعصب هههه
مشعل : قوموا نشوف احسن اسواق الرياض تراك بتفر الرياض كلها وتتعب على ماتلاقي شي زين
الوليد : مشينا
.....................
حنان منسدحه وتتذكر اللي صار لها من الوليد وكان ممكن تسامحه على كل شي الا كلامه عن امها الميته ... نزلت دموعها ومسحتها وبنفسها تحلف انها ما تسامحه وانها راح تنتقم منه على اتهامه وكلامه عن امها الغاليه على قلبها ... طلعت من افكارها لما حست بيد واحد على جبهتها ... كان ابو تركي
حنان جلست وهي تتألم من الظرب اللي جاها من الوليد : يبه؟ هلا بك يالغالي
ابوتركي : الله لايحرمني هالكلمه يابنيتي ... كيفك الحين؟
حنان ناظرت له بدهشه : انت عرفت يبه؟
ابوتركي : ايه يابنيتي .. ليش ما انتبهتي وانتي نازله من الدرج ؟ كان نزلتي بـ الأصنصير بدال ماتطيحين وتعورين نفسك ؟
ارتاحت حنان : عاد هذا اللي صار يبه
ابو تركي جلس جنبها : شوفي يا حنان ... الله يعلم ان هدفي الأول زواجك وان ولدي يبطل حركات المراهقه .. بس بعد ماعرفت معدنك والله اني اشوفك مثل الجوهره وغلاتك كل يوم تزيد بقلوبنا
حنان استحت وارتاحت لكلامه : الله يطول لي عمرك
ابو تركي : واعتبرينا امك وابوك يابنتي ... وأي شي يضايقك لاتسكتين مهما صار ... وأبي منك شي مهم بعد
حنان : وشو يبه؟
ابو تركي : ابيك ماتسكتين عن حقك ... واللي يغلط عليك مره رديها له بعشر
حنان تفاجأت من كلامه وعرفت انه ماقال كذا الا وهو عارف انه فيه اللي يضايقها : وش تقصد يبه ؟ انا ... انا محد يضايقني هنا بالعكس انا مره مرتاحه ومبسوطه
ابو تركي له نظرته وكان وده يصدقها .. مسح راسها وباس جبهتها : الله يديم عليك العقل يابنيتي
وقام وطلع
حنان لأول مره تحس بمعنى حنان الأب وارتاحت كثيييييير لهالكلمتين وقعدت تفكر بكلامه (اللي يغلط عليك مره رديها له بعشر)
..................
رقم غريب يدق على جوال الوليد وهو رايح جاي يبي يشتري هديه لحنان : نعم؟
اميره : الوليد
الوليد تضايق : هفففف .... نعم ؟ خير ؟ وش تبين ؟
مشعل وحامد ناظروا فيه بفضول
اميره تبكي : الحقني الوليد انا أموت
الوليد حس بشي غريب بس وقف شوي و رد : موتي ... وش علي منك ... يمكن ارتاح من وجهك لا ِمتّي ... عمري ما شفت برودة وجه مثل وجهك .. انتي ما تحسين ؟ انـا ما .. ابيييييييييييييك .. افهمي عاد (وسكر الخط بوجهها)
حامد مسك نفسه وما ضحك بس مشعل فطس ضحك على الوليد
اميره : بسيطه يالنذل ولبست عباتها وركبت مع السواق وراحت
............................
الجوهره مع مها في الصاله
مها : يعني شلون ؟؟ تكنسلت الروحه؟
الجوهره : اقولك مااقدر اكلمه انتي ماشفتي وجهه وهو يطقها والله العظيم ماعمري شفته كذا
مها : اووووووف ... اجل كلمي تروكي
الجوهره : وشوو؟؟ انسي حبيبتي تركي راح الشركه مع ابوي عنده اجتماع ومستحيييييييييييييل يعطينا وجه والسواق مع امي كالعاده
مها : طيب انا عندي فكره
الجوهره : وشهي؟
مها : كلمي حنان تقول للوليد يودينا
الجوهره بصوت عالي : نعــــــــــــــــــــــــــــــم؟؟؟؟؟؟ هذا اللي ناقص والله اكلم هالخبله عشان تتوسط لي انا بنت الـ ... عشان يوديني اخوي المول ....
