| رد: بلغ حبيبك وقوله ,,, باخذك منه ... قصة ولا أروع
وشوي وانضمت لهن مها وكانت شاريتلهن من ال shop اللي فالكليه كاكاو
وعقب ما خلصن قررن يسيرن عند المس ايلين عسب يتفقون على الترتيبات الأخيره
وخبرتهن المس انهن لازم يكونن باجر الساعه 10 الصبح فالكليه ومن عقبها بيتحرك الباص جدا دار الزين
وتمت اتطمنهن .. وقالتلهن انها بتكون وياهن فالرحله ... وخبرتهن انها مضبطه كل شي مع المكتب ... والمكتب حصلوا 3 من أحسن العوايل اللي دوم يتعاملون وياهم بحيث انهن ما يتمرمطن ... وتعدي هالسالفه على خير ...
ووصتهن انه كل وحده فيهن اتشل لابتوبها واتدسه عدل ... وتكتب كل يوم ريبورت عن كل الأحداث اللي واجهتها اف يومها ... وخبرتهن انها موجوده اف أي لحظه يحسن انهن محتايين للعون .. وعطتهن رقمها الخاص في حال بغن أي مساعده ... وقالتلهن انها بتجتمع فيهن كل جمعه وهو يوم اجازتهن ما عدا أول جمعه .. عسب اتكون معاهن خطوة بخطوة واتوفرلهن الدعم الكافي
ومن عقب هالرمسه وهالتوجيهات من ايلين حسن البنات براحه ... واتوكلن على ربهن وردن الكلاس
جوري وهي تتنهد: أحس انها ريحتني بكلامها وايد
منى: هيه والله .. ع كثر ماكنت أبغضها الا اني أحترمها الحين
مها: الحمدلله كل شي أوكي لين الحين
جوري: انتن رتبتن قشاركن؟!
منى: أنا تقريبا مخلصه
مها: انا يبالي آخذلي كمن شي وعقب بسكر الشنطه
جوري: وانا بعد كل شي زاهب ... بس حاسه انه بطني يعورني هههههههه
منى: هههههههههه لا تخوفيني جوري
مها: أتمنى انه نسكن حذال بعض
جوري: يمكن ليش لأ .. بس حتى لو ما سكنا حذال بعض مب مشكله ... تيلفوناتنا ما بتنقطع طول الوقت ...
ايييه صح!!
لا تنسون الجراجه مال التيلفون ولا مال اللاب توب!
منى: شيييت! زين انج ذكرتينيّ!
صح ملابسكن عندي خذتلكن لبس حلو ههههههههههههه
جوري: الله يستر من اللي ماخذتنه منوووه ههههههههههههههههه
منى: انزين عادي مال مهنده ... وبعدين نحن ها بنلبسه كل جمعه يوم اوننا ظاهرين من البيت وعقب بنسير عند ايلين الفندق وبنبدل .. يعني مال كمن دقيقه
مها: هههههههههه أحس يضحك
جوري: هيه صح يبتلكن ال uniform ... كل وحده 2
منى ومها: ثاااانكس
منى: ذكرينا انشله قبل نهاية الدوام
جوري: أوكيك
.
.
.
وانتهى الدوام بالنسبه للبنات كلهن وسلمن على بعض وكل وحده اتوصي الثانيه انها ما تقطع فالاجازة .. واللي تلوي على ربيعتها ... واللي اتصيح ... واللي حالتها حاله ... وكل وحده ظاهره من الكلاس وهي شاله أغراضها الشخصيه وكومة فايلات لأنه الاجازة خلاص بدت .. والكلاس لازم يفضى ... عسب يستقبل بنات يداد السمستر الياي ... كحال كل سنه دراسيه
فالكلاسات كأنها محطات تستقبل واتودع وهاي هي طبيعة الحياة
لكن الوضع مختلف مع شلتنا الحلوة ,,, فبيبدى لهن دوام ثاني باجر ... لكن هن متحمسات وان شاء الله يكون حماسهن اف محله
وردن بيوتهن على أمل انهن يتلاقن باجر فالكليه
وانتهى يوم أنهى معاه رحلة دراسيه شاقه وسمستر حافل بمواقف كثيره لكل البنات ... منها مواقف حلوة ومنها مواقف محرجه ... وفي منها الحزينه
لكن مع بداية الاجازة الصيفيه ... النكد ما يكون له وجود ... والابتسامه ترتسم على معظم الويوه .. والكل يستعد لصيف حافل
وكل عام دراسي وانتوا بخير
.
.
.
ارقبوا الجزء القادم
واللي بيكون بداية الاجازة الصيفيه وبداية تجربه يديده يخوضونها بطلاتنا
فالى الملتقى
__________________ كل عام وانتم بألف ألف خير |