| رد: بلغ حبيبك وقوله ,,, باخذك منه ... قصة ولا أروع
(تابع الجزء الرابع )
وع أذان المغرب نشت جوري بكل كسل وهي كارهه عمرها واتشوف المكان مب مرتب واتذكرت انها رقدت بلا حاسيه بس استغربت: منوه لحفني؟!
يمكن غلا نشت ولحفتني ...
وسارت الحمام تتغسل واتمسحت وطلعت وشافت روبي فالحجره جان اتدق على يبهتها مثل اللي ناسي شي: أوه! انتي وينج؟! نسيناج
روبي بكشتها: عند البطون تعمى العيون
جوري وهي تلوي على روبي: ويه فديت الكتاكيت يزعلون بعد ههههههههههههههه
روبي وما صدقت انه حد يلوي عليها وتمت لازقه اف جوري
جوري وهي اتنش عن روبي : شكلج ما صدقتي هههههههههههه
روبي: خخخخخخخخخخخخخخ الصراحه لا
نشت روبي تتغسل وسارت جوري اتوعي غلا عسب اتصلي ... وعقب ما خلصن من الصلاه طلعن فالصاله اللي فوق ودقن ع البشكاره عسب اترتب الحجره
فالصاله الفوقانيه
جوري: بسير أتطالع ماماتي اذا يت ولا لأ ... اشتقتلها
وسارت جوري عند أمها ويلست شوي وياها وتمت تتشكالها وعقب ردن الصاله عند غلا وروبي ... وتمت أم جوري تاخذ بخاطرهن وتتوعد اف حارب وراشد ... ههههههه (يا ويلكم يا رشود ويا حروب!)
وعقب يا الدريول وشل غلا وروبي البيت
وتمن جوري وأمها فالصاله اللي الفوق
أم جوري: هاا ماما ما قلتيلي شو اشتريتي اليوم؟
جوري بحماااس: هيه صح تعالي براويج (وتسحب امها من أيدها عسب اتوديها الحجره)
وتوهن بينشن عسب يدخلن حجرة جوري جان يسمعن صوت جواهر: مرحبا ... أنا ييييت!
جوري وهي اتنط صوب اختها : ياااااااااااي! ما قلتي انج بتين؟!
جواهر: الصراحه ماكنت مخططه ايي ... بس حميد اتصلوبه من الدوام فقلت خل أييكم
ام جوري: هيه زين اتسوين
جوري وهي تسحب امها وأختها العوده: يلااااا تعالوا براويكم شو خذت اليوم
وتمت جوري اتراويهن الأشيا اللي خذتها ... وكانت ماخذه لأمها طقم فيه ساعه رجاليه لأبوها ونسائيه لأمها ومجموعه عطور ومغلفتنهن مع بعض بمناسبة عيد زواجهم
جوري وهي تلوي على أمها: Happy Anniversarry day يا أحلى أم فالدنيا
أم جوري: وي فدييييت روحج ...! الحين انتي سايره تتشرين لنا ولا تتشرين حق عمرج!
جوري: جيه انا عندي حد أغلى عنكم؟! وبعدين هذا من مصروفي ... يعني مب ماخذه هداياكم اببيزاتكم ههههههههههههههههههههه
أم جوري وجواهر يضحكن على جوري وخفة دمها
(ترى جوري بعدها ما تشتغل وطبيعي مصروفها من أبوها ... فكان يضحّك انها ماخذتلهم هدايا بفلوسهم ههههههههههه)
وعقب طلعت جوري بوكس لونه ذهبي وتغليفه يجنن وعطته اختها وهي اتبوسها على خدها: سوري لأني ما بكون موجوده اف عيد ميلادج
(لأنه عيد ميلاد جواهر بيصادف 10/6 وجوري بتكون فالمعسكر)
جواهر وهي متلومه: فديتج جوجو .. والله ما يحتاي .. انتي ما بتكونين موجوده ...
