روايــــــــــــــة / دمّــر كـل مـا فينــي
البـآرت السـآبـــع والأخيـــــــــــــــر
الجوهره لابسه العبايه وواقفه عند باب غرفة حنان وأم تركي تناظر في اللوك الجديد لحنان
ام تركي : صراحة .. حلوووو حيييييل
حنان : تسلمين يمه عيووونك الحلوه
الجوهره : مااامي يلاااا الحين الوليد يغير رأيه وشوفي كم الساعه مابقى وقت
ام تركي : وين بتروحون؟
الجوهره : المووول مامي
حنان : جوجو مابي اروح روحوا انتم
الجوهره : لاااااااا ... بيرفض الوليد
ام تركي : حنونه روحي يا قلبي استانسي وانبسطي وش وراك انتي من زمان ما طلعتي وهذي اول مره تطلعين فيها مع جوجو
الجوهره برطمت : والله بيرفض اعرفه اساسا هو متشرط تطلعين معنا
حنان بعد تفكير : اوكي
لبست سكيني وبلوزه بيضاء كان شكلها بسيط مره وتعمدت تكون عاديه لأن الوليد بنظرها مايستاهل شي
نزلوا كان جالس يقلب بالجوال
جلست الجوهره ورى لأنها متأكده انه بيفشلها ويخلي حنان تجي قدام
جات حنان وجلست ورى حط الوليد المرايا ناحيتها وشال النظاره وخزها وحنان تجاهلت نظراته
الوليد : حنان
حنان :....
الوليد بعد ما مل صبره وبتأفف : حنان
حنان : نعم
الوليد : انا ماني سواق تعالي قدام
حنان حاولت تتجاهل نظراته عشان ما تهتز وتخاف : مابي خل جوجو تجي قدام
الجوهره باستغراب : انتي زوجته مايصير اجلس قدام وانتي موجوده (ماتبي تتهزأ ان قالت ايه وطلعت قدام)
الوليد بصوت عالي ويخوف : قلت تعالي قدام
حنان خافت وجلست قدام بس عينها برا ولا ناظرت له
حرك السياره
وشغل اغنية راشد الماجد
ويش أسوي بقلبٍ ساكنٍ دارك
جاك بيتك وعاف قلوب في بيته
خيرت نفسي مابين الناس واختارك
لاقلت ياقلب ابعد قاااال حبيته
مد يده ومسك يد حنان .. حست ان ودها تبكي ونزلت دمعتها لأنه تحبه وماتبي تقول له الحقيقه خاصة بعد ما غلط على امها .. سحبت يدها وكتفت يدينها
تضايق الوليد بس ماقدر يسوي شي قدام اخته كان وده يضمها بقوه ويقول لها انه ندمان
وصلوا فيلا مها اتصلت عليها الجوهره ونزلت معاهم .. مها استغربت ان الجوهره مو متضايقه من وجود حنان وعرفت ان فيه اشياء صارت بس سكتت عشان الوليد موجود
حنان تذكرت كلام مها مع الوليد لما كانت تتغزل فيه واشتعلت غيرتها وحبت تقهرها
حنان بصوت حيل ناعم : حبيبي
الجوهره تفاجأت والوليد مو مستوعب ولا عرف يرد حتى.. أول مره تطلع من حنان كلمه حلوه له
حنان بنفس النعومه وبدلع : اكلمك انا
الوليد وباين انه خق ع الاخر : لبيييييييييييييييه يا روح حبيبك
حنان : شرايك تنزل البنات بالمول وتودينا أي مكان انا وانت بس
مها رفعت حاجبها زي اللي حست ان حنان بتتخلص منهم : لا انا اخاف انزل لوحدي بالمولات الشباب يعاكسونا
الجوهره : يعاكسون من ؟ انتي رجال ههههههههههه
حنان تعمدت تموت ضحك والوليد تبسم وما علق
مها انحرجت وضربت كتف الجوهره : وجججع انا كلي رقه وانوثه .. صح الوليد؟
حنان حست بغيرتها تزيد وبسرعه قربت من كتف الوليد وناظرت له وضمت يده وقالت : حبيبي ما يعترف الا بأنوثتي انا وبس
الوليد حمرت خدوده وسكت كان مو مصدق ان هذي حنان