مها : جوجو يا حياتي والله مالنا الا هالطريقه تكففففففيييين
الجوهره : انســـــــــــــي
مها : جوووجووووو يله بلييييييييييز
الجوهره بعصبيه : اقول انطمي
مها : انزين انا اكلمه انتي مافيك خير
الجوهره : مهاوي ووجع؟؟ اشوفك قمتي تغلطين
مها : اييه انتي ماتدرين قد ايش تعنيني هالطلعه ابي اشتري هديه لتروكي
الجوهره وتبي تضحك : اهاااااا قولي كذا من اول
مها وهي تدق على الوليد : الووو؟
الوليد : يالييييييييييييل ... نعم شتبين انتي بعد
مها بزعل : وجججع كلمني عدل
الوليد : اخلصي علي وشتبين؟
مها ومدة بوزها : ابيك تودينا المول
الوليد : لاااا
مها : ليييييييش انت اعطيتنا كلمه ومامسكنا السواقين يعني لازم تودينا
الوليد : انا مشغول
مها بغنج وانتبهت ان حنان واقفه بأول الدرج وتناظر لها ببرود: الوليد ياحياتي تكففففى
الوليد خق اول مره تقول له مها كلمه حلوه كانوا دايم يتهاوشون : هااااه؟؟
مها بضحكة دلع : تكففففى
الوليد انتبه انه خطيبة اخوه وعدل اسلوبه : اوكي ... بشرط
مها : وشو يا حيااااتي
الجوهره مصدومه وتناظر لمها تبي تشوف اخرتها
الوليد : تطلع حنان معنا
مها وتغيرت ملامحها وناظرت لجوجو : لازم يعني
الوليد : عاد انتي بكيفك هذا شرطي وقدامك نص ساعه ... باي (وسكر الخط)
الجوهره : وشو؟؟
مها : يبي حنان معنا
الجوهره بنرفزه : اوووووووووووووووف
حنان سمعتهم وتبسمت وبنفسها تقول مردكم لي وش ما صار وقالت فرصتها تذلهم وتذله وتركتهم وراحت الغرفه
مها حاولت تقنع الجوهره الين ما اقتنعت وطلعت مها لحنان تكلمها
حنان كانت تمشط شعرها ومها عند الباب
مها : حنان اطلعي معانا غيري جو يا قلبي
حنان بلا مبالاه وتناظر بالمرايا : لا ماااابي روحوا انتم وانبسطوا
مها : بس احنا نبيك معانا نبي نتعرف عليك اكثر
حنان التفت لها وبابتسامه بارده : لا ياروحي انا تعبانه روحوا انتم
مها مدة بوزها : تكفييييييييييييين الوليد بيرفض يودينا بدونك
حنان ناظرت لها من فوق لتحت : يعني اذا انا مارحت ماراح يوديكم
مها : ايييه
حنان : وانا مابي اروح وتفضلي اطلعي لو سمحتي ابي ارتاح
مها انصدمت منها من وين جاتها هالجرأه وكيف تطردها وهي غريبه اصلا عنهم ماقدرت ترد لأن حنان قامت وسكرت الباب بوجهها
راحت تشتكي للجوهره وتبكي من القهر وحنان بتطير من الوناسه لأنها بدت تاخذ حقها من دون أي خوف
الجوهره راحت بتهاوش حنان طقت الباب بقوه وحنان فتحت لها الباب : نعم؟؟؟؟
الجوهره : هييييه انتي؟؟ لايكون مصدقه نفسك ؟؟ وبعدين بنت منو انتي عشان تطردين مها؟
حنان بدلع وتناظر بأظافرها : والله .... انا حرررره غرفتي وما ابي فيها احد ... كيفي
الجوهره انجنت ماتخيلت ان حنان بترد عليها كذا : احترمي نفسسسسسسك ياالـ...
حنان بصوت عالي : اسكتي ولا كلمه والا ورب العزه لأقلب الدنيا فوق راسك انتي وهي فاهمه؟
الجوهره رفعت يدها بتعطي حنان كف مسكتها حنان ودفتها بقوه الين طاحت وقعدت تصيح ومها جات تقومها
الجوهره : والله اعلم عليك اخوي ياحقيره
حنان : أعلى .. مافخيلك .. اركبيه
ودخلت وسكرت الباب
الجوهره قعدت تبكي حست انها اهانتها ولأول مره يصير معاها كذا ومها تحاول تهديها
حنان مسكت جوال نجود وفتحت على رقم سلمان ونسخته وارسلته للوليد في رساله وكتبت (هذا رقم سلمان وريني رجولتك اللي سويتها على مره)
اول ما قرا الوليد الرساله عصب واتصل عليها وما ردت عليه ركب السياره وحرك .. كان بيجلس بالاستراحه بس غير رأيه
.....................
اميره وصلت القصر وعرفته لأنها مره لحقت الوليد الين عنده نزلت ولقاها البواب وقالت له نادي الجوهره ... راح وكلمها وقالت له خليها تدخل ويوم دخلت
مها والجوهره ما يعرفونها دخلتها الجوهره وطلبت لها عصير
اميره شكلها بنت ناس لهم مكانهم ولبسها واسلوبها جدا راقي بس لا حقدت انقلبت على الكل
الجوهره : ما عرفتينا عليك منو انتي؟
اميره : انا ابي حنان جيت مخصوص عشان اعطيها فلاش
الجوهره وبدا الشك على وجهها : وانتي من وين تعرفينها؟
اميره : انتي ناديها وهي بتعرفني هالفلاش فيه شي مهم لها ولازم تشوفه
مها : احنا قريباتها اذا ممكن تعطينا واحنا نسلمه لها لأنها تعبانه (كانت تبي تشوفه وش فيه)
اميره : لالا .. هذا شي خاص واذا ماهي جايه خلوها مره ثانيه (وجات بتقوم)
الجوهره : لالالا انتظري ابروح اشوفها لك (وراحت للغرفه وبراسها الف سؤال)
حنان مستغربه من كلام الجوهره : بس انا ما اعرف احد له نفس المواصفات اللي قلتيها؟؟؟؟
الجوهره وماهمها الا الفلاش : بتنزلين والا اخليها تطلع
حنان : اوكي دقايق واجيها
شوي ونزلت حنان وتفاجأت لما شافت اميره : انتــــــي؟؟؟؟؟
تذكرتها لأنها اجمل بنت شافتها وملامحها تاخذ العقل هذا غير الستايل والكشخه ..