جوري: لا منو يقول؟! جيه كل يوم عيد ميلادج؟! الا مرة فالسنه .. بس هاااا ... خشيلي شوي من الكيك
جواهر: ما عليج انتي ... أول ما اتردين بناخذ كيكه عوده وكليها كلها
وتمن يسولفن عن المعسكر وعن السفر بس بدون ذكر المكان لأنه مفاجأة وما خلن شي الا وسولفن به
وعقب ما رتبن أغراض جوري نزلن تحت
وفجأة يدق جرس الباب
ويدخلون بوكيه عوووووووود لونه بنفسجي فاتح مع درجات الوردي ... فعلا كان البوكيه كبير ... طول الباب ... واف داخله علبتين .. علبه فيها طقم ألماس .. والعلبه الثانيه فيها قلم رجالي فاخر مع البزم والمحفظه من ماركة كارتيير
جوري: وااااااااو Fantastic
أم جوري: ويه ماشالله .. محلاااااه الورد ... ونفس اللون اللي أحبه ولفت تسأل الخدامه عن اللي يايب الورد بس ما حصلتها... وجان تاخذ البطاقه وقرتها
أمايه الحبيبه ... أبويه الغالي
يوم زواج سعيد
كنت أتمنى اكون بينكم بس للأسف
لكن قلبي وياكم
اشتقتلكم قد الجنه ! << هالعباره كان دوم حامد يقولها يوم كان صغير عسب يفهم أمه ابوه انه يحبهم واااايد ... وكل حد فالعايله الحين يعرف انه هاي جملة حامد
ابنكم المخلص / حامد ال.......
وتمت أم جوري تحضن البطاقه واتبوسها: ويه فديتك يا غناة أمك
حتى اف غربتك ما نسيتنا وتمت اتصيح
جوري وجواهر تمن يصيحن ويا أمهن
وعلى هالمنظر دخل أبو جوري: ماشالله ورد وحاله ... (وانتبه لهن) ويه جواهر عندنا .. يا مرحبا يا مرحبا
وسارت جواهر اتوايه أبوها
أبو جوري: بلاه ويهج؟! (ويلتفت لهم) بلاكن؟! منووووه مصيح حرمتيه يعترف أحسنله
ومن عقب تعليقه ضحكوا كلهم
وخبروا بو جوري عن هدية حامد ... وحس بحنين لولده العود وسنده فالحياة
وجان يتصلوبه ورمسوه كلهم ويوم سكروا عنه لوى عليهم بو جوري وقال: فديتكم يا عيالي وفديتج يا أم عيالي
جوري: باباه شو رايك اف ذوقي؟
بو جوري: ياويلي ويلاه ... أحلى ذوق فالشرق الأوسط ... وخذ الساعه ولبسها ... يا سلاااام صدق ازقرت
جوري وهي نافخه ريشها: طبعا طبعا
ويرن تيلفون جواهر وكان ريلها وطلعت برا عسب اترمسه وعقب ردت: يلا يا جماعه انسير الميلس اللي برا
بو جوري وأم جوري مستغربين ويتطالعون بعض أما جوري المشاغبه فكانت حاسه انها مفاجأة جواهر وريلها لأمها وأبوها فكانت تبتسم
أم جوري: وين انسير يا أمييييييه؟
جواهر وهي تسحبهم: يوم بتوصلون بتعرفون
(كانت فلة بو حامد عوده وفخمه وتصميمها شوي ياي على الطراز الأسباني ... وشكله غير عن البيوت المتعارف عليها ... بو جوري طالب التصميم مخصوص من استشاري أسباني ووصى أخته اليازي عليه بحكم انها عايشه اف أسبانيا وهي بعد ذوقها لا يعلى عليه ... ومن وصل التصميم بدوا فالبنى ... وفعلا كانت الفيلا تحفه فنيه ... الاضاءات كانت موزعه بطريقه جدا رائعه على كافة أنحاء البيت مما يضيف لمسه خاصه ويكون ديكور في حد ذاته ... وكان فيه مساحه واسعه بين الفيلا والمدخل الرئيسي ... واستغلوا هالمساحه أحسن استغلال وخلوها ممر مغطى بأحجار متباينة الحجم واللون مما يعطي الممر سحر خاص وخاصه فالليل وانعكاس ضوء القمر ... أما حديقه البيت فكانت جنه وتصميمها غريب ... لأن الأرض ماكانت مستويه ... تتكون من كذا طابق وكل طابق كان جنه خضرا وفيه من