المشاركة الأصلية كتبت بواسطة الملك الحزين

والله يا أختي شيري لو تعرفي بس أنا قد ايش أتمنيت من كل قلبي يكون ليا أخت أتكلم معاها تقلي على مشاكلها وأقلها على مشاكلي
والله أنا محتاج أحد أحكيلو مشاكلي ويسمعني وأسمعله
حتى أصحاب ما عندي وأخواني كل واحد مشغول في حياته الله يوفقهم
وأنا اللي قاعد لحالي مافي أحد يسمع مشاكلي
والله أنا لمن أكون قاعد لحالي بس دايماً أبكي ونفسيتي تتعب
والله أنا حياتي سارت تعيسة خلاص وسرت وحيد في حياتي
حتى أبوية متوفي الله يرحمه مني لاقي أحد يعطف عليا غير أمي
حتى أمي مشغولة مع ستي لأنو ستي مسكينة كبيرة ويبغالها رعاية
خلاص مابقي غيري في البيت وحيد وحزين ومتضايق وحالتي ما يعلم بيها غير ربنا
بس خلاص ما أبغا أزعجكم بمشاكلي ربنا يعينني وخلاص على حياتي التعيسة
وشكراً