مها سكتت وعرفت انه مافيه فايده خاصة ان الوليد مايرد عليها
وصلوا المول ونزلوا البنات بس الوليد مسك يد حنان ومانزل من سيارته
حنان ناظرت له : وشفيك
الوليد يناظر لرجولها لأنها طالعه وهي فهمت قصده سكرت عباتها ونزلت
فروا بالمول والوليد مافارق حنان دخلوا محل وشافوا البنات مجموعة اكسسوارات روعه
الجوهره اختارت ساعتين لها ولأمها ومها تدور على شي حلو لتركي
حنان شافت اساور ناعم شكلها مو مبالغ فيها وسلسال على شكل قلب ومفتاح عجبتها
البايع : عليها عرض خاص واذا اخذتي معاها حلق راح نسوي لك خصم
حنان : بكم طيب؟
البايع : ماراح نختلف انتي خذي اللي تبين وان شاء الله مانختلف
حنان : اوكي بكم تعطيني؟
البايع : تبين معاها حلق والا بدون؟
اخذ الوليد السلسال والأساور من يدها : بكم هذي؟
البايع : عفوآ؟
الوليد : ماتفهم عربي؟ بكم هذي؟
البايع : 450 ومع الخصم (وبدا يحسب)
الوليد ناظر لحنان وهمس : تبينها؟
حنان استحت اول مره يعجبها شي ومو قادره تاخذه هزت راسها بالرفض وراحت
الوليد ناظر للبايع : احسبها لي وحطها بعلبة هدايا
أذن العشا وراحوا مصلى النساء صلوا البنات وطلعوا لقوا واحد كان يسولف مع الوليد الجوهره لما شافت الولد شهقت ومسكت على قلبها كان اللي مع الوليد احمد اللي تكلمه وتحبه طلع خوي اخوها من ايام الدراسه
مها وحنان انتبهوا لها واستغربوا
مها : وشفيك؟؟
الجوهره : هاه؟؟؟ لالا مافي شي
حنان ناظرت لأحمد وناظرت للجوهره اللي ما شالت عينها عنه وتلخبطت من شافته
الوليد جاهم بعد ما راح احمد
راحوا اخذوا لهم عشى وتعشوا وبعدها رجع مها لبيتها والجوهرة للقصر وجات حنان بتنزل مسك يدها
حنان : وش فيك؟
الوليد : ابيك تجين معاي
حنان : لا انا تعبانه وأبي انام
الوليد : حنان..تعمدت انزل البنات بدري.. ابي اتكلم معاك شوي
حنان : مابي اتكلم معاك غصب ؟؟
الوليد تركها وسكت وهي نزلت وراحت غرفتها شوي ودخلت ام تركي ومعاها هديتين لها .. الأولى الاساور والسلسال اللي شافته وكانت تبيه والثانيه خاتم ألماس كتب على علبته انا آسف ..
ام تركي : حنان
حنان تقلب بالهدايا وحست قلبها يتقطع : هلا يمه؟
ام تركي : لا تلينين يابنيتي خليك قاسيه عليه شوي عشان يحس بغلطته وما يكررها
حنان : ان شاء الله يمه
باستها ام تركي وطلعت لقت الوليد برا : هاه يمه وش قالت؟
ام تركي : ماقالت شي
الوليد تضايق : يممه؟؟
ام تركي تركته ومشت
الوليد دخل غرفة حنان كانت تغير ملابسها ولما شافته زعلت مررررره لأنه ما استأذن ولا طق الباب سحبت بطانيه وغطت جسمها كانت لابسه قميص كحلي الين الفخذ حرير وفيه زخارف فضي على شكل هلال ونجوم جايه في جهة اليسار من الصدر
حنان بنرفزه : نعم ؟؟؟ وش تبي ؟؟ وليش ما طقيت الباب؟؟
الوليد فاتح فمه ومفهي
حنان حمرت خدودها وزعلت اكثر وجات بتفتح الباب وتطرده تعثرت رجلها في البطانيه وجات بتطيح مسكها الوليد : بسم الله عليك
حنان وخرت يدينه ورفعت شعرها عن وجهها : اطلع لو سمحت ابي انام
الوليد : تبين تذبحيني
حنان : الوليد .. لـ .. لوسمحت
الوليد : زعلانه مني للحين؟
حنان : ...
الوليد : حنان انا احبك .. حرام اللي تسوينه فيني
حنان : اطلع برا لو سمحت
الوليد قرب منها : قولي انك تحبيني انا اشوفها بعيونك واحسها بأنفاسك
حنان ارتبكت وبدت تضعف بس تذكرت امها وناظرت له بحدّه : اطلع برااااا
الوليد ضمها بقوه وهمس باذنها : وربي احبك واموت فيك
حنان تحاول تدفه عنها : وخر عني يا سافل
الوليد : انا اسف
حنان قدرت تبعد عنه صرخت بوجهه : ياخي انا اكرهك اكرهك مابيك ولا احبك ماتفهم انت ماعندك كرامه ولا احساس
انصدم الوليد منها
راحت واخذت هداياه ورمتها عليه : خذ هداياك وتفضل اطلع برا اللي مثلك هو اللي يبيع كرامته بهالتوافه
الوليد حس انها اعطته كف بكلامها وصحى من اللي هو فيه
ناظر لها وقرب ومسك كتوفها بقوه .. خافت منه مره كانت نظراته لها تخوف
قال بصوت عرفت منه انه انكسر قدامها : تكرهيني يا حنان؟
حنان بكل ثقه وعينها بعينه : أيوه اكرهك وما اطيق اشوفك و.. واتمنى انك تختفي من حياتي
دفها الوليد الين طاحت على الارض مو مستوعب ولا هو مصدق ان هذي البنت اللي ماكان عندها أي قدره على الرد ودمعتها دايم على خدها
قامت حنان وهي تتألم من قو الضربه على الأرض : صدق انك حقير وواطي وأساسا انت مو رجال والحريم اطلق وأرجل منك يا.... (طراااااااخ)
ااااااااااااااااااااااه (حنان مسكت خدها)
ما أمداها تناظر له الا وهو قافل الباب ومسكها وسحبها من على الأرض الين قامت ورماها على السرير وثبت كتوفها على السرير..
الوليد والشر في عيونه : انا مو رجال؟ الحين اوريك اني رجال ياكلبه
مسكها وهي تصيح اعطاها كفين بأقوى ماعنده الين داخت وما قدرت تقاومه او تبعده....
.................................
الجوهره : يعني انت تعرف اخوي؟؟؟
احمد : والله العظيم ماكنت اعرف انك اخته .. جوجو انا احبك وابيك والله العظيم احبك وابيك ومستعد اتقدم لك لو تبين الليله
الجوهره استحت هي تعشق احمد وتعرفه من 6 شهور وتتمناه لها بس ماقدرت تستوعب انه صديق اخوها واخوانها لو يعرفون بيدفنونها حيه
احمد : الو؟؟ جوجو؟؟
الجوهره : وش بتقول لأهلي؟؟ انا اعرف بنتكم وابيها؟
احمد : انا ماني صغير يا عمري .. بكره العصر راح اثبت لك اني ابيك وشاريك
الجوهره حطت يدها على قلبها نبضاته تتسارع : وش بتسوي يعني؟
احمد : راح تعرفين ياعمري , بكره لازم اشوفك
الجوهره فزّت من طولها وخافت : وش تقوووول؟؟؟؟
هي ماعمرها خلت احد يشوفها حتى احمد اول مره يشوفها فيها كانت بالمول لما طلعت مع الوليد والبنات
احمد : مو من حقي؟؟
الجوهره : لا مو من حقك
احمد : واذا قلت غصب عنك بأشوفك
الجوهره : لو تموت
احمد : تراهنين؟
الجوهره : ايه
احمد : جهزي نفسك اجل بتخسرين الرهان
الجوهره بكل ثقه : نشوف
احمد : ههههههههههه
الجوهره : وش يضحكك الحين
احمد : اول مره اعرف ان حبيبتي ملاك
الجوهره بحياء : وش يدريك انت ما شفت الا عباتي
احمد : تكفي عيونك يالبيه
الجوهره حمرت خدودها : خلاص اكلمك شويات
احمد : لاااا تكفين يالغاليه
الجوهره : بليز احمد ابي ارتاح شوي واكلمك وعد
احمد : اوكي يالغاليه (مايبي يضغط عليها)
الجوهره : باي
احمد : باي
............................
مها : يعني انا الحين الغلطانه يوم اعلمك باللي يصير؟
تركي يقلب بالاوراق : ايه غلطانه
مها : بس ..
تركي : مها وبعدين معاك؟ ترى ما احب هالحركات
مها : وشو اللي ماتحبه بيبي؟
تركي : حركات البنات ونقل الكلام .. انتي خليك فحالك وفي دراستك ومالك أي علاقه لا بحنان ولا بغيرها .. اوكي؟
مها بزعل : انت ليش تدافع عنها؟؟
تركي ترك الاوراق :......
مها حست انه زعل : والله اغار عليك بيبي بليز لاتفهمني غلط
تركي : ....
مها : كل هذا عشان وحده مـ...
(طووط طووط طووط .... قفل الخط)
مها مصدومه : يا اللــــــــــه؟؟؟؟؟
اتصلت عليه مره ما رد واتصلت مره ثانيه لقته مقفل جواله
انجنت وجلست تبكي وترسل مسجات له وتحاول تتصل
.......................
ابو تركي : نبي نجهز لزواج الوليد وحنان ..
ام تركي : لا يا ابو تركي اول شي نزوج تركي ومها وبعدين نجهز لزواج الوليد وحنان
ابو تركي : والله ان ودي نخلص من هالموضوع يا ام تركي .. ودي اشوف عيالهم قبل لا اموت
ام تركي : وش هالكلام يا ابو تركي؟ عسى عمرك طويل وتفرح بعيالك وعيال عيالك
ابو تركي : الله يخليك لنا يالغاليه
ام تركي : ويخليك لنا ذخر
......................
امتزج صوت الآذان مع صوت بكاها وبحة صوتها حست انه تُغتصب للمره الثانيه في حياتها ومن الانسان اللي حبته من كل قلبها
حست انه كسر شي داخلها وحطمها
كانت حنان متمدده على السرير وقميصها مقطع والوليد يقفل ازارير ثوبه ومتجاهلها وكان همه انه يبرد النار اللي داخله لأنها اهانته اكثر من مره
ناظر فيها وابتسم ابتسامة انتصار وقرب و مال عليها ومسك شعرها بقوه
حنان وهي تبكي : ااااي
الوليد حط شفايفه على خدها : لو نطقتي بحرف واحد .. اعلم الكل بسالفتك انتي وسلمان
ودفها وطلع وهي تبكي من الجرح اللي سببه لها
قامت وناظرت لوجهها بالمرايا كانت فيه علامات في رقبتها وشفايفها كأنه تعمدها عشان يخليها تضطر تجلس بالغرفه وما تطلع ابد
اخذت شاور وراحت تصلي ركعتين وفي سجودها بكت وشهقت وهي تتقطع من القهر وقالت وهي تصلي : حسبي الله فيك يا الوليد
...................
الساعه سبعه الصباح جا اتصال ورفعت ام تركي السماعه
ام تركي : نعم .. ايش؟؟ وين ؟؟؟ أي مستشفى ؟؟؟
راحت ركض للبنات فوق ونادت باعلى صوتها
حنان فزت من النوم وطلعت ركض لأم تركي : يمه وشفيك؟؟؟؟
الجوهره وتركي طلعوا : وشفيه؟؟
ام تركي ما قدرت توقف وطاحت على رجولها وهي تبكي : الوليد صار له حادث ..
الجوهره : لاااااااااااااااا
تركي : ايييييييييش؟؟؟؟؟؟ أي مستشفى ؟؟؟؟؟
حنان مصدومه وما قدرت تتكلم مو مصدقه اللي تسمعه
راحوا للمستشفى ولما وصلوا كان ابو تركي واقف عند باب الغرفه ام تركي تصيح وتبكي تبي بس تشوفه وتترجاهم انهم يخلونها تدخل معاه الغرفه
الجوهره تصيح وتركي يحاول يهديها
حنان تناظر لعمها تبي منه أي كلمه يطمنها فيها عليه
ابو تركي : ان شاء الله يكون بخير (يحاول يتماسك قدامهم)
حنان وبصوت مبحوح من كثر ما بكت طول الليل : عـ .. عمي ؟؟ وينه ؟؟
ابو تركي : الحين يطمننا عليه الدكتور يا بنتي
طلع الدكتور من الغرفه
ابو تركي : طمننا يا دكتور شلون ولدي؟
ام تركي مفجوعه : ولدي وشفيه ؟؟ طمنني عليه؟؟
الدكتور : المريض تعرض لكدمات وكسور بسيطه تقدرون تشوفونه بعد ما يفيق
حنان شهقت ومسكت يد ابو تركي وهي تناظر للدكتور
ابو تركي مسك يدها : بسم الله عليك يابنتي ان شاء الله مافيه الا العافيه
حنان جات بترد ماقدرت تتكلم
ابو تركي : حنان؟؟؟
حنان : أ ... أ ... (وأغمى عليها)
.................
الوليد كانوا لافين راسه بالشاش وحاطين جبيره على ذراعه ورجله وفيه خدش في وجهه
ام تركي تبكي : بسم الله عليك يا ولدي
تركي : يمه سمي بالرحمن ان شاء الله مافيه الا العافيه وهذا هو قدامك الحمدلله مافيه الا كل خير يالغاليه
ام تركي : الحمد لله على كل حال
الوليد والتعب هد حيله : وين حنان؟
تركي : ماقلنا لها خفنا يصير لها شي لا عرفت
(حنان من الصدمه انخرست وما قدرت تتكلم بعدها وكانت متنومه بغرفه ثانيه والجوهره معاها)
الوليد : ابي اشوفها
ام تركي : ان شاء الله حبيبي بتجيك الليله
الوليد : لا يمه .. ابيها الحين تـ .. تكفين
تركي : طيب ارتاح وبنجيبها لك
الوليد : ابي حنااان
ام تركي ماقدرت تتحمل وبكت
تركي : يمه شفيك ؟؟ هذا بدال ما توقفين معاه
ام تركي : غصب علي هذا ولدي قطعه مني
الوليد : يممه لا تبكين (ومسك يدها) انا بـ..بخير
ام تركي حطت يدها على شعره وتبسمت له
ابو تركي والجوهره مع حنان اللي تبكي لأنها دعت عليه ولامت نفسها على كل شي
الجوهره : الف سلامه عليك يا قلبي
ابو تركي : الدكتور يقول تقدرين تطلعين يا بنتي اذا حسيتي انك بخير
حنان ناظرت لأبو تركي وحاولت تتكلم بس هو فهم وش تبي اخذها وراح فيها لغرفة الوليد
اول ما شافت الوليد فتحت عيونها ونزلت دموعها كانت على كرسي متحرك ماقدرت توقف على رجولها
الوليد مد يده : تعالي
قربها ابو تركي منه
مسكت يده ودموعها تنزل
الوليد : وش صار لك يابعدهم
قالت بنفسها : من بعدك اموت والله
الوليد ناظر لأبوه وفي خاطره اسئله
ابو تركي : لا تخاف ياولدي هي من خوفها تعبت شوي
الوليد : حنان .. ا .. اسف
شهقت حنان وحطت راسها على طرف السرير ومسح شعرها وهي تبكي
ام تركي تقطع قلبها من اللي يصير خايفه على ولدها وعلى حنان بنفس الوقت
الجوهره : يبه خذ حنان وامي يرتاحون وانا اجلس مع الوليد
حنان هزت راسها بالرفض
الوليد استغرب ناظر لهم واحد واحد : وشفيه؟
ناظر لحنان : وشفيك؟
ابو تركي : مافيه شي ياولدي
الوليد : ليش ما تردين علي؟
حنان دنقت
تركي : الوليد حنان انصدمت لما سمعت باللي صار لك .. وانخرَسَت
الوليد انصدم, حاول يقوم ماقدر ومسك على ظهره وصرخ : ااااه
ام تركي قامت ورجعته للسرير : بسم الله عليك يا قلب امك لا تتعب نفسك
ابو تركي : ارتاح ياولدي مانبي امك تطيح جنبك لا صار لك شي
ام تركي : بسم الله علي تبون الفكه مني
ابو تركي يبي يلطف الجو : وانا اقدر يا ام تركي
الجوهره : بابي انت تبي تتزوج على مامي عشان كذا تبيها تروح فيها عارفه افكاركم يالشيبان
تركي : ورا ما تسكتين انتي ووجهك
الجوهره : وشفيك علي انا اسولف بس
الوليد قاطعهم : يبه ابي حنان تقعد معاي
ابو تركي : بس ياولدي البنت تعبانه
الجوهره : انا اقعد معاك
تركي : لا انا اشوف ان امي تقعد معاه احسن
حنان هزت راسها تبي تجلس هي وتألمت لما حاولت تتكلم وما قدرت تبي تقول لهم خلوني انا معاه بس ما قدرت تنطق بأي كلمه , حطت راسها على يده اللي كان مادها على السرير وقعدت تبكي
سحب الوليد يده وحطها على شعرها وقعد يمسحه حس انه سبب كل اللي صار لها
الوليد : ابي حنان
ابو تركي : اللي تشوفه ياولدي
ام تركي : بس يا..
الوليد : تكفون ابي حنان
تركي : خلاص ياجماعه دام هذي رغبته خلوها معاه
ابو تركي : ماشي
انتهى وقت الزياره ومشوا من عندهم .. الوليد يناظر لحنان ويلوم نفسه الف مره على اللي وصلت له وهي تقلب له بالقنوات مسك يدها وناظرت له كان يبكي
حنان خافت وقربت له
الوليد تحسف لأنها ما تقدر تتكلم : انا منقهر لأني سبب اللي انتي فيه يابعدهم
حنان تناظر له وحطت يده على صدرها وضمتها وابتسمت تبي تريحه وتوصل له انها بخير
الوليد : سامحيني
حنان هزت راسها بالايجاب , ابتسم وباس يدها
بعد شهر الوليد يرتب اوراق مع ابوه عشان يستلم شغله الجديد في الشركه
تركي سافر مع وفد خارج المملكه عشان يدرسون مشروع جديد للشركات
...................
نجود : سلمان انا مالي دخل
سلمان : شوفي يانجود ياتجيبين لي البنت والا والله العظيم افضحك واقول لزوجك يحلل ويشوف بنتك منو ابوها
نجود بخوف : لالا خلاص بأحاول اجيبها بس ليش تبى هالبنت بالذات انا ماصدقت افتك منها؟
سلمان : مالك دخل انتي جيبيها لي وبس
نجود : طيب طيب
سلمان : الخميس هذا ابيها عندي
نجود : سلمان؟
سكر الخط بوجهها
نجود : هففففف وش حاده ع هالبنت بالذات
قعدت نجود تفكر شلون تصرف ابو نجود من البيت ليلة الخميس وكيف تجيب حنان له
راحت لمحمد : محمد ابيك تروح الخميس لأمي تبي اغراض ومحد بيوديها
محمد : واخوانك وينهم فيه
نجود : ماراح يودونها عندهم شغل الخميس
محمد : اشوف
نجود : محمد امي نادرا تطلبك توديها مايصير تردها ترى بتزعل واذا زعلت انـ..
محمد : يوووه خلاص بنوديها
راحت نجود واتصلت على امها عشان تتفق معاها وقالت لامها تصرفه من المغرب الين الساعه 12 الليل
نجود في نفسها : الحين يبي لي اجيب البنت المغرب للبيت بس شلون اقنعها تجي (وقعدت تفكر)
............................
حنان تجرب فستان الزواج كان مره جنان عليها سكري ومزيّن اطرافه من تحت بورود مخملية لونها عنابي غامق بوسطها الماسه تلمع كانت متوزعه بالجزء الاخير (اطراف) الفستان
الجوهره : واااااااااااااااو يجنن يجنن
ام تركي : والله انتي اللي محليته يا قلبي
ابتسمت حنان تمنت لو ان امها معاها,طق الباب
الجوهره : منو؟
الوليد : افتحي
الجوهره : تححححححلم
الوليد : بلا خبال ابي اشوف حنان
ام تركي : لا منت بشايفها الا بليلة العرس
الوليد : اللـــــــه؟؟؟ وش يصبرني
الجوهره : ههههههههه
الوليد : يمه تكفين ابي اشوف شلون الفستان عليها
ام تركي تساعد حنان عشان تغير ملابسها : اصبر شوي
الوليد انبسط : يعني بأشوفها؟
الجوهره : طبعا مو انت زوجها
فتحت الباب له كان متبسم ولما شافها غيرت ملابسها عبس وجهه وخز الجوهره اللي فطست ضحك على تعابير وجهه
ام تركي : وش عندك كنها مو عاجبتك
الوليد بطرف خشمه : لا مو عاجبتني
حنان ناظرت له بحقد
الوليد : ههههه الا عاجبتني لا تبكين الحين
ام تركي : الوليد ترى بعد العرس بتسكنون عندي مالي شغل
الوليد : وكيف اخذ راحتي؟
الجوهره متعمده تستغبي : وش راحته
الوليد : وانتي شدخلك
الجوهره : خلاص بسأل بابي
ام تركي : والله انكم ما تستحون
الوليد : خليها عشان تلاقي اقرب كف منه ههههههاااي
الجوهره : بااااايخه
ام تركي : الوليد كلمت الدكتور عشان حنان؟
الوليد : يمه انا ابيها كذا ما تتكلم عشان ما تسبني بالمستقبل
ام تركي بزعل : وش هالكلام؟
الوليد : امزح يالغاليه اول ما نتزوج بنروح المانيا يمدحون بروفيسور هناك راح اعالجها عنده
الجوهره : المانيا؟؟؟ خذوني معاكم
ام تركي : جوجو من جدك ههههه
الوليد : انتي لا تزوجتي روحي مع زوجك ولو ان حدك البطحاء ههههه
ام تركي : ههههههه
حنان تبي تموت ضحك على كلامه
الجوهره : وااااااع .. والله ان جاني احد باتشرط يكون راعي سفريات وجيبه مليان
الوليد : يمه انا جوعااااان
ام تركي : يابعد قلب امك الحين اشوف الغدا (ونزلت)
الوليد يناظر لحنان وهي منحرجه : كيفها عمري اليوم
الجوهره : هيييي نحن هنا .. لا تقعد تتغزل بالبنت وانا موجوده ... عيب
الوليد : وانتي وشدخلك .. يله اطلعي ابيها بسالفه
الجوهره : اييييه طيب (وجات بتطلع مسكت حنان يدها وطلعوا ركض )
الوليد لحقهم بس لما شافوا ابو تركي بالصاله وقفوا ومشوا بهدوء)
حنان والجوهره راحوا يساعدون ام تركي والوليد جلس مع ابوه يناقش موضوع عريس جا يخطب اخته قبل يومين
تغدوا وبعد الغدا جلسوا يسولفون وجات الجوهره بتطلع غرفتها عشان ترتاح
ابو تركي : وين يابنيتي؟
الجوهره : ابي انام شوي بابي
الوليد : اجلسي نبيك بموضوع (كان اسلوبه جاد وخافت الجوهره منه)
حنان تناظر لهم ساكته وأم تركي باين انها مبسوطه
ابو تركي : جوجو قبل يومين جانا صديق للوليد وطلب يدك يابنيتي .. انا أخرت الموضوع يومين عشان نسأل عن الولد وعايلته وطلع والنعم فيه
الوليد يخزها بطرف عينه وهي متفاجئه
الجوهره : بس..(تذكرت احمد هي تبيه بس كيف تقول لأهلها وكيف تعرف من اللي تقدم لها .. هي قبل اسبوع تهاوشت مع احمد ولا كلموا بعض من وقتها وجواله قافله)
ام تركي: جوجو حبيبتي الرجال ولد عايله معروفه و له مكانه بالوزاره يعني ما يتعوض
الجوهره تكلم نفسها (احمد والله اني انتظرتك وتمنيتك كثير) : اللي تشوفونه (وطلعت غرفتها)
ابو تركي : الوليد قول لصديقك سامي ان البنت موافقه
الجوهره قفلت على نفسها وقعدت تبكي
.........................
يوم الأربعاء كانت ليلة الشوفه للجوهره اللي كانت مجروحه وتحس انها ليلة دفنها كانت بغرفتها تحاول
وللمره الأخيره تكلم احمد كان جواله مفتوح ولا رد عليها ارسلت له اكثر من مسج ولا جاها رد .. حست انه كان لعّاب خاصة لما قالت له ان الليله بتنخطب رسمي وما رد عليها
جلست تبكي وحنان مسكت كتفها وضمتها عشان تهديها .. حنان ودها لو قدرت تنطق بحرف واحد عشان تخفف عن الجوهره .. قامت الجوهره مسحت دموعها وزبطت مكياجها
الجوهره بجديه : والله ماتنزل دموعي عليه وهو بايعني
حنان راحمتها تعرف انها متعلقه فيه ولا قدرت تسوي شي
شويات ونزلوا وكانت أم سامي وخالته واخته اللي اكبر منه موجودين وعجبتهم الجوهره مره شويات وناداها اخوها عشان يشوفها خطيبها
لما دخلت كانت عينها بالأرض من قهرها ماتبي احد يحس ان فيها شي
وقفت قدام سامي كان عطره يسبق انفاسه وبصوته الدافيء همس لها : مبروك يالغاليه
هالصوت مو غريب عليها رفعت عينها وفتحتهم بقوه .. كان احمد هو اللي قدامها ... بس كيف احمد وسامي ؟؟؟ معلم و موظف كبير بالوزاره ؟؟؟ اغمى عليها من صدمتها
لما فاقت كانت في غرفتها ومعاها امها وحنان بس تطمنوا عليها وطلعوا اخذت جوالها و لقت من سامي (اللي هو احمد) اكثر من ثلاثين اتصال
اتصلت عليه كان اسلوبها نااااشف
الجوهره : ابي مبرر لحركاتك
سامي : حبيبتي طمنيني عنك
الجوهره وهي تبكي : ابي مبرر والحين
سامي : يا قلبي انتي تكفين لا تبكين والله كنت ابيها مفاجئه لك
الجوهره : واسمك ؟؟ ووظيفتك ؟؟ ليش تكذب علي ليش
سامي : جوجو انا كنت ابي اتأكد انك شاريتني مثل ما انا شاريك ومتعلق فيك قبل لا اتقدم لك وان كنت كذبت عليك فأنا اسف واتحمل اللي تحكمين علي فيه بس ارجوك يالغاليه لا تبكين والله ان قلبي يوجعني لا شفتك كذا
الجوهره بلعانه تبي تقهره : انا رفضتك
سامي مصدوم : من جدك؟؟؟؟؟
الجوهره : ايه ومابيك خلاص اللي بيننا انتهى
سامي انهار : لاااا ارجوك جوجو لا تسوينها فيني ارجوك انا احبك والله مابي غيرك ولا اتحمل حياتي مع غيرك
الجوهره :.......
سامي : جوجو؟؟؟؟ يرحم امك لا تسوين فيني كذا
الجوهره بدلع : امزح معاك
سامي : حرام عليك لاتمزحين معاي كذا تعرفين قلبي رهيف مايتحمل
الجوهره : ايه حيل رهيف
سامي : تتطنزين؟
الجوهره : الليله انا اخذ راحتي بالكلام عقابا لك
سامي : وحشتيني
الجوهره حمرت خدودها
سامي : وحشتييييييييييني
الجوهره : وانت اكثر
...............................
اليوم الثاني راحت حنان مع ام تركي و الجوهره لمها وامها وطلعوا للمول عشان يكملون باقي تجهيزات الزواج للوليد وتركي
تركي خلص شغله بالشركه ورجع عشان يرتاح شوي وابوه بقى بالشركه
دخل الغرفه لقى اتصالات من نجود على جوال حنان , اخذ جوالها واتصل على نجود : نعم ؟
نجود مو عارفه من اللي يدق بس ردت بجرأه : وين حنان؟
الوليد : وش تبين فيها؟
نجود : وانت شدخلك؟
الوليد سكر بوجهها وقفل الجوال ورماه وراح ياخذ شاور
المغرب رجعت حنان وحطت الاغراض واستغربت ان جوالها مرمي على السرير والوليد متمدد ونايم
شالته وفتحته لقت كذا اتصال من نجود ورسالتين وحده مكتوب فيها ردي ضروري والثانيه ( ابوك مريض له يومين ما تحرك من فراشه ويبي يشوفك قبل لا يصير له شي) طاح الجوال من يدها وشهقت وحطت يدها على صدرها , دمعت عيونها مهما صار هذا ابوها ويكفيها انها ماكانت موجوده يوم ماتت امها
الوليد : حنان ؟ شفيك؟
ناظرت له ودموعها على خدها اخذت الجوال وبدت تأشر له انها تبي تروح لأبوها , قرا المسج وناظر لها
الوليد : حنان حبيبتي انا مابيك تروحين
حنان رفضت وقعدت تبكي تبي تروح
الوليد حز بخاطره يرفض لها طلب : اوكي اوكي انتي اهدي وارتاحي شوي واوديك بعد العشا
حنان هزت راسها بالرفض وانها تبي تروح الحين
الوليد : اوكي اوديك بس لا تبكين حبيبتي
لبس واخذها بسيارته كان على اعصابه مو مرتاح ابدا وحاس انه فيه شي
وحنان طول الطريق يدها على قلبها وتدعي ان ابوها مايصير له شي
طبعا ابوها من العصر راح واخذ ام نجود وقعد يفر بها اسواق الرياض
وصلوا وكان الوليد موقف سيارته بعيد شوي عن البيت ناظر لحنان ومسك يدها قبل لا تنزل : انا بانتظرك هنا لاتطولين
هزت راسها ونزلت ركض وقعدت تطق الباب الين فتحت نجود وانبسطت لما شافتها
حنان دخلت ركض تدور ابوها ولا لقته دورت عليه غرفه غرفه مسكتها نجود بيدها وودتها لغرفه وقالت لها ان ابوها نايم فيها ولما دخلت قفلت الباب عليها ناظرت حنان للغرفه برعب شغلت الانوار .. انصدمت لما شافته قدامها واقف وعلى وجهه ابتسامة خبث
سلمان : والله وصرتي احلى واحلى
حنان ركضت للباب حاولت تفتحه مسكها من عند بطنها وشالها ورماها على السرير وجا فوقها : والله غير ادفع حبيبك الثمن غالي
حاولت تقاومه وتدفه .. فسخ عباتها وشق بلوزتها
الوليد حس انها طولت اخذ جواله دق عليها بس رن جوالها عنده انتبه انها تركته قام ونزل ولما جا بيطق الباب سمع صوتها
الولييييييييييييييييييييييييييييييييييييييييد
كسر الباب ودخل لقى نجود بوجهه ضربها كف بكل قوته الين طاحت على الأرض وراح لمكان الصوت فتح الباب وشاف سلمان هجم عليه وضرب راسه بزاوية السرير وقعد يضرب فيه ويرفسه حاولت حنان تسحبه وهي تبكي وصوتها مبحوح : تكفى خلنا نروح .. الوليد ارجوك خلنا نروح من هنا
شالها الوليد وغطاها بالعبايه وطلع برا وهو مثل المجنون ركبها السياره ووقف برا يتصل
حنان : الوليـ..
الوليد بصوت عالي : اسكتــــــــــــــــــــــــي ولا حـــرف
حنان غطت وجهها بيدينها وقعدت تصيح
الوليد والشر بعيونه : الو يالكلب .. لو رجال تعال شوف منو ببيتك وانت زي الـ... مادريت عن زوجتك كل يوم مع واحد تفو عليك وعلى رجولتك ( وسكر الخط ) واتصل على ضابط يعرفه وبلغه ان فيه بيت للدعاره واعطاه وصف المكان وركب سيارته ومشى بسرعه
وصل القصر حط راسه على الدركسون من التعب وحنان تبكي ولا قالت أي شي .. مو عارف يفرح انها تقدر تتكلم والا يبكي لأنه طاوعها ووداها لسلمان بيده
الوليد : انزلي ... (ونزل)
مسكها ودخل من الباب الخلفي وطلع الغرفه , سكر الباب وناظر لها وهي ترجف منه وخايفه
حنان : ليتني مت ولا شفت اللي شفته بس انا ما كنت اعـ... (حط يده على شفايفها)
الوليد : ادري والله ادري
حنان بكت وحطت راسها على صدره ... ضمها بقوه
حنان : لاتخليني الوليد تكفى
الوليد : اترك العالم ولا اتركك
حنان ناظرت له : وعد
الوليد باس جبهتها وابتسم : وعد ياروح الوليد
انتهـــــــــــــــت الروايــــــــــــــــه ...