أنواع الورود اللي يعجز الكلام عن وصفه ... وبين كل نوع ونوع ممرات مائيه واف مركز الحديقه شلال كبير وهو أساس تدفق الماي فالممرات المائيه ... واتطل على هالحديقه صاله زجاجيه فيها حوض سباحه وصالة أيروبيك و Body Build... طبعا الآيروبيك حق جوري وجواهر يوم كانت موجوده فالبيت ومازالت تستخدمها وحتى أم جوري ... لأنها وبالرغم من سنها الا انها محافظه على نظارتها ... اما صالة كمال الاجسام فكان من حق الشباب وخاصه حارب المهووس بجسمه ... وكل هالشرح عسب نوصل للميلس الخارجي الفخم واللي صمم بطريقه جدا ارستقراطيه نظرا ان بو جوري رجل أعمال معروف ... وله الكثير من المعارف والزوار من كبار الشخصيات اللي كان يستقبلهم اف هالميلس وهو نفس الميلس اللي يحمل مفاجأة جواهر وزوجها حميد)
المهم سحبت جواهر أمها وأبوها للميلس الخارجي
ويوم دخلوا اتفاجئوا بالمكان وكان حميد هناك يترياهم
حميد وهو يتقرب منهم: كل سنه وكل حول انشالله (ويبوسهم على روسهم)
بو جوري: ما تقصر يا ولدي فيك الخير
أم جوري: وي يعلني ماخلا منكم
(المكان اتحول لحفله حقيقيه ... وكان المتكفل بالتنظيم جواهر وريلها بمساعدة حارب ... اللي كان يهرب العمال عسب يشتغلون ... بدون ما يكشفهم بو جوري أو جوري (وكالة الرويتر) هههههههههههه ... وحتى يوم شغّل جوري وغلا وروبي وخلاهن ينظفن الصاله ... لأنه بغى يضمن انهن يتمن فالفيلا عسب لا يمرن صوب الميلس ويكشفن المفاجأة هههههههههه خاصه انه العمال كانوا خلاص يشطبون ع الشغل ... يعني لا يادبهن ولا شي! وراشد مشترك فالجريمه بعد ... والحمدلله ما استوت أي عزيمه اف هالفتره ولا خططهم كانت بتفشل ... و كل شي عدا على خير)
وطبعا كاميرا جوري شغاله ... لا تنسون انها طالبة الاعلام ... وكاميرتها معاها 24 ساعه
وما خلت شي ما صورته ... وخلت كل حد فيهم يقول كلمته بهالمناسبه السعيده
أم جوري لجواهر: عيل اتقولينلي ريلي زاقرينه الدوام هاااا؟!
جواهر وهي اتحب راس امها: شسوي بعد ... ما بغيت المفاجأة تخترب
حميد: ههههه .. أفا بس أفا ... حرمتي أنا تجذب! ما يطيع زينج
واتي جواهر وتضرب ريلها ضربه خفيفه على ظهره: والله ما بغيتنا ننكشف ويخترب علينا كل شي
جوري وهي اتسوي عمرها اتصيح: حروب السبال! الحين خليتنا انظف الصاله واتعبنا بس عسب ما تنكشف ... مجرررررم
حارب: ههههه اتعيشين وتاكلين غيرها
وساروا كلهم صوب البوفيه عسب يتعشون والسوالف تاخذهم ...
جوري اف خاطرها: ياويييلي ! الخميس الياي ما بكون وياهم
صدق اني خبله
بوجوري وجنه انتبه على بنته: ها بابا ... بلاهم الحلوين ما ياكلون؟
جوري بدلع: أفكر انه الخميس الياي ما بكون وياكم
بو جوري: ههههه خلاص مب مشكله ... بنكنسل المعسكر وتمي ويانا .. كم جوري عندنا؟!
جوري افخاطرها يالييت: لا بابا خلاص ... كلها شهر وبردلكم
بو جوري وهو يبوس بنته على راسها: فديتج (ولوى عليها)
حارب وهو يكوك أمه على أخته: امااااايه ... شوفي بنتج! كلت عليج الجو
اممرررة ...! حطت ريلج تحت باطها
أم جوري: أنا أمها وراضيه .... بسك لا تتحرش ابها ... روحها بتودرنا شهر كامل
حارب وهو يتذكر المعسكر وصدق مزاجه اتعكر: اففف الحينه بتنقرش فمنووووه يوم جوري مب موجوده!
وخذ حارب كاميرا جوري وتم يصورها وهي اترمس أبوها ويقول اف خاطره: فديييتج يا جوجو ... محد يسواج ... ع كثر ما تأذيني ما أصبر عنج
وعقب الحفله الروعه طلعوا من الميلس ... جواهر ردت بيتها ويا ريلها ... وأم جوري وأبوها ساروا قسمهم وهم صدق مستانسين
(على فكره ... اليوم الظهر .. بو جوري كان عازم أم جوري على الغدى اف ميناء السلام بمناسبة عيد زواجهم ال 32 ... عسب جي ما كانوا موجودين فالبيت الظهر يوم استوت الأحداث اللي بالي بالكم ههههههه )
وحارب رد ظهر من البيت مرة ثانيه ... ههههه لازم يوم الخميس ... مايروم ييلس فالبيت ...
أما جوري فردت غرفتها وهي مستانسه واف نفس الوقت اتفكر فاللي يترياها فالايام اليايه
بدلت ملابسها ولبست بيجامتها وانخشت تحت اللحاف واستسلمت للنوم مثل الأطفال ونست تتصل اف منى ربيعتها عسب تتخبرها عن اللي اشترته ... وكل همها اتنام عسب اتسافر لأحلامها الورديه
وانتهى الخميس بكل أحداثه
وما بقى غير أيام معدوده وبتودع جوري أهلها عسب اتعيش أحلامها اللي راودتها سنين
يا ترى شو تحملج الأيام يا جوري؟!
وشو المفاجآت اللي تترياج؟
.
.
.
ويا يوم الجمعه ... وماكان فيه شي مميز ... جوري كانت تستعد حق الكليه .. واتخلص الريبورتات المطلوبه منها ... وأم جوري كانت مسيره على أهلها ... وبو جوري كالعاده اف أشغاله اللي أبدا ما اتخلص لا اف ويكيند ولا غيره ... وحارب بعد ما ظهر من البيت الا حق صلاة اليمعه ومن عقبها يلس يخلص أشغال البنك ع اللابتوب والبيت كان جدا هادي ... وانتهى اليوم
ومن عقبها مر الاسبوع مثل البرق ... مابين الدوامات والبيت والمشاوير اليوميه
ويا يوم الأربعا وهو آخر يوم دراسي فالكليه ويصادف 31/5 ... وكان فعلا يوم متعب لجوري وكل البنات فالكليه من مختلف التخصصات ... كل وحده فيهن اتشطب على الريبورتات ... اتضيف وتحذف ومن هالسوالف اللي ما اتخلص ...
ويا وقت البريك ع الساعه 2 الظهر
جوري كانت فعلا واصله حدها وشكلها يبين حجم الارهاق اللي فيها .. الهالات السودا حول عينها من التعب ... وعيونها مافيها ولا نقطه كحل ... وويهها شاحب وحتى انها كانت لابسه سبورت عسب اتكون عمليه أكثر ...
جوري وهي اتطرش آخر ريبورت بالايميل للمس: آآآآآآآه وأخيرا!
منى كانت مخلصه قبلها بشوي: هااا خلصتي؟!
جوري: افففف ما بغيت والله أحس اني منتهيه ع الآخر
ومها خلصت؟
منى: هيه خلصت وسارت المسيد اتصلي
جوري مثل اللي توها اتذكرت: شيت! ما صليت!
وسارت صوب الحمامات اللي تابعه لمبناهم واتيددت استعدادا للصلاه
وردت الكلاس
جوري: ماروم أسير المسيد بصلي فالكلاس
منى وبحركه معاونه فرشتلها السياده واتوجهت جوري لربها اتصلي ومن عقبها تشكره على انها سلمت المطلوب منها وتدعيه انها يوفقها هي وربيعاتها فاللي بيسونه
وعقب ما خلصت سارت عند ربيعتها منى
منى بابتسامه حنونه كعادتها: تقبل الله
جوري وردت عليها الابتسأمه: منا ومنكم صالح الأعمال فديتج
ويلسن شوي يتناقشن اف موضوع سيرة العين خاصه انه مابقى عليها غير يوم واحد بس!
__________________ كل عام وانتم بألف ألف خير |