اميره بابتسامة خبث : شخبارك حنان؟
حنان ببرود : الحمدلله
اميره مدت يدها : تفضلي هالفلاش فيها شي لك وانصحك تشوفينه لوحدك
وقامت
حنان تقلب بالفلاش : وش هذي
الجوهره : وش فيها ياحنان
حنان : مدري والله
اميره راحت للباب وبنفسها تقول : والله غير ادمرك يالخسيس وفتحت الباب الا والوليد بوجهها وانصدمت
الوليد انهبل كيف عرفت بيته وجاته الين عنده ووش اللي جابها اصلا ماقدر يقول شي لأنه شاف الجوهره ومها وحنان واقفين .. وخر عن الباب وهي طلعت وكلها رعب منه بس كانت متأكده انه ماراح يسوي شي لأن البنات كانوا موجودين
الوليد مسك يد حنان وسحبها معاه فوق الين الغرفه وسكر الباب : وش اللي جابها؟؟
حنان سحبت يدها بقوه : وش دراني يالمحترم اسأل نفسك وش اللي عرفها بقصركم أصلا
الوليد بنرفزه : وش قالت لك ياحنان
حنان : ولا شي (واعطته ضهرها)
الوليد : شلون ولا شي؟؟؟ يعني ما قالت شي أبد؟؟
حنان : اسأل اختك هي استقبلتها (تعمدت تنكبها)
الجوهره كانت برا تسمع هي ومها اللي صار وبغى يوقف قلبها وراحت ركض لغرفتها وشوي وناداها الوليد وكان حيل معصب
مها : انا باروح البيت ونزلت بسرعه كانت خايفه
الجوهره : الوليد .... هالبنت جات واعطت حنان فلاش ... و.. والله هذا اللي صار
الوليد استوعب وخاف انه شي يخصه رجع لغرفة حنان لقاها مقفله الباب (فتحت الفلاش ونسخت الملفات على اللاب توب بسرعه وقامت تفتح له الباب بعد ماسكرت اللاب)
الوليد : حنان .. هاتي الفلاش
حنان ببرود : قصدك هذي ؟؟ بس هي قالت لي لازم اشوف اللي فيها؟
الوليد اخذها من يدها وتركها وراح
الجوهره تخزها بعين : ليش حطيتيها براسي؟
حنان : لأنك ماتطيقيني ودامك كذا ماراح تعرفين تعيشين معاي ... عن اذنك باشوف اللي بالفلاش (واعطتها ظهرها)
الجوهره : انتي مو اعطيتيه للوليد؟؟
حنان تناظرها بطرف عين : ايه بس نسخته وبعدين مو انتي تكرهيني يا حياتي وكذا ماراح نتفق
الجوهره : لالالا والله نصير صاحبات بس فيني فضول اعرف سر هالفلاش بلييييز
حنان انبسطت لأنها عرفت تخلي الجوهره بصفها : اوعديني
الجوهره : وعد
حنان : يله تعالي معاي
ودخلوا الغرفه وسكروا الباب
اول مافتحت حنان الفلاش لقت صور للوليد وأميره كانت صور وهم في وضع سيء .. مره وهي معاه في الشاليهات ومره وهو يضمها ومره وهي تبوس خده ....
نزلت دمعه على خدها ومسحتها وسكرت الملف وحذفته من اللاب
الجوهره باستغراب : لو وحده غيرك ما تمسحها وتوري ابوي وامي فيها
حنان : لا يالجوهره ... هذا كله ماضي واميره تبي تفرق بيني وبين الوليد
الجوهره : طيب ... بس وش بتسوين
حنان : بأطنش
الجوهره : انا لو منك ما اتحمل ابد والله لو ادري ان احمد يـ....
حنان تناظر لها والجوهره ارتبكت لأنها قالت اسمه عند حنان
حنان : منو احمد؟
الجوهره : هاه ؟؟؟ مو مهم بس تكفين لا تقولين لأحد أي شي
حنان بأسلوب لعانه : امممممممم .... الجوهره .... انتبهي
الجوهره : من وشو؟
حنان : انتبهي وبس .. الشباب مالهم امان
الجوهره : طيب خلاص (وناظرت لشعر حنان) أقصه لك؟
حنان فتحت عيونها : لالالا اخاف تشوهينه
الجوهره : بايخه ... لا جد تراني شاطره بالقص ... اقصه لك فراوله؟؟
حنان ماقد قصت شعرها ابد ومو عارفه وشهي قصة الفراوله
الجوهره : هاه وش قلتي؟ راح تطلع عليك جنااااااااااااان
حنان : اوكي
راحت الجوهره تجيب مقص وحنان تغسل شعرها